ភ្នំពេញ៖ខណៈដែលប្រជាពលរដ្ឋខ្មែរទូទាំងប្រទេសបង្ហាញមនោ សញ្ចេតនារំភើបរីករាយ ចូលរួមអបអរសាទរពិធីបើក​ការដ្ឋាន​សាង​សង់ព្រែកជីកហ្វូណនតេជោព្រឹកថ្ងៃទី៥ ខែសីហា ឆ្នាំ២០២៤នេះ ថ្នាក់ដឹកនាំ និងបុគ្គលិកទាំងអស់នៃក្រុមហ៊ុនអប្សរាព័ត៌មាន ក្រុមហ៊ុន​អប្សរា មេឌា សឺវីស AMS បានជួបជុំគ្នាដោយទឹកមុខសប្បាយរីក រាយចូលរួមគាំទ្រយ៉ាង​ក្លៀវក្លា អបអរសាទរសមិទ្ធផលថ្មី​ជា​ប្រវត្តិសាស្រ្ត​របស់ព្រះរាជាណាចក្រកម្ពុជា ក្រោមការដឹកនាំរបស់សម្ដេចមហា បវរធិបតី ហ៊ុន ម៉ាណែត នាយករដ្ឋមន្រ្តីនីតិ​កាល​ទី៧នៃរដ្ឋសភា។ ពិធីជួបជុំដែលប្រព្រឹត្តទៅនៅស្ថានីយវិទ្យនិងទូរទស្សន៍អប្សរា មាន ការទស្សនាការផ្សាយផ្ទាល់នូវទិដ្ឋភាពពិធីបើកការដ្ឋានសាងសង់ព្រែកជីកហ្វូណនតេជោ ក្រោមអធិបតីភាពដ៏ខ្ពង់ខ្ពស់សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ។នៅម៉ោង៩និង៩នាទីថ្នាក់ដឹកនាំ និងបុគ្គលិកបានបន្ទរនូវជយឃោស អបអរសាទរនិងគាំទ្រយ៉ាង ពេញទំហឹងការបើកការដ្ឋានសាងសង់ព្រែកជីកហ្វូណនតេជោ ជាមួយនឹងការទូងស្គរ គោះរគាំង វាយត្រឡោក និងការសម្ដែងសិល្បៈ ឆៃយ៉ាំផងដែរ។ ពិធីជួបជុំបានបន្តពេញមួយព្រឹកជាមួយនឹងការ​កម្សាន្តសប្បាយ ព្រមទាំងការបរិភោគអាហារសម្រន់ និងភេសជ្ជៈ​ទៅតាមតម្រូវការ។ ថ្នាក់ដឹកនាំមួយរូប តំណាងឱ្យក្រុមហ៊ុនអប្សរាព័ត៌មាន ក្រុមហ៊ុនអប្សរា មេឌា សឺវីសAMS បានបញ្ជាក់ថា ព្រឹកនេះក៏ដូចជាស្ថាប័នរដ្ឋឯកជន​និងប្រជាជនកម្ពុជាទូទាំងប្រទេសដែរ ថ្នាក់ដឹកនាំក្រុមហ៊ុន​អប្សរាព័ត៌មានដែលមានវិទ្យុ និងទូរទស្សន៍ ក្រុមហ៊ុនអប្សរា បណ្ដាញ​ព័ត៌មាន AMS ទាំងអស់គ្នាបានមកជួបជុំគ្នាបង្ហាញនូវការ​អបអរសាទរ​និងគាំទ្រការសាងសង់ព្រែកជីកហ្វូណនតេជោ ដែលជាគំនិតផ្តួចផ្តើម​របស់សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី​កម្ពុជាប្រធានព្រឹទ្ធសភានិងបន្តអនុវត្តឱ្យសម្រេចជាសមិទ្ធផលជាក់ស្តែងក្រោមការដឹកនាំរបស់សម្ដេចមហាបវរធិបតី…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្ស​សាមគ្គី