(ភ្នំពេញ)៖ អាជ្ញាធរខណ្ឌ និង សង្កាត់ទាំង១០៥ ចំណុះឱ្យរដ្ឋបាលរាជធានីភ្នំពេញ រាល់​សំណើរនិងសំណូមពរ ដែលស្នើមកថ្នាក់រាជធានី ត្រូវតែជាសំណើរ​និង​សំណូមពរ ដែលថ្នាក់ខណ្ឌ សង្កាត់ បានប្រឹងប្រែងអនុវត្តអស់ពីសមត្ថិភាព គឺមិនមែនជាសំណើរ និងសំណូមពរ ដែលខ្លួនមិនទាន់បានអនុវត្តនោះទេ កុំយករួចខ្លួន ។ នេះគឺជាការណែនាំបែបនេះរបស់ ឯកឧត្តម ឃួង ស្រេង អភិបាលរាជធានីភ្នំពេញ នាព្រឹកថ្ងៃទី ២១ ខែតុលា ឆ្នាំ២០២៤នេះ ក្នុងវេទិកាស្តីពីការអនុវត្តកំណែ​ទម្រង់​វិមជ្ឈការ និងវិសហមជ្ឈការ រយៈពេល ៣ឆ្នាំ (២០២១ ដល់ ២០២៣) រាជធានី​ភ្នំពេញ នៅសណ្ឋាគារ រ៉េស៊ីដង់សុខាភ្នំពេញ ក្រោមអធិបតី ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ ។ ឯកឧត្តម ឃួង ស្រេង បន្តថា៖ ថ្នាក់ដឹងនាំខណ្ឌ សង្កាត់ មិនមែនជាចៅហ្វាយ​របស់​ប្រជា​ពលរដ្ឋទេ តែជាអ្នកបម្រើរបស់ប្រជាពលរដ្ឋ។ ក្នុងនាមជាអ្នកបំរើរបស់ប្រជា​ពលរដ្ឋ ត្រូវតែដឹងឱ្យបានគ្រប់ជ្រុងជ្រោយ ពីសុខទុក្ខនិងបញ្ហាប្រឈមនានារបស់​ប្រជាពលរដ្ឋ ហើយនាំគ្នា ដោះស្រាយជូនពួកគាត់ បើដោះស្រាយអស់ពីលទ្ធភាព…

(ប្រទេសសិង្ហបុរី)៖ ឯកឧត្តមរដ្ឋលេខាធិការ លីវ សុផាណារិទ្ធិ បានផ្តល់បទអន្តរាគមន៍ លើសារៈសំខាន់នៃកិច្ចសហប្រតិបត្តិការក្នុងតំបន់ និងអន្តរជាតិ ក្នុងការដោះស្រាយការគំរាមកំហែងសន្តិសុខសាយ​ប័រ​ដែលកំពុងកើតមាន ដោយលើកឡើងអំពីប្រតិបត្តិការរបស់ CERT ក្នុងតំបន់អាស៊ានថា មានសារៈសំខាន់សម្រាប់ការពង្រឹងភាពធន់នឹង​សន្តិសុខសាយប័រ និងបានអំពាវនាវឱ្យមានកិច្ចខិតខំប្រឹងប្រែងរួមគ្នា ដើម្បីប្រយុទ្ធប្រឆាំងនឹងការគំរាមកំហែងដ៏ទំនើបដូចជា Ransomware និងការវាយប្រហារដោយ AI ។ រដ្ឋសមាជិកអាស៊ានត្រូវសហការ ចែករំលែកជំនាញ និងធ្វើឱ្យកិច្ចសហប្រតិបត្តិការស៊ីជម្រៅជាមួយដៃគូសន្ទនា ដោយផ្តោតលើការចែករំលែកព័ត៌មាននៃការគំរាមកំហែងក្នុងពេលជាក់ស្តែង (real-time) ការកសាងសមត្ថភាពក្នុងតំបន់ ធានានូវបច្ចេកវិទ្យាដែលកំពុងរីកចម្រើនដូចជា AI និង 5G។ល។ និងការសម្របសម្រួលឱ្យមានសង្គតិភាព រួមគំនិតគ្នាលើគោលនយោបាយសន្តិសុខសាយប័រ។ ឯកឧត្តមបានលើកឡើងថា កិច្ចខិតខំប្រឹងប្រែងទាំងនេះ នឹងជួយនាធានូវអនាគតឌីជីថលប្រកបដោយសុវត្ថិភាព និងភាពធន់សម្រាប់តំបន់។ ការលើកឡើងនៅក្នុងបទអន្តរាគមន៍ ធ្វើឡើងនៅក្នុងប្រទេសិង្ហបុរី តបតាមការអញ្ជើញរបស់លោកជំទាវ Josephine Teo រដ្ឋមន្ត្រីក្រសួងគមនាគមន៍និងព័ត៌មាន និងជារដ្ឋមន្ត្រីទទួលបន្ទុកសន្តិសុខសាយប័រនៃប្រទេសសិង្ហបុរី, ឯកឧត្តម លីវ សុផាណារិទ្ធិ រដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានដឹកនាំគណៈប្រតិភូក្រសួង អញ្ជើញចូលរួមកម្មវិធី 9th Singapore International…

(ខេត្តកំពត)៖ ឯកឧត្តម ម៉ម អំណត់ រដ្ឋលេខាធិការក្រសួងប្រៃសណីយ៍និងទូរគមនា​គមន៍ កាលពីព្រឹកថ្ងៃទី២១ ខែតុលា ឆ្នាំ២០២៤ នៅសណ្ឋាគារ កំពតថ្មី នា​ខេត្តកំពត បានអញ្ជើញជាអធិបតីក្នុងសិក្ខាសាលាពិគ្រោះយោបល់ ស្តីពីផែនការ​សកម្មភាពអនុវត្តគោលនយោបាយ និងរៀបចំលិខិតបទដ្ឋានគតិយុត្តពាក់ព័ន្ធ​វិស័យប្រៃសណីយ៍ ដោយមានការអញ្ជើញចូលរួមពីថ្នាក់ដឹកនាំក្រសួង ប្រធាន​មន្ទីរប្រៃសណីយ៍និងទូរគមនាគមន៍ និងមន្ត្រីរាជការទាំង២៤ខេត្ត សាខា​ប្រៃសណីយ៍កម្ពុជា ព្រមទាំងសាខាប្រតិបត្តិករ ប្រៃសណីយ៍ឯកជន និង​អង្គភាពពាក់ព័ន្ធ សរុបប្រមាណ ១៥០នាក់។ សិក្ខាសាលានេះ រៀបចំឡើងក្នុងគោលបំណងទទួលយកនូវគំនិតយោបល់ និង​ប្រមូលធាតុចូល​ដ៏មានសារៈសំខាន់ សម្រាប់រៀបចំផែនការសកម្មភាពការងារអនុវត្ត​គោលនយោបាយអភិវឌ្ឍន៍វិស័យប្រៃសណីយ៍ សេចក្តីព្រាងប្រកាសស្តីពីការគ្រប់​គ្រង​គុណភាពសេវា និងរបាយការណ៍ នៃការធ្វើអង្កេតស្តីពី បច្ចុប្បន្នភាពនៃវិស័យ​ប្រៃសណីយ៍ ព្រមទាំងបង្កើតបាននូវទំនាក់ទំនង កិច្ចសហការកាន់តែជិតស្និទ្ធ​ក្នុងចំណោមភាគីពាក់ព័ន្ធទាំងអស់ ដើម្បីចូលរួមដោះស្រាយបញ្ហាប្រឈមនានា​ក្នុងវិស័យប្រៃសណីយ៍ និងជំរុញការផ្តល់សេវាប្រៃសណីយ៍ប្រកបដោយគុណភាព និងភាពជឿទុកចិត្ត ការធ្វើទំនើបកម្មសេវាប្រៃសណីយ៍ និងការប្រើប្រាស់​បច្ចេកវិទ្យា​ឌីជីថល ក្នុងគោលដៅរួមចំណែកទ្រទ្រង់ការអភិវឌ្ឍពាណិជ្ជកម្មតាម​ប្រព័ន្ធ​អេឡិច​ត្រូនិក និងគាំទ្រពិពិធកម្មសេដ្ឋកិច្ចកម្ពុជា។ ឯកឧត្តមរដ្ឋលេខាធិការ បានលើកឡើងពីវឌ្ឍនភាពការងារនៃក្រុមការងារ​ប្រៃសណីយ៍ លើការរៀបចំលិខិតបទដ្ឋានគតិយុត្តដើម្បីពង្រឹងការគ្រប់គ្រង និងជំរុញការអភិវឌ្ឍន៍វិស័យប្រៃសណីយ៍។ ឯកឧត្តមរដ្ឋលេខាធិការ ក៏បានលើក​ទឹកចិត្តដល់អ្នកចូលរួម ក្នុងការចែករំលែកព័ត៌មាន និងបទពិសោធន៍ ដើម្បីចូលរួម​កែលម្អសេចក្តីព្រាងដែលបាននិងកំពុងត្រូវបានរៀបចំ ឱ្យមានលក្ខណ:ឆ្លើយតប និងគ្រប់ជ្រុងជ្រោយ៕ ដោយ ៖ ង៉ាន់ ទិត្យ

(ភ្នំពេញ)៖ ឯកឧត្ដម សយ រាសី អគ្គាធិការ នៃអគ្គាធិការដ្ឋានក្រសួងមុខងារសាធារណៈ នាព្រឹកថ្ងៃទី២១ ខែតុលា ឆ្នាំ២០២៤ បានដឹកនាំកិច្ចប្រជុំស្តីពីវឌ្ឍនភាពនៃការពង្រឹងប្រព័ន្ធគ្រប់គ្រងវត្តមាន និងស្ថានភាពមន្ត្រីរាជការស៊ីវិល និងមន្ត្រីជាប់កិច្ចសន្យា និងការបំពេញតារាងព័ត៌មានដែលក្រសួងមុខងារសាធារណៈបានផ្ញើជូនក្រសួង ស្ថាប័នកន្លងមក។ កិច្ចប្រជុំបានប្រព្រឹត្តទៅនៅសាលប្រជុំ ក្នុងបរិវេណសាលាភូមិន្ទរដ្ឋបាល ដោយមានការអញ្ជើញចូលរួមពី ឯកឧត្ដម លោកជំទាវ លោក លោកស្រី តំណាងអគ្គលេខាធិការ អគ្គនាយក អគ្គាធិការរង អធិការ ប្រធានលេខាធិការដ្ឋាន ប្រធាននាយកដ្ឋាន និងតំណាងនាយកដ្ឋានទទួលបន្ទុកធនធានមនុស្សគ្រប់ក្រសួង ស្ថាប័នថ្នាក់ជាតិ ព្រមទាំងមន្ត្រីរាជការនៃអគ្គាធិការដ្ឋាន សរុបចំនួន ១២២នាក់។ អង្គប្រជុំបានពិភាក្សាអំពី៖ ១)វឌ្ឍនភាពនៃការពង្រឹងប្រព័ន្ធគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យានៅតាមក្រសួង ស្ថាប័ន ២)តារាងទី១ សម្រង់ព័ត៌មានស្តីពីប្រព័ន្ធគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា ៣)តារាងទី២ សម្រង់ព័ត៌មានស្តីពីស្ថានភាពមន្ត្រីរាជការស៊ីវិល និងមន្ត្រីជាប់កិច្ចសន្យា ៤)តារាងទី៣ ស្តីពីតម្រូវការឧបករណ៍សម្ភារៈសម្រាប់គ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា ៥)តារាងទី៤ ស្តីពីតម្រូវការជំនួយបច្ចេកទេស ការផ្សព្វផ្សាយ ការបណ្តុះបណ្តាលពាក់ព័ន្ធនឹងការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា។ បន្ទាប់ពីកិច្ចពិភាក្សាជាច្រើនទៅលើវឌ្ឍនភាពការងារ បញ្ហាប្រឈមនិងដំណោះស្រាយ ក៏ដូចជាសំណូមពរនានា អង្គប្រជុំបានសម្រេចដោយទទួលបានលទ្ធផលរួមមាន៖ ១)អង្គភាពធនធានមនុស្សគ្រប់ក្រសួង…

