(ភ្នំពេញ)៖ ឯកឧត្តម Prabowo Subianto រដ្ឋមន្ត្រីក្រសួងការពារជាតិ និងជា​ប្រធានាធិបតីជាប់ឆ្នោត នៃសាធារណរដ្ឋឥណ្ឌូណេស៊ី បានអញ្ជើញមកបំពេញ​ទស្សនកិច្ចការងារ នៅព្រះរាជាណាចក្រកម្ពុជា នាថ្ងៃទី៦ ខែកញ្ញា ឆ្នាំ២០២៤ ។ ដំណើរទស្សនកិច្ចនេះ គូសបញ្ជាក់ពីទំនាក់ទំនងដ៏កក់ក្តៅ រវាងកម្ពុជា និងឥណ្ឌូណេស៊ី ព្រមទាំងរក្សាបាននូវសន្ទុះដ៏ល្អ នៃការផ្លាស់ប្តូរទំនាក់ទំនងកម្រិតខ្ពស់របស់ថ្នាក់ដឹកនាំ​ជាន់ខ្ពស់នៃប្រទេសទាំងពីរ ។ ក្នុងដំណើរទស្សនកិច្ចនេះ ឯកឧត្តម Prabowo Subianto នឹងមាន​ជំនួប​សម្តែងការគួរ​សមជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រមុខ​រដ្ឋស្តីទី និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃព្រះរាជាណាចក្រ​កម្ពុជា ៕ ដោយ ៖ សួង ពិសិដ្ឋ

ភ្នំពេញ, ថ្ងៃទី០៦ ខែកញ្ញា ឆ្នាំ២០២៤ – ឯកឧត្តម សុខ សូកេន រដ្ឋមន្ត្រីក្រសួងទេសចរណ៍ ព្រមទាំងថ្នាក់ដឹកនាំនៃក្រសួងទេសចរណ៍ បានអញ្ជើញចូលរួមកិច្ចប្រជុំត្រីភាគី ស្ដីពីកិច្ចសហប្រតិបត្តិការលើវិស័យទេសចរណ៍ រវាងក្រសួងទេសចរណ៍នៃព្រះរាជាណាចក្រកម្ពុជា ស្ថានទូតចិនប្រចាំកម្ពុជា​ ដឹកនាំដោយឯកឧត្តម​ Wang Wenbin ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន និងក្រុមទេសចរណ៍នៃប្រទេសចិន​ ដឹកនាំដោយលោកស្រី Zheng Lijuan ប្រធានទីភ្នាក់ងារទេសចរណ៍ដែលធំបំផុតនៅប្រទេសចិន តាមប្រព័ន្ធបច្ចេកវិទ្យា VOOV នៅទីស្ដីការក្រសួងទេសចរណ៍។ កិច្ចប្រជុំនេះ បានប្តេជ្ញារួមគ្នាដើម្បីជំរុញការតភ្ជាប់ជើងហោះហើរ រវាងប្រទេសកម្ពុជា និងប្រទេសចិនឱ្យបានកាន់តែច្រើន ក៏ដូចជាការផ្សព្វផ្សាយពីសក្តានុពលទេសចរណ៍នៃប្រទេសកម្ពុជា ទៅលើបណ្តាញសង្គមនៅប្រទេសចិន សំដៅជំរុញលំហូរភ្ញៀវទេសចររវាងប្រទេសទាំងពីរ។ ចាន់ វិចិត្រ

(ភ្នំពេញ)៖ ក្នុងជំនួបពិភាក្សាការងារ នៅថ្ងៃទី៥ ខែកញ្ញា ឆ្នាំ២០២៤ ឯកឧត្តម សោម វិសាល អនុរដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ និង ឯកឧត្តម កាណាត់ ទូមីសហ្ស ឯកអគ្គរាជទូតវិសាមញ្ញ និងពេញសមត្ថភាព នៃសា​ធារណរដ្ឋកាហ្សាក់ស្ថាន ដែលមាននិវេសនដ្ឋាន នៅទីក្រុងហាណូយ បានប្តេជ្ញាលើក កម្ពស់កិច្ចសហប្រតិបត្តិការបន្ថែមទៀត និងគាំទ្រគ្នា ទៅវិញទៅមក ទាំងក្នុង​ក្របខ័ណ្ឌ​ទ្វេភាគី និងពហុភាគី រវាងប្រទេសទាំងពីរ ។ ឯកឧត្តមអនុរដ្ឋលេខាធិការ បានសម្តែង នូវការអបអរសាទរឯកឧត្តម កាណាត់ ទូមីសហ្ស ចំពោះការទទួលបានការតែងតាំងជាឯកអគ្គរដ្ឋទូតកាហ្សាក់ស្ថានថ្មី ប្រចាំកម្ពុជា និងបានបញ្ជាក់ថា ក្រសួងការបរទេស និងសហប្រតិបត្តិការអន្តរជាតិ ត្រៀមសហការជិតស្និទ្ធជាមួយ ឯកឧត្តមឯកអគ្គរដ្ឋទូត និងស្ថានទូតកាហ្សាក់ស្ថាន ដើម្បីលើកកម្ពស់ចំណងមិត្តភាព និងកិច្ចសហប្រតិបត្តិការ រវាងប្រទេសទាំងពីរ ឱ្យកាន់តែស៊ីជម្រៅ ។ ភាគីទាំងពីរ បានពិនិត្យការវិវត្តនៃទំនាក់ទំនងទ្វេភាគី និងឯកភាពជំរុញកិច្ចសហប្រតិបត្តិការលើវិស័យពាណិជ្ជកម្ម វិនិយោគ ទេសចរណ៍ និងអប់រំ។ ភាគីទាំងពីរ ក៏បានសង្កត់ធ្ងន់លើសារៈសំខាន់ ពាក់ព័ន្ធនឹងការចាប់ផ្តើមពិភាក្សាគ្នាទ្បើងវិញ…

ភ្នំពេញ៖ សពសម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល បានរៀបចំពិធីបូជានៅវត្តជម្ពូវ័ន នាព្រឹកថ្ងៃសុក្រទី៦ ខែកញ្ញា ឆ្នាំ​២០២៤ បន្ទាប់ពីតម្កល់ធ្វើបុណ្យទក្ខិណានុប្បទានឧទ្ទិសកុសលផល​បុណ្យជូនវិញ្ញាណក្ខន្ធ នៅគេហដ្ឋានអស់រយៈ​ពេលប្រមាណ ៥ថ្ងៃ ។ ពិធីបូជាសពត្រូវបានរៀបចំឡើងប្រកបដោយកិត្តិយសឧត្តុង្គឧត្តមបំផុតឱ្យស័ក្តិសមទៅវីរភាព និងស្នាដៃជាច្រើនដែល​សម្តេច​ចៅហ្វាវាំង វរវៀងជ័យអធិបតីស្រឹង្គារ គង់ សំអុល បានខិតខំបំពេញអស់កម្លាំង​កាយចិត្តក្នុងមួយជន្មាយុរបស់សម្តេច។ក្នុងពិធី​បូជាសពទទួលបាន​ការនិមន្តចូលរួមពីសម្តេចព្រះសង្ឃ ព្រះសង្ឃប្រមាណ ៩៤អង្គ មានការអញ្ជើញចូល​រួមពីសម្តេច​អគ្គមហាសេនាតេជោ ហ៊ុន សែន ប្រមុខរដ្ឋស្តីទី និងជាប្រធាន​ព្រឹទ្ធសភា, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាក​បាទក្រហមកម្ពុជា, សម្តេចមហារដ្ឋសភាធិការបតី ឃួន សុដារី ប្រធានរដ្ឋសភា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​កម្ពុជា ព្រមទាំងសមាជិក សមាជិកាព្រឹទ្ធសភា រដ្ឋសភា សមាជិក សមាជិការាជរដ្ឋាភិបាល ឥស្សរជននយោបាយជាន់ខ្ពស់ជាច្រើន​រូបទៀត ។ ក្រោយពេលគោរពវិញ្ញាណក្ខន្ធពីសំណាក់ភ្ញៀវកិត្តិយសហើយនោះ ឧកញ៉ាធម្មាមង្គលមុនី ថាយ វ៉ា គង់សំអុល និងកុលបុត្រ កុលធីតា អញ្ជើញសុំភ្លើងពីសម្តេចព្រះសង្ឃនាយកស្តីទី…

