(ភ្នំពេញ)៖ នៅលើទំព័រហ្វេសប៊ុកផ្លូវការនាព្រឹកថ្ងៃទី០៧ ខែតុលា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានប្រកាសថា សម្ដេច និងក្រុមគ្រួសារ មូលមតិឯកភាពគ្នារៀបចំដង្ហែអង្គកឋិនមហាសាមគ្គីគ្រួសារខ្មែរមួយ ទៅវត្តខ្មែរក្រោម នៅថ្ងៃទី០៤ ខែវិច្ឆិកា ឆ្នាំ២០២៤ខាងមុខ។ ការដង្ហែអង្គកឋិនមហាសាមគ្គីគ្រួសារខ្មែរមួយ ទៅវត្តខ្មែរក្រោមនេះ បានធ្វើឡើង បន្ទាប់ពីសម្តេចតេជោ និងក្រុមគ្រួសារបានខកខានធ្វើជាច្រើនឆ្នាំកន្លងទៅ ដោយសារជួបរឿងអកុសលដោយឪពុក និងម្តាយក្មេករបស់សម្តេច បានទទួលមរណភាព ។ សម្តេចតេជោ ហ៊ុន សែន បានឱ្យដឹងលើបណ្ដាញសង្គមថា អង្គកឋិនទាននេះ ធ្វើឡើងដោយគណបក្សប្រជាជន រាជរដ្ឋាភិបាល រដ្ឋសភា ព្រឹទ្ធសភា ស្ថាប័នព្រះសង្ឃទាំងពីរគណៈ និងស្ថាប័នថ្នាក់ជាតិផ្សេងទៀត។ ការរៀបចំពិធីធ្វើនៅវិមាន៧មករា ស្នាក់ការគណបក្សប្រជាជនកម្ពុជា នាល្ងាចថ្ងៃទី០៣ ខែវិច្ចកា ឆ្នាំ២០២៤ ដែលមានសម្តេចតេជោ និងភរិយា ចូលរួមដោយផ្ទាល់ ។ ការដង្ហែអង្គកឋិនមហាសាមគ្គីគ្រួសារខ្មែរមួយ ទៅវត្តខ្មែរក្រោមនេះ បើតាមសម្តេចប្រធានព្រឹទ្ធសភា បានឱ្យដឹងថា ភរិយាខ្ញុំ បានគិតច្រើនឆ្នាំមកហើយ រឿងដង្ហែអង្គកឋិនទានទៅវត្តខ្មែរក្រោម បន្ទាប់ពីដង្ហែចូលច្រើនវត្តនៅកម្ពុជា។ ប៉ុន្តែជាអកុសលឪពុកខ្ញុំទទួលមរណភាពនៅឆ្នាំ២០១៣…

(បារាំង)៖ ឯកឧត្តម ខូវ មករា រដ្ឋលេខាធិការក្រសួងប្រៃសណីយ៍និងទូរគមនាគមន៍ បានដឹកនាំគណៈប្រតិភូធុរកិច្ចថ្មីឌីជីថលកម្ពុជាចំនួន ១២ និងនាំយកសេវា​បច្ចេក​វិទ្យារដ្ឋាភិបាលឌីជីថលចំនួន ២ ចូលរួមពិព័រណ៍នវានុវត្តន៍ FRANCOTECH ឆ្នាំ២០២៤ ដែលបានរៀបចំឡើងនៅថ្ងៃទី៣-៤ ខែតុលា ឆ្នាំ២០២៤ នៅ STATION F ក្នុងរដ្ឋធានីប៉ារីស ដែលជាព្រឹត្តិការណ៍អមនៃកិច្ច​ប្រជុំកំពូល​ហ្វ្រង់​កូហ្វូនលើកទី១៩ ធ្វើឡើងក្រោមអធិបតីដ៏ខ្ពង់ខ្ពស់ ឯកឧត្តម Emmanuel Macron ប្រធានាធិបតីនៃសាធារណរដ្ឋបារាំង។ ព្រឹត្តិការណ៍នេះ បានប្រមូលផ្តុំទៅដោយតួអង្គសំខាន់ៗ​នៃប្រទេសនិយាយ​ភាសាបារាំង តំណាងធុរកិច្ចប្រមាណ ១៥០០នាក់ តំណាងរដ្ឋាភិបាលប្រមាណ ១០០នាក់ និងការដាក់តាំងបង្ហាញពិព័រណ៍ពីបណ្ដាប្រទេស ខេត្ត និងសហ​គ្រាសនានា ប្រមាណ១៥០ស្ដង់។ ដោយក្នុងនោះ ធុរកិច្ចថ្មីឌីជីថលទាំង១២ ដែលត្រូវបានជ្រើសរើសដើម្បីតំណាងឱ្យប្រព័ន្ធអេកូឡូស៊ីនវានុវត្តន៍កម្ពុជា រួមមានធុរកិច្ចថ្មី Tenbox (ដែលជាធុរកិច្ចថ្មីឌីជីថលចូលរួមប្រកួត​ប្រជែងនៅ​ក្នុងកម្មវិធីប្រកួតប្រជែងនវានុវត្តន៍ FrancoTech), Sala, PillTech, Morakot Technology, Poscar Digital, ArrowDot, CamMob, BiKay, Confluence, Sourceamax Asia, Quantum-Engineering…

(ភ្នំពេញ)៖ កម្ពុជា ចង់ឃើញ និងចង់បានឱ្យប្រទេសកូរ៉េទាំងពីរ ដែលជាបងប្អូននឹងគ្នា មានទំនាក់ទំនងល្អជាមួយគ្នាវិញ និងចៀសឱ្យផុតពីការផ្ទុះសង្រ្គាមនៅឧបទ្វីបកូរ៉េ ។ នេះជាការគូសបញ្ជាក់របស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា ក្នុងឱកាសអនុញ្ញាតឱ្យ ឯកឧត្តម ចាង យ៉ុងហ្គុន ឯកអគ្គរដ្ឋទូតសាធារណរដ្ឋប្រជាមានិតប្រជាធិបតេយ្យកូរ៉េ ចូល ជូបសម្តែងការគួរសម នៅវិមានព្រឹទ្ធសភា នៅព្រឹកថ្ងៃទី០៤ ខែតុលា ឆ្នាំ២០២៤ ។ ឯកឧត្តមឯកអគ្គរដ្ឋទូត បានថ្លែងអំណរគុណចំពោះការអបអរសាទរខួបលើកទី៧១ នៃថ្ងៃបង្កើតសាធារណរដ្ឋប្រជាមានិតប្រជាធិបតេយ្យកូរ៉េ កាលពីថ្ងៃទី១ ខែតុលាកន្លងមក និងខួបលើកទី៦០ នៃទំនាក់ទំនងការទូតរវាងប្រទេសយើងទាំង២ផងដែរ។ ទំនាក់ទំនងការទូតរវាងប្រទេសទាំងពីរអស់រយៈពេល ៦០ឆ្នាំមកនេះ គឺជាទំនាក់ទំនងប្រវត្តិសាស្រ្តដែលបានកសាងឡើងដោយអតីតប្រមុខរដ្ឋនៃប្រទេសទាំងពីរគឺ ឯកឧត្តម គីម អ៊ីលស៊ុង និងព្រះករុណាសម្តេចព្រះបរមរតនកោដ្ឋ ។ ឯកឧត្តមឯកអគ្គរដ្ឋទូត ក៏បានគោរពអបអរសាទរសម្តេចអគ្គមហាសេនាបតីតេជោ ដែល បានជាប់ឆ្នោតជ្រើសតាំងជាប្រធានព្រឹទ្ធសភា កម្ពុជា