(កូរ៉េខាងត្បូង)៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា កម្ពុជា ត្រូវបានសាកលវិទ្យាល័យដុងហ្គុកវ៉ាយស៍ (Dongguk University WISE) នៅខេត្តឃ្យុងសាងបុកដូ របស់កូរ៉េខាងត្បូង ផ្តល់សញ្ញាបត្របណ្ឌិតកិត្តិយសលើផ្នែក «ភាពជាអ្នកដឹកនាំ និងការកសាងសន្តិភាព» ។ នៅក្នុងឱកាសនៃការអញ្ជើញទទួលសញ្ញាបត្របណ្ឌិតកិត្តិយស នៅថ្ងៃទី១២ ខែកញ្ញា ឆ្នាំ២០២៤ សម្តេចតេជោ ក៏បានអញ្ជើញធ្វើបាឋកថា ស្តីពី «បទពិសោធន៍របស់កម្ពុជា ក្នុងការរំដោះជាតិ ការកសាងសន្តិភាព ការផ្សះផ្សារ និងកសាងជាតិឡើងវិញ» ផងដែរ ។ សម្តេចតេជោ ហ៊ុន សែន បានថ្លែងថា សង្គ្រាមអាចឆេះបានយ៉ាងលឿន ហើយងាយ ប៉ុន្តែការបញ្ឈប់សង្គ្រាម និងការកសាងសន្តិភាព ត្រូវការពេលវេលាយូរណាស់ ។ ជាក់ស្តែង ចាប់តាំងពីប្រទេសកម្ពុជាធ្លាក់ក្នុងភ្នក់ភ្លើងសង្គ្រាម ដោយសាររដ្ឋប្រហារទម្លាក់ព្រះករុណាព្រះបាទសម្តេចព្រះនរោត្តម សីហនុ នៅឆ្នាំ១៩៧០នោះមក ប្រទេសកម្ពុជាត្រូវការពេលវេលាជិត ៣០ឆ្នាំ ទម្រាំអាចកសាងបាននូវសន្តិភាពពិតប្រាកដ ជាមួយនឹងជោគជ័យដ៏ត្រចះត្រចង់នៃនយោបាយឈ្នះ-ឈ្នះនៅចុងឆ្នាំ១៩៩៨។ សម្តេចរំលឹកថា ក្នុងចំណោមប្រទេសដែលទទួលបានការអន្តរាគមន៍ពីកងរក្សាសន្តិភាពរបស់អង្គការសហប្រជាជាតិ ដូចកម្ពុជា នៅអំឡុងទសវត្សឆ្នាំ១៩៩០ ប្រទេសជាច្រើនកំពុងតែនៅវិលវល់នៅក្នុងភ្លើងសង្គ្រាមនៅឡើយទេ។ នេះគឺជាសក្ខីភាពបង្ហាញយ៉ាងច្បាស់ថា…

(ភ្នំពេញ)៖ ស្របពេលដែលពិធីបុណ្យកាន់បិណ្ឌ និងភ្ជុំបិណ្ឌ ដែលជាបុណ្យប្រពៃណី​របស់ខ្មែរ ជិតឈានចូលមកដល់ ផ្នែកពុទ្ធចក្រ និងអាណាចក្រ បានបើកកិច្ចប្រជុំរួមគ្នា នៅថ្ងៃទី១១ ខែកញ្ញា ឆ្នាំ២០២៤ ដើម្បី ពង្រឹងការងាររៀបចំ សណ្ដាប់ធ្នាប់ សម្អាតបរិស្ថានអនាម័យ និងការពារសន្តិសុខ ជូនពុទ្ធបរិស័ទ ប្រជាពលរដ្ឋ ដែលអញ្ជើញមកធ្វើបុណ្យ នៅតាមទីវត្តអារាម ទាំង២៤ នៅក្នុងខណ្ឌច្បារអំពៅ ។ នៅក្នុងកិច្ចប្រជុំរវាង ផ្នែកពុទ្ធចក្រ និងអាណាចក្រនេះដែរ លោក ចេង មុនី អភិបាលខណ្ឌច្បារអំពៅ និងជាប្រធានគណៈបញ្ជាការឯកភាពរដ្ឋបាលខណ្ឌ បានថ្លែងថា ចាប់ពីថ្ងៃនេះទៅ កម្លាំងគណៈបញ្ជាការឯកភាពខណ្ឌនិងសង្កាត់ រួមគ្នាចុះ រៀបចំសណ្ដាប់ធ្នាប់ បរិស្ថានអនាម័យ នៅតាមទីវត្តអារាម ឲ្យបានស្អាត និងមានសណ្ដាប់ធ្នាប់ល្អ ដើម្បីត្រៀមទទួលពុទ្ធបរិស័ទនិងប្រជាពលរដ្ឋមកធ្វើបុណ្យ ក្នុងពិធី បុណ្យកាន់បិណ្ឌ និងភ្ជុំបិណ្ឌខាងមុខនេះ ដូច្នេះ ក្នុងនាមគណៈបញ្ជាការឯកភាពខណ្ឌ ត្រូវចូលរួម កិច្ចការងារនេះឲ្យបានល្អ ដើម្បីរួមចំណែកក្នុងការរៀបចំ ទីវត្តអារាមអោយមានសោភ័ណ្ឌភាព ។ ដោយឡែកចំពោះបញ្ហាសន្តិសុខ សណ្ដាប់ធ្នាប់សាធារណៈ នៅតាមទីវត្តអារាម ត្រូវបានកម្លាំងគណៈបញ្ជាការឯកភាព…

(ភ្នំពេញ)៖សមាជិកក្រុមប្រឹក្សារាជធានីភ្នំពេញ បានស្នើសុំឱ្យសមត្ថកិច្ចបន្តរឹតបណ្តឹងច្បាប់ចរាចរណ៍ផ្លូវគោក ដើម្បីកាត់បន្ថយគ្រោះថ្នាក់ចរាចរដែលតែងតែកើតមានជារៀងរាល់ថ្ងៃនោះ ជាមួយនិងការ កោតសរសើរ ចំពោះវិស័យសុខាភិបាលនៅរាជធានីភ្នំពេញ ដែលបានគិតគូរ និងយកចិត្តទុកដាក់ចំពោះសុខមាលភាពប្រជាពលរដ្ឋ ។ ការស្នើសុំរបស់សមាជិកក្រុមប្រឹក្សារាជធានីបែបនេះបានធ្វើឡើង ក្នុងកិច្ចប្រជុំសាមញ្ញលើកទី៤របស់ក្រុមប្រឹក្សារាជធានីភ្នំពេញ នាព្រឹកថ្ងៃទី១២ កញ្ញា ក្រោមអធិបតីភាព ឯកឧត្ដមជួប ខុន សមាជិកក្រុមប្រឹក្សារាជធានី តំណាងឯកឧត្ដមម៉ប់ សារិន ប្រធានក្រុមប្រឹក្សារាជធានីភ្នំពេញ និងឯកឧត្ដមកើត ឆែ អភិបាលរងរាជធានី តំណាងឯកឧត្ដម ឃួង ស្រេង អភិបាលរាជធានីភ្នំពេញ នៅសាលារាជធានីភ្នំពេញ។ ឆ្លើយតបទៅនឹងការស្នើឡើងរបស់សមាជិកក្រុមប្រឹក្សារាជធានីភ្នំពេញ ឯកឧត្ដម កើត ឆែ អភិបាលរងរាជធានីភ្នំពេញបានមានប្រសាសន៍លើកឡើងថា៖ ការបង្ការទប់ស្កាត់គ្រោះថ្នាក់ចរាចរនេះ រាជរដ្ឋាភិបាលបានយកចិត្តទុកដាក់ណាស់ សំដៅធ្វើយ៉ាងណាកាត់បន្ថយឱ្យបាននូវគ្រោះថ្នាក់ចរាចរណ៍ ដោយយើងបានពង្រឹងការអនុវត្តច្បាប់ចរាចរ ការផ្សព្វផ្សាយអោយប្រជាពលរដ្ឋបានយល់និងចូលរួមគោរពច្បាប់ចរាចរណ៍។ គ្រោះថ្នាក់ចរាចរណ៍បានឆក់យកជីវិតមនុស្ស ៥ទៅ៦នាក់ក្នុងមួយថ្ងៃនៅទូទាំងប្រទេស។ ឯកឧត្ដម កើត ឆែ បានបន្តទៀតថា៖ ក្រុមប្រឹក្សារាជធានីភ្នំពេញ បានសម្តែងនូវការកោតសរសើរផងដែរ ចំពោះវិស័យសុខាភិបាលនៅរាជធានីភ្នំពេញ ដែលបានគិតគូរ និងយកចិត្តទុកដាក់ចំពោះសុខមាលភាពប្រជាពលរដ្ឋ។ ប៉ុន្តែទោះបីជាយ៉ាងណាក្តី ឯកឧត្ដម កើត ឆែ នៅតែជំរុញឱ្យ មន្ទីរសុខាភិបាលរាជធានីភ្នំពេញ…