(ហ្វីលីពីន)៖ នាថ្ងៃទី២១ ខែតុលា ឆ្នាំ២០២៤ វេលាម៉ោង ៨ និង១៥នាទីព្រឹក ដោយ​ទទួលបានគោលការណ៍អនុញ្ញាតដ៏ខ្ពង់ខ្ពស់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាឱកាសនៃដំណើរចូលរួម​កិច្ចប្រជុំលើកទី ៧៥ របស់អង្គការសុខភាពពិភពលោកប្រចាំតំបន់ប៉ាស៊ីហ្វិកខាងលិច នៅទីក្រុងរដ្ឋធានីម៉ានីល សាធារណៈរដ្ឋហ្វីលីពីន ឯកឧត្តមសាស្ត្រាចារ្យរដ្ឋមន្ត្រី បាន​អញ្ជើញ​ចុះហត្ថលេខាលើ “យុទ្ធសាស្រ្តនៃកិច្ចសហប្រតិបត្តិការ រវាងកម្ពុជា និងអង្គ ការសុខភាពពិភពលោក ឆ្នាំ២០២៤-២០២៨” ជាមួយ ឯកឧត្តមវេជ្ជបណ្ឌិត សាយ អា ម៉ាអួ ព្យួកាឡា​ នាយកអង្គការសុខភាពពិភពលោកប្រចាំតំបន់ប៉ាស៊ីហ្វិក​ខាងលិច​។ យុទ្ធ​សាស្រ្តនៃកិច្ចសហប្រតិបត្តិការ រវាងព្រះរាជាណាចក្រកម្ពុជា និងអង្គការ​សុខ​ភាព​ពិភពលោក បានអំពីចក្ខុវិស័យរួម និងកិច្ចខិតខំប្រឹងប្រែងរួមគ្នា នៅក្នុងការពង្រឹង​សុខភាព និងសុខុមាលភាពរបស់ប្រជាជនកម្ពុជា នៅក្នុងរយៈពេល ៥ឆ្នាំខាងមុខ រួមចំ​ណែក​ចំពោះការសម្រេចបាននូវយុទ្ធសាស្រ្តបញ្ចកោណ ដំណាក់កាលទី១ “ដើម្បី​កំណើន ការងារ សមធម៌ ប្រសិទ្ធភាព និង ចីរភាព” កសាងមូលដ្ឋានគ្រឹះឆ្ពោះ​ទៅសម្រេចចក្ខុវិស័យកម្ពុជា ឆ្នាំ២០៥០ ដែលគូសបញ្ជាក់ អំពី ការប្ដេជ្ញាចិត្តរបស់​រាជ​រដ្ឋាភិបាល ចំពោះការសម្រេចបានគោលដៅនៅក្នុងផែនទីបង្ហាញ​ផ្លូវឆ្ពោះទៅ​រកការគ្របដណ្ដប់សុខភាពជាសកលនៅកម្ពុជាឆ្នាំ២០២៤-២០៣៥…

(ភ្នំពេញ)៖ ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធាន​អង្គភាពអ្នកនាំពាក្យរាជរដ្ឋាភិបាល បានថ្លែងថា ការងារបុរេសកម្មរបស់យើង​ជាអ្នក​នាំពាក្យ និងអាជ្ញាធរ គឺផ្សព្វផ្សាយសមិទ្ធផលរបស់រាជរដ្ឋាភិបាល និងការងារដែល​យើងបាន​ធ្វើឱ្យប្រជាពលរដ្ឋបានដឹង និងបានយល់ច្បាស់ ដើម្បីកុំឱ្យប្រជា​ពលរដ្ឋ​ចាញ់បោកការឃោសនាភូតកុហកនានា។ ការលើកឡើងនេះ បានធ្វើឡើងក្នុងឱកាសដែល ឯកឧត្តមអញ្ជើញបើក​វគ្គបណ្តុះ​បណ្តាលស្តីពី «ប្រសិទ្ធភាពនៃការងារព័ត៌មាននិងនាំពាក្យ» ជូនដល់មន្ត្រី និងអ្នកនាំ​ពាក្យរដ្ឋបាលខេត្តកំពង់ស្ពឺ សរុបជាង ៣០០នាក់ កាលពីព្រឹកថ្ងៃទី១៧ ខែតុលា ឆ្នាំ២០២៤ ៕ ប្រភព ៖ អង្គភាពអ្នកនាំពាក្យរាជរដ្ឋាភិបាល