ស្វាយរៀង ៖ឯកឧត្តមបណ្ឌិត សម តារា សមាជិកគណៈកម្មា​ធិការ​កណ្តាលគណបក្សប្រជាជនកម្ពុជា សមាជិកសភាមណ្ឌល ខេត្តស្វាយរៀង អនុប្រធានគណៈកម្មការទី១ នៃរដ្ឋសភាកាលពី​ព្រឹកថ្ងៃទី១៤ ខែកញ្ញា ឆ្នាំ២០២៤បានអញ្ជើញចុះជួបសំណេះ សំណាលជាមួយប្រជាកសិករដាំបន្លែធម្មជាតិ និងចិញ្ចឹមកង្កែប នៅភូមិស្វាយចេក ឃុំស្វាយចេក ស្រុករំដួល ខេត្តស្វាយរៀង។ ខណៈនោះឯកឧត្តមបានជំរុញឱ្យប្រជាកសិករដាំបន្លែធម្មជាតិសរីរាង្គឱ្យបានច្រើនបន្ថែមទៀត។ កសិករ កើត យ៉ែម បានជម្រាបឯកឧត្តម សម តារា ថា សព្វថ្ងៃពួកគាត់ដាំបន្លែសរីរាង្គជាច្រើនមុខដូចជា ត្រកួន ននោង ស្ពៃ ស្លឹកគ្រៃ ត្រប់ សណ្ដែកកួរ និងបន្លែទ្រើង។លោកក៏មានការចិញ្ចឹមកង្កែបផងដែរលក់ទៅកាន់ទីផ្សារដោយទទួលបានចំណូល បន្ថែម បន្ទាប់ពីការងារធ្វើស្រែ។ ក្នុងឱកាសនោះឯកឧត្តមបណ្ឌិត សម តារា បាននាំនូវការសាក​សួរសុខទុក្ខពីសំណាក់សម្ដេចកិត្តិសង្គហបណ្ឌិត ម៉ែន សំអន ប្រធានក្រុមការងារគណបក្សប្រជាជនកម្ពុជាចុះជួយខេត្តស្វាយរៀង ។ឯកឧត្តមបណ្ឌិតបានសរសើរដល់កសិករកើត យ៉ែម ,ព្រំ ស៊ន ,ជា វណ្ណី ,កឹម ថាល់ ដែលបានអនុវត្តវិធីសាស្រ្តដាំ​បន្លែ​សរីរាង្គនិងបានជំរុញដល់កសិករដទៃទៀតបង្កើននូវការដាំដុះបន្លែសរីរាង្គបន្ថែមទៀត និង​បរិភោគបន្លែសរីរាង្គវិញ ដើម្បីថែរក្សា​សុខភាពឱ្យបានល្អ។ សូមបញ្ជាក់ថា នៅក្នុងឱកាសចុះជួបកសិករដាំបន្លែនៅស្រុក​រំដួលនេះ…

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តម Shaharuddin Onn ឯកអគ្គរាជទូតម៉ាឡេស៊ីប្រចាំនៅកម្ពុជា នៅរសៀលថ្ងៃសុក្រ ទី១៣ ខែកញ្ញា ឆ្នាំ២០២៤ បានឯកភាពបន្តពង្រឹងកិច្ចសហប្រតិបត្តិការលើវិស័យការងារ និងការបណ្តុះបណ្តាលបច្ចេកទេស និងវិជ្ជាជីវៈជាពិសេសផ្នែកបញ្ញាសិប្បនិមិ្មតដើម្បីកសាង និងពង្រឹងសមត្ថភាពយុវជនកម្ពុជាឱ្យកាន់តែប្រសើរបន្ថែមទៀត។ នេះជាការបញ្ជាក់ដែលធ្វើឡើងក្នុងជំនួបពិភាក្សាការងារ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ ក្នុងជំនួបនោះ សមភាគីទាំងពីរ បានជជែកពីលទ្ធផលផ្លែផ្កានៃកិច្ចសហការកន្លងមកដែលរដ្ឋាភិបាលកម្ពុជា និងម៉ាឡេស៊ីបានសម្រេចលើវិស័យការងារ និងការបណ្តុះបណ្តាលបច្ចេទេស និងវិជ្ជាជីវៈ។ ក្នុងនោះ ឯកឧត្តមរដ្ឋមន្រ្តី ហេង សួរ បានគូសបញ្ជាក់ថា រាជរដ្ឋាភិបាលកម្ពុជាតាមរយៈក្រសួងការងារ និងបណ្តុះបណ្តាលវិជ្ជាជីវៈ បានត្រៀមខ្លួនរួចជាស្រេចដើម្បីជំរុញកិច្ចសហប្រតិបត្តិការរវាងកម្ពុជា