(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាច​ក្រកម្ពុជា បានគូសបញ្ជាក់ជុំវិញការបង្កើត ឱ្យមានការប្រកួតកីឡាយុទ្ធគុនចម្រុះ​បុរាណខ្មែរ ពានរង្វាន់ សម្តេចបវធិបតី ដែលប្រព្រឹត្តិទៅពីថ្ងៃទី១៨ ដល់ថ្ងៃទី២០ មិនមែនផ្តោតសំខាន់តែការប្រកួតនោះទេ តែសម្តេច ចង់គាស់រំលើងក្បាច់គុន​បុរាណរបស់ដូនតាខ្មែរផ្សេងៗទៀត ក្រៅពីគុណខ្មែរ និងល្បុក្កតោ ដែលស្ទើតែ​រលុបបាត់ ឱ្យរស់ឡើងវិញ ដើម្បីបង្ហាញទៅប្រជាពលរដ្ឋ និងយុវជន និង​ចង​ក្រងជាឯកសារ ។ នៅក្នុងឱកាស អញ្ជើញពិនិត្យលើការត្រៀមការប្រកួតកីឡា យុទ្ធគុនចម្រុះបុរាណខ្មែរ ពានង្វាន់សម្តេចធិបតី ដែលជា សកម្មភាពក្រៅផ្លូវការរបស់ សម្តេចធិបតី នាយក​រដ្ឋ​មន្ត្រី រសៀលថ្ងៃពុធ ទី១៦ តុលា ២០២៤នេះ សម្តេចធិបតី ហ៊ុន ម៉ាណែត មាន​ប្រ​សាសន៍ថា “គំនិតនេះ ខ្ញុំធ្លាប់មាន ប្រហែលជា ៥ ទៅ ៦ឆ្នាំហើយ តាំងពីនៅកងទ័ព កាលនោះ បបួលខាងទូរទស្សន៍មួយចំនួនរៀបចំធ្វើ ប៉ុន្តែយើង អត់ទាន់ចេញ គិតថា យើងធ្លាប់មានតែគុនខ្មែរជាមួយគុនខ្មែរ ល្បុក្កតោ ជាមួយល្បុក្កតោ យើងសាក…

(ភ្នំពេញ)៖ ក្រោយពលរដ្ឋសំណូមពរឱ្យដោះស្រាយ ឯកឧត្ដមសុខ ពេញវុធ ណែនាំឱ្យសមត្ថកិច្ចចុះបង្ក្រាបទីតាំងហាងកាហ្វេបង្កប់ល្បែងស៊ីសងមួយកន្លែង ក្នុងមូលដ្ឋានខណ្ឌដូញពេញភ្លាមៗ ។ ឯកឧត្ដមសុខ ពេញវុធ អភិបាលរងរាជធានីភ្នំពេញ បានថ្លែងបែបនេះ ក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សារាជធានីភ្នំពេញ អាណត្តិទី៤ នៅក្នុងបរិវេណវិទ្យាស្ថានជាតិអប់រំ នាខណ្ឌដូនពេញ នាថ្ងៃទី១៦ ខែតុលា ឆ្នាំ២០២៤ ក្រោមអធិបតី ឯកឧត្ដមម៉ប់ សារិន ប្រធានក្រុមប្រឹក្សារាជធានីភ្នំពេញ ។ ក្នុងវេទិកានេះ មានពលដ្ឋ ៣រូប បានលើកឡើងនូវបញ្ហាផ្ទាល់មាត់ ដើម្បីជួយដោះស្រាយ បញ្ហាចំនួន៧ ។ ក្នុងនោះបញ្ហាមួយចំនួន ត្រូវបាន ឯកឧត្ដម សុខ ពេញវុធ ដោះស្រាយជូនភ្លាមៗ និងមួយចំនួន ឯកឧត្ដមអះអាងថា វាជាប់ពាក់ព័ន្ធនឹងបញ្ហាច្បាប់ ជាពិសេសជាកិច្ចការរបស់ថ្នាក់ជាតិ ដែលមិនអាចដោះស្រាយបានត្រឹមថ្នាក់មូលដ្ឋាន តួរយ៉ាងសំណូមពរជួយដោះស្រាយ លើការកែប្រែឯកសារមួយចំនួន របស់អត្រានុកូលដ្ឋាន ជុំវិញការខុសអក្ខរាវិរុទ្ធ និងការពន្លឿនការចុះបញ្ជីដីធ្លី រួមទាំងការបង់ពន្ធប្រថាប់ត្រាជាដើម ។ ឯកឧត្ដមម៉ប់ សារិន បានលើកទឹកចិត្ត ដល់សមាជិក សមាជិកានៃអង្គវេទិកាទាំងអស់…

(ភ្នំពេញ)៖ ព្រះមហាក្សត្រនៃកម្ពុជា សម្តេចព្រះបរមនាថនរោត្តម សីហមុនី និងសម្តេចព្រះមហាក្សត្រី នរោត្តម មុនិនាថ សីហនុ ព្រះអង្គទាំងទ្វេបានសព្វព្រះរាជហឫទ័យព្រះបរមរាជានុញ្ញាតជូនសម្តេចធិបតី ហ៊ុន ម៉ាណែត នាយករដ្ឋមន្ត្រី និងសហការី ចូលក្រាបថ្វាយបង្គំគាល់ និងថ្វាយព្រះពរ ក្នុងឱកាសព្រះរាជពិធីគម្រប់ ២០ព្រះវស្សា នៃការយាងគ្រងព្រះបរមសិរីរាជ្យសម្បត្តិ របស់ព្រះអង្គ នៅព្រះបរមរាជវាំង ។ ក្នុងឱកាសនៃការចូលក្រាបបង្គំគាល់ នៅថ្ងៃទី១៦ ខែតុលា ឆ្នាំ២០២៤នេះ សម្តេចធិបតី ក៏បានថ្វាយធនបត្រអនុស្សាវរីយ៍ប្រភេទ ២០០ ០០០ រៀលថ្មី និងសៀវភៅក្បាច់បាតមូលដ្ឋានគ្រឹះនៃរបាំព្រះរាជទ្រព្យ ដល់អង្គព្រះមហាក្សត្រផងដែរ ។ សូមបញ្ជាក់ថា រាជរដ្ឋាភិបាលកម្ពុជា ដើម្បីអបអរសាទរខួបលើកទី ២០ឆ្នាំ នៃការឡើងគ្រងរាជសម្បតិ្ត នៃព្រះមហាក្សត្រខ្មែរ ម្តេចព្រះបរមនាថនរោត្តម សីហមុនី បានសម្រេចបោះពុម្ភក្រដាសប្រភេទ ២សែនរៀល ដែលត្រូវបានធនាគារជាតិបានដាក់ឈ្មោះថាជា «ធនប័ត្រអនុស្សាវរីយ៍» ។ ព្រះមហាក្សត្រ នៃព្រះរាជាណាចក្រកម្ពុជា សម្តេចព្រះបរមនាថនរោត្តម សីហមុនី ព្រះអង្គបានឡើងគ្រងព្រះបរមរាជសម្បត្តិ កាលពីថ្ងៃទី២៩ ខែតុលា ឆ្នាំ២០០៤ ដែលគិតមកទល់នឹងឆ្នាំ២០២៤នេះ…

(ភ្នំពេញ)៖ ឯកឧត្តម ជា ច័ន្ទបរិបូរណ៌ រដ្ឋលេខាធិការក្រសួងព័ត៌មាន និងជា​បណ្ឌិតផ្នែកវិទ្យាសាស្រ្ដនយោបាយ និងសេដ្ឋកិច្ចជាតិ អន្ដរជាតិ លើកឡើងថា នេះជាការជាក់ស្តែងចំពោះ បំណងធ្វើពិតប្រាកដ មិនកាឡៃ គ្មានការយក​ការងារលាក់កំបាំងរឿងនយោបាយ រាជរដ្ឋាភិបាលស្វាគមន៌ និងផ្តល់លទ្ធភាព និងគាំទ្រ ។ ឯកឧត្តមថា លោក បេន ដាវិស ជាជនជាតិអាមេរិកាំង និងភរិយាគាត់ជាជនជាតិ​អូស្ត្រាលី អ្នកទាំងពីរបាននាំកូនស្រីទាំង ២នាក់ មករស់នៅ និងចូលរួមការពារ អភិរក្សព្រៃឈើ សត្វព្រៃជាមួយរដ្ឋាភិបាលកម្ពុជាតាំង ពីឆ្នាំ២០១២ រហូតរដ្ឋាភិបាល​សម្រេចបង្កើតជាតំបន់ដែនជម្រកសត្វព្រៃ ភ្នំត្នោត-ភ្នំពក លើផ្ទៃដីទំហំ ៥១ ៧៣០ ហិកតា ។ តាមរយៈការងារផ្នែកបរិស្ថាននេះ ក្នុងឆ្នាំ២០២២ លោក បេន និងក្រុម​គ្រួសារ ទទួលបានសញ្ជាតិខ្មែរ។ បន្ថែមពីនេះ ឯកឧត្តម បានចោទសួរថា ចុះអ្នកផ្សេងទៀត ហេតុអ្វីរាជរដ្ឋាភិបាល មិន គាំទ្រ និងស្វាគមន៍? នៅត្រង់នេះប្រាកដជាមានអ្វីលាក់បាំង បង្កប់នៅក្រោយខ្នង ដូចជា អាឡិច…

