(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជា អធិបតីភាពដ៏ខ្ពង់ខ្ពស់ដឹកនាំកិច្ចប្រជុំ ឧត្តមក្រុមប្រឹក្សាពិគ្រោះ និងផ្តល់យោបល់ ប្រចាំឆមាស លើកទី២ នៅវិមានសន្តិភាព ទីស្តីការនាយករដ្ឋមន្ត្រី នាព្រឹកថ្ងៃទី៣ ខែធ្នូ ឆ្នាំ២០២៤ ដោយមានការចូលរួម ពីគណបក្សនយោបាយចំនួន ២៩ គណបក្ស។ សម្តេចធិបតី ហ៊ុន ម៉ាណែត បានបញ្ជាក់ថា នេះជាកិច្ចប្រជុំលើកទីពីរហើយ ដែលរាជរដ្ឋាភិបាលកម្ពុជា នីតិកាលទី៧ បានជួបប្រជុំ ជាមួយតំណាងគណបក្សនយោបាយដែលមិនមានអាសន:ក្នុងសភា តែអាចជួបជាមួយគ្នា ដោយប្រើប្រាស់ យន្តការឧត្តមក្រុមប្រឹក្សាពិគ្រោះ និងផ្តល់យោបល់ សម្រាប់បើកឱកាស ឱ្យតំណាងបណ្តាគណបក្ស នយោបាយ អាចផ្តល់មតិយោបល់ ឬធាតុចូលផ្សេងៗ ជាមួយរាជរដ្ឋាភិបាល។ លេខាធិការដ្ឋានឧត្តមក្រុមប្រឹក្សាពិគ្រោះ និងផ្តល់យោបល់ បានឱ្យដឹងថា កិច្ចប្រជុំរួមមាន៖ ១.សុន្ទរកថាបើកកិច្ចប្រជុំ និងការវាយតម្លៃខ្ពស់ ចំពោះការរួមចំណែករបស់ប្រតិភូគណបក្សឧត្តមក្រុម ប្រឹក្សាពិគ្រោះ និងផ្តល់យោបល់ ក្នុងការផ្តល់ទស្សនទាន ស្ថាបនារយៈពេល ១ឆ្នាំកន្លងមក ដោយសម្តេច មហាបវរធិបតី ហ៊ុន…

(ភ្នំពេញ)៖ ក្រសួងកសិកម្ម រុក្ខាប្រមាញ់ និងនេសាទ នឹងរៀបចំព្រឹត្តិការណ៍ “ពិព័រណ៍វារីវប្បកម្មកម្ពុជាលើកទី១” ដែលនឹងប្រព្រឹត្តទៅចាប់ពីថ្ងៃទី៦-៧ ខែធ្នូ ឆ្នាំ២០២៤ នៅផ្សាររាត្រីសាន់សាញ បឹងកក់ រាជធានីភ្នំពេញ។ ក្រសួងកសិកម្មបានឱ្យដឹងថា ក្នុងព្រឹត្តិការណ៍នេះធ្វើឡើង ដើម្បីបង្កើនការយល់ដឹងជាសាធារណៈអំពីគុណភាពត្រីចិញ្ចឹមរបស់កម្ពុជា និងលើកកម្ពស់ការយល់ដឹងអំពីចំណី ពូជ ការផ្គត់ផ្គង់ បច្ចេកវិទ្យាថ្មីៗដែលប្រើប្រាស់ក្នុងវារីវប្បកម្ម ជំរុញការទំនាក់ទំនង កិច្ចសហការរវាងភាគីពាក់ព័ន្ធក្នុងខ្សែច្រវាក់តម្លៃវារីវប្បកម្ម ព្រមទាំងបង្កើតយន្តការផ្សព្វផ្សាយ ចែករំលែកចំណេះដឹង បទពិសោធន៍ និងមេរៀនក្នុងការអភិវឌ្ឍប្រព័ន្ធទីផ្សារវារីវប្បកម្មកម្ពុជា ។ បើតាមក្រសួងកសិកម្មបានឱ្យដឹងថា៖ក្នុងព្រឹត្តិការណ៍នេះក៏មានការតាំងបង្ហាញផងដែរនូវស្តង់វារីវប្បកម្មស្រស់ និងវារីវប្បកម្មកែច្នៃ ពីម្ចាស់អាជីវកម្ម និង ម្ចាស់កសិដ្ឋាននានាដូចជាត្រី ធនធានធម្មជាតិទឹកសាប សមុទ្រជាដើម។ក្រៅពីនេះក៏នឹងផ្តល់នូវចំណេះដឹងពីការចិញ្ចឹមត្រីប្រកបដោយសុវត្តិភាព និង គុណភាពក្នុងបរិភោគផងដែរ។ក្រៅពីនេះក៏ទស្សនាពីល្បែងចាប់ត្រី និងមានការចូលរួមពីក្រុមសិល្បៈជាច្រើនរូបក្នុងកម្មវិធីដ៏អធិកអធមនេះទៀតផង៕ ដោយ ៖ ម៉ាដេប៉ូ