និងម៉ាឡេស៊ី លើវិស័យការងារ និងសន្តិសុខសង្គម និងការបណ្តុះបណ្តាលវិជ្ជាជីវៈ ជាពិសេសការបណ្តុះបណ្តាលផ្នែកបច្ចេកវិទ្យាបញ្ញាសិប្បនិម្មិតឱ្យជោគជ័យដើម្បីផ្តល់ផលប្រយោជន៍ និងផ្លែផ្កាជូនប្រជាពលរដ្ឋទាំងសងខាង។ បន្ថែមពីនេះ ឯកឧត្តមរដ្ឋមន្រ្តី បានពេញចិត្តចំពោះភាពរីកចម្រើនគួរឱ្យកត់សម្គាល់នៃទំនាក់ទំនង និងកិច្ចសហការគ្រប់វិស័យរបស់ប្រទេសទាំងពីរដែលបានបង្កើតឱកាសឱ្យមានកិច្ចសហការលើវិស័យការងារ និងបណ្តុះបណ្តាលវិជ្ជាជីវៈដែលបានជួយបណ្តុះបណ្តាល និងអភិវឌ្ឍសមត្ថភាពកម្លាំងពលកម្មក្នុងទីផ្សារ។ ដោយឡែកឯកឧត្តមឯកអគ្គរាជទូត បានរំឭកពីផ្លែផ្កានៃដំណើរទស្សនៈកិច្ចផ្លូវការរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជណាចក្រកម្ពុជា នៅប្រទេសម៉ាឡេស៊ីកាលពីខែកុម្ភៈ ឆ្នាំ២០២៤ កន្លងទៅនេះ។…

កំពង់ធំ ៖ឯកឧត្តម សោម ស៊ុន សមាជិកអចិន្ត្រៃយ៍គណបក្សខេត្ត អនុប្រធានក្រុមការងារគណបក្សចុះមូលដ្ឋានស្រុក និងជាប្រធាន​ក្រុមការងារចុះមូលដ្ឋានឃុំដងកាំបិត ស្រុកសណ្ដាន់ ខេត្តកំពង់ធំ បានអញ្ជើញជាអធិបតីភាព​ក្នុងពិធីបញ្ចុះបឋមសិលា​សាងសង់​ទីស្នាក់ការគណបក្សប្រជាជនកម្ពុជា ។ពិធីបានប្រព្រឹត្តទៅនៅ ភូមិស្រែវាលខាងកើត ឃុំដងកាំបិត ស្រុកសណ្តាន់ ។ លោក ឃួន សុខមករា តំណាងឱ្យក្រុមជាងសាងសង់ទីស្នាក់ការ គណបក្សប្រជាជនកម្អុជាឃុំបានបញ្ជាក់ថា អគារទីស្នាក់ការដែល​ត្រូវ​សាងសង់នេះមានទំហំ៩៦ ម៉ែត្រការ៉េ ។ក្នុងនោះមាន១បន្ទប់ ទំហំ ៣២ម៉ែត្រការ៉េ សម្រាប់ធ្វើការងារ និងទុកដាក់ឯកសារហើយ​និងមានសាលប្រជុំទំហំ៦៤ម៉ែត្រការ៉េ។អគារសាងសង់អំពីបេតុង ដំបូលប្រក់ស័ង្កសី ។ ឯកឧត្តម សោម ស៊ុន បានបញ្ជាក់ថា ដោយមានការដឹកនាំ ណែនាំ ផ្ទាល់ពីឯកឧត្តម ម៉ៅ សុផាន់ អនុប្រធានក្រុម​ការងារចុះ​មូលដ្ឋាន​ខេត្ត និងជាប្រធានក្រុមការងារគណបក្សចុះមូលដ្ឋានស្រុកសណ្តាន់ និងការ ជួយឧបត្ដម្ភពីឯកឧត្តម នង វាសនា អនុប្រធាន​ក្រុម​ការងារចុះ មូលដ្ឋានស្រុក ឯកឧត្តម គង់ វិមាន ក្រុមការងារថ្នាក់កណ្តាល របស់ គណបក្សប្រជាជនកម្ពុជា ពិសេសមាន​ការ​ជួយ​ជ្រោមជ្រែង ឧបត្ថម្ភ ពីឯកឧត្តម…