(ភ្នំពេញ)៖ រាជរដ្ឋាភិបាលកម្ពុជា បានចេញអនុក្រឹត្យ អនុញ្ញាតឱ្យចេញផ្សាយ ធ្វើចរាចរ និង ប្រើប្រាស់នូវធនប័ត្រអនុស្សាវរីយ៍ប្រភេទថ្មី ២០០០០០រៀល (ពីរសែនរៀល)នៅទូទាំងព្រះរាជាណាចក្រកម្ពុជា ទន្ទឹមនឹងបណ្តាប្រភេទប្រាក់ ដែលត្រូវបានចេញផ្សាយរួចហើយ។ លក្ខណៈទូទៅ របស់ក្រដាសថ្មីនេះ ទំហំធន​ប័ត្រ៖ បណ្ដោយ ១៧០មម ទទឹង ៧៦មម និង ពណ៌ចម្បងគឺពណ៍ត្នោត ពណ៌​ទឹក​ក្រូច និង ពណ៌ផ្កាឈូក ។ ផ្ទៃខាងមុខ ផ្នែកកណ្តាលនៃក្រដាសប្រាក់នេះ ត្រូវបានរំលេចឡើងនូវព្រះឆាយា ល័ក្ខណ៍ ព្រះករុណា ព្រះបាទសម្តេច ព្រះបរមនាថ នរោត្តមសីហមុនី រួមជាមួយព្រះ វររាជមាតា ដែលផ្ទៃខាងក្រោយ ត្រូវបានតែងលំអដោយក្បាច់ចម្លាក់ជាប្រពៃណី ព្រមជាមួយអក្សរ « ពីរសែនរៀល » នៅខាងក្រោម។ ចំពោះ ខាងឆ្វេងមានលេខ «២០០០០០» នៅពីលើ ព្រមទាំងហត្ថលេខារបស់ អគ្គទេសាភិបាលកិត្តិយស អគ្គទេសាភិបាល និងអគ្គបេឡា ខិតមកក្រោមមានរូប ចម្លាក់នាគមួយគូ នៅប្រាសាទបន្ទាយសំរ៉ែក្នុងខេត្តសៀមរាប។ ផ្នែកខាងស្តាំ ខាងលើមានអក្សរ «ធនាគារជាតិ…

(ភ្នំពេញ)៖ ក្នុងពិធីអបអរសាទរ ខួបអនុស្សាវរីយ៍ ៣០ឆ្នាំ ថ្ងៃបង្កើតកងពល​តូចលេខ៧០ (១៥ តុលា ១៩៩៤ – ១៥ តុលា ឆ្នាំ ២០២៤) នាព្រឹកថ្ងៃទី១៥ ខែតុលា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានប្រកាសផ្ដល់គោលការណ៍ឱ្យបង្កើនយកចិត្តទុកដាក់​ចំពោះយោធិនចូលនិវត្តន៍, ចំពោះយោធិនជំនាញ ដែលមានសមត្ថភាពល្អ ត្រូវ​រក្សាទុក ដើម្បីបន្សាំ និងបណ្ដុះបណ្ដាលអ្នកបន្តវេន ចំណែកយោធិន ដែលដល់អាយុ​ចូលនិវត្តន៍ ប៉ុន្ដែនៅក្មេងមានកម្លាំង ក៏សូមឱ្យផ្អាកការចូលនិវត្តន៍សិនដែរ ។ សម្ដេចបវរធិបតី បានបញ្ជាក់ថា នៅក្នុងជួរកងទ័ព យោធិន ដែលចូលនិវត្តន៍មាន​ច្រើន​ជាងអ្នកដែលរើសចូលបំពេញមកវិញ ដូច្នេះ សម្ដេច បានផ្ដល់គោលការណ៍​ចំពោះយោធិន ដែលចូលនិវត្តន៍ សូមយកចិត្តទុកដាក់ដល់នាយទាហាន នាយទា​ហានរង និងពលទាហានប្រភេទ២ ដែលបាតបង់ សមត្ថភាពការងារ ។ សម្ដេចបន្តថា ចំពោះយោធិនជំនាញចាំបាច់ដែលគាត់នៅមាន សុខភាពល្អ គួររក្សាសិន ដើម្បីបន្សាំ និងបណ្ដុះបណ្ដាល អ្នកបន្តវេន ដូចជា៖ ជំនាញរថក្រោះ…