(ចិន)៖ នៅរដ្ឋធានីប៉េកាំង នាព្រឹកថ្ងៃទី៣ ខែធ្នូ ឆ្នាំ២០២៤ ដែលជាថ្ងៃទី២ នៃដំណើរបំពេញទស្សនកិច្ចមិត្តភាព ផ្លូវការ នៅសាធារណរដ្ឋប្រជាមានិតចិន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា កម្ពុជា និងជាប្រធានគណបក្សប្រជាជនកម្ពុជា និងគណៈប្រតិភូជាន់ខ្ពស់ កម្ពុជា អញ្ជើញទសន្សនកិច្ចសាលារដ្ឋបាលជាតិ នៃគណៈកម្មាធិការមជ្ឈឹមបក្សកុម្មុយនីស្តចិន ក្នុងរដ្ឋធានីប៉េកាំង សាធារណរដ្ឋប្រជាមានិតចិន ។ នៅសាលារដ្ឋបាលជាតិ នៃគណៈកម្មាធិការមជ្ឈឹមបក្ស កុម្មុយនីស្តចិន វត្តមាននៃការអញ្ជើញដល់របស់ សម្តេចតេជោ ប្រធានព្រឹទ្ធសភា និងជាប្រធានគណបក្សប្រជាជនកម្ពុជា ត្រូវបានការធ្វើគារវកិច្ចស្វាគមន៍យ៉ាងស្និទ្ធស្នាលរ៉ាក់ទាក់បំផុត ពីឯកឧត្តម លោកជំទាវ ជាឥស្សរជនជាន់ខ្ពស់ ជាថ្នាក់ដឹកនាំសាលារដ្ឋបាលជាតិ នៃគណៈកម្មាធិការ មជ្ឈឹមបក្សកុម្មុយនីស្តចិន ជាច្រើនរូប។ សាលារដ្ឋបាលជាតិនៃគណៈកម្មាធិការមជ្ឈឹមបក្សកុម្មុយនីស្តចិន គឺជាគ្រឹះស្ថានឧត្តមសិក្សាដែលបណ្តុះបណ្តាល កម្មាភិបាលបក្សកុម្មុយនិស្តចិន។ វាមានទីតាំង នៅសង្កាត់ Haidian ទីក្រុងប៉េកាំង ជិតវិមានរដូវក្តៅ និងវិមានរដូវក្តៅចាស់។ នាយកគ្រប់គ្រងបច្ចុប្បន្នគឺលោក Chen Xi អតីតសមាជិកការិយាល័យនយោបាយ បក្សកុម្មុយនីស្តចិន។ សាលាបក្សនៃគណៈកម្មាធិការមជ្ឈិមបក្សកុម្មុយនិស្តចិននៅទីក្រុងប៉េកាំង ដែលគេស្គាល់ថាជាសាលាបក្ស កណ្តាល គឺជាគ្រឹះស្ថានឧត្តមសិក្សាដែលបណ្តុះបណ្តាល…

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករងកំពង់ធំ កាលពីព្រឹកថ្ងៃទី២ ខែធ្នូ​ឆ្នាំ២០២៤​បានដឹក​នាំកង​កម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ចូលរួមក្នុង​ពិធីមីទ្ទិញអបអរសាទរ​ខួបអនុស្សាវ​រីយ៍លើកទី៤៦ (២ ធ្នូ ១៩៧៨ – ២ ធ្នូ ២០២៤) ទិវាកំណើតរណសិរ្សសាមគ្គីអភិវឌ្ឍន៍មាតុភូមិកម្ពុជា​ ក្រោម​អធិបតី​ភាពឯកឧត្តម ញឹក បានខេង អនុប្រធានគណៈកម្មា​ធិការ​រណសិរ្សសាមគ្គីអភិវឌ្ឍន៍មាតុភូមិកម្ពុជា ខេត្តកំពង់ធំតំណាងឯកឧត្តម វង្សី វិស្សុតជាប្រធានក្រុមការងាររបស់រាជរដ្ឋាភិបាលចុះមូលដ្ឋាន​ខេត្តកំពង់ធំ ។ ក្នុងឱកាសនេះឯកឧត្តម ញឹក បានខេង បានអានសុន្ទរកថារបស់​សម្ដេច​កិត្តិ​សង្គហបណ្ឌិត ម៉ែន សំអន ប្រធានក្រុមប្រឹក្សាជាតិ រណសិរ្សសាមគ្គីអភិវឌ្ឍន៍មាតុភូមិកម្ពុជា និងជាឧត្តមក្រុមប្រឹក្សាផ្ទាល់​ព្រះមហាក្សត្រនៃព្រះរាជាណាចក្រកម្ពុជា ដែលបានឆ្លុះ​បញ្ចាំងពីប្រវត្តិ នៃកម្លាំងអ្នក ស្នេហាជាតិ មកពីគ្រប់ទិសទីទាំងក្នុងនិងក្រៅ​ប្រទេស​បានក្រោកឈរឡើងប្រកាសបង្កើតរណសិរ្ស ដឹកនាំការរំដោះ​ជាតិ​មាតុភូមិ និងប្រជាជនពីគ្រោះមហន្តរាយប្រល័យពូជសាសន៍ប៉ុលពត រហូតទទួលបានជ័យជម្នះជា​ប្រវត្តិសាស្ត្រ​នៅថ្ងៃទី៧ ខែមករា ឆ្នាំ១៩៧៩។ ឧត្តមសេនីយ៍ទោ សោម ស៊ុន តាងនាមមេបញ្ជាការ មេបញ្ជាការរង នាយទាហាន នាយទាហានរង និងពលទាហានទាំង អស់ សូមអបអរ​សាទរយ៉ាងក្លៀវក្លាចំពោះខួបអនុស្សាវរីយ៍លើកទី៤៦ នៃទិវាកំណើត​រណសិរ្សសាមគ្គីអភិវឌ្ឍន៍​មាតុភូមិ​កម្ពុជានិង បានប្ដេជ្ញាចិត្តដាច់​ខាតការពារសុខសន្តិភាព ដែលកំពុងមានដូចសព្វថ្ងៃនេះ ឱ្យនៅ​គង់វង្សជារៀងរហូត៕ដោយ៖​ប៊ុន​រដ្ឋា