ព្រះសីហនុ៖ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវចំណត​ផែ​កុងតឺ​ន័រប្រវែង២៥៣ម៉ែត្រ នៅកំពង់ផែស្វយ័តក្រុងព្រះសីហនុ កាល​ពីព្រឹកថ្ងៃទី១២ ខែកញ្ញា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បាន​ផ្ដល់នូវ​ទស្សនៈនិងអនុសាសន៍មួយចំនួន ដើម្បីជំរុញចលនការនៃការអភិវឌ្ឍ​កំពង់ផែកម្ពុជា ។ ជាមួយនឹងការសម្រេចបាននូវសមិទ្ធផលជាច្រើន នៅក្នុងវិស័យ​សាធារណការ និងដឹកជញ្ជូន សម្តេចធិបតី ហ៊ុន ម៉ាណែត បានផ្ដល់​នូវទស្សនៈ និងអនុសាសន៍មួយចំនួន ។ក្នុងនោះ ទី១.លើកទឹកចិត្ដ ដល់ក្រុមប្រឹក្សាភិបាល ថ្នាក់ដឹកនាំ និងមន្រ្ដីរាជការ បុគ្គលិក កម្មករ​និយោជិក នៃកំពង់ផែស្វយ័ត ក្រុងព្រះសីហនុទាំងអស់ឱ្យបន្ដខិត​ខំបំពេញការងារឱ្យកាន់តែប្រសើរ និងខ្លាំងខ្លា ថែមទៀត ព្រមទាំង​បន្ដអភិវឌ្ឍន៍សមត្ថភាពរបស់ខ្លួនថែមទៀត ដើម្បីរួមចំណែកក្នុង​ការធ្វើទំនើបកម្មកំពង់ផែកម្ពុជា កំពង់ផែ តំបន់ប្រកបដោយ ភាព​ប្រកួតប្រជែងខ្ពស់។ទី២.គ្រប់សមត្ថកិច្ច ស្ថាប័ន និងអង្គភាពពាក់ព័ន្ធ សូមបង្កើនកិច្ចសហការល្អ ឈរលើអភិក្រម «ជវភាពនៃ​ប្រព័ន្ធ​តួអង្គ​តែមួយ» ដោយត្រូវបំពេញ មុខងារ និងភារកិច្ចក្នុងកិច្ចសហការ និង ការសម្របសម្រួល ប្រកបដោយភាពរស់រវើក សហ-ថាមពល និងបំពេញឱ្យគ្នាទៅវិញទៅមក ដើម្បីជំរុញចលនការនៃការអភិវឌ្ឍ​កំពង់ផែកម្ពុជា ជាកំពង់ផែ តំបន់ប្រកបដោយ ភាព​ប្រកួតប្រជែង។ទី៣. ក្រសួងសាធារណការ និងដឹកជញ្ជូន…

(ភ្នំពេញ)៖ក្នុងដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតរយៈពេល ១១ថ្ងៃ​កន្លង​មក​នេះ បើទោះបីថ្ងៃខ្លះមានភ្លៀងធ្លាក់ជួបការលំបាក និងកន្លែងខ្លះទៀតមាន​ភូមិ​សាស្ត្រស្មុគស្មាញក៏ដោយ តែក៏បានប្រព្រឹត្តិទៅដោយរលូន និង ជោគជ័យផងដែរ។នេះបើតាមការបញ្ជាក់ឱ្យដឹងពីសំណាក់ ឯកឧត្តម ហេង ស៊ីឡេង សមាជិក គណៈ​កម្មាធិការជាតិរៀបចំការបោះឆ្នោត(គ.ជ.ប)។ បញ្ជាក់នៅក្នុងពិធី ដឹកនាំកិច្ចប្រជុំផ្សព្វផ្សាយជាមួយភាគីពាក់ព័ន្ធ ស្ដីពីសភាពការណ៍​ទូទៅជុំវិញដំណើរការនៃការពិនិត្យបញ្ជីឈ្មោះ និងការចុះឈ្មោះបោះឆ្នោតតាមឃុំ សង្កាត់ លទ្ធផលបណ្តោះអាសន្ននៃការពិនិត្យបញ្ជីឈ្មោះ និងការចុះឈ្មោះបោះឆ្នោត និងបញ្ហាប្រឈមក្នុងដំណើរការចុះឈ្មោះបោះឆ្នោត នៅទីស្ដីការ គ.ជ.ប នាព្រឹកថ្ងៃទី​១២ ខែកញ្ញា ឆ្នាំ២០២៤ឯកឧត្តម ហេង ស៊ីឡេង បានឱ្យដឹងថា៖ក្នុងរយៈពេល ១១ថ្ងៃ នៃដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតតាមឃុំ សង្កាត់ កន្លងមក​ឃើញថា៖ទាំងគ.