អភិវឌ្ឍន៍មាតុភូមិកម្ពុជា អញ្ជើញជាអធិបតី ក្នុងពិធីវាយគង ជួង រគាំង និងទូងស្គរ អបអរសាទរការបើកការដ្ឋានសាងសង់ព្រែកជីកហ្វូណនតេជោ នៅទីស្នាក់ការរបស់រណសិរ្សសាមគ្គី អភិវឌ្ឍន៍មាតុភូមិកម្ពុជា ស្ថិតនៅអគារលេខ ២៤០ វិថីឧកញ៉ាឈុន សង្កាត់ចតុមុខ ខណ្ឌដូនពេញ រាជធានីភ្នំពេញ ដោយមានការអញ្ជើញចូលរួមពីថ្នាក់ដឹកនាំ និងបុគ្គលិកនៃរណសិរ្សសាមគ្គី អភិវឌ្ឍន៍មាតុភូមិកម្ពុជាចំនួនប្រមាណ ១០០នាក់ នាព្រឹកថ្ងៃចន្ទ ១កើត ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៥ ខែសីហា ឆ្នាំ២០២៤។ គួរំលឹកផងដែរថា ព្រែកជីកហ្វូណនតេជោគឺជាព្រែកជីកប្រវត្តិសាស្ត្រលើកទី១ នៅកម្ពុជា ដែលជាគំនិតផ្តួចផ្តើមរបស់ សម្តេចអគ្គមហាសេនាធិបតីតេជោ ហ៊ុនសែន អតីតនាយករដ្ឋមន្ត្រី និងជាប្រធានព្រឹទ្ធសភា នៃព្រះរាជាណាចក្រកម្ពុជា ហើយបច្ចុប្បន្ន សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបន្តស្នាដៃ និងជំរុញបន្ថែមការអភិវឌ្ឍព្រែកជីកហ្វូណនតេជោ នេះឲ្យសម្រេចបាននាពេលអនាគត។ ព្រែកជីកហ្វូណនតេជោនេះ ជាគម្រោងផ្លូវទឹក ដែលតភ្ជាប់ផ្លូវទឹករវាងទន្លេ ទៅកាន់សមុទ្រកម្ពុជា…

(កណ្តាល)៖ សម្តេចធិបតី ហ៊ុន ម៉ាណែត បាន គូសបញ្ជាក់ថា កម្ពុជា មានសមត្ថភាព និងភាពម្ចាស់ការគ្រប់គ្រាន់ក្នុងការស្ថាបនាព្រែកជីកហ្វូណនតេជោ ហើយនេះ ក៏ជាការប្តេជ្ញាចិត្តរបស់រាជរដ្ឋាភិបាល ដែលគម្រោងជាប្រវត្តិ សាស្ត្រមួយនេះ មានប្រជាពលរដ្ឋនៅទូទាំងប្រទេសគាំទ្រ ហើយយើងដាច់ខាតត្រូវតែធ្វើឱ្យបាន និងធ្វើឱ្យល្អបំផុតសម្រាប់ជាតិរបស់យើង។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ដូច្នេះ ក្នុងឱកាសអញ្ជើញជាអធិបតី បើកការដ្ឋានជាផ្លូវការ “ព្រែកជីកហ្វូណនតេជោ” នៅព្រែកតាកែវ ស្ថិតនៅឃុំសំរោងធំ ស្រុកកៀនស្វាយ ខេត្តកណ្តាល នាព្រឹកថ្ងៃទី០៥ ខែសីហា ឆ្នាំ២០២៤។ សម្តេចធិបតី ហ៊ុន ម៉ាណែត បានបន្តថា ចំពោះការបើកការដ្ឋានព្រែកជីកហ្វូណនតេជោនាពេលនេះ គឺយើងកំពុងបង្ហាញពី ការប្តេជ្ញា ចិត្តក្នុងនាមជាប្រជាជាតិតែមួយ ជាចលនាជាតិតែមួយ ដែលប្រកបដោយស្មារតីឯកភាពជាតិ និងជាតិនិយម ដើម្បីរួមគ្នាកសាងភាពល្បីល្បាញ និងមោទនភាពជាតិ ដែលគំនិតផ្តួចផ្តើម និងចក្ខុវិស័យនៃការសម្រេចចិត្តសាងសង់ព្រែកជីកហ្វូណនតេជោនេះ បានបង្ហាញ ពីការ ដឹកនាំប្រកបដោយទស្សនវិស័យ និងការហ៊ានធ្វើ ហ៊ានទទួលខុសត្រូវរបស់រាជ រដ្ឋាភិ បាលនៅក្នុងបុព្វហេតុជាតិ ទាំងនាពេលបច្ចុប្បន្ន…

បាត់ដំបង៖កាន់តែទទួលបានការចាប់អារម្មណ៍ ដោយមានមន្ទីអភិវឌ្ឍន៍​ជនបទ​ខេត្តជាអ្នកសម្របសម្រួល​ ខេត្តបាត់ដំបងកាលពី​ថ្ងៃទី២ ខែ សីហា ឆ្នាំ២០២៤​បាន​ធ្វើជា​ម្ចាស់​ផ្ទះ​រៀបចំពិធីចុះហត្ថលេខាលើកិច្ច ព្រមព្រៀងផ្តល់នូវហិរញ្ញប្បទានគាំទ្រការអភិវឌ្ឍ​ភូមិ រវាងគម្រោងការ កសាង​ភូមិ​សន្តិភាព តាមរយៈនៃការអភិវឌ្ឍសហគមន៍ជនបទចម្រុះ និងគណៈកម្មាធិការអភិវឌ្ឍន៍​ភូមិចំនួន៣០ភូមិ​ដែលជាភូមិគោលដៅនៃ​ខេត្តចំនួនបី ។ ខេត្តទាំងបី មានខេត្តបាត់ដំបង បន្ទាយមានជ័យ និង ខេត្តប៉ៃលិន។ គម្រោងដែលចុះហត្ថលេខានេះទទួលការ​គាំទ្រពីទីភ្នាក់ងារសហ ប្រតិបត្តិការអន្តរជាតិកូរ៉េ ឬកយកា​(KOICA)ជាមួយរាជរដ្ឋា​ភិបាល​កម្ពុជា និងតាមរយៈក្នុងការអនុវត្តគម្រោង ពីក្រសួងអភិវឌ្ឍន៍ជនបទ។ពិធីចុះហត្ថលេខាបានប្រព្រឹត្តទៅនៅសណ្ឋាគារសង្កែ ក្រុង​បាត់​ដំបងក្រោមអធិបតីភាពឯកឧត្តម អឿន ធារិទ្ធ ទីប្រឹក្សាក្រសួង និងជាប្រធាននាយកដ្ឋានអភិវឌ្ឍន៍​សហគមន៍​នៃ​ក្រសួង​អភិវឌ្ឍន៍​ជនបទព្រមទាំងលោកអភិបាលរងខេត្តគោលដៅទាំងបីខាងលើ។តំណាង​ដៃគូក្នុងការអនុវត្តនិងជំរុញ​ការអភិវឌ្ឍគម្រោង​ខាង​លើ​និងតំណាងភូមិគោលដៅទាំង៣០ដែលមកពីខេត្តទាំងបីក៏បានចូលរួមផងដែរ។ គម្រោងការកសាងភូមិសន្តិភាពនិងតាមរយៈការអភិវឌ្ឍជនបទចម្រុះក្នុងភូមិគោលដៅទាំង៣០ដោយភូមិគោលដៅនីមួយៗទទួលបាននូវកញ្ចប់ថវិកាជំហានទីមួយ ចំនួនបីម៉ឺនដុល្លារអាមេរិក។ ឯកឧត្តម អឿន ធារិទ្ធ បានថ្លែងថា ដើម្បីឆ្លើយតបទៅនឹងចក្ខុវិស័យ របស់ រាជរដ្ឋាភិបាលអាណត្តិទី៧ចាប់ពីឆ្នាំ២០២៤-២០២៨ក្រសួងមានទិសដៅក្នុងការកសាងជនបទកម្ពុជាប្រកបដោយវិបុលភាព បរិយាបន្ន