(ភ្នំពេញ)៖ កម្ពុជា ទទួលបានហិរញ្ញប្បទាន ដែលមានទឹកប្រាក់ ប្រមាណ ២លានដុល្លារ​អាមេរិក សម្រាប់គម្រោងចំនួន៨ ក្រោមមូលនិធិពិសេស នៃកិច្ចសហប្រតិបត្តិការមេគង្គ-ឡានឆាងឆ្នាំ២០២៤ ។ កម្ពុជា ទទួលបានហិរញ្ញប្បទាន ធ្វើឡើងក្នុងពិធីចុះហត្ថលេខា លើកិច្ចព្រមព្រៀង​ស្តីពី​មូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាង ឆ្នាំ២០២៤ នៅថ្ងៃទី៥ ខែកញ្ញា ឆ្នាំ២០២៤ ក្រោមវត្តមានឯកឧត្តម សុខចិន្តាសោភា ឧបនាយករដ្ឋ​មន្ត្រី រដ្ឋមន្ត្រី​ក្រសួង​ការបរទេស និងសហប្រតិបត្តិការអន្តរជាតិ នៃព្រះរាជាណាចក្រ​កម្ពុជា និងឯកឧត្តម Wang Wenbin ឯកអគ្គរដ្ឋទូតវិសាមញ្ញ និងពេញសមត្ថភាព​នៃសាធារណរដ្ឋប្រជាមានិតចិន ។ ក្រោមមូលនិធិពិសេសនៃកិច្ចសហប្រតិបត្តិការមេគង្គ-ឡានឆាងឆ្នាំ២០២៤ កម្ពុជា​ទទួល​បាន ហិរញ្ញប្បទាន ដែលមានទឹកប្រាក់ប្រមាណ២លានដុល្លារអាមេរិក សម្រាប់​គម្រោងចំនួន៨ ដែលផ្តោតលើផ្នែក ទេសចរណ៍ សកម្មភាពមីន កសិកម្ម អភិវឌ្ឍន៍ជន​បទ ការលើកកម្ពស់ការយល់ដឹងពីកិច្ចសហប្រតិបត្តិការមេគង្គ-ឡានឆាង ការជំរុញសេដ្ឋ​កិច្ចក្នុងតំបន់ ការអប់រំបណ្តុះបណ្តាលបច្ចេកទេស និងវិជ្ជាជីវៈ ការកសាងសមត្ថភាព និងការគ្រប់គ្រងហានិភ័យទឹកជំនន់។ កិច្ចសហប្រតិបត្តិការនេះបញ្ជាក់ពីការប្តេជ្ញាចិត្ត​របស់កម្ពុជាក្នុងការជំរុញការអភិវឌ្ឍន៍ប្រកបដោយចីរភាព និងកិច្ចសហប្រតិបត្តិការ​ជាមួយប្រទេសមេគង្គ-ឡានឆាង។ ក្នុងនាមរាជរដ្ឋាភិបាល និងប្រជាជនកម្ពុជា ឯកឧត្តមឧបនាយករដ្ឋមន្ត្រីបានថ្លែង​អំណរ​គុណចំពោះប្រទេសចិន ដែលបានបន្តគាំទ្រកម្ពុជា និងប្រទេសសមាជិកមេគង្គផ្សេង​ទៀតតាមរយៈមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង ដែលបាន​រួមចំណែកយ៉ាងច្រើនដល់ការអភិវឌ្ឍសេដ្ឋកិច្ចសង្គមនៅកម្ពុជា និងបណ្តាប្រទេសក្នុង​អនុតំបន់ទន្លេមេគង្គ…

(ភ្នំពេញ)៖ រោងចក្រសហគ្រាសចំនួន ៣កន្លែងធំៗ នៅខេត្តស្វាយរៀង និងនៅខេត្តបាត់ដំបង គឺក្រុមហ៊ុន Hi blue Washing Process Co., Ltd ដែលជាឧស្សាហកម្មបោកគក់ខោប៊យ នៅរសៀលថ្ងៃទី៤ ខែកញ្ញា ឆ្នាំ២០២៤ បានបំពាក់ប្រព័ន្ធគ្រប់គ្រងទិន្នន័យការបញ្ចេញសំណល់រាវបន្ថែមទៀត ដើម្បីចូលរួមចំណែកក្នុងការលើកកម្ពស់ភាពស្អាតក្នុងដែនទឹកស្របតាមយុទ្ធសាស្ត្រចក្រាវិស័យបរិស្ថាន និងបានបង្ហាញនូវភាពស្មោះត្រង់ក្នុងការបញញចេញសំណល់រាវក្រោយការស ម្អាតរួចរបស់ខ្លួនសម្រាប់ជូនមន្ត្រីអធិការកិច្ចក្រសួងធ្វើការតាមដានពីចម្ងាយនូវដំណើរការបញ្ចេញសំណល់រាវរបស់ខ្លួន។ ឯកឧត្តម ខ្វៃ អាទិត្យា អនុរដ្ឋលេខាធិការ និងជាមន្រ្តីអ្ននាំពាក្យក្រសួងបរិស្ថាន បានគូស​បញ្ជាក់ថា ក្រសួងបរិស្ថាន ក៏បានណែនាំដល់ម្ចាស់រោងចក្រ សហគ្រាស (ប្រភេទប្រភពបំពុលសក្តានុពល) ដែលមិនទាន់បានអនុវត្តការបំពាក់ឧបករណ៍​ស្វ័យត្រួតពិនិត្យ និងប្រព័ន្ធគ្រប់គ្រងទិន្នន័យការបញ្ចេញសំណល់រាវ ស្របតាមច្បាប់ ត្រូវរួសរាន់ធ្វើការបំពាក់ឧបករណ៍នេះ ចាប់ពីពេលនេះតទៅ។ ក្នុងករណីខកខាន មិនបានធ្វើការបំពាក់ដូចបានកំណត់នៅក្នុងក្រមបរិស្ថាន និងធនធានធម្មជាតិ និងលិខិតបទដ្ឋានគតិយុត្តជាធរមាន ក្រសួងបរិស្ថាន នឹងចាត់វិធានការច្បាប់ ១០០% ដោយមិនមានការលើកលែងឡើយ។ សូមបញ្ជាក់ថា ក្រសួងបរិស្ថាន បាននិងកំពុងអនុវត្តក្រមបរិស្ថាន និងធនធានធម្មជាតិ ត្រង់មាត្រា២៨៧ និងប្រកាសរបស់ក្រសួងបរិស្ថានលេខ៣០២ ប្រកប.ស្ថ ចុះថ្ងៃទី២៩ ខែកញ្ញា ឆ្នាំ២០២១ ស្តីពីការអនុវត្តវិធានស្វ័យត្រួតពិនិត្យនៅតាមប្រភពបំពុល​សក្តា​នុពល ដែលតម្រូវឱ្យរោងចក្រ…

(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បាន​ទទួលជួបពិភាក្សាការងារអំពីជីវម៉ាស (Biomass) ជាមួយលោកស្រី Rebekah Bell នាយកអង្គការស្បៀង និងកសិកម្ម នៃសហប្រជាជាតិប្រចាំប្រទេសកម្ពុជា នៅទីស្តីការ​ក្រសួងកសិកម្ម កាលពីរសៀលថ្ងៃទី០៤ ខែកញ្ញា ឆ្នាំ២០២៤ ។ បន្ទាប់ពីបានទទួលស្តាប់ការធ្វើបទបង្ហាញ ឯកឧត្តមរដ្ឋមន្ត្រី បានណែនាំឱ្យក្រុមការងារ​គម្រោងបានលើកទឹកចិត្តឱ្យក្រុមការងារសិក្សាបន្ថែមពីទីតាំងផ្សេងៗច្រើនទៀតក្នុងប្រទេសកម្ពុជា និងរៀបចំយុទ្ធសាស្រ្តដើម្បីកៀរគរភាគីពាក់ព័ន្ធឱ្យគាំទ្រនៅក្នុងការអនុវត្ត ពិនិត្យ​លទ្ធភាពក្នុងការចាប់ផ្តើមការងារពីធ្យូងជីវៈ (Biochar) ដោយធ្វើយ៉ាងណា​ផ្ដល់​ផលចំណេញដល់កសិករ នឹងមានប្រសិទ្ធភាពសេដ្ឋកិច្ច។ ឯកឧត្តមរដ្ឋមន្រ្តី បានលើកទឹកចិត្តឱ្យក្រុមការងារសិក្សាបន្ថែមពីទីតាំងផ្សេងៗ​ច្រើនទៀត​ក្នុងប្រទេសកម្ពុជា និងរៀបចំយុទ្ធសាស្រ្តដើម្បីកៀរគរភាគីពាក់ព័ន្ធឱ្យគាំទ្រនៅ​ក្នុងការអនុវត្តគម្រោងនេះ ។ សូមបញ្ជាក់​​ជូនថាជីវម៉ាស (Biomass) គឺជាសរីរាង្គដែលមាននៅក្នុងរុក្ខជាតិ កាកសំណល់សត្វ ដំណាំកសិកម្ម និងសំណល់ឧស្សាហកម្ម ហើយជាធម្មតា​ត្រូវបានបំប្លែងទៅជីវឧស្ម័ន និងជីវឥន្ធនៈសម្រាប់ការប្រើប្រាស់ប្រចាំថ្ងៃ ៕ ប្រភព ៖ ក្រសួងកសិកម្ម

