(ភ្នំពេញ)៖ តាមរយៈបណ្ដាញសង្គម សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសថា សម្ដេចថ្លែងការណ៍ពិសេស ស្តីពី «សមិទ្ធផល១ឆ្នាំ របស់រាជរដ្ឋាភិបាល នីតិកាលទី៧ នៃរដ្ឋសភា» នាល្ងាចម៉ោង ៧ ថ្ងៃទី២២ ខែសីហា ឆ្នាំ២០២៤ តទៅ ។ សូមជម្រាបថា ក្នុងឱកាសអញ្ជើញជាអធិបតីពិធីទទួលវត្ថុបុរាណរបស់កម្ពុជា ដែលទើបទទួលបានពីសហរដ្ឋអាមេរិក នាព្រឹកថ្ងៃទី២២ ខែសីហា ឆ្នាំ២០២៤ នៅវិមានសន្តិភាព សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា បានគូសបញ្ជាក់ថា ថ្ងៃទី២២ ខែសីហា ឆ្នាំ២០២៤ គឺជាខួបគម្រប់មួយឆ្នាំគត់ នៃរាជរដ្ឋាភិបាលនីតិកាលទី៧ នៃរដ្ឋសភា ។ រាជរដ្ឋាភិបាល នីតិកាលទី៧ បានដឹកនាំប្រទេសប្រកបដោយការទទួលខុសត្រូវ ដោយបានថែរក្សាការពារយ៉ាងមុតមាំ នៃសុខសន្តិភាព ស្ថេរភាពសង្គម និងសេចក្ដីសុខជូនប្រជាពលរដ្ឋ ។ នេះជាការគូសបញ្ជាក់របស់ ។ សម្ដេចធិបតី បានមានប្រសាសន៍ថា រាជរដ្ឋាភិបាល អាណតិទី៧…

(ភ្នំពេញ)៖ ថ្ងៃទី២២ ខែសីហា ឆ្នាំ២០២៤ គឺខួបមួយឆ្នាំ នៃរាជរដ្ឋាភិបាល អាណត្តិទី៧ ដឹកនាំដោយសម្ដេចមហាបវរធិបតី ហ៊ុន ម៉ាណែត ។ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បានសរសេរនៅលើបណ្តាញទំនាក់ទំនងសង្គម ថា អ្នកដឹកនាំជំនាន់ថ្មី ប្រកបដោយភាពស្វាហាប់ និងការទទួលខុសត្រូវ ចំណែកទ្រឹស្តី «ត្រូវលោតទៅក្នុងទឹក ទើបចេះហែលទឹក ជាទ្រឹស្តីនៅតែត្រឹមត្រូវ» ។ ឯទ្រឹស្តី «ក្មេងមានកម្លាំងចាស់ស្គាល់ផ្លូវ» ហាក់លែងស្របជាមួយ សភាពការបច្ចុប្បន្នហើយ ដែលអាចកែទៅជា «ក្មេងមានកម្លាំង និងស្គាល់ផ្លូវ ឯចាស់មានបទពិសោធន៍» ។ សម្ដេចតេជោ បានសរសេលើបណ្ដាញសង្គមថា ថ្ងៃទី២២ ខែសីហា ឆ្នាំ២០២៤ ជាខួបមួយឆ្នាំ នៃថ្ងៃជំនាន់ថ្មី ចាប់ផ្តើមកាច់ចង្កូតនាវាកម្ពុជា ជាមួយការចាកចេញរបស់ U.90 U.80 និង U.70 សំដៅដល់អ្នកមាន អាយុជាង៨០ ជាង៧០ និងជិត ៧០ឆ្នាំ ។ សម្ដេចបន្តថា ជំនាន់ថ្មី…