បន្ទាប់ពីបានបំពេញភារកិច្ចជានាយករដ្ឋមន្រ្តីអស់រយៈពេល ៣៨ឆ្នាំ និងបានសម្រេចនូវសមិទ្ធផលដ៏មានតម្លៃជាច្រើនដែលមិនអាចកាត់ថ្លៃបាន ជូនប្រជាជន និងប្រទេសកម្ពុជា។ ឯកឧត្តមឯកអគ្គរដ្ឋទូត បានបន្តទៀតថា ការផ្លាស់ប្តូរថ្នាក់ដឹកនាំរដ្ឋាភិបាលថ្មី ដែលមានសម្តេចមហាបវរធិបតី ហ៊ុន…

(ភ្នំពេញ)៖ ភ្ញៀវទេសចរណ៍ដែលអញ្ជើញមកកម្សាន្តនៅខេត្តកំពត ឱ្យបានជ្រាបថា ប្រសិន​បើ​មានកន្លែងស្នាក់នៅ កន្លែងលក់ម្ហូបអាហារក្នុងខេត្តកំពតមានការតម្លើងថ្លៃ ដែលបងប្អូនយល់ថាមិនសមស្រប សូមថតឈ្មោះទីតាំងនិងតម្លៃនោះ ចូលមកផេក​យើង​ខ្ញុំបាន រដ្ឋបាលខេត្តនិងធ្វើការត្រួតពិនិត្យជូនភ្លាមៗ។ នេះបើ​យោង​តាម​សេចក្ដីជូនដំណឹង នៅលើផេកហ្វេសបុកផ្លូវការរបស់ រដ្ឋបាលខេត្តកំពត នៅថ្ងៃទី៤ ខែតុលា ឆ្នាំ២០២៤ ។ សេចក្តីជូនដំណឹងដដែលបានឲ្យដឹងថា រដ្ឋបាលខេត្តដោយមានមន្ទីរទេសចរណ៍ខេត្ត​ជា​សេនាធិការបានប្រមូលបញ្ជីរាយមុខម្ហូបសេវាកម្មទេសចរណ៍គ្រប់ប្រភេទ​ទូទាំង​ខេត្តកំពត មកតម្កល់នៅមន្ទីរទេសចរណ៍ខេត្តនិងរដ្ឋបាលខេត្តដើម្បី​រក្សាទុកត្រួត​ពិនិត្យ​ក្នុងករណីមានភាពមិនប្រក្រតីទៅលើតម្លៃនៃការស្នាក់នៅហូបចុក មិនថាថ្ងៃ​មានពិធីបុណ្យទាន ឬ ថ្ងៃធម្មតា។ គួរបញ្ជាក់ផងដែរថា រយ:ពេល ៣ថ្ងៃ នៃថ្ងៃឈប់សម្រាក់ក្នុងឱកាសនៃពិធីបុណ្យ​ភ្ជុំបិណ្ឌ​ប្រពៃណីជាតិ ខេត្តកំពតមានទេសចរចូលមកសម្រាកកម្សាន្ត និងស្នាក់នៅ​ជាង ១២ម៉ឺននាក់។ ការធ្វើដំណើររបស់ភ្ញៀវលើដងផ្លូវគ្រប់ទីកន្លែង​ទូទាំខេត្ត​មានស្ថានភាពល្អប្រ​សើរដោយគ្មានករណីគ្រោះថ្នាក់ ឬហេតុការណ៍អ្វីកើត​ឡើងគួរឱ្យកត់សម្គាល់នោះឡើយ៕ ដោយ ៖ ង៉ាន់ ទិត្យ

(តាកែវ)៖ ក្រុមក្មេងទំណើងចំនួន ១៣នាក់ត្រូវបានកងកំលាំងសមត្ថកិច្ចនគរបាល​ខេត្តតាកែវ ធ្វើការឃាត់ខ្លួនបានកាលពីថ្ងៃទី ០១ ខែតុលា ឆ្នាំ២០២៤នេះ និងកំពុង​កសាងសំណុំរឿងបញ្ជូនទៅសាលាតំបូងខេត្តតាកែវហើយ ដើម្បីធ្វើការផ្ដន្ទាទោស​អោយខានតែបាន