(ភ្នំពេញ)៖ ក្នុងជំនួបសម្តែងការគួរសម នឹងពិភ្សាការងារ ជាមួយឯកឧត្តម វ៉ាង វិនប៊ិន (Wang Wenbin) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិនប្រចាំកម្ពុជា នៅព្រឹកថ្ងៃទី០៤ ខែកញ្ញា ឆ្នាំ២០២៤ នាទីស្តីការក្រសួងកសិកម្ម ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានសម្តែងនូវការស្វាគមន៍ និងសេចក្តីសោមនស្សរីករាយចំពោះវត្តមានរបស់ឯកឧត្តមឯកអគ្គរដ្ឋទូតក្នុង ការមកបន្តពង្រឹងកិច្ចសហប្រតិបត្តិការរវាងប្រទេសទាំងពីរ និងជំរុញកិច្ចសហប្រតិបត្តិការ «ត្បូងពេជ្រ» ដោយផ្តោតសំខាន់លើវិស័យចំនួន៦ ក្នុងនោះក៏មានវិស័យកសិកម្មតាមរយៈច្រកមច្ឆានិងអង្ករ (Rice and Fish Corridor) សម្រាប់ការអភិវឌ្ឍកសិកម្មរវាងប្រទេសទាំងពីរឱ្យទទួលបាននូវប្រសិទ្ធភាព និងមានលទ្ធផលផ្លែផ្កា។ បើតាម ឯកឧត្តមរដ្ឋមន្ត្រី កម្ពុជាបើកចំហរ និងស្វាគមន៍អ្នកវិនិយោគមកលើការកែច្នៃកសិផលកម្ពុជា ដូចជា ស្រូវអង្ករ ស្វាយ ស្វាយចន្ទី សំបុកត្រចៀកកាំ ដែលមានគុណភាពល្អប្រណិត មានរសជាតិឆ្ងាញ់ ដែលអ្នកវិនិយោគចិនអាចពិចារណាវិនិយោគនៅកម្ពុជា។ តាមរយៈការវិនិយោគនៅកម្ពុជាដោយផ្ទាល់ អ្នកវិនិយោគនឹងទទួលបានផលចំណេញទាំងនៅលើទីផ្សារចិននិងទីផ្សារអន្តរជាតិ និងអាចជួយលើក កម្ពស់ជីវភាពរបស់កសិករកម្ពុជាថែមទៀត ។តបតាមសំណើរបស់ឯកឧត្តមឯកអគ្គរដ្ឋទូត ឯកឧត្តមរដ្ឋមន្ត្រី ឌិត ទីណា បានស្វាគមន៍ចំពោះទស្សនកិច្ចរបស់…

(ភ្នំពេញ)៖ អគ្គលេខាធិការដ្ឋានព្រឹទ្ធសភា បានចេញ សេចក្តីប្រកាសព័ត៌មាន ស្តីពី លទ្ធផល នៃកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នីតិកាលទី៥ នាថ្ងៃព្រឹកទី៥ ខែកញ្ញា ឆ្នាំ២០២៤ វេលាម៉ោង ៨:៣០នាទីព្រឹក ក្រោមអធិបតីភាពដ៏ខ្ពង់ខ្ពស់របស់​ឯកឧត្តម ប្រាក់ សុខុន ប្រធានស្តីទីព្រឹទ្ធសភា នៃព្រះរាជាណាចក្រកម្ពុជា ។ បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភា បានកំណត់យកថ្ងៃសុក្រ ទី៦ ខែកញ្ញា ឆ្នាំ២០២៤ វេលាម៉ោង ១៤:០០នាទីរសៀល ដើម្បីបើកសម័យប្រជុំព្រឹទ្ធសភាជាវិសាមញ្ញនីតិកាលទី៥ ដោយមានរបៀបវារៈតែមួយគឺ ការបោះឆ្នោតជ្រើសតាំងសមាជិកឧត្តមក្រុមប្រឹក្សានៃអង្គចៅក្រម ០១រូប ជំនួសសមាជិកឧត្តមក្រុមប្រឹក្សាអង្គចៅក្រម ដែលនឹងត្រូវបញ្ចប់អាណត្តិ ៕ ដោយ ៖ វណ្ណលុក