កំពង់ធំ ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករងកំពង់ធំបានបញ្ជាក់យ៉ាងម៉ឹងម៉ាត់ថា ក្នុងនាមជាកង​យោធ​ពលខេមរភូមិន្ទ ត្រូវតែស្មោះត្រង់ដាច់ខាត ចំពោះជាតិ សាសនា ព្រះមហាក្សត្រ និងការពាររាជរដ្ឋាភិបាលដែល​ប្រសូត្រ​ចេញពីការ​បោះឆ្នោត និងបំពេញតួនាទីភារកិច្ច ស្របតាមលក្ខន្តិកៈ បទវិន័យ​ទូទៅរបស់កងយោធពលខេមរភូមិន្ទ និងច្បាប់របស់​រដ្ឋ។ លោក​បន្ថែមថា ករណីយោធិនណាម្នាក់ អប់រំមិនស្តាប់ ត្រូវដាក់វិន័យ ឬត្រូវផ្ដន្ទាទោសតាមផ្លូវច្បាប់ ។ការបញ្ជាក់នេះ នៅក្នុង​កិច្ចប្រជុំពង្រឹង​តួនាទីភារកិច្ចរបស់កងយោធពលខេមរភូមិន្ទកាលពីព្រឹកថ្ងៃទី១២ ខែកញ្ញា ឆ្នាំ២០២៤ នៅទីបញ្ជាការតំបន់​ប្រតិបត្តិការសឹករងកំពង់ធំ ។ កិច្ចប្រជុំកងកម្លាំងចំណុះឱ្យបញ្ជាការតំបន់ប្រតិបត្តិការសឹករងកំពង់ធំ មានការចូលរួមពីថ្នាក់ដឹកនាំគ្រប់លំដាប់ថ្នាក់ មេបញ្ជាការ​គ្រប់បណ្ដា​កងឯកភាព និងនាយការិយាល័យ ។ក្នុងឱកាសនេះឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹក បានកោតសរសើរចំពោះ​នាយទាហាន នាយទាហានរង និងពលទាហានទាំងអស់ ដែលមាន​ឆន្ទៈ​ស្មោះត្រង់ និងអនុវត្តបំពេញ​តួនាទីភារកិច្ចបានល្អប្រសើរ ដោយ​ពុំមានយោធិនណាម្នាក់ទទួលរងនូវវិន័យឡើយ ។ ឧត្តមសេនីយ៍ទោ សោម ស៊ុន បានណែនាំយោធិនគ្រប់​បណ្តាកង​ឯកភាព ជានិច្ចជាកាលត្រូវត្រួតពិនិត្យគ្រឿងបំពាក់ និង​ត្រៀម​កម្លាំង ,មធ្យោបាយក្នុងកិច្ចការពារជាតិបូរណភាពទឹកដី ,ចូលរួមសហការ​រក្សាសន្តិសុខសណ្ដាប់ធ្នាប់ក្នុងសង្គម ដើម្បីរក្សា​សុខ​សន្តិភាព ជូន​ប្រជាជនឱ្យនៅគង់វង្សជារៀងរហូតទោះបីក្នុងតម្លៃណាក៏ដោយ៕ដោយ៖ ប៊ុន រដ្ឋា

(ភ្នំពេញ)ក្នុងកិច្ចប្រជុំលើកទី៦ ថ្នាក់រដ្ឋមន្ត្រីបរិស្ថានមហាអនុតំបន់មេគង្គ និងកិច្ចប្រជុំពាក់ព័ន្ធ ក្រោយពីបានជជែកពិភាក្សាចាប់តាំងពីថ្ងៃទី១០ ដល់ថ្ងៃទី១៣ ខែកញ្ញា ឆ្នាំ២០២៤ បានគាំពារ និងគាំទ្រដោយតំណាងនៃប្រទេសមហាអនុតំបន់មេគង្គ (GMS) ដោយបានសង្កត់ធ្ងន់លើតម្រូវការសម្រាប់កិច្ចសហប្រតិបត្តិការឆ្លងព្រំដែន ចំពោះការដោះស្រាយការបំពុលដោយប្លាស្ទិក។ គួរបញ្ជាក់ថាប្រទេសនៃមហាអនុតំបន់មេគង្គចំនួន៦ប្រទេសរួមមានចិន កម្ពុជា ឡាវ ថៃ មីយ៉ាន់ម៉ា និងវៀតណាម បានប្តេជ្ញារួមគ្នាទប់ស្កាត់ការបំពុលទន្លេមេគង្គដោយ សំណល់ ប្លាស្ទិក ដែលកំពុងចោទជាបញ្ហាឆ្លងដែន សម្រាប់សុខភាពរបស់ប្រជាជន និងជីវៈចម្រុះ ទាំងនៅក្នុងទឹក និងលើគោក ក៏ដូចជាផ្នែកសេដ្ឋកិច្ច។ ថ្លែងនៅក្នុងសន្និសីទសារព័ត៌មានក្រោយបញ្ចប់កិច្ចប្រជុំលើកទី៦ ថ្នាក់រដ្ឋមន្ត្រីបរិស្ថាន មហាអនុតំបន់មេគង្គ និងកិច្ចប្រជុំពាក់ព័ន្ធនារសៀលថ្ងៃទី១៣ ខែកញ្ញា ឆ្នាំ២០២៤ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានបានបញ្ជាក់ថាតំណាង​នៃប្រទេស មហាអនុតំបន់មេគង្គ បានបញ្ជាក់ជំហរក្នុងការទប់ស្កាត់ការបំពុលដោយ​សំណល់​ប្លាស្ទិក តាមដងទន្លេមេគង្គ​ ទន្ទឹមនឹងការប្តេជ្ញារួមគ្នាទប់ស្កាត់ការប្រែប្រួល​អាកាសធាតុ តាមរយៈការលើកកម្ពស់ជីវៈចម្រុះ ការស្ដារប្រព័ន្ធអេកូឡូស៊ី និងការកែ​លម្អជីវភាពរស់នៅ។ ឯកឧត្តមបានបន្តថាបញ្ហាបា្លស្ទិកគឺជារឿងមួយត្រូវបានជជែកពិភាក្សាដើម្បីប្រយោជន៍រួមគ្នាសម្រាប់ពលរដ្ឋដែលប្រើប្រាស់នៃទឹកទន្លេមេគង្គ។ ដោយឡែកបើតាមសេចក្តីថ្លែងការណ៍រួម, រដ្ឋមន្ត្រីបរិស្ថាន និងអនុរដ្ឋមន្ត្រី​មកពី​ប្រទេសទាំង ៦នៃមហាអនុតំបន់មេគង្គ (GMS)នាពេលនេះដែរ បានគាំទ្រ និង​អនុម័តក្របខ័ណ្ឌយុទ្ធសាស្ត្របរិស្ថានថ្មីរយៈពេល៥ឆ្នាំ ដែលរួមមានសំណើ​សម្រាប់​ជំនួយបច្ចេកទេស និងការវិនិយោគជាយុទ្ធសាស្រ្ត​ដែលមានតម្លៃជាង ១.០០០លាន​ដុល្លារអាម៉េរិកដល់ការបង្កើនភាពធន់នឹងអាកាសធាតុ…

(ភ្នំពេញ)៖ ក្នុងឱកាសនៃជំនួបសម្តែងការគួរសម និងពិភាក្សាការងារជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នារសៀលថ្ងៃទី១៣កញ្ញា លោកជំទាវ Fitima Yasmin អនុប្រធានធនាគារអភិវឌ្ឍន៍អាស៊ី (ADB) ដែលបានដឹកនាំគណៈប្រតិភូនៃកិច្ចប្រជុំរដ្ឋមន្ត្រីបរិស្ថានមហាអនុតំបន់មេគង្គ លើកទី៦ (GMS EMM-6) បានថ្លែងអំណរគុណចំពោះកម្ពុជា ដែលទទួលធ្វើជាម្ចាស់ផ្ទះកិច្ចប្រជុំថ្នាក់រដ្ឋមន្ត្រីបរិស្ថានមហាអនុតំបន់មេគង្គ ចំនួនពីរលើក និងវាយតម្លៃខ្ពស់ ចំពោះការរៀបចំកិច្ចប្រជុំ GMS EMM-6 នៅថ្ងៃទី១៣ ខែកញ្ញា ឆ្នាំ២០២៤ ដែលប្រព្រឹត្តទៅបានយ៉ាងល្អប្រសើរ ជាមួយនឹងលទ្ធផលប្រកបដោយផ្លែផ្កា។ សម្ដេចធិបតី បានអបអរសាទរចំពោះលទ្ធផលប្រកបដោយផ្លែផ្កានៃកិច្ចប្រជុំ GMS EMM-6 ដែលនឹងរួមចំណែកជំរុញកិច្ចសហប្រតិបត្តិការក្នុងក្របខ័ណ្ឌ GMS សម្រាប់អនាគតកាន់តែបៃតង និងចីរភាព ។ សម្ដេចធិបតី បានអរគុណធនាគារ ADB ដែលបានជួយគាំទ្រដល់ប្រទេស GMS និងកម្ពុជា និងបានសម្របសម្រួលដល់កិច្ចសហប្រតិបត្តិការក្នុងតំបន់ ក្នុងកិច្ចប្រឹងប្រែងការពារបរិស្ថាន និងចីរភាព ព្រមទាំងគូសបញ្ជាក់ថា បញ្ហាបរិស្ថាន គឺជាការប្រឈមរួម ដែលតម្រូវឱ្យមានកិច្ចសហប្រតិបត្តិការរួមគ្នា ពីគ្រប់ភាគីពាក់ព័ន្ធ។ ជាមួយគ្នានេះ សម្ដេចធិបតី បានលើកឡើងអំពីគោលនយោបាយ អាទិភាព…