បន្ទាប់ពីក្រុមក្មេងទំនើងទាំងនេះបានធ្វើ​សកម្មភាពជិះ​ម៉ូតូ​ជាក្រុម ប្រដាប់ដោយដំបងជ្រុង និងដុំឥដ្ឋ គប់មកលើរថយន្តរបស់ប្រជាពលរដ្ឋ​ដែលកំពុងធ្វើតំណើរនៅលើកំណាត់ផ្លូវជាតិលេខ៣ ចន្លោះបង្គោលគីឡូម៉ែត្រលេខ ៤៧-៤៨ ស្ថិតនៅភូមិច្បារមន ឃុំកុមារាជា ស្រុកបាទី ខេត្តតាកែវ កាលពីវេលាម៉ោង ១៩និង៣៥នាទី នៅថ្ងៃទី ២៨ ខែកញ្ញា ឆ្នាំ២០២៤ បណ្ដាលរថយន្តម៉ាកឡង់គ្រីស័រ​មួយគ្រឿងបែកផ្ទៃកញ្ចក់ខាងមុខ តែមិនបង្ករអោយមានអ្នករងរបួសឡើយ ។ លោកឧត្តមសេនីយ៍ត្រី ហ៊ិន សុខេង ស្នងការរងទទួលផែនព្រហ្មទណ្ឌនៃស្នងការ​នគរបាល​ខេត្តតាកែវ បានអោយដឹងថា ក្រោយពីទទួលបានពាក្យបណ្ដឹង​របស់​ប្រជាពលរដ្ឋថា មានករណីគប់កញ្ចក់រថយន្តនៅលើកំណាត់ផ្លូវជាតិលេខ ៣ ភ្លាមនោះលោកឧត្ដមសេនីយ៍ទោ ម៉ែន លី ស្នងការនៃស្នងការដ្ឋាន​នគរបាល​ខេត្តតាកែវ បានបញ្ជារអោយរូបលោកដឹកនាំកំលាំងការិយាល័យជំនាញ សហការណ៍​ការជាមួយនិងកំលាំងអធិការនគរបាល ៣ស្រុកដែលមាន​ភូមិសាស្ត្រ​នៅជាប់ផ្លូវ​ជាតិ​លេខ៣ រួមមានស្រុកបាទី ស្រុកសំរោង និងស្រុកត្រាំកក់ ចុះពិនិត្យកន្លែងកើត​ហេតុ និងសិក្សាពីសកម្មភាពរបស់​ក្រុមក្មេងទំនើរទាំងនោះ តាមរយៈកាមេរ៉ាសុវត្តិ​ភាព​របស់ម្ចាស់រថយន្ត ត្រូវធ្វើយ៉ាងណាស្វែងរក និងចាប់ខ្លួនក្រុមក្មេងទំនើង​ទាំងនេះអោយខានតែបាន គឺមិនត្រូវបណ្ដែតបណ្ដោយអោយសកម្មភាពរបស់ក្មេង​ទំនើងកំពុងប្រព្រឹត្តនេះរួចខ្លួនបានឡើយ ។ លោកស្នងការរងបន្តរថា ក្រោយពិនិត្យកន្លែងកើតហេតុសិក្សារួច…

(កំពង់ឆ្នាំង)៖ យោងតាមរបាយការណ៍របស់មន្ទីរទេសចរណ៍ខេត្តកំពង់ឆ្នាំង បានឲ្យដឹងថា ក្នុងរយៈពេលបីថ្ងៃក្នុងនាឱកាសបុណ្យភ្ជុំបិណ្ឌប្រពៃណីជាតិ ឆ្នាំ២០២៤នេះ មានភ្ញៀវទេសចរណ៍ជាតិនឹងបរទេសមកទស្សនា​កម្សាន្តនៅតំបន់រមណីយដ្ឋាននានាក្នុងខេត្តកំពង់ឆ្នាំង ប្រមាណ ២០៥២៧០នាក់(ម្ភៃម៉ឺនប្រាំពាន់ពីរយចិតសិបនាក់) ក្នុងនោះភ្ញៀវជាតិចំនួន ២០៥១៥១ និងភ្ញៀវបរទេសចំនួន១១៩នាក់ ទិន្នន័យនេះមានការកើនឡើងជាងឆ្នាំមុន ២១.