នវានុវត្តន៍ ឌីជីថល ភាពធន់ផ្នែក​សេដ្ឋកិច្ច ធានា​បាន ប្រាក់ ចំណូលគ្រួសារប្រកបដោយចីរភាពនិងមានសុខុមាលភាពកាន់តែប្រសើរឡើង។ សូមជម្រាបថា គម្រោងការកសាងភូមិសន្តិភាព តាមរយៈការអភិវឌ្ឍ សហគមន៍ជនបទចម្រុះ ជាគម្រោងទទួលបាន​​ថវិកាជំនួយ​ពីទីភ្នាក់ងារ សហប្រតិបត្តិការអន្តរជាតិកូរ៉េក្រោមកិច្ចសហប្រតិបត្តិការជាមួយក្រសួងអភិវឌ្ឍន៍​ជនបទ អង្គការទស្សនៈពិភពលោក​អន្តរជាតិនិងវិទ្យា ស្ថានទីផ្សារអាហារកសិកម្មថ្មី ។គម្រោងនេះក្នុងគោលបំណងអភិវឌ្ឍន៍តំបន់ដែលធ្លាប់រងគ្រោះដោយសារ​គ្រាប់មីន និងយុទ្ធភ័ណ្ឌមិនទាន់ផ្ទុះប្រកបដោយនិរន្តរភាព។ខេត្តគោលដៅទាំងបី រួមមាន ស្រុកសំឡូតខេត្តបាត់ដំបង,…

(កែប)៖ ក្នុងពិធីសំណេះសំណាល និងសួរសុខទុក្ខជាមួយមន្ត្រីរាជការ មន្ទីរបរិស្ថានខេត្តកែប នៅព្រឹកថ្ងៃទី០៣ ខែសីហា ២០២៤ ឯកឧត្តមរដ្ឋមន្រ្តី អ៊ាង សុផល្លែត រដ្ឋមន្ត្រីក្រសួងបរិស្ថាន បានជំរុញឲ្យបណ្តារាជធានី-ខេត្តនីមួយៗ ខិតខំចលនាដាំដើមឈើបានច្រើន ជាពិសេសគឺដើមឈើអត្តសញ្ញាណជាតិដូចជា ដើមក្ងោកជាដើម។ ខេត្តកែប បានក្លាយជាខេត្តទាក់ទាញមួយ លើសោភ័ណភាពដ៏ស្រស់ស្អាតរបស់ដើមក្ងោកនៅតាមដងផ្លូវ ឯកឧត្តមរដ្ឋមន្ត្រីបរិស្ថាន បានជំរុញលើកទឹកចិត្តឲ្យខេត្តកែប បន្តដាំដើមក្ងោកឲ្យបានកាន់តែច្រើនថែមទៀត នៅតាមតាមផ្លូវ តាមឆ្នេរនានាពិសេសឆ្នេរអង្កោល ដែលទើបទទួលបានផ្លូវថ្មី។ ឯកឧត្តមរដ្ឋមន្ត្រី បានបញ្ជាក់ថា ក្រសួងបរិស្ថាន បាននឹងកំពុងរៀបចំឲ្យមានសួនបណ្តុះកូនឈើតាមរាជធានី ខេត្ត ដើម្បីចែកជូនប្រជាពលរដ្ឋយកទៅដាំដុះ បង្កើនគម្របព្រៃឈើឡើងវិញ ឲ្យបាន១លាន ៣សែនដើមក្នុងមួយឆ្នាំ។ តាមរយៈពិព័រណ៍ពន្លកបៃតង រៀបចំដោយក្រសួងបរិស្ថាន នាពេលកន្លងទៅនេះ ក៏បានបណ្ដុះស្មារតីប្រជាពលរដ្ឋ ឲ្យចូលរួមដាំដើមឈើឡើងវិញ ឲ្យបានកាន់តែច្រើន ដោយក្រសួងបរិស្ថាន នឹងបន្តរៀបចំពិពរណ៏ពន្លកបៃតង ទ្រង់ទ្រាយធំនៅឆ្នាំក្រោយ នៅរាជធានីភ្នំពេញ និងតាមបណ្ដារាជធានីខេត្ត ផ្សេងទៀតផងដែរ។ ឯកឧត្តមរដ្ឋមន្ត្រីបានជំរុញឲ្យមន្ទីរបរិស្ថាន រាជធានី-ខេត្តខិតខំធ្វើការបណ្ដុះកូនឈើឲ្យបានច្រើន ដើម្បីចែកជូនប្រជាពលរដ្ឋ ។ តាមការគ្រោងទុកក្រសួងបរិស្ថានគ្រោងដាំស្តារព្រៃឈើឡើងវិញ ឲ្យបាន៥លានហិចតាបន្ថែមទៀត ក្នុងរយៈ ពេល ២៥ឆ្នាំខាងមុខ ពោលគឺធ្វើយ៉ាងណាដាំដើមឈើឡើងវិញ…