ជ.ប និងមន្ត្រី គ.ជ.ប គ្រប់លំដាប់ថ្នាក់ ពិសេសក្រុមចុះឈ្មោះ​បោះ​ឆ្នោត បានត្រៀមខ្លួន និងបាន អនុវត្តយ៉ាងត្រឹមត្រូវ តាមច្បាប់ បទបញ្ជា និងនីតិវិធី ព្រមទាំងឯកសារគតិយុត្តផ្សេងទៀត ដែលធ្វើឱ្យដំណើរការពិនិត្យបញ្ជីឈ្មោះ និងការ​ចុះឈ្មោះបោះឆ្នោត ឆ្នាំ២០២៤ នេះ ប្រព្រឹត្តទៅ រលូនល្អ។ ឯកឧត្តមបានបន្តឱ្យដឹងថា”ប្រជាពលរដ្ឋមានការយល់ដឹងខ្ពស់ និងបានចូលរួមយ៉ាង​កុះករ​ក្នុងដំណើរការពិនិត្យបញ្ជីឈ្មោះ និងចុះឈ្មោះបោះឆ្នោត។អ្នកសារព័ត៌មាន​បានផ្សព្វផ្សាយទូលំទូលាយធ្វើឱ្យសាធារណជនមានការយល់ដឹងច្បាស់អំពី នីតិវិធីនៃការចុះឈ្មោះបោះឆ្នោត…

(ភ្នំពេញ)៖ ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច បានអនុញ្ញាតជូន ឯកឧត្តម​បណ្ឌិត សាន់តូ ដាម៉ូស៊ូម៉ាតូ (Santo Darmosumarto) ឯកអគ្គរដ្ឋទូតសាធារណរដ្ឋ​ឥណ្ឌូ​ណេស៊ីប្រចាំ កម្ពុជា ចូលជួបសម្តែងការគួរសម និងពិភាក្សាការងារ នារសៀល​ថ្ងៃទី​១១ ខែកញ្ញា ឆ្នាំ២០២៤ នៅទីស្តីការក្រសួង។ ឯកឧត្តមរដ្ឋមន្ត្រី បានសម្តែងនូវក្តីសោមនស្សរីករាយក្នុងការទទួលស្វាគមន៍ ថ្លែងអំណរ​គុណ​យ៉ាងជ្រាលជ្រៅដល់ សាធារណរដ្ឋឥណ្ឌូណេស៊ី ចំពោះជំនួយរបស់ប្រជាជន និង​រដ្ឋាភិបាលឥណ្ឌូណេស៊ីដល់ប្រទេសកម្ពុជាក្នុងគ្រាលំបាក ជាពិសេសការជួយសម្រប​សម្រួលក្នុងដំណើរការចរចាសន្តិភាពនាឆ្នាំ១៩៩១ ព្រមទាំងកិច្ចសហប្រតិបត្តិការ​ដ៏ល្អ​ប្រសើរ លើគ្រប់វិស័យ ដែលមានជាអាទិ៍៖ នយោបាយ ការទូត សេដ្ឋកិច្ច ពាណិជ្ជកម្ម ការពារជាតិនិងសន្តិសុខ អប់រំ កសិកម្ម និងទេសចរណ៍។ ឆ្លៀតក្នុងឱកាសនេះ ឯកឧត្តមរដ្ឋមន្ត្រី ក៏បានអបអរសាទរខួបអនុស្សាវរីយ៍លើកទី៦៥ឆ្នាំ នៃការបង្កើត ទំនាក់ទំនងការទូតរវាងប្រទេសទាំងពីរផងដែរ។ ឯកឧត្តមឯកអគ្គរដ្ឋទូត ក៏បានជម្រាបជូន ឯកឧត្តមរដ្ឋមន្ត្រី អំពីគោលដៅនៅក្នុង​អា​ណត្តិ​​បេសកកម្មការទូតនៅកម្ពុជា ដើម្បីជំរុញទំនាក់ទំនងជាប្រវត្តិ​សាស្ត្រ រវាងកម្ពុជា និងឥណ្ឌូណេស៊ី ឱ្យប្រែក្លាយជាកិច្ចសហប្រតិបត្តិការជាក់ស្តែង ជាពិសេសខាងផ្នែក​សេដ្ឋកិច្ច និង ទំនាក់ទំនងរវាងប្រជាជននិងប្រជាជន ដោយផ្តោតលើយុវជនជំនាន់​ក្រោយ។ ឯកឧត្តមរដ្ឋមន្ត្រី…