(ភ្នំពេញ)៖ សេចក្តីប្រកាសព័ត៌មាន របស់លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមគូសបញ្ជាក់ថា ក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនព័ត៌មានដល់សាធារណជនជាតិ និងអន្តរ ជាតិមេត្តាជ្រាបថា នៅព្រឹកថ្ងៃទី២៥ ខែកញ្ញា ឆ្នាំ២០២៥ មានផេកផ្លូវការរបស់កងទ័ពជើងគោកថៃ និងសារព័ត៌មានរបស់ថៃមួយចំនួនបានចុះផ្សាយថា “កម្ពុជាបង្កហេតុពេញមួយយប់នៅតំបន់យោធភូមិ ភាគទី២” ដោយឮសម្លេងកាំភ្លើង, សម្លេងផ្ទុះគ្រាប់បែក, រកឃើញការចូលជិតលួសបន្លាហើយការបាញ់ ដើម្បីពិនិត្យមើលរយៈចម្ងាយ។ ក្រសួងការពារជាតិ នៃព្រះរាជាណាចក្រកម្ពុជា សូមស្រាយបំភ្លឺថា៖ កងកម្លាំងរបស់កម្ពុជាមិនបានបង្កហេតុ ឬធ្វើសកម្មភាពណាមួយ ដែលរំលោភបំពានលើកិច្ចព្រមព្រៀងបទឈប់បាញ់ ដូចការលើកឡើងរបស់ភាគីថៃឡើយ។ កងកម្លាំងរបស់កម្ពុជា សូមបញ្ជាក់សាជាថ្មីនូវការប្តេជ្ញាចិត្តយ៉ាងពេញលេញ ចំពោះការគោរព និងអនុវត្តនូវកិច្ចព្រមព្រៀងនៃបទឈប់បាញ់រវាងយោធាកម្ពុជា និងយោធាថៃ បានយ៉ាងម៉ឺងម៉ាត់ និងខ្ជាប់ខ្ជួនបំផុត ជាមួយនឹងស្មារតីនៃការប្តេជ្ញាចិត្តក្នុងការសហការគ្នានៅគ្រប់កម្រិត កម្ពុជាតែងតែរក្សានូវកិច្ចសហការល្អជាមួយគ្នា។ ក្នុងនោះផងដែរ ក្រុមទំនាក់ទំនងរវាងកម្ពុជា-ថៃ នៅជួរមុខ គឺបានធ្វើការជាមួយគ្នាជាប់ជាប្រចាំ តាមរយៈការផ្តល់ព័ត៌មាន ឬការបញ្ជាក់គ្នាទៅវិញទៅមក ដើម្បចៀសវាងការភាន់ច្រឡំ ឬការបង្កភាពតានតឹងណាមួយដែលមិនចាំបាច់ ៕ ដោយ ៖ វណ្ណលុក

(ភ្នំពេញ)៖ ក្រសួងការពារជាតិនៅថ្ងៃទី ២៥ ខែកញ្ញា ឆ្នាំ ២០២៥នេះបានបង្ហាញពីវឌ្ឍនភាពនៃការអនុវត្តតាមស្មារតីនៃកិច្ចប្រជុំពិសេសលើកទី ១ របស់គណៈកម្មាធិការព្រំដែនទូទៅ កម្ពុជា-ថៃ (GBC) កាលពី ថ្ងៃទី ១០ ខែកញ្ញា ឆ្នាំ ២០២៥ នៅខេត្តកោះកុង ព្រះរាជាណាចក្រកម្ពុជា ភាគីកម្ពុជា និងភាគីថៃ បានសម្រេច ការងារកន្លងមក។ សម្រាប់ការអនុវត្តនៃស្មារតីកិច្ចប្រជុំនីមួយៗទាំងនេះមានដូចជា៖ ១. ការសម្រួលអាវុធធុនធ្ងន់ដែលមានសមត្ថភាពបំផ្លាញខ្លាំង