(រាជធានីរីយ៉ាដ ព្រះរាជាណាចក្រអារ៉ាប៊ីសាអូឌីត)៖ នៅថ្ងៃទី ១-២ ខែតុលា ឆ្នាំ២០២៥ ឯកឧត្តម លីវ សុផាណារិទ្ធិ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញចូលរួមវេទិកាស្តីពី សន្តិសុខសាយប័រសកលលោក ដែលផ្តោតលើប្រធានបទ ” Scaling Cohesive Advancement in Cyberspace” ដែលរៀបចំដោយអាជ្ញាធរជាតិសន្តិសុខសាយប័ររបស់ព្រះរាជាណាចក្រអារ៉ាប៊ីសាអ៊ូឌីត និងមានការអញ្ជើញចូលរួមពីបណ្តាថ្នាក់ដឹកនាំជាន់ខ្ពស់ពីបណ្តាប្រទេសនានានៅជុំវិញពិភពលោក ដើម្បីចូលរួមចែករំលែកនូវចំណេះដឹង ទស្សនៈ ដើម្បីបង្ការនិងទប់ស្កាត់ហានិភ័យក្នុងសន្តិសុខសាយប័រ។ វេទិកានេះ រៀបចំឡើងដោយផ្តោតលើបញ្ហាសំខាន់ៗ ដែលកំពុងកើតឡើងនិងស្វែងរកដំណោះស្រាយដ៏មានប្រសិទ្ធភាពចំពោះបញ្ហាប្រឈមក្នុងគោលដៅដើម្បីដោះស្រាយ និងការពង្រឹងសមត្ថភាពការការពារក្នុងសន្តិសុខសាយប័រ ។ កំឡុងពេលនៃវេទិកាប្រជុំកម្រិតខ្ពស់ ឯកឧត្ដមរដ្ឋលេខាធិការ តំណាងឱ្យរាជរដ្ឋាភិបាលកម្ពុជា បានលើកយកប្រធានបទចំនួន៣ សំខាន់ៗ រួមមាន (១) ភាពចាំបាច់សំរាប់សហគមន៏ចូលរួមជំរុញលើកកម្ពស់ចំណេះដឹងផ្នែកសន្តិសុខសាយប័រដើម្បីធានារការប្រើប្រាស់ប្រពន្ធ័ឌីជីថលដែលមានសុវត្ថិភាពនិងប្រសិទ្ធិភាព (២) ការលើកកម្ពស់ផ្នែកយេនឌ័រដើម្បីឱ្យចូលរួមក្នុងវិស័យសន្តិសុខសាយប័រ និង (៣) សារៈសំខាន់នៃភាពជាអ្នកដឹកនាំសាយប័រ ក្នុងការការពារ និងលើកតម្កើងវិស័យសាយប័រ។ កិច្ចពិភាក្សាលើប្រធានបទទាំងនេះ មានគោលបំណងសំខាន់ក្នុងការធ្វើឱ្យប្រសើរឡើងនៃលំហសាយប័រ និងការបង្កើនភាពធន់ទៅនឹងភាពអវិជ្ជមានលើវិស័យសន្តិសុខសាយប័រ ដោយមានការចែករំលែកចំណេះដឹង និងកិច្ចសហការលើដំណោះស្រាយសម្រាប់អនាគត៕ ដោយ ៖ ង៉ាន់ ទិត្យ

(ត្បូងឃ្មុំ)៖ ឯកឧត្តម វង សូត អនុប្រធានទី២រដ្ឋសភា បានថ្លែងណែនាំ និងលើកទឹកចិត្តដល់សិស្សដែលប្រឡងជាប់សញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២៤-២០២៥ ដែលមកពីវិទ្យាល័យជាច ក្នុងខេត្តព្រៃវែង និងវិទ្យាល័យ ហេង សំរិនអន្លង់ជ្រៃ ខេត្តត្បូងឃ្មុំ ឱ្យខិតខំប្រឹងប្រែងរៀនសូត្រ បន្តនូវមុខវិជ្ជាដែលខ្លួនពេញចិត្ត ដើម្បីអនាគតខ្លួនឯង ក្រុមគ្រួសារ និងប្រទេសជាតិ។ ការថ្លែងណែនាំបែបនេះ របស់ឯកឧត្តម វង សូត ក្នុងឱកាសអញ្ជើញជួបសំណេះសំណាល និងប្រគល់រង្វាន់លើកទឹកចិត្តដល់សិស្សនិទ្ទេស A B C មកពីវិទ្យាល័យសម្តេច ហេង សំរិន អន្លងជ្រៃ និងវិទ្យាល័យជាច ដែលពិធីនេះប្រារព្វធ្វើនៅវិទ្យាល័យសម្តេច ហេង សំរិន អន្លងជ្រៃ ស្ថិតក្នុងឃុំកក់ ស្រុកពញាក្រែក ខេត្តត្បូងឃ្មុំ នាព្រឹកនៅថ្ងៃទី៦ ខែតុលា ឆ្នាំ២០២៥។ ឯកឧត្តមអនុប្រធានទី២រដ្ឋសភា បានកោតសរសើរចំពោះសិស្សានុសិស្ស ដែលមានឆន្ទៈក្នុងការខិតខំប្រឹងប្រែងរៀនសូត្រ រួមផ្សំជាមួយនឹងការយកចិត្តទុក្ខដាក់ពី មន្ទីរអប់រំយុវជន និងកីឡា គណៈគ្រប់គ្រងសាលា លោកគ្រូ អ្នកគ្រូ អាជ្ញាធរគ្រប់លំដាប់ថ្នាក់ និងដោយមានការលើកទឹកចិត្តពីឪពុកម្តាយ …

(ភ្នំពេញ) ៖ ក្រសួងរៀបចំដែនដី នគរូបនីយកម្ម និងសំណង់ និងក្រសួងមហាផ្ទៃ បានឈានមកដល់របត់នៃឱកាសសម្រាប់ធ្វើការងារថ្មី និងក្រោយពីការបង្កើតនូវបរិយាកាសគ្មានវិវាទនៅកម្ពុជា ក្រសួងទាំងពីរបានរួមគ្នាងាកមកគិតគូរលើការងាររៀបចំដែនដី និងនគរូបនីយកម្ម ដែលជាការបើកទំព័រថ្មីសម្រាប់សង្គមជាតិទាំងមូល ។ កិច្ចប្រជុំលើកដំបូង របស់គណៈកម្មាធិការរៀបចំដែនដី និង នគរូបនីយកម្មថ្នាក់ជាតិ ក្រោមការអញ្ជើញជាសហអធិបតី ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ក្រសួងមហាផ្ទៃ ក្រសួងព្រះបរមរាជវាំង ក្រសួងសាធារណៈការ និងដឹកជញ្ជូន ថ្នាក់ដឹកនាំមកពីក្រសួង ស្ថាប័ន ដែលជាសមាជិកគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ រដ្ឋបាលខេត្ត មន្ទីរនិងអាជ្ញាធរមូលដ្ឋានពាក់ព័ន្ធ នាព្រឹកថ្ងៃទី៦ ខែតុលា ឆ្នាំ២០២៥ នាទីស្តីការក្រសួង ។ កឧត្តមឧបនាយករដ្ឋមន្ត្រី សាយ សំអាល់ មានប្រសាសន៍ថា ផ្តើមចេញពីថ្ងៃនេះ យើងនឹងប្រែក្លាយទីប្រជុំជនទាំងអស់ ឱ្យទៅជាបុរីជនបទ ភូមិឋានក្សេមក្សាន្ត ទ្រនំសុភមង្គល…

(ភ្នំពេញ)៖ សម្ដេចតេជោ ហ៊ុន សែន ប្រមុខរដ្ឋស្ដីទី នាថ្ងៃទី០៦តុលា ឆ្នាំ២០២៥ បានបង្ហាញឃ្លគិបវីដេអូមួយលើបណ្ដាញសង្គម និងបានប្រាប់ទៅជនរួមជាតិកម្ពុជា ថា សូមកុំធ្វើទង្វើអមនុស្ស ដូចជនជាតិស៉ីវិល័យមួយ ដែលតែងតែអួតថា មានគុណធម៌ សីលធម៌ និងអរិយធម៌ខ្ពស់ ។ នៅលើបណ្ដាញសង្គម សម្ដេចតេជិ បានបង្ហោះឃ្លីប អមដោយសំណេរថា នេះឬជាជនជាតិស៉ីវិល័យមានគុណធម៌ សីលធម៌ និងអរិយធម៌ខ្ពស់? សូមជនរួមជាតិកម្ពុជា កុំធ្វើទង្វើអាក្រក់បែបនេះដែលជាទង្វើអមនុស្ស និងអន់ជាងសត្វ។ មិនថាវីដេអូនេះធ្វើដោយមនុស្សផ្ទាល់ ឬដោយ AI គឺសុទ្ធតែបង្ហាញនូវអំពើអាក្រក់ទាំងអស់មិនថាជនជាតិណា ឬក្រុមណានោះទេ។ កន្លងមកនេះ បងប្អូនយើងមួយចំនួនបាន សុំមកខ្ញុំដើម្បីធ្វើការតបតតាមរយៈយករូបថត ឬព្រះឆាយាលក្ខព្រះមហាក្សត្រថៃ យកមកដាក់ ហើយបាញ់យករង្វាន់ដូចជនជាតិថៃមួយចំនួនបាននិងកំពុងធ្វើ។ សម្ដេចតេជោ បានប្រាប់ទៅវិញថា បើយល់ថាគេធ្វើបែបនេះជាការខុស