ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជា ណាចក្រកម្ពុជា បានជូនពរបងប្អូនប្រជាពលរដ្ឋនៅទូទាំងប្រទេស ទទួលបានសុខសុវត្ថិភាព ក្នុងការធ្វើ ដំណើរគ្រប់ទីកន្លែង ក្នុងឱកាសនៃពិធីកាន់បិណ្ឌ និង បុណ្យភ្ជុំបិណ្ឌ ឆ្នាំ២០២៤ ។ នៅលើបណ្ដាញទំនាក់ទំនងសង្គម នាព្រឹកថ្ងៃទី ១៨ ខែកញ្ញា ឆ្នាំ២០២៤ សម្ដេច តេជោបានសរសេរថា អនុមោទនា ថ្ងៃកាន់បិណ្ឌ១។ ថ្ងៃទី១៨ កញ្ញានេះ ត្រូវនឹងថ្ងៃពុធ ១ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ គឺជាថ្ងៃកាន់បិណ្ឌ១នៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិរបស់ខ្មែរយើង ដែលមានតាំងពីបុរាណកាលមក។ សម្ដេចតេ ជោបន្តថា នេះជាពេលវេលាមួយ ដែលបងប្អូនប្រជាពលរដ្ឋពុទ្ធបរិស័ទ មានឱកាសក្នុង ការធ្វើបុណ្យទាន សន្សំកុសល និងជួបជុំសាច់ញាតិបងប្អូន នៅតាមទីកន្លែងជិតឆ្ងាយ ជាពិសេសតាមទីវត្តអារាមនានា។ ពិធីកាន់បិណ្ឌនេះ គឺប្រព្រឹត្តទៅចាប់ពីថ្ងៃ១រោច ខែ ភទ្របទ(១៨ ខែកញ្ញា) ដល់ថ្ងៃ១៤រោច ខែភទ្របទ(១ ខែតុលា)…

សៀមរាប៖ ក្នុងវេទិកាសន្ទនាជាមួយអង្គការសង្គមស៊ីវិលនៃ​ខេត្ត​សៀមរាប ក្រោមប្រធានបទ «ការស្វែងយល់អំពីតួនាទីអង្គការ​សង្គមស៊ីវិល​ក្នុង​ក្របខ័ណ្ឌយុទ្ធសាស្ដ្របញ្ចកោណដំណាក់កាលទី១» ដែលប្រារព្ធនៅសណ្ឋាគារ ប៉ាស៊ីហ្វិកកាលពីថ្ងៃទី១៧ ខែកញ្ញា ឆ្នាំ២០២៤ ឯកឧត្តម កឹមរ័ត្ន វិសិដ្ឋ នាយករងខុទ្ទកាល័យសម្តេចធិបតី ហ៊ុន ម៉ាណែត នាយករដ្ឋមន្ត្រី និងរដ្ឋលេខាធិការ​ទីស្តីការ​គណៈ​រដ្ឋមន្ត្រី និងជាប្រធានក្រុមប្រឹក្សាភិបាលវេទិកាសម្ព័ន្ធសង្គមស៊ីវិលបានគូសបញ្ជាក់ថា រាជរដ្ឋាភិបាល បានបន្តយកចិត្តទុកដាក់ និងចាត់ទុកអង្គការ​សង្គមស៊ីវិលជាដៃគូដ៏សំខាន់របស់រាជរដ្ឋាភិបាល ក្នុងការអភិវឌ្ឍ​សេដ្ឋកិច្ច​សង្គម។ ទូលប្រគេននិងថ្លែងទៅកាន់ព្រះសង្ឃ ថ្នាក់ដឹកនាំមន្ទីរ អង្គភាព អាជ្ញាធរក្រុង ស្រុក មន្ត្រី ពាក់ព័ន្ធ តំណាងអង្គការសង្គមស៊ីវិល និងសហគមន៍ ប្រមាណ៣៥០នាក់ ឯកឧត្តម កឹមរ័ត្ន វិសិដ្ឋ បង្ហាញពី​ការយកចិត្តទុកដាក់របស់រាជរដ្ឋា​ភិបាលនិយាយជារួម ។ជាពិសេស​រដ្ឋបាលខេត្តគ្រប់លំដាប់ថ្នាក់និយាយដោយឡែក ដែលបានបង្ក​លក្ខណៈ​ងាយស្រួល និងលំហ​សេរីភាព​ដល់អង្គការសង្គមស៊ីវិល អាចធ្វើសកម្មភាពស្របតាមលក្ខន្តិកៈរបស់ខ្លួន ។ ចំណែកលោក ឌី រ៉ាដូ អភិបាលរងខេត្តបានថ្លែងថា អង្គការសង្គម​ស៊ីវិល សមាគម សហគមន៍ ជាផ្នែកមួយ​យ៉ាង​សំខាន់ក្នុងការជួយ​ជំរុញការអភិវឌ្ឍសង្គមជាតិ ការចូលរួមថែរក្សាសន្តិភាព បរិស្ថាន និង ការលើកស្ទួយការគោរពសិទ្ធិមនុស្ស ជាដើម ។សម្រាប់ខេត្ត​សៀមរាបលោកកត់សម្គាល់ឃើញថា អង្គការ​សង្គមស៊ីវិលទាំងអស់…

