(តាកែវ)៖ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគម​ន៍ និ​ងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ កាលពី​រសៀ​ល​ថ្ងៃទី៩ ខែកក្កដា ឆ្នាំ២០២៤ បានអញ្ជើញជាអធិបតី ក្នុងពិធីប្រកាស​សមាសភាពក្រុមការងាររាជរដ្ឋាភិបាលចុះមូលដ្ឋានស្រុកគីរីវង់ ដែល ឯកឧត្តម សុខ សូកាន ជាប្រធាន។ ពិធីប្រកាសនេះធ្វើឡើង ដោយមានការអញ្ជើញ​ចូល​រួមពី សមាសភាពក្រុមការងាររាជរដ្ឋាភិបាលចុះមូលដ្ឋានខេត្តតាកែវ ប្រធាន អនុប្រធាន សមាជិកក្រុមការងាររាជរដ្ឋាភិបាលចុះមូលដ្ឋានស្រុកគីរីវង់ ព្រម​ទាំង​អាជ្ញាធរពាក់ព័ន្ធគ្រប់លំដាប់ថ្នាក់សរុបប្រមាណ ៤២០នាក់ ។ មានប្រសាសន៍នៅក្នុងពិធីនេះ ឯកឧត្តម បណ្ឌិត ជា វ៉ាន់ដេត មានប្រសាសន៍ ជំរុញដល់​ក្រុមការងារចុះមូលដ្ឋានទាំងអស់ ត្រូវធ្វើការពិភាក្សាគ្នាដើម្បីពិនិត្យ​មើលចំណុចខ្លាំង ចំណុច ខ្សោយធ្វើការកំលម្អការងារ ដើម្បីទទួលបាន​ជោគ​ជ័យនាពេលខាងមុខ។ ឯកឧត្តមបណ្ឌិត ជា វ៉ាន់ដេត បន្ថែមថា រដ្ឋាភិមានការប្តេជ្ញាចិត្តខ្ពស់ ជាពិសេស​ថ្នាក់​ដឹកនាំកំពូល តាមរយៈនេះ រដ្ឋាភិបាលថ្មី និងមានការអភិវឌ្ឍន៍កាន់​តែ​ខ្លាំង​ឡើង ដោយឈរលើមូលដ្ឋានដែលមានកន្លងមកហើយ ។ ឯកឧត្តម បញ្ជាក់បន្តថា ការចេញដំណើរនៅឆ្នាំ២០២៤នេះ គឺជាការកែទម្រង់​លើ​ចំណុចដែលប៉ះពាល់ទៅដល់ប្រជាពលរដ្ឋ ជាពិសេសគឺការកែទម្រង់​ការ​អប់រំ សុខាភិបាល ការកែទម្រង់រដ្ឋបាលសាធារណៈ…

(ភ្នំពេញ)៖ ឯកឧត្តម តូ ឡឹម ប្រធានរដ្ឋវៀតណាម នឹងបំពេញទស្សនកិច្ចផ្លូវ រដ្ឋនៅ កម្ពុជា រយៈពេល ពីរថ្ងៃ ក្នុងសប្តាហ៍នេះ ដើម្បីពង្រឹងកិច្ចសហប្រតិបត្តិការ គ្រប់ជ្រុង ជ្រោយ ដើម្បីផលប្រយោជន៍ នៃប្រជាជនទាំងពីរ ។ នេះបើតាមក្រសួងការបរទេស និងសហប្រតិបត្តិការអន្តរជាតិ នៅថ្ងៃទី៩ ខែកក្កដា ឆ្នាំ២០២៤ ។ យោងតាមសេចក្តីប្រកាសព័ត៌មានរបស់ក្រសួងការបទេស បានឲ្យដឹងថា តបតាមការអញ្ជើញរបស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ កម្ពុជា ឯកឧត្តម តូ ឡឹម ប្រធានរដ្ឋ នៃសាធារណរដ្ឋសង្គមនិយមវៀតណាម នឹងអញ្ជើញបំពេញទស្សនកិច្ចផ្លូវរដ្ឋ នៅ កម្ពុជា នៅថ្ងៃទី១២-១៣ ខែកក្កដា ឆ្នាំ២០២៤ ។ ក្នុងអំឡុងពេលនៃទស្សនកិច្ចនេះ ឯកឧត្តម តូ ឡឹម នឹងចូលក្រាបបង្គំគាល់ និងព្រះរាជសវនា ការដាច់ដោយឡែកជាមួយ ព្រះករុណា ព្រះបាទសម្តេច ព្រះបរមនាថ នរោត្តម…

បន្ទាយមានជ័យ៖ កូនឈើចម្រុះចំនួនជាងមួយពាន់ដើមត្រូវ​បានដាំនៅបញ្ជាការដ្ឋានរថក្រោះប្រចាំទិសយោធភូមិភាគទី៥ នៅ​ស្រុកព្រះនេតព្រះ ខេត្តបន្ទាយមានជ័យកាលពីព្រឹកថ្ងៃទី៨ ខែកក្កដា ឆ្នាំ២០២៤ ។ សកម្មភាពនេះជាការចូលរួមក្នុងពិធី​រុក្ខទិវា៩កក្កដា លើកទី២៩ផងដែរ។ ឧត្តមសេនីយ៍ទោ កែវ សេងឡាយ មេបញ្ជាការរងបញ្ជាការ​ដ្ឋានរថក្រោះនិងជាមេបញ្ជាការប្រចាំទិសយោធភូមិភាគ៥បានបញ្ជាក់ថា កាលដើមឡើយទីបញ្ជាការដ្ឋានរថក្រោះទីនេះ ជាតំបន់ភ្នំ។ដោយអនុវត្តនូវគោលនយោបាយព្រៃឈើ និងតាម​ការផ្សព្វផ្សាយពី​ក្រសួង​​បរិស្ថាន ដែលបំផុសនិងជំរុញ​ដល់​មហាជន ,កងកម្លាំងដាំដើមឈើឡើងវិញនោះ បញ្ជាការដ្ឋាន​រថក្រោះទិសយោធភូមិ​ភាគទី៥បានដាំកូនឈើរយដើម​នៅ​ជុំវិញទីបញ្ជាការដ្ឋានរាប់រយដើមរួចមកហើយ។សម្រាប់​ពេលនេះបានដាំកូនឈើ ចំនួនមួយ​ពាន់ដើមថែមទៀតដើម្បី​ប្រែក្លាយទីបញ្ជាការដ្ឋានរថក្រោះឱ្យតំបន់បៃតង និងមាន​បរិស្ថានល្អ។ ឯកឧត្តម គង់ ច័ន្ទវាសនា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទបានញ្ជាក់ថា ការដាំកូនឈើថ្ងៃនេះ​ស្របឱកាស​រុក្ខទិវាជាតិនាថ្ងៃ៩កក្កដា។ចលនាដាំកូនឈើនេះ​ទៀតសោតជាការស្ដារសម្បទាព្រៃឈើនៅទូទាំងប្រទេស ។ដោយឡែកខេត្ត​បន្ទាយមានជ័យនឹងធ្វើឱ្យមានធម្មជាតិ​ស្រស់បំព្រង ។ចំណែកលោក ឃ្លោក នួយ អភិបាលរងខេត្តបន្ទាយមានជ័យ​បានអំនាវឱ្យបន្តចលនាដាំកូនឈើឱ្យក្លាយទៅជាទម្លាប់ការ​ដាំនៅក្នុងសហគមន៍ ឬមូលដ្ឋាន ដោយការស្រឡាញ់ ថែទាំរក្សាការពារដើមឈើ ដែលបានដាំនេះ។ សូមបញ្ជាក់ថា កូនឈើដែលបានយកមកដាំមានប្រភេទ គ្រញូង បេង នាងនួន ច័ន្ទន៍គិរី ក្ងោក ជាដើម។ សរុបចំនួនមួយពាន់ដើម ៕ដោយ៖ គៀន ច័ន្ទហ៊ីន