កំពង់ធំ៖ ពីវេទិកាអធិបតី នៃពិធីប្រកាសចូលកាន់មុខតំណែង ឯកឧត្តម នួន ផារ័ត្ន ជាអភិបាល នៃគណៈអភិបាលខេត្តកំពង់ នារសៀលថ្ងៃទី៨ ខែកក្កដា ឆ្នាំ២០២៤ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានផ្ដល់គោលការណ៍ឱ្យរដ្ឋបាលខេត្តទាំងអស់ ពិនិត្យសើរើឡើងវិញ រាល់ឯកសារព្រមព្រៀងជាមួយក្រុមហ៊ុនផលិត លក់ចែកចាយ និងទទួលផ្សព្វផ្សាយគ្រឿងស្រវឹងទាំងអស់ ដើម្បីឈានទៅបញ្ចប់រាល់ការព្រមព្រៀងផ្សព្វផ្សាយផលិតផលគ្រឿងស្រវឹងតាមដងផ្លូវ និងទីសាធារណៈ។ ឯកឧត្តមអភិសន្តិបណ្ឌិត ឧបនាយករដ្ឋមន្រ្តី បន្តថា ការឈានទៅបញ្ចប់ការផ្សព្វផ្សាយគ្រឿងស្រវឹងតាមទីសាធារណៈ មិនមែនត្រឹមតែដើម្បីចង់បានការសរសើរគាំទ្រពីសាធារណជន និងមជ្ឈដ្ឋានសង្គមស៊ីវិលប៉ុណ្ណោះទេ ប៉ុន្តែគោលដៅធំបំផុត គឺដើម្បីកាត់បន្ថយទំនោរទទួលទានគ្រឿងស្រវឹងជ្រុលហួសហេតុរបស់ប្រជាជនដែលកំពុងតែប្រឈមទាំងគ្រោះថ្នាក់សុខភាព និងគ្រោះថ្នាក់សង្គម ពិសេសគ្រោះថ្នាក់ចរាចរណ៍ដែលកំពុងស្ថិតក្នុងដំណាក់កាលដ៏គួរឱ្យព្រួយបារម្ភ ខណៈការផ្សព្វផ្សាយដ៏ព្រោតព្រាតគ្រប់ច្រកឡ្ហកនេះទៀតសោត ក៏នាំឱ្យមានផលប៉ះពាល់ដល់កុមារផងដែរ។ ក្រៅពីប្រធានបទស្ដីពីការផ្សព្វផ្សាយគ្រឿងស្រវឹង ឯកឧត្តមអភិសន្តិបណ្ឌិត ក៏បានរម្លឹកអង្គពិធីដែលមានការចូលរួមពីថ្នាក់ដឹកនាំ មន្ត្រី និងកម្លាំងចម្រុះចំណុះរដ្ឋបាលខេត្ត នូវបញ្ជាដ៏ម៉ឺងម៉ាត់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា ពាក់ព័ន្ធនឹងកិច្ចការពារធនធានធម្មជាតិ ។ ឯកឧត្តមអភិសន្តិបណ្ឌិត បានព្រមានធ្ងន់ៗថា ជនទាំងឡាយណា ទោះមន្ត្រីក្ដី ឈ្មួញក្ដី ដែលធ្លាប់ និងដែលព្យាយាមប៉ុនប៉ងធ្វើសកម្មភាពដោយផ្ទាល់…

ភ្នំពេញ៖ លោក ចេង មុនីរ៉ា អភិបាល នៃគណៈអភិបាលខណ្ឌច្បាអំពៅ បានលើកឡើងថា ការរក្សាបាននូវសុខសុវត្ថិភាពជូនប្រជាពលរដ្ឋក្នុងមូលដ្ឋាន គឺជាកាតព្វកិច្ចរបស់អាជ្ញាធរមូលដ្ឋាននិងសមត្ថកិច្ចពាក់ព័ន្ធទាំងអស់ ដូច្នេះយើងត្រូវរួមគ្នាអនុវត្តឱ្យមានប្រសិទ្ធភាព នូវបទបញ្ជារបស់សម្ដេចធិបតីហ៊ុន ម៉ាណែត នាយករដ្ឋមន្ត្រី កម្ពុជា ក្នុងការលុបបំបាត់ល្បែងស៉ីសងគ្រប់ប្រភទ បញ្ហាគ្រឿងញៀន និងបញ្ហាក្មេងទំនើង ។ នេះជាការក្រើនរំឭករបស់លោកអភិបាលខណ្ឌបានថ្លែងនៅក្នុងកិច្ចប្រជុំគណៈបញ្ជាការឯកភាពរដ្ឋបាលខណ្ឌច្បារអំពៅកាលពីនៅព្រឹកថ្ងៃទី៩ ខែកក្កដា ឆ្នាំ២០២៤ ដោយមានការចូលរួមពីលោក-លោកស្រី ជាអភិបាលរងខណ្ឌ ,លោកអធិការនគរបាលខណ្ឌ ,លោកមេបញ្ជាការកងរាជអាវុធហត្ថខណ្ឌ ,លោក-លោកស្រី ជាប្រធានការិយាល័យ និង លោក-លោកស្រី ជាចៅសង្កាតទាំង៨ ។ លោកអភិបាលបានលើកឡើងបន្តថាបញ្ហាគ្រឿងញៀនគឺជាបញ្ហាមួយដែលបច្ចុប្បន្នប្រជាពលរដ្ឋបាននិងកំពុងមានការព្រួយបារម្ភយ៉ាងខ្លាំង។តែដើម្បីឆ្លើយតបទៅនិងក្តីកង្វល់នេះ សូមអោយកម្លាំងគណៈបញ្ជការឯកភាពខណ្ឌ និងសង្កាត់ទាំង៨ ត្រូវបង្កើនការផ្សព្វផ្សាយឱ្យបានទូលំទូលាយពីផលប៉ះពាល់នៃការប្រើប្រាស់គ្រឿងញៀន ត្រូវបង្កើនសកម្មភាពបង្ការ និងបង្ក្រាបឱ្យមានប្រសិទ្ធិភាពខ្ពស់ ។ ចុះត្រួតពិនិត្យរដ្ឋបាលនៅតំបន់ស្មុគ្រស្មាញងាយរងគ្រោះដោយបញ្ហាគ្រឿងញៀន ចុះល្បាតតាមមូលដ្ឋានជាប្រចាំ ។ មួយវិញ ទៀតចំពោះមន្ត្រីរាជការដែលមានការពាក់ពន្ធ័ជាមួយគ្រឿងញៀនគឺត្រូវតែបណ្តេញចេញជាបន្ទាន់ពីអង្គភាព ដោយមិនទុកឱ្យនៅធ្វើការទៀត ១១ឡើយ ។ លោកអភិបាលខណ្ឌក៍បានណែនាំទៅដល់កងកម្លាំងគណៈបញ្ជាការឯកភាពរដ្ឋបាលខណ្ឌនិងសង្កាត់ បន្តបង្ក្រាបឱ្យបាននូវល្បែងស៊ីសងគ្រប់ប្រភេទ ។ បញ្ហាក្មេងទំនើងត្រូវគ្រប់គ្រងមុខសញ្ញាក្មេងទាំងនោះឱ្យបានដោយប៉ុស្តិ៍នគរបាលរដ្ឋបាល សហការជាមួយលោក លោកស្រីជាចៅសង្កាត និយាយជារួមត្រូវរួមគ្នាអនុវត្តអោយមានប្រសិទ្ធភាព ។ ត្រូវចុះសហការជាគណៈគ្រប់គ្រងសាលារៀនចាប់ពីអនុវទ្យាល័យរហូតដល់វិទ្យាល័យ…