(ភ្នំពេញ)៖ សម្តេចធិបតី ហ៊ុន ម៉ាណែត បានថ្លែងអរគុណចំពោះរដ្ឋាភិបាល នៃប្រទេសនានា និង​ភាគី​ពាក់ព័ន្ធ ដែលបានរួមចំណែកផ្ដល់វត្ថុបុរាណខ្មែរ ដល់កម្ពុជាវិញ ។ ជាមួយនេះ សម្ដេច ក៏សូមអំពាវនាវដល់សារមន្ទីរ ស្ថាប័ននានា និង អ្នករក្សាទុកវត្ថុបុរាណខ្មែរ សូម​មេត្តាបន្តប្រគល់វត្ថុទាំងនោះដោយស្ម័គ្រចិត្តជូនមកកម្ពុជាវិញ ។ សម្ដេចមហា​បវរធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា បានគូសបញ្ជាក់​ដូច្នេះ នាឱ​កាស​អញ្ជើញជាអធិបតីក្នុងពិធីទទួលវត្ថុបុរាណរបស់កម្ពុជា ដែលទើបទទួល​បានពី​សហរដ្ឋអាមេរិក នាព្រឹកថ្ងៃទី២២ ខែសីហា ឆ្នាំ២០២៤ ។ សម្ដេចធិបតី បានមានប្រសាសន៍ថា រាជរដ្ឋាភិបាលកម្ពុជា ចាត់ទុកថា ការប្រគល់វត្ថុ​បុរាណខ្មែរ ជូនមកកម្ពុជា ដែលជាម្ចាស់ដើមវិញនេះ គឺជាកាយវិការដ៏ថ្លៃថ្លាគួរឱ្យគោរព ដែលមិនត្រឹមតែបង្ហាញពីក្រមសីលធម៌ ក្នុងការចូលរួមលើកតម្លៃដល់វប្បធម៌នៃជាតិ​សាសន៍​មួយប៉ុណ្ណោះទេ តែថែមទាំងបានចូលរួមចំណែកដ៏ឧត្ដុង្គឧត្តម ក្នុងការការពារ​សម្បត្តិបេតិកភណ្ឌវប្បធម៌ របស់មនុស្សជាតិផងដែរ ។ សម្តេចធិបតី ក៏បានយកឱកាសនេះ ថ្លែងអំណរគុណចំពោះរដ្ឋាភិបាល នៃប្រទេសនានា និងភាគីពាក់ព័ន្ធ ដែលបានរួមចំណែកធ្វើឱ្យសម្រេចបាននូវសមិទ្ធផលដ៏វិសេស​វិសាល​ទាំងនេះ ។ សម្តេច ក៏បានថ្លែងអំណរគុណជាពិសេសដល់រដ្ឋាភិបាលសហរដ្ឋអាមេរិក មានដូចជា៖ ក្រសួងការបរទេស,…

(ភ្នំពេញ)៖ បច្ចុប្បន្ន ក្រុមការងាររបស់រាជរដ្ឋាភិបាលកម្ពុជា កំពុងបន្តស្រាវជ្រាវរកវត្ថុបុរាណខ្មែរដែលបាត់បង់នៅបណ្ដាប្រទេសជាមិត្តបន្ថែមទៀត និងទាមទារយកមកវិញ ដើម្បីទុកជាកេរដំណែលវប្បធម៌ និងអត្តសញ្ញាណជាតិសម្រាប់កូនខ្មែរជំនាន់ក្រោយ ។ នេះជាការគូសបញ្ជាក់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា ក្នុងឱកាសអញ្ជើញជាអធិបតីពិធីទទួលវត្ថុបុរាណរបស់កម្ពុជា ដែលទើបទទួលបានពីសហរដ្ឋអាមេរិក នាព្រឹកថ្ងៃទី២២ ខែសីហា ឆ្នាំ២០២៤ ។ សម្ដេចធិបតី បានលើកឡើងថា សម្ដេច ក៏ដូចជាប្រជាជនកម្ពុជាទាំងមូល ពិតជាមានមោទនភាព និងសេចក្តីរំភើបរីករាយឥតឧបមា