(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញដឹកនាំកិច្ចប្រជុំជាមួយ តំណាងធនាគារ ចំនួន ០៨គំរូ និងក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃទី០៩ ខែសីហា ឆ្នាំ២០២៤ នៅវិមានសន្តិភាព រាជធានីភ្នំពេញ ។ បន្ទាប់ពីបញ្ចប់កិច្ចប្រជុំ សម្តេចធិបតី ហ៊ុន ម៉ាណែត បាន អញ្ជើញជាអធិបតី ក្នុងពិធីផ្លាស់ប្តូរអនុស្សរណៈ រវាង ក្រសួងការងារ និងបណ្តុះបណ្តាលវិជ្ជាជីវៈ និងតំណាងធនាគារទាំង ០៨គំរូ ។ សូមជម្រាបថា ធនាគារទាំង ៨គំរូ រួមមាន៖ ១- ធនាគារ ខេប៊ីប្រាសាក់ ម.ក ។ ២- ធនាគារ អ៊ូរី (ខេមបូឌា) ម.ក ។ ៣- ធនាគារប្រៃសណីយ៍កម្ពុជា ម.ក ។ ៤- ធនាគារកាណាឌីយ៉ា ។ ៥- ធនាគារ…

(ភ្នំពេញ)៖ គណៈប្រតិភូធុរកិច្ច មកពីប្រទេសឥណ្ឌា ឌូបៃនិងសិង្ហបុរី ដែលអញ្ជើញមកដល់ប្រទេសកម្ពុជា កាលពីថ្ងៃទី ០៥ ខែសីហា ឆ្នាំ២០២៤ មានចំណាប់អារម្មណ៍យ៉ាងខ្លាំងលើទីផ្សារកម្ពុជា ជាពិសេស វិស័យសុខាភិបាល ទេសចរណ៍ និង ម្ហូបអាហារ។ នេះជាការអះអាងពីបណ្ឌិត មូហាមេត ជីនណា(Mohamed Jinna) ប្រធានក្រុមហ៊ុនយូណៃធីត ហូលឌីង អ៊ីន ។ ជាក់ស្តែងនៅថ្ងៃទី ០៨ ខែសីហា ឆ្នាំ២០២៤នេះ ក្រុមវិនិយោគគិនមកពីប្រទេស​ឥណ្ឌា ឌូបៃនិងសិង្ហបុរី បានជួបសម្តែងការគួរសម និងពិភាក្សាការងារជាមួយ ឯកឧត្តម ងួន ម៉េងតិច អគ្គនាយកសភាពាណិជ្ជកម្មកម្ពុជា ។ លោកបណ្ឌិត មូហាមេត ជីនណា(Mohamed Jinna)ស្នើសុំការគាំទ្រ និងកិច្ចសហ​ប្រតិ​បត្តិការពីសភាពាណិជ្ជកម្មកម្ពុជា ក្នុងការរៀបចំព្រឹត្តិការណ៍ទាក់ទាញវិនិយោគិន​ពីតំបន់មជ្ឈិមបូព៌ា និងតំបន់ផ្សេងទៀតនៅទូទាំងពិភពលោក ជាពិសេសបណ្តា​ប្រទេស​មូស្លីមចំនួន ៥៧ ប្រទេស រួមមាន អារ៉ាប៊ីសាអូឌីត និងអេមីរ៉ាត់អារ៉ាប់​រួមជាដើម។ ព្រឹត្តិការណ៍ជំរុញធុរកិច្ចនេះ គ្រោងនឹងរៀបចំឡើងនៅរាជធានីភ្នំពេញ​នៅ​ចុងឆ្នាំ២០២៥ ខាងមុខ។ ឯកឧត្តម ងួន ម៉េងតិច…

(បន្ទាយមានជ័យ)៖ វេទិកាសាធារណៈ គឺ ដើម្បីលើកកម្ពស់និងផ្សារភ្ជាប់ទំនាក់ទំនងល្អរវាងប្រជាពលរដ្ឋជាមួយរាជរដ្ឋាភិបាល តាមរយៈសកម្មភាពថ្នាក់ដឹកនាំមន្ត្រីរាជការគ្រប់លំដាប់ថ្នាក់ ក្នុងការជួបប្រាស្រ័យដោយផ្ទាល់ជាមួយប្រជាពលរដ្ឋគ្រប់មជ្ឈដ្ឋានម្យ៉ាងវិញទៀត ដើម្បីស្វែងយល់អំពីជីវភាពរស់នៅ និងស្ដាប់កង្វល់ សំណើរ សំណូមពរ និងបញ្ហាប្រឈមនានានៅមូលដ្ឋាន ។ ម្យ៉ាងទៀត ដើម្បីផ្សព្វផ្សាយកម្មវិធីនយោបាយយុទ្ធសាស្ត្របញ្ចកោណ និងសមិទ្ធផលនានារបស់រាជរដ្ឋាភិបាលជូនប្រជាពលរដ្ឋជ្រាប និងស្វែងរកកាគាំទ្រ ចូលរួមអនុវត្ត ដោះស្រាយឆ្លើយតបនឹងតម្រូវការរបស់ប្រជាពលរដ្ឋ ។ ជាពិសេសក្នុងកំណែទម្រង់វិមជ្ឈការ និងវិសហមជ្ឈការ។ នេះគឺជាការលើកឡើងរបស់ លោក អ៊ូ សុភាព អភិបាលរងស្រុកមង្គលបូរី ក្នុងវេទិកាសាធារណៈ របស់ក្រុមការងាររាជរដ្ឋាភិបាលចុះមូលដ្ឋានស្រុកមង្គលបូរី ក្រោមអធិបតីភាព ឯកឧត្តម ហាវ ផា អនុប្រធានក្រុមការងារថ្នាក់ជាតិចុះជួយមូលដ្ឋានឃុំសឿ លោក យឹម សំណាង អភិបាលរងខេត្ត និងជាអនុប្រធានក្រុមការងារចុះជួយមូលដ្ឋានឃុំសឿ នាព្រឹកថ្ងៃសុក្រ ទី៩ ខែសីហា ឆ្នាំ២០២៤ នៅសាលាឃុំសឿ ស្រុកមង្គលបូរី ខេត្តបន្ទាយមានជ័យ ។ លោក យឹម សំណាង និង ឯកឧត្តម ហាវ ផា បានលើកឡើងពីរការ រីកចម្រើន…

(ភ្នំពេញ)៖ ឯកឧត្តមបណ្ឌិត ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និង​ទូរគមនា​គមន៍ កាលពីថ្ងៃទី៧ ខែសីហា ឆ្នាំ២០២៤ បានអញ្ជើញជា​អធិបតីដឹកនាំ​កិច្ច​ប្រជុំ​ក្រុមការងារផ្នែកសេដ្ឋកិច្ច សង្គមឌីជីថល និងទូរគមនាគមន៍ (ក្រុមការងារ “ណ”) នៃវេទិការាជរដ្ឋាភិបាល-ផ្នែកឯកជន ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី ដែលជាអនុប្រធាន សមាជិក សមាជិកា នៃក្រុមការងារអន្តរក្រសួង-ស្ថាប័ននៃរាជរដ្ឋាភិបាល។ កិច្ចប្រជុំនេះមានគោលបំណងកំណត់អាទិភាពការងាររបស់ក្រុមការងារ ”ណ” ឈានទៅរៀបចំកិច្ចប្រជុំពិភាក្សា និងសិក្ខាសាលាស្វែងរកដំណោះស្រាយបញ្ហា ក្តីកង្វល់ និង សំណូមពររបស់វិស័យឯកជន នាពេលខាងមុខ ៕ ដោយ ៖ ង៉ាន់ ទិត្យ

(ភ្នំពេញ)៖ រាជរដ្ឋាភិបាលកម្ពុជា បានផ្ដោតការយកចិត្តទុកដាក់ខ្ពស់បំផុត ចំពោះ​កត្តាមនុស្ស នៅក្នុងការអភិវឌ្ឍប្រទេសជាតិ ឆ្ពោះទៅកាន់ប្រទេសចំណូលខ្ពស់ ឆ្នាំ២០៥០ ខណៈការអប់រំបណ្តុះបណ្តាលធនធានមនុស្ស គឺជាយុទ្ធសាស្ត្រវិនិយោគវែងឆ្ងាយរបស់រាជរដ្ឋាភិបាល ។ នេះជាការគូសបញ្ជាក់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា ក្នុងពិធីសម្ពោធដាក់ឱ្យដំណើរការជាផ្លូវការ សាកលវិទ្យាល័យ ដឹ ម៉ុងហ្វត កម្ពុជា (DE MONTFORT University Cambodia) នាព្រឹកថ្ងៃទី០៨ ខែសីហា ឆ្នាំ២០២៤ នៅរាជធានីភ្នំពេញ ។ សម្តេចធិបតី ហ៊ុន ម៉ាណែត បានគូសបញ្ជាក់ថា នៅក្នុងយុទ្ធសាស្រ្តបញ្ចកោណដំណាក់កាលទី១ បានកំណត់យកអទិភាពគន្លឹះ៥ គឺមនុស្ស ផ្លូវ ទឹក ភ្លើង និងបច្ចេកវិទ្យា ពោលគឺយកកត្តាមនុស្សជាអទិភាពខ្ពស់បំផុត ។ សម្តេចធិបតី មានប្រសាសន៍ថា មនុស្ស គឺជាកត្តាស្នូល នៃគោលនយោបាយរបស់យើង, ដូច្នេះហើយការអប់រំ និង ការបណ្តុះបណ្តាលមូលធនមនុស្ស គឺជាយុទ្ធសាស្ត្រវិនិយោគវែងឆ្ងាយរបស់រាជរដ្ឋាភិបាល ដើម្បីបង្កើតមូលដ្ឋាន សង្គម-សេដ្ឋកិច្ច និង ឧស្សាហកម្ម…