និង យុទ្ធោបករណ៍ ការងារសម្រួលអាវុធធុនធ្ងន់ដែលមានសមត្ថភាពបំផ្លាញខ្លាំង និងយុទ្ធោបករណ៍ ឱ្យត្រឡប់ទៅមូលដ្ឋាន ដើមវិញ បច្ចុប្បន្នភាគីទាំងពីរកំពុងរៀបចំក្រុមការងារផ្ទៃក្នុងស្របតាមការកំណត់របស់កិច្ចប្រជុំពិសេសលើកទី ១ របស់គណៈកម្មាធិការព្រំដែនទូទៅ កម្ពុជា-ថៃ (GBC)។ តាមកាលកំណត់ក្នុងរយៈពេល បី (៣) សប្តាហ៍ បន្ទាប់ពីកិច្ចប្រជុំពិសេសលើកទី ១ នេះ ក្រុមការងាររបស់ភាគីទាំងពីរ នឹងចាប់ផ្តើមជួបពិភាក្សាគ្នាក្នុងការរៀបចំ ផែនការសកម្មភាពពាក់ព័ន្ធនឹងការកែសម្រួលនេះ ដោយពិនិត្យលើស្ថានភាពជាក់ ស្តែង និងជាជំហានៗ។ ផែនការសកម្មភាពនេះនឹងត្រូវយកទៅអនុវត្តក្រោមការត្រួតពិនិត្យ និងផ្ទៀងផ្ទាត់របស់ក្រុមអ្នកសង្កេតការណ៍អា ស៊ាន (AOT) ដើម្បីឱ្យកិច្ចការនេះដំណើរការទៅបានដោយប្រសិទ្ធិភាព តម្លាភាព…

(ខេត្តរតនគិរី)៖ មន្ទីរសារធារណការ និងដឹកជញ្ជូនខេត្តរនគីរី បានចេញសេចក្តី​ជូនដំណឹងពីការផ្អាកជាបណ្តោះអាសន្នរថយន្តដឹកទំនិញធុនធ្ងន់គ្រប់ប្រភេទ លើផ្លូវ​ជាតិលេខ ៧៦ ចន្លោះបង្គោលគីឡូម៉ែត្រលេខ 270 ដល់ 273 ស្រុកលំផាត់ ខេត្តរតនគិរី ។ នេះបើយោងតាមសេចក្តីជូនដំណឹង របស់មន្ទីរសារធារណការ និងដឹកជញ្ជូនខេត្តរនគីរី នៅថ្ងៃទី២៥ ខែកញ្ញា ឆ្នាំ២០២៥ ។ សេចក្តីជូនដំណឹងដដែលបានគូសបញ្ជាក់ថា ដោយសារស្ថានភាពអាកាស​ធាតុរដូវ​វស្សានេះ មានភ្លៀងធ្លាក់ជារៀងរាល់ថ្ងៃ ធ្វើឱ្យផ្លូវថ្នល់ ស្ពាន មិនអាចទ្រាំទ្រនឹង​ទម្ងន់​រថយន្តដឹកទំនិញធុនធ្ងន់ ទឹកជន់លិចផ្លូវដោយកន្លែងពិបាកធ្វើដំណើរចរាចរណ៍ អាស្រ័យហេតុនេះ មន្ទីរសារធារណការ និងដឹកជញ្ជូនខេត្តរនគីរី សូមធ្វើការបិទ​ចរាចរណ៍ទាំងស្រុងនូវ រថយន្តដឹកទំនិញធុនធ្ងន់គ្រប់ប្រភេទ លើផ្លូវជាតិលេខ 76 ចន្លោះបង្គោលគីឡូម៉ែត្រលេខ 270 ដល់ 273 រហូតដល់មានការជូនដំណឹងជាថ្មី ដើម្បីថែរក្សា ផ្លូវថ្នល់ ស្ពាន កុំឱ្យបាក់ស្រុត និងធានាដល់ការធ្វើចរាចរណ៍របស់​បងប្អូន​ប្រជាពលរដ្ឋប្រកបដោយសុវត្តិភាព។ ដោយ៖ង៉ាន់ ទិត្យ