ជាមួយនឹងការអបអរសាទរអស់ពីដួងចិត្ត ចំពោះការវិលត្រឡប់មកវិញនូវរតនសម្បត្តិវប្បធម៌ដែលជាព្រលឹងដូនតារបស់ខ្លួន និងជាអត្តសញ្ញាណជាតិ ក្រោមម្លប់នៃសុខសន្តិភាព និងការអភិវឌ្ឍលើគ្រប់វិស័យ ។ សម្ដេចសម្ដេចនាយករដ្ឋមន្រ្ដី បានបញ្ជាក់ថា កម្ពុជា កំពុងធ្វើការស្រាវជ្រាវជាបន្ត ដើម្បីស្វែងរកវត្ថុបុរាណខ្មែរដែលបានបាត់បង់ទៅ ពីបណ្ដាប្រទេសជាមិត្តនានាបន្ថែមទៀត ដោយបច្ចុប្បន្ន រាជរដ្ឋាភិបាលកម្ពុជា កំពុងបន្តនូវគោលនយោបាយជាប្រវត្តិសាស្ត្រនេះ ប្រកបដោយការប្តេជ្ញាចិត្តខ្ពស់ ក្នុងការការពារ ទប់ស្កាត់ ការចរាចរ និងការជួញដូរខុសច្បាប់ នៃសម្បត្តិវប្បធម៌ ក៏ដូចជាការស្វែងរក និងទាមទារយកមកវិញនូវមរតកវប្បធម៌ជាតិ ដើម្បីទុកជាកេរដំណែលវប្បធម៌ និងអត្តសញ្ញាណជាតិសម្រាប់កូនខ្មែរជំនាន់ក្រោយ ។ បើតាមរបាយការណ៍របស់លោកជំទាវ បណ្ឌិតសភាចារ្យ ភឿង សកុណា…

(ភ្នំពេញ)៖ ក្នុងឱកាសអញ្ជើញជាអធិបតី ពិធីទទួលវត្ថុបុរាណរបស់កម្ពុជា ពីសហរដ្ឋអាមេរិក នាព្រឹកថ្ងៃទី២២ ខែសីហា ឆ្នាំ២០២៤ នៅវិមានសន្តិភាព សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា បានគូសបញ្ជាក់ថា ដោយកត្តាសុខសន្តិភាព ជាតិត្រូវបានបង្រួបបង្រួម រតនសម្បត្តិរបស់កម្ពុជា ដែលខ្លះ បានបាត់បង់រាប់រយឆ្នាំហើយនោះ ក៏ត្រូវបាននាំយកមកវិញជាបន្តបន្ទាប់ ខណៈការទទួលបានវត្ថុបុរាណ ៧០រូបបន្ថែមទៀតនាពេលនេះ គឺជានិមិត្តរូប នៃការជួបជុំព្រលឹងដូនតាខ្មែរ ។ សម្ដេចធិបតី បានមានប្រសាសន៍ថា ការបែកបាក់ និងសង្គ្រាមហែកហួរក្នុង​ប្រវត្តិ​សាស្ត្ររបស់កម្ពុជា មិនត្រឹមតែធ្វើឱ្យជាតិអន់ថយ ប្រជាជនជួបភាពតោក​យ៉ាក​ប៉ុណ្ណោះទេ សូម្បីតែវត្ថុបុរាណជាច្រើន ដែលជារតនៈសម្បត្តិរបស់កម្ពុជា​បន្សល់ទុក​ពីដូនតាខ្មែរ ក៏ត្រូវរសាត់អណ្តែត និងបាត់បង់អស់ជាច្រើន។ សម្ដេចបន្តថា ក្រោយពេលកម្ពុជា រកបានសុខសន្តិភាព ជាតិត្រូវបានបង្រួបបង្រួម រតនសម្បត្តិរបស់កម្ពុជា ដែលបាត់បង់ ហើយខ្លះបានបាត់បង់រាប់រយឆ្នាំមកនោះ ក៏ត្រូវបាននាំយកមកវិញជាបន្តបន្ទាប់ផងដែរ ខណៈការយាងត្រឡប់មកវិញ នៃព្រលឹងដូនតាខ្មែរនាពេលនេះ គឺជាលទ្ធផលនៃកិច្ចខិតខំប្រឹងប្រែងជាប់មិន ដាច់របស់រាជរដ្ឋាភិបាលកម្ពុជា ក្រោមកិច្ចសហការជាមួយគ្រប់ភាគីពាក់ព័ន្ធ ទាំងស្ថាប័នរដ្ឋ ផ្នែកឯកជន អ្នកជំនាញជាតិ និងអន្តរជាតិ ព្រមទាំងជាមួយប្រទេសនានា ជាពិសេសរដ្ឋាភិបាលសហរដ្ឋអាមេរិក តាមរយៈរដ្ឋអាជ្ញាសង្កាត់ភាគខាងត្បូង​ក្រុងញូវយ៉ក,…

(បាត់ដំបង)៖ ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានប្តេជ្ញាចិត្តខ្ពស់ ក្នុងការចុះបញ្ជីដីធ្លី ផ្តល់បណ្ណកម្មសិទ្ធ ដើម្បីការរស់នៅសុខសាន្តរបស់ប្រជាពលរដ្ឋនៅទូទាំងប្រទេស បញ្ចប់ជម្លោះដីធ្លី ពិសេសវិវាទដីធ្លីដែលនាំឲ្យមានភាពរសើបផ្នែកនយោបាយ គឺមិនមានទៀតនោះទេ ។ នេះជាការលើកឡើងរបស់ឯកឧត្តមឧបនាយករដ្ឋមន្រ្តី សាយ សំអាល់ អញ្ជើញជាអធិបតីកិច្ចប្រជុំជំរុញការងារចុះបញ្ជីដីធ្លី ក្នុងភូមិសាស្រ្តខេត្តបាត់ដំបង នាព្រឹកថ្ងៃទី២២ ខែសីហា ឆ្នាំ២០២៤ នៅសាលាខេត្តបាត់ដំបង ។ ឯកឧត្តមឧបនាយករដ្ឋមន្រ្តី សាយ សំអាល់ មានប្រសាសន៍ថា រាជរដ្ឋាភិបាលកម្ពុជា អណត្តិទី៧ នីតិកាលទី១ ក្រសួងរៀបចំដែនដី នគរូបនីយកម្ម និងសំណង់ បានយកចិត្តទុកដាក់ និងខិតខំប្រឹងប្រែងក្នុងការចុះបញ្ជីដីឱ្យបានចប់រួចរាល់នៅក្នុងដើម្បីបញ្ចប់វិវាទដីធ្លីទូទាំងប្រទេស ដែលនេះជាលើកទីមួយក្នុងប្រវត្តិសាស្ត្រកម្ពុជា ដែលបានវាស់វែងដីធ្លី និងចុះបញ្ជីជូនប្រជាពលរដ្ឋកម្ពុជាឲ្យបានចប់សព្វគ្រប់ ដើម្បីឈានទៅប្រារព្ធខួបលើកទី៤០ នៃការចុះបញ្ជីដីធ្លីឡើងវិញនៅក្នុងប្រទេសកម្ពុជា ។ ការចេញបណ្ណកម្មសិទ្ធដីធ្លីស្របច្បាប់ គឺជាសញ្ញាដ៏ល្អសម្រាប់ប្រជាពលរដ្ឋកម្ពុជា ក្នុងការថែរក្សាទ្រព្យសម្បត្តិរបស់ពួកគាត់មិនឲ្យបាត់បង់ ឬមានអ្នកលួចដោយប្រការណាមួយ ស្របជាមួយការផ្តល់សេវាគាប់ចិត្តបន្ថែមទៀត ដែលបង្ខិតការបម្រើសេវាកាន់តែលឿន ទំនុក និងកាន់តែទំនើប ។ ឯកឧត្តមឧបនាយករដ្ឋមន្រ្តី ក៏បានណែនាំឲ្យអាជ្ញាធរខេត្តបាត់ដំបង មន្ទីររៀបចំដែនដី…