(ភ្នំពេញ)៖ តាមរយៈបណ្ដាញសង្គមតេលេក្រាមនាថ្ងៃទី១៦សីហា សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា ទំនប់បង្វែរចរន្តទិសទឹកស្ទឹងស្រែង សម្រេចការងារសាងសង់បានប្រមាណជាង ៧០ភាគរយ ហើយក្រោយពេលជីកព្រែក​សិប្បនិម្មិតបង្វែរចរន្តទិសទឹក និងសាងសង់សំណង់បេតុងបង្វែរទិសទឹកស្ទឹងស្រែង បានរួចរាល់ ពលរដ្ឋក្នុងឃុំចុងកាល់ និងឃុំជើងទៀន ស្រុកចុងកាល់ ខេត្តឧត្តរមានជ័យ និងឃុំស្លែងស្ពាន ស្រុកស្រីស្នំ ខេត្តសៀមរាប នឹងទទួលបានផលប្រយោជន៍ពីទំនប់នេះ ។ សម្ដេចធីបតី បានសរសេរលើបណ្ដាញសង្គមដូច្នេះថា ទំនប់បង្វែរចរន្តទិសទឹក​ស្ទឹង​ស្រែង ដែលមានការជីកព្រែកសិប្បនិម្មិតប្រវែង ៤៥០ម៉ែត្រ និងទំនប់ស្ទាក់ស្ទឹងប្រវែង ១០០ម៉ែត្រ ស្ថិតនៅក្នុងឃុំស្លែងស្ពាន ស្រុកស្រីស្នំ ខេត្តសៀមរាប ។ ស្ទឹងស្រែង មានតួនាទីទទួលយកទឹកពីប្រភពទឹកជួរភ្នំដងរែក និងមួយផ្នែកទៀត​ពីផ្ទៃរង​ទឹក​ភ្លៀងក្នុងតំបន់ មកធ្វើការស្រោចស្រពបន្ថែមលើផ្ទៃដីបង្កបង្កើនផលកសិកម្ម ដំណាំរួមផ្សំ និងការប្រើប្រាស់សម្រាប់ជីវភាពរស់នៅប្រចាំថ្ងៃ របស់ប្រជាពលរដ្ឋនៅ​តាមបណ្ដោយស្ទឹង។ កន្លងមក ដីច្រាំងស្ទឹងស្រែងបានបាក់ និងហូរច្រោះ ជាច្រើនកន្លែង ដោយសារឥទ្ធិពលជំនន់ទឹកភ្លៀងរដូវវស្សាដែលហូរមកពីជួរភ្នំដងរែក និងផ្ទៃរងទឹកភ្លៀង​ក្នុងតំបន់ ដែលធ្វើឱ្យប្រជាពលរដ្ឋ នៅឃុំស្លែងស្ពាន ស្រុកស្រីស្នំ ខេត្តសៀមរាប ជួបការ​លំបាកកង្វះទឹកសម្រាប់ស្រោចស្រពបន្ថែមលើការងារបង្កបង្កើនផលកសិកម្ម និងការប្រើប្រាស់ប្រចាំថ្ងៃ។ ចរន្តទឹកស្ទឹងស្រែងបានយាយីទៅលើប្រឡាយមេបេតុងខាងកើត នៃប្រព័ន្ធធារា​សាស្ត្រ​ស្ទឹងស្រែងជំហាន១ ដែលជាប្រភពទឹកដ៏ធំ…

(ខេត្តឧត្ដរមានជ័យ)៖ លោក ឧត្តមសេនីយ៍ទោ ខូវ លី ស្នងការ នៃស្នងការដ្ឋាន​នគរបាល​ខេត្តឧត្ដរមានជ័យ កាលពីថ្ងៃទី១៥ ខែសីហា ឆ្នាំ២០២៤ បានជួបសំណេះសំណាល និងនំាយកអំណោយរបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាល​ជាតិ ប្រគល់ជូនដល់កងកម្លាំង នគរបាល នៃវរសេនាតូចនគរបាលការពារព្រំដែនគោក​លេខ៧០២, ៩០៥ ដែលឈរជើងប្រចាំការតាមខ្សែបន្ទាត់ព្រំដែន ។ លោក ឧត្តមសេនីយ៍ទោ ខូវ លី ស្នងការនគរបាលខេត្ត បានធ្វើការជំរុញ សូមឲ្យកង​កម្លាំង​​យើងទាំងអស់ ត្រូវប្រកាន់ភ្ជាប់យកចិត្តទុកដាក់ សហការជាមួយកងកម្លាំងយោធា រួមគ្នាការពារទឹកដីនភតាមខ្សែបន្ទាត់ព្រំដែនអោយបានគង់វង្សរក្សារបាននៅស្ថេរភាពបន្តទៀត។ លោក ឧត្តមសេនីយ៍ទោ ខូវ លី ក្នុងនាមលោកជាស្នងការនគរបាលខេត្តឧត្តរមានជ័យ រួមជាមួយនឹងនគរបាលនៃវរសេនាតូចនគរបាលការពារព្រំដែនគោកលេខ៧០២, ៩០៥ ដែលឈរជើងប្រចាំការតាមខ្សែបន្ទាត់ព្រំដែន បានត្រៀមរួចជាស្រេចក្នុងការអន្តរាគមន៍ និងអនុវត្តរាល់បទបញ្ជារបស់ ប្រមុខរាជរដ្ឋាភិបាល ដោយភក្តីភាព និងស្មោះត្រង់ ដាច់ខាត រាល់ការប៉ុនប៉ងបំផ្លិចបំផ្លាញសន្តិភាព និងចង់ផ្តួលរំលំរាជរដ្ឋាភិបាល ដែលបានប្រសូត្រចេញពីការបោះឆ្នោតដោយសេរី ត្រឹមត្រូវ និងយុត្តិធម៌ និងគំាទ្ររាល់គម្រោងអភិវឌ្ឍរបស់រាជរដ្ឋាភិបាល ជាពិសេសការពារកិច្ចសហប្រតិបត្តិការ តំបន់ត្រីកោណអភិវឌ្ឍន៍កម្ពុជា វៀតណាម…

(ភ្នំពេញ)៖ ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច នាថ្ងៃទី១៥ ខែសីហា ឆ្នាំ២០២៤ បានជួបពិភាក្សាការងារ ជាមួយ លោកជំទាវ មីឡេនណា ការីដាដ ហ្សានីវ៉ារ ពីដ្រា (Milena Caridad Zaldivar Piedra) ឯកអគ្គរដ្ឋទូតសាធារណរដ្ឋគុយបាប្រចាំ កម្ពុជា នៅទីស្តីការក្រសួងអធិការកិច្ច។ ឯកឧត្តមរដ្ឋមន្ត្រី បានជម្រាបជូនអំពីស្ថានភាពនយោបាយដែលមាន​សភាពល្អ​ប្រសើរ​លើ គ្រប់ទិដ្ឋភាពរួមមាន៖ នយោបាយ សង្គម សេដ្ឋកិច្ច ដែលបង្កបរិយាកាសអនុគ្រោះ និងអំណោយផលដល់ការអភិវឌ្ឍ សង្គមសេដ្ឋកិច្ច និងទាក់ទាញការវិនិយោគផ្ទាល់​ពីបរទេស តាមរយៈនយោបាយការទូតសេដ្ឋកិច្ចដ៏ប៉ិនប្រសប់របស់ សម្តេចមហា​បវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា លើកទឹកចិត្តជាច្រើនដែល​បានដាក់​ចេញដោយរាជរដ្ឋាភិបាលកម្ពុជាកន្លងមក។ ឯកឧត្តម ក៏បានកោតសរសើរចំពោះទំនាក់ទំនងការទូតដ៏យូរលង់ជាង​ប្រទេស​ទាំងពីរ​ចាប់តាំងពី ឆ្នាំ១៩៦០ មកម៉្លេះ និងថ្លែងអំណរគុណយ៉ាងជ្រាលជ្រៅដល់​សាធា​រណរដ្ឋ​គុយបា ចំពោះកិច្ចសហប្រតិបត្តិការដ៏ល្អ ប្រសើរលើវិស័យមួយចំនួន ដូចជា វិ ដូចជា វិស័យសុខាភិបាល អប់រំ កសិកម្ម និងពាណិជ្ជកម្ម។ ឯកឧត្តមរដ្ឋមន្ត្រី បានលើកឡើងអំពីភាពចាំបាច់ក្នុងការប្តូរឈ្មោះពី…