ភ្នំពេញ៖ ឯកឧត្តម កាន់ ផារិទ្ធ រដ្ឋលេខាធិការក្រសួងការបរទេស និងសហប្រតិ​បត្តិការអន្តរជាតិ បានដឹកនាំកិច្ចប្រជុំអន្តរក្រសួង នៅថ្ងៃទី១៧ ខែកញ្ញា ឆ្នាំ២០២៤ អំពីបច្ចេកវិទ្យាបញ្ញាសិប្បនិម្មិត នៅទីស្តីការក្រសួងការបរទេស ដែលមានការចូលរួមពី ឯកឧត្តមនាយឧត្តមសេនីយ៍ ប៉ោ ភក្តិ រដ្ឋលេខាធិការ​ក្រសួងមហាផ្ទៃ ឯកឧត្ដម ខូវ មករា រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងឯកឧត្តមឧត្តមសេនីយ៍ទោ ម៉ៅ វិបុល អនុរដ្ឋលេខាធិការក្រសួងការពារជាតិ។ កិច្ចប្រជុំបានពិភាក្សាអំពីការអភិវឌ្ឍនៃបច្ចេកវិទ្យា​បញ្ញាសិប្បនិម្មិត ផលប្រយោជន៍​និងបញ្ហាប្រឈម ព្រមទាំងការប្រើប្រាស់បច្ចេកវិទ្យាបញ្ញាសិប្បនិម្មិតទាំង​ក្នុងបរិបទ​ប្រើប្រាស់ទូទៅ និង​បរិបទ​យោធា ៕ ដោយ ៖ សួង ពិស្ឋ

ភ្នំពេញ៖ តាមរយៈបណ្ដាញសង្គមនាព្រឹកថ្ងៃទី១៨ ខែកញ្ញា ឆ្នាំ២០២៤ សម្ដេចធិបតី ហ៊ុន ម៉ាណែត បានបង្ហាញនូវអត្ថន័យ នៃពិធីបុណ្យភ្ជុំបិណ្ឌ ។ ជារៀងរាល់ឆ្នាំ ចាប់ពីថ្ងៃ១រោច ដល់ថ្ងៃ១៥រោច ខែភទ្របទ ប្រជាពលរដ្ឋខ្មែរតែងតែ ប្រារព្ធ នូវពិធីបុណ្យកាន់បិណ្ឌ និងភ្ជុំបិណ្ឌនៅតាមទីវត្តអារាម ដោយធ្វើជាចង្ហាន់​រាប់បាត្រប្រគេនព្រះសង្ឃ។ ពិធីបុណ្យដែលធ្វើតាមទំនៀមពីដូនតាមកនេះ ត្រូវបាន​ដក់ជាប់ក្នុងគំនិតប្រជាពលរដ្ឋខ្មែរតជំនាន់មកថា វាជាពិធីដើម្បីឧទ្ទិសកុសល្យជូនទៅ​ដល់ដូនតា និងញាតិកាទាំង៧សណ្តានដែលបានចែកឋានទៅ ។ ពិធីបុណ្យភ្ជុំបិណ្ឌ ត្រូវបានចែកចេញជាពីរ គឺ៖ ទី១ ៖ ជារយៈពេលនៃការកាន់បិណ្ឌចាប់ពីថ្ងៃទី១រោចខែភទ្របទ រហូតដល់ថ្ងៃ១៤រោច ដោយប្រជាពលរដ្ឋខ្មែរតែងធ្វើចង្ហាន់ទៅប្រគេនព្រះសង្ឃ ។ ទី២ ៖ ថ្ងៃចុងក្រោយ គឺថ្ងៃ១៥រោច ដែលជាថ្ងៃភ្ជុំបិណ្ឌប្រជាពលរដ្ឋតែងធ្វើការជួបជុំគ្នាដើម្បីឆ្លងនូវសធាជ្រះថ្លា ដែលបានថ្វាយទានចំពោះភិក្ខុសង្ឃក្នុងរយៈពេល១៤ថ្ងៃកន្លងមក។ ខ្មែរយើង គឺជាជនជាតិមួយដែលមានការដឹងគុណចំពោះបុគ្គលដែលបានធ្វើ ឧបការៈ ដល់ខ្លួន ពោលគឺអ្នកកាន់ព្រះពុទ្ធសាសនាប្រកាន់យកគោលការណ៍ នៃការដឹងគុណ ហើយការដឹងគុណនេះ មិនមែននិយាយត្រឹមតែដូនតា ឬក៏ញាតិមិត្ត របស់ខ្លួនទេ គឺជា ការដឹងគុណតាំងពីធម្មជាតិ ដឹងគុណពី អ្នកដទៃបើមិនជាប់ជាញាតិរបស់ខ្លួនយ៉ាង ណា ក៏ដោយ…