៩៤ភាគរយ។ ការកើនឡើងនេះបញ្ជាក់ឲ្យឃើញពីតម្លៃនៃការយកចិត្តទុកដាក់របស់អាជ្ញាធរមន្ទីរពាក់ព័ន្ធជាពិសេសឯកឧត្តមស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង​និងជា​​ប្រធានគណៈបញ្ជាការឯកភាពខេត្ត ដែលតែងតែជម្រុញនិងលើកទឹក​ចិត្តឲ្យ​មានរៀបចំសម្រួលនូវហេដ្ឋារចនាសម្ព័ន្ធនានា ក៏ដូចជាការយកចិត្តទុកដាក់​លើបញ្ហាបរិស្ថាន និងតម្លៃម្ហូបអាហារឲ្យសមរម្យ ស្របតាមបរិបទទេសចរណ៍គ្មាន​ផ្សែងនាំមកនូវភាពរីកចម្រើនដល់ប្រទេសជាតិយើង និងជីវភាពរស់នៅរបស់បងប្អូន​ប្រជាពលរដ្ឋ ក្រោមការដឹកនាំនយោបាយឈ្នះៗរបស់សម្តេចតេជោហ៊ុនសែន​អតីតនាយករដ្ឋមន្ត្រី នឺងជាពិសេសសម្តេចមហាបវរធិបតី ហ៊ុន ម៉ាណែត នាពេលបច្ចុប្បន្ននេ:។ គួរំលឹកផងដែរខេត្តកំពង់ឆ្នាំង មានចម្ងាយ ៩១គីឡូម៉ែត្រពីរាជធានីភ្នំពេញ ដែលមានរមណីយដ្ឋានវប្បធម៌ និងធម្មជាតិចំនួន២៤កន្លែងរមណីយដ្ឋានវប្បធម៌ធម្មជាតិ មានចំនួន ១៤កន្លែង ។ រយៈពេល ៣ ថ្ងៃនៃថ្ងៃបុណ្យភ្ជុំបិណ្យនេះប្រជាពលរដ្ឋមានការសប្បាយរីករាយក្នុងការធ្វើដំណើរកំសាន្តតាមរ្យមណីយដ្ឋានផ្សេងៗដោយមិនមានការភ័យរអំពីបញ្ហាសន្តិសុខនេះឡើយ ដោយឃើញថាតាមកន្លែងកំសាន្តនីមួយៗមានកា ការពារយកចិត្តទុកដាក់ពីកងកម្លាំងសមត្ថកិច្ចក៏ដូចជាបងប្អូនប្រជាការពារនិងអាជ្ញាធរគ្រប់ទីកន្លែងផងដែរ។ ប្រជាពលរដ្ឋទូទាំងខេត្តកំពង់ឆ្នាំងសូមថ្លែងអំណរអរគុណជូនចំពោះ ឯកឧត្តម ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំង លោកស្នងការនគរបាលខេត្ត លោកបញ្ជាការកងរាជអាវុធហត្ថខេត្ត លោកមេបញ្ជាការសឹករងខេត្ត ព្រមទាំងបងប្អូនប្រជាការពារតាមមូលដ្ឋានដែលបានខិតខំយកចិត្តទុកដាក់ក្នុងការការពារសុវត្ថិភាពសណ្ដាប់ធ្នាប់សាធារណៈរយៈពេលបីថ្ងៃក្នុងពិធីបុណ្យភ្ជុំនេះ និងសូមជូនពរជូន ឯកឧត្តមព្រមទាំងលោកបញ្ជាការទាំងបី ប្រភេទនិងបងប្អូនប្រជាការពារឲ្យជួបតែពុទ្ធពរទាំង ៤ ប្រការ គឺអាយុ វណ្ណៈ…