ភ្នំពេញ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា យាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងពិធីបុណ្យ រុក្ខទិវាជាតិ ៩កក្កដា នៅតំបន់ស្ដារព្រៃឈើបន្ទាយអង្គរ ឃុំលាយបូរ ស្រុកត្រាំកក់ ខេត្តតាកែវ នាព្រឹកថ្ងៃទី០៩ ខែកក្កដា ឆ្នាំ២០២៤ ខណៈខេត្តតាកែវ ធ្លាប់ធ្វើជាម្ចាស់ផ្ទះ ព្រឹត្តិការណ៍រុក្ខទិវាថ្នាក់ ជាតិ ចំនួន ៣លើកមកហើយ គឺនៅឆ្នាំ១៩៩៣ , ២០០៨ និងឆ្នាំ២០១៤ ។ ពិធីរុក្ខទិវា ៩កក្កដា គឺជាមរតកដ៏ថ្លៃថ្លា របស់ព្រះករុណា ព្រះមហាវីរក្សត្រ ព្រះបរមរតនកោដ្ឋ នៅពេលព្រះអង្គ នៅមានព្រះជន្ម ព្រះអង្គតែងតែបានយកព្រះទ័យទុកដាក់ ចំពោះការដាំដុះព្រៃឈើដ៏មានផលប្រយោជន៍ សម្រាប់មនុស្ស និងសត្វ នៅក្នុងព្រះរាជាណាចក្រកម្ពុជា ។ ពិធី “រុក្ខទិវា” ចាប់តាំងពីឆ្នាំ១៩៥២មក ដើម្បីជួយឱ្យបរិស្ថាន និងអាកាសធាតុមានភាពវិជ្ជមានចំពោះភពផែនដី និងមនុស្សជាតិ។ បន្ទាប់មក សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី…

ភ្នំពេញ៖ ឯកឧត្តម លីវ សុផាណារិទ្ធិ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំគណៈប្រតិភូចូលរួមសិក្ខាសាលាលើកទី១៦ និងកិច្ចប្រជុំសកលស្តីអំពីកិច្ចសហការក្នុងការការពារហេដ្ឋារចនាសម្ព័ន្ធពត៍មានសំខាន់ៗ(Meridian Conference on Critical Information Infrastructure Protection – CIIP) ចាប់ពីថ្ងៃទី៣ ដល់ថ្ងៃទី៦ ខែកក្កដា ឆ្នាំ២០២៤ នៅទីក្រុងញ៉ូដេលី សាធារណរដ្ឋឥណ្ឌា ។ព្រឹត្តិការណ៍នេះមានការអញ្ជើញចូលរួមពីរដ្ឋសមាជិក ទទួលបន្ទុកវិស័យសន្តិសុខឌីជីថល តំណាងជាន់ខ្ពស់ និងស្ថាប័នពាក់ព័ន្ធ ទូទាំងសកលលោក។ ប្រភពក្រសួងប្រៃសណីយ៍បានឳ្យដឹងថា សិក្ខាសាលានិងកិច្ចប្រជុំអំពីកិច្ចសហការក្នុងការការពារហេដ្ឋារចនាសម្ព័ន្ធព័ត៌មានសំខាន់ៗនេះ បានផ្តោតយកចិត្តទុកដាក់លើការពិភាក្សាសំខាន់ៗមួយចំនួនមានជាអាទិ៍ យុទ្ធសាស្រ្តក្នុងការការពារលើហេដ្ឋារចនាសម្ព័ន្ធពត៍មានសំខាន់ៗ, យន្តការនៃការបង្កើនកិច្ចសហការជាដៃគូពីមជ្ឈដ្ឋាននានារួមមាន សហគមន៍ វិស័