(ភ្នំពេញ)៖ រដ្ឋាភិបាលបានយកចិត្តទុកដាក់យ៉ាងខ្ពស់ចំពោះការជំរុញ ផលិតផល ក្នុងស្រុក។ តាមរយៈគោលនយោបាយ និងយុទ្ធសាស្ត្រផ្សេងៗ រដ្ឋាភិបាលបាន ពង្រឹងសមត្ថភាពកសិករ ផ្ដល់ឧបត្ថម្ភដល់សហគ្រាសតូចមធ្យម (SMEs) បង្កើត វេទិកាសម្រាប់អាជីវករ និងដាក់ឲ្យមានកម្មវិធីជំរុញការប្រើប្រាស់ផលិតផល ក្នុងស្រុកជាសាធារណៈ។ កិច្ចខិតខំប្រឹងប្រែងរបស់រដ្ឋ មិនត្រឹមតែជួយសេដ្ឋកិច្ចក្នុងស្រុកទេ ប៉ុន្តែថែមទាំង ជួយអភិរក្សវប្បធម៌ និងអត្តសញ្ញាណជាតិ។ នៅពេលរដ្ឋ ផ្តល់ជំនួយ និងបង្កើត គោលការណ៍សម្រេចចិត្តដើម្បីគាំទ្រផលិតផលក្នុងស្រុក ប្រជាពលរដ្ឋក៏មាន តួនាទីដ៏សំខាន់ក្នុងការឆ្លើយតប ដោយជ្រើសរើសប្រើ និងគាំទ្រផលិតផលខ្មែរ។នេះជាស្មារតីរួមដ៏រឹងមាំ ហើយកម្លាំងរួមនេះគឺជាគន្លឹះសម្រាប់អនាគតរុងរឿង និងស្ថិរភាពរបស់ប្រទេស។ ការប្រើប្រាស់ និងគាំទ្រផលិតផលក្នុងស្រុក គឺជាការចូលរួមចំណែក ដ៏សំខាន់ ក្នុងការពង្រឹងសេដ្ឋកិច្ចជាតិ។ តាមរយៈការគាំទ្រនេះ យើងនឹងអាចបង្កើតឱកាស ការងារដល់ប្រជាពលរដ្ឋកាន់តែច្រើន ព្រមទាំងអាចជួយជំរុញឱ្យមានការពង្រឹង គុណភាពផលិតកម្មក្នុងស្រុក ដើម្បីអាចប្រកួតប្រជែងលើទីផ្សារអន្តរជាតិបាន។ ជ្រើសរើសប្រើប្រាស់ផលិតផលក្នុងស្រុក ដើម្បីអនាគតសេដ្ឋកិច្ចជាតិដ៏រឹងមាំ។ ជួបគ្នាថ្ងៃស្អែកនៅសាលពិព័រណ៍កោះពេជ្រ សូមកុំខកខាន ចូលរួមជាមួយ យើង នៅថ្ងៃទី ២៦ ២៧ និង ២៨ ខែកញ្ញា ឆ្នាំ២០២៥ នៅសាលពិព័រណ៍កោះពេជ្រ ទាំងអស់គ្នា។…

(ភ្នំពេញ)៖ទូតថ្មីរបស់ប្រទេសប្រស៊ីល បានគូសបញ្ចាក់ថា ប្រេស៊ីល នឹង​ពិចារណា​ររៀបចំឱ្យមានគ្រូបង្វឹក មកបណ្ដុះបណ្ដាលផ្នែកកីឡាបាល់ទះ បាល់ទាត់នៅកម្ពុជា ។ លោកជំទាវ Vivian Loss Sanmartin ឯកអគ្គរដ្ឋទូតវិសាមញ្ញ និងពេញសមត្ថភាព សាធា​រណរដ្ឋសហព័ន្ធប្រេស៉ីល ប្រចាំព្រះរាជាណាចក្រកម្ពុជា បញ្ជាក់ដូចនេះ ក្នុងឱ​កាស​អញ្ជើញប្រគល់សារតាំងជូន សម្តេចអគ្គមហាសេនាបតីតេជោ ហ៊ុន សែន ប្រមុខ​​រដ្ឋស្តីទី