សូមកុំប្រឡងយកខុសជាមួយគេធ្វើអី ព្រោះអំពើបែបនេះជាអំពើអមនុស្ស និងអន់ជាងសត្វទៅទៀត។ សម្ដេចបានពន្យល់បន្ថែមថា ពួកគេធ្វើបែបនេះក្នុងគោលដៅធ្វើឲ្យខ្ញុំបាត់បង់ការអត់ធ្មត់ក្នុងពេលបទឈប់បាញ់ កំពុងស្ថិតក្នុងស្ថានភាពផុយស្រួយ ឬយ៉ាងហោចណាស់ញុះញង់ឲ្យកងទ័ពនិង ប្រជាជនយើងមួយចំនួនតបតតាមរបៀបបង្កអរិយភាព។ សម្ដេចតេជោ សូមអំពាវនាវជនរួមជាតិយើង សូមកុំយកព្រះឆាយាលក្ខព្រះមហាក្សត្រថៃ ឬរូបថតមេដឹកនាំថៃណាមួយមកធ្វើមិនគប្បីឲ្យសោះ។ ទោះជាប្រទេសយើងតូច ប្រជាជនយើងមានចំនួនតិច…

(ភ្នំពេញ)៖ សូមពលករខ្មែរដែលទើបត្រលប់មកពីប្រទេសថៃ ត្រូវខិតខំធ្វើការនៅក្នុងប្រទេសរបស់យើង ដើម្បីជួយគ្រួសារ និងសង្គមសេដ្ឋកិច្ចជាតិឱ្យកាន់តែប្រសើរឡើង ព្រោះថាការងារនៅកម្ពុជានិយាយជារួម ក៏ដូចជានៅខេត្តកណ្តាលនិយាយដោយឡែក មិនខ្វះទេឱកាសធ្វើការងារព្រោះតំបន់សេដ្ឋកិច្ចឧស្សាហកម្មជាច្រើនកំពុងត្រូវការកម្លាំងពលកម្ម និងទទួលបានអត្ថប្រយោជន៍ផ្សេងៗជាច្រើនទៀត ផងដែរ ។ ប្រសាសន៍ ឯកឧត្តមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញាវត្ថុ និងជាក្រុមការងាររាជរដ្ឋាភិបាលចុះមូលដ្ឋានស្រុកពញាឮ ខេត្តកណ្តាល កាលពីថ្ងៃទី៥ ខែតុលា ឆ្នាំ២០២៥ ក្នុងឱកាសអញ្ជើញបើកវេទិកាការងារ និងការចុះឈ្មោះស្វែងរកការងារធ្វើរបស់ពលរដ្ឋ និងពលករខ្មែរដែលបានវិលត្រឡប់មកពីប្រទេសថៃ និងកំពុងស្វែងរកការងារធ្វើ ក្នុងនោះមានការសម្ភាសការងារជ្រើសរើសដោយផ្ទាល់ជាមួយតំណាងក្រុមហ៊ុន និងក្រុមការងារទីភ្នាក់ងារជាតិមុខរបរនិងការងារ ដែលកម្មវិធីនេះបានរៀបចំ នៅជើងភ្នំព្រះរាជទ្រព្យ ស្រុក ពញាឮ ខេត្តកណ្តាល ។ កម្មវិធីនេះមានការអញ្ជើញចូលរួមពី អាជ្ញាធរពាក់ព័ន្ធ តំណាងក្រុមហ៊ុន ព្រមទាំងបងប្អូនប្រជាពលរដ្ឋ និងពលករដែលបានវិលមកពីប្រទេសថៃចូលរួមសរុបប្រមាណចំនួន ៣០០នាក់។ ឯកឧត្តមរដ្ឋលេខាធិការ ក៏បានអំពាវនាវដល់ពលរដ្ឋដែលជាសមាជិកគ្រួសារដែលមានបណ្ណសមធម៌,បណ្ណគ្រួសារងាយរងហានិភ័យ ដែលបានវិលត្រឡប់មកពីប្រទេសថៃវិញ សូមមកចុះឈ្មោះសិក្សាជំនាញវិជ្ជាជីវៈក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសជូនដល់យុវជនមកពីគ្រួសារក្រីក្រ និងងាយរងហានិភ័យ (TVET) របស់រាជរដ្ឋាភិបាល ដើម្បីទទួលបានការសិក្សាជំនាញវិជ្ជាជីវៈដោយមិនគិតថ្លៃ និងប្រាក់ឧបត្ថម្ភប្រចាំខែ ក៏ដូចជាទទួលបានចំណេះជំនាញ ពិតប្រាកដ ដើម្បីឈានចាប់យកឱកាសការងារដែលកំពុងមានច្រើនកន្លែងក្នុងប្រទេសកម្ពុជា។ ឯកឧត្តមបណ្ឌិតរដ្ឋលេខាធិការ បន្ថែមថា…