(ភ្នំពេញ)៖ ទី១. រាជរដ្ឋាភិបាលដឹកនាំដោយគណបក្សប្រជាជនកម្ពុជាជាអ្នកបញ្ចប់​សង្គ្រាម​និងស្វែងរកសន្តិភាព ហើយប្តេជ្ញាការពារសន្តិភាពទោះជាក្នុងតម្លៃណាក៏ដោយ។ ចំណែកក្រុមប្រឆាំងជ្រុលនិយមរិះរកវិធីគ្រប់យ៉ាងដើម្បីបំផ្លាញសន្តិភាពនិងបំផ្លាញភាពសុខសាន្តរបស់ប្រជាពលរដ្ឋខ្មែរតាមគ្រប់រូបភាព។ ទី២. រាជរដ្ឋាភិបាលខិតខំទាក់ទាញទេសចរ និងអ្នកវិនិយោគ ទាំងក្នុងនិងក្រៅប្រទេស ដើម្បីបង្កើតការងារធ្វើឱ្យមានកំណើនសេដ្ឋកិច្ចជាតិនិងសេដ្ឋកិច្ចគ្រួសារ ប៉ុន្តែ ក្រុមប្រឆាំងជ្រុលនិយមរិះរកវិធីគ្រប់យ៉ាងដើម្បីដេញភ្ញៀវទេសចរ ដេញអ្នកវិនិយោគទុន និងបង្កការរំខានដល់មុខរបរនិងការងារដើម្បីទាញសេដ្ឋកិច្ចជាតិឱ្យដាំក្បាលចុះ។ ទី៣. រាជរដ្ឋាភិបាលខិ​តខំគ្រប់យ៉ាងដើម្បីរក្សាសណ្តាប់ធ្នាប់សង្គម កុំឱ្យមានភាពវឹកវរនិង​ចៀស​វាងការបង្ហូរឈាម ប៉ុន្តែក្រុមប្រឆាំងជ្រុលនិយមញុះញង់ឱ្យខ្មែរឈ្លោះគ្នា បែកបាក់​គ្នា ប្រឈមមុខដាក់គ្នា និងរុញឱ្យមានអំពើហិង្សា ក្រោមទ្រឹស្តីថា «បើគ្មានមនុស្សស្លាប់​មិនអាចផ្លាស់ប្តូរបានឡើយ»។ ទី៤. រាជរដ្ឋាភិបាលបណ្តុះវប្បធម៌សន្តិភាព បណ្តុះមូលធនមនុស្សដែលប្រកប​ដោយ​ចំណេះ​ដឹង សីលធម៌ និងសមត្ថភាព ដើម្បីបន្តអភិវឌ្ឍប្រទេស​និងជំរុញកំណើនសេដ្ឋកិច្ច​ជាតិ ខណៈដែលក្រុមប្រឆាំងជ្រុលនិយមបណ្តុះវប្បធម៌ហិង្សា ជេរបញ្ចោរ ប្រមាថ លាបពណ៌ ដល់យុវជនជំនាន់ក្រោយរបស់ពួកគេ។ ដូច្នេះ ប្រជាពលរដ្ឋខ្មែរអាចបែងចែកយ៉ាងច្បាស់ដោយគ្មានមន្ទិលសង្ស័យរវាង​ធាតុពីរ​ខុសគ្នាស្រឡះគឺ ធាតុអ្នកកសាងជាតិនិងអ្នកបំផ្លាញជាតិ។ យើងរួមគ្នាលុបបំបាត់វប្បធម៌​នយោបាយបំផ្លិចបំផ្លាញហួសសម័យនេះឱ្យអស់ពីកម្ពុជា៕ អត្ថបទដោយ៖ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល