សៀមរាប៖ នៅស្នាក់ការគណបក្សប្រជាជនកម្ពុជាស្រុកជីក្រែង ខេត្ត​សៀមរាបកាលព្រឹកថៃ្ងទី២ ខែធ្នូ ឆ្នាំ២០២៤ មានប្រារព្ធមីទ្ទិញ​អបអរសាទ​ររំលឹកខួបអនុស្សាវរីយ៍លើកទី៤៦ទិវាកំណើតរណ​សិរ្ស​សាមគ្គីអភិវឌ្ឍន៍មាតុភូមិកម្ពុជា(២ធ្នូ ១៩៧៨-២ធ្នូ២០២៤)ក្រោម​អធិបតី​ភាពលោក សឿន រឿត សមាជិកគណៈកម្មាធិការកណ្តាល និងជាប្រធានក្រុមការងារគណ​បក្សប្រជាជន​ចុះមូលដ្ឋាន​ស្រុកជីក្រែង ខេត្តសៀមរាប ដោយមានការនិមន្ត និងអញ្ជើញចូលរួមពីព្រះសង្ឃ សមាជិកក្រុមការងារ​លោកស្រីជា​សមាជិក​រណសិរ្សស្រុក មន្ត្រីរាជ​ការជុំវិញស្រុក កងកម្លាំងប្រដាប់អាវុធ ក្រុមយុវជនកាកបាទក្រហម  សិស្សានុសិស្ស និង អាជ្ញាធរ ភូមិ ឃុំចូលយ៉ាងច្រើនកុះករ។ ក្នុងឱកាសនវលោក បូ ម៉េងទ្រី ប្រធានគណៈកម្មាធិការរណសិរ្សសាមគ្គី អភិវឌ្ឍន៍មាតុភូមិកម្ពុជាស្រុក ជីក្រែង បានអាននូវ​សុន្ទរកថា របស់​សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិ រណសិរ្ស​សាមគ្គី អភិវឌ្ឍន៍មាតុភូមិកម្ពុជា និង ជាឧត្តមក្រុម​ប្រឹក្សាផ្ទាល់ព្រះ​មហាក្សត្រ នៃព្រះរាជាណាចក្រកម្ពុជា។ មានប្រសាសន៍ក្នុងឱកាសនោះដែរលោក សឿន រឿត បានបញ្ជាក់ថា  ថ្ងៃ២ធ្នូ ជាប្រវត្តិសាស្រ្តចារឹកជាប់ក្នុងបេះ​ដូងប្រ​ជា​ជនកម្ពុជាគ្រ​ប់​រូប មានថ្ងៃ២ធ្នូ ទើបមាន ថ្ងៃ៧មករា ។មានថ្ងៃ៧មករាទើប​មាន​សុខ​សន្តិភាព និងការអភិវឌ្ឍលើគ្រប់វិស័យ​ដូចសព្វថ្ងៃនេះ ។នេះជា​សច្ចធម៌​ប្រវត្តិសាស្រ្ត៕ ដោយ៖ប៊ុន រដ្ឋា

កែប៖ ឯកឧត្តមបណ្ឌិត សោម ពិសិដ្ឋ អភិបាលខេត្តកែបមាន​ប្រសាសន៍ថា ពលរដ្ឋកម្ពុជា សូមគោរពដឹងគុណយ៉ាងជ្រាលជ្រៅ និង​ចងចាំជានិច្ចនូវទិវាកំណើតរណសិរ្ស ២ ធ្នូ ក៏ដូចជាទិវា ៧ មករា ដែលជាថ្ងៃកំណើតទី២ របស់ប្រជាជនកម្ពុជា។​ជាមួយគ្នា​នេះ​យើង​នឹងរួមគ្នាថែរក្សា និង ពង្រីករាល់សមិទ្ធផលសង្គមជាតិដែលកើតចេញពី ទិវាជាប្រវត្តសាស្ត្រទាំងពីរនេះឱ្យបានស្ថិតស្ថេ គង់វង្ស និងអភិវឌ្ឍន៍​តាមរយៈការការពារឱ្យបានដាច់ខាតនូវសន្តិភាព។ ឯកឧត្តមបណ្ឌិតលើកឡើងបែបនេះពិធីអបអរសាទរខួប អនុស្សាវរីយ៍​លើកទី៤៦ ទិវាកំណើតរណសិរ្យសាមគ្គីអភិវឌ្ឍន៍​មាតុភូមិ​កម្ពុជានៅ​សាលប្រជុំសេះស សាលាខេត្តកែបកាលពីថ្ងៃទី២ ខែធ្នូ ឆ្នាំ២០២៤ ។ ក្នុងសុន្ទរកថារបស់សម្តេចសង្គហបណ្ឌិត ម៉ែន សំអន ប្រធានក្រុម​ប្រឹក្សា​ជាតិរណសិរ្យសាមគ្គីអភិវឌ្ឍន៍មាតុភូមិកម្ពុជា និងជាឧត្តម​ប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា ដែលអាន​ដោយឯកឧត្តមបណ្ឌិត សោម ពិសិដ្ឋ បានបញ្ជាក់ថា យើងទាំង​អស់គ្នាសូមប្រកាសជាឱឡារឹកថា រណសិរ្ស២ធ្នូ មិនត្រឹមតែសង្គ្រោះ​យើងទាំងអស់គ្នាឲ្យចាកផុត ពីគ្រោះមហន្តរាយ នៃរបបប្រល័យ​ពូជសាសន៍ប៉ុណ្ណោះទេប៉ុន្តែរណសិរ្ស២ធ្នូ នៅបានជួយស្តារ កសាង និង អភិវឌ្ឍន៍សង្គមជាតិនៅគ្រប់ទិសទី ធ្វើឱ្យ​មាតុភូមិកម្ពុជា​មាន​ការ​កែប្រែមុខមាត់ថ្មីជាបន្តបន្ទាប់៕ដោយ៖ សិលា សារិន

(ភ្នំពេញ)៖ អនាម័យស្អាត គឺមានន័យទៅដល់ភាពស្អាតជាសាធារណៈដោយក្នុងនេះ ការដែលមានបន្ទប់ទឹកសាធារណៈស្អាត និងមានសុវត្តិភាពផងគឺមិនត្រឹមតែជួយដល់មនុស្សទូទៅអាចប្រើប្រាស់បានទេ តែវានៅបានជួយឱ្យប្រទេសស្រស់ស្អាត និងផ្តល់ផាសុកភាពពលរដ្ឋថែមទៀត។ ក្រុមយុវជន បានទទួល ជ័យលាភី ដែលបានបង្កើតនូវគំនិតកែច្នៃបន្ទប់ទឹកសាធារណៈ ចាត់ទុកថាភាពស្រស់ស្អាតរបស់សហគមន៍ គឺវាបានផ្តល់នូវសារៈសំខាន់ដូចគ្នាក្រុមគ្រួសារ និងភាពស្អាតបុគ្គលផងដែរ។ ព្រមជាមួយគ្នានេះ វាក៏បានឆ្លុះបញ្ជាំងនូវប្រទេសមួយប្រកបដោយភាពសណ្តាប់ធ្នាប់ល្អ បង្ហាញឱ្យគេឃើញពីភាពជឿនលឿន និងការរស់នៅស្អាតគួរគោរពកោតក្រែង។ បង្ហាញនូវគំនិតច្នៃប្រឌិតបង្កើតបន្ទប់ទឹកសាធារណៈក្នុងកម្មវិធី” វិចិត្រសាលស្ថាបត្យកម្ម២០២៤” ដែលរៀបចំដោយក្រសួងរៀបចំដែនដី នគរូបនីយកម្ម និងសំណង់ចាប់ពីថ្ងៃទី២៧ដល់ថ្ងៃទី១ ខែធ្នូ ឆ្នាំ២០២៤កន្លងមក លោក ម៉ៅ សុធា ជានិស្សិតផ្នែកស្ថាបត្យករមកពីសាកលវិទ្យាល័យន័រតុនបានឱ្យដឹងថា៖គម្រោងបង្កើតបន្ទប់ទឹករបស់លោកជាបន្ទប់ទឹកចល័តសាធារណៈ។គម្រោងមួយនេះបានជាប់ជ័យលាភីមេដាយមាសនៅប្រទេសអង់គ្លេសរួចមកហើយ។ លោកបានប្រាប់ថាក្នុងចំណោមនិស្សិតចំនួន៣រូប ក្នុងក្រុម ដែលបានចូលរួមបង្កើតគំនិតកែច្នៃបន្ទប់ទឹកសាធារណៈនេះគឺក្រោយពីសង្កេតឃើញតាមដងផ្លូវនៅប្រទេសកម្ពុជាមួយចំនួន ពិសេសរាជធានីភ្នំពេញមាននៅសល់ចន្លោះកន្លែងតូចៗដែលអាចធ្វើឱ្យពលរដ្ឋចោលសំរាម ឬធ្វើអ្វីមួយដែលនាំឱ្យបាត់សណ្តាប់ធ្នាប់ ម្ល៉ោះហើយបើយើងយកទីកន្លែងទាំងនេះ មកកែច្នៃជា បន្ទប់ទឹកសាធារណៈ ប្រើប្រាស់នោះមិន ត្រឹមតែផ្តល់ ផលប្រយោជន៍មនុស្សគ្រប់គ្នាទេ តែវាក៏បង្ហាញពីភាពយកចិត្តទុកដាក់ដល់សុខទុក្ខពលរដ្ឋ និង ការយកចិត្តទុកដាក់អនាម័យស្អាតក្នុងប្រទេសផង។ លោក ម៉ៅ សុធា បានប្រាប់ដែរថា គម្រោង បង្កើតបន្ទប់ទឹកសាធារណៈ របស់ក្រុមលោកនេះ មិនមែនសំដៅ សម្រាប់ អាជីវកម្មរបស់នរណាម្នាក់ទេ តែវាជាការបម្រើឱ្យសាធារណៈ និងវាក៏ជាបន្ទប់ទឹកដែលចល័តបានទាំងក្នុងទីក្រុង…

(ភ្នំពេញ)៖ យោងតាមសេចក្តីប្រកាសព័ត៌មានស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា បានឱ្យដឹងថា នារសៀលថ្ងៃទី២ ខែធ្នូ ឆ្នាំ២០២៤ គណៈកម្មាធិការអចិន្ត្រៃយ៍ព្រឹទ្ធសភា នីតិកាលទី៥ បានរៀបចំកិច្ចប្រជុំក្រោមអធិបតីភាពដ៏ខ្ពង់ខ្ពស់របស់ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភា នៃព្រះរាជាណាចក្រកម្ពុជា ។ បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភាបានសម្រេច ដូចខាងក្រោម៖ ១- បញ្ជូនសេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រង ឆ្នាំ២០២៣ ទៅគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃព្រឹទ្ធសភា ដើម្បីពិនិត្យសិក្សា និងផ្តល់យោបល់។ ២- បញ្ជូនសេចក្តីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៥ ទៅគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃព្រឹទ្ធសភា ដើម្បីពិនិត្យសិក្សា និងផ្តល់ យោបល់ ៕ អត្ថបទ ៖ វណ្ណលុករូបភាព ៖ វេង លិមហួត – សួង ពិសិដ្ឋ