នៃព្រះរាជាណាចក្រកម្ពុជា នៅវិមានព្រឹទ្ធសភា នាព្រឹកទី២៥ ខែកញ្ញា ឆ្នាំ២០២៥ ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងថា ក្នុងជំនួបនេះ សម្ដេចតេជោ ហ៊ុន សែន បានសម្ដែងនូវការស្វាគមន៍ក្នុងព្រះបរមនាម នៃព្រះមហាក្សត្រ កម្ពុជា ចំពោះលោកជំទាវ ហើយសម្ដេចតេជោ បានចាត់ទុកវត្តមានលោកជំទាវនាពេលនេះ ជាផ្នែកមួយដ៏សំខាន់ នៃការពង្រីកទំនាក់ទំនងរវាងកម្ពុជា និងប្រេស៊ីល។ សម្ដេច​ក៏បាន​បង្ហាញ នូវក្តីរីករាយដែលសហព័ន្ធប្រេស៊ីលបានដាក់និវេសនដ្ឋាន​ទូតនៅក្នុង​ព្រះរាជាណាចក្រកម្ពុជា ជាលើកដំបូងដែលជាផ្នែកមួយក្នុងការជំរុញទំនាក់ទំនងរវាងកម្ពុជា និងប្រេស៊ីលឲ្យកាន់តែរីកចម្រើនបន្ថែមទៀត ។ ក្នុងឱកាសនោះ លោកជំទាវ Vivian Loss Sanmartin…

(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា បានលើកឡើងលើបណ្ដាញសង្គមថា “ថ្ងៃ២៤ ខែកញ្ញា ឆ្នាំ២០២៥ ជាខួបលើកទី២៧ឆ្នាំ នៃការបាញ់ប្រហារដើម្បីសម្លាប់ខ្ញុំនៅទីរួមខេត្តសៀមរាប (២៤ កញ្ញា ១៩៩៨ -២៤ កញ្ញា ២០២៥)។ ជាសំណាងល្អខ្ញុំមិនមានគ្រោះថ្នាក់ និងបន្តនៅជាមួយប្រជាជនដើម្បីបន្តអនុវត្តនយោបាយឈ្នះឈ្នះ ដើម្បីបញ្ចប់សង្គ្រាម និងនាំមកនូវសន្តិភាព ឯកភាពជាតិ ឯកភាពទឹកដីដែលសម្រេចបាននៅថ្ងៃ២៩ ខែធ្នូ ឆ្នាំ១៩៩៨។ ខ្ញុំមិនរំលឹកឡើងវិញនូវរឿងរ៉ាវនាព្រឹកថ្ងៃ២៤ ខែកញ្ញា ឆ្នាំ១៩៩៨ នោះទេ តែខ្ញុំគួរតែបញ្ជាក់ថា ប្រសិនពេលនោះខ្ញុំស្លាប់ ឬត្រូវរបួស ប្រទេសកម្ពុជាយើងនឹងមិនមានសន្តិភាព និងការអភិវឌ្ឍដូចសព្វថ្ងៃនេះឡើយ ព្រោះម្ចាស់នៃនយោបាយឈ្នះឈ្នះបានស្លាប់ទៅហើយ និងប្រសិនបើខ្ញុំត្រឹមត្រូវរបួសក៏ទីរួមខេត្តសៀមរាប និងមានអ្នកនយោបាយជាច្រើននឹងត្រូវស្លាប់ ។ គិតពីថ្ងៃ២៤ ខែកញ្ញា ឆ្នាំ១៩៩៨ មកដល់ពេលនេះ ខ្ញុំរស់បាន ២៧ឆ្នាំរួចមកហើយ និងសង្ឃឹមថានឹងរស់បានតិចបំផុត ២៧ឆ្នាំបន្តទៀត។ សម្ដេចតេជោ សូមជូនរូបថតប៉ុន្មានសន្លឹកនៅពេលខ្ញុំមានអាយុជាង ៤០ឆ្នាំ និងក្រោម ៥០ឆ្នាំ”៕ ដោយ ៖ វណ្ណលុក