កែប៖ថ្នាក់ដឹកនាំខេត្តកំពតបានបញ្ជាក់ថា រដ្ឋបាលខេត្តបានត្រៀមខ្លួន​រួចរាល់ដើម្បីអបអរសាទរថ្ងៃបើកការដ្ឋានព្រែកជីក​ហ្វូណន​តេជោ​នៅថ្ងៃទី៥ ខែសីហានេះដោយខេត្តនឹងរៀបចំកម្មវិធីជួបជុំទូងស្គរ ការសម្ដែងរបាំជូនពរ សម្ដែងឆៃយ៉ាំ​ ការច្រៀងរួមគ្នា ការទទួល​ទានអាហាសាមគ្គី ការប្រគំតន្ត្រីជាច្រើនទីតាំង និងបាញ់កាំជ្រួចជា​ដើម។ ថ្លែងក្នុងកិច្ចប្រជុំត្រៀមរៀបចំពិធីអបអរសាទរថ្ងៃបើកការដ្ឋានសាងសង់ព្រែកជីកហ្វូណនតេជោកាលពីព្រឹកថ្ងៃទី២ ខែសីហា ឆ្នាំ​២០២៤នេះ លោក ខៀវ រិទ្ធិភ័ណ្ឌ អភិបាលរងខេត្តបានបញ្ជាក់ថា​ រដ្ឋបាលខេត្ត​កំពតបានត្រៀមរៀបចំកម្មវិធីជាច្រើនពេញមួយថ្ងៃដើម្បីអបអរសាទរពិធីបើកការដ្ឋានសាងសង់ព្រែកជីកហ្វូណនតេជោ។ក្នុងនោះមាន កម្មវិធីជួបជុំថ្នាក់ដឹនាំ មន្ត្រីរាជការ កម្លាំង យុវជន សិស្សានុសិស្ស និស្សិតនៅសាលប្រជុំបូកគោ ទូងស្គរ ការសម្តែង ឆៃយ៉ាំ របាំជូនពរ ចម្រៀងអបអរសាទររួម​គ្នានៅ​ពេលព្រឹក  និងការទទួលទាន​អាហារ​សាមគ្គីរួមគ្នានៅពេលល្ងាច ។ការប្រគំតន្ត្រីពីរទីតាំងនៅ​សួនច្បារ​រូប​សំណាកព្រះបាទអង្គដួង និងទីតាំងត្រីសេះសមុទ្រ  និងបាញ់កាំជ្រួចអ​បអរផងដែរ។ចំណែកការរៀបចំផ្សេងៗបានត្រៀមរួចរាល់ហើយ។ ដោយឡែកពលរដ្ឋក៏បានត្រៀមខ្លួនរួចរាល់ ក្នុងការចូលរួមអប​អរសាទរ​ពីធីបើកការដ្ឋានសាងសង់ព្រែកជីកហ្វូណនតេជោ ព្រោះពួក​គេ​យល់ច្បាស់​អំពីអត្ថប្រយោជន៍ និងរំពឹងថាសេដ្ឋកិច្ចគ្រួសារ និងប្រទេស​ជាតិកាន់តែប្រសើរ បន្ទាប់ពីមានផ្លូវទឹកភ្ជាប់ទីកាន់សមុទ្រ។   បើតាមការបញ្ជាក់របស់លោក ខៀវ រិទ្ធិភ័ណ្ឌ ថានៅតាមបណ្តា​ក្រុង​ស្រុក ស្ថាប័នរដ្ឋ និងឯកជន គ្រឹះស្ថានអប់រំ និងសាសនានានា​ក្នុងខេត្ត ក៏ធ្វើពិធីអបអរសាទរនៅតាមទីកន្លែងរៀងៗខ្លួនផងដែរ៕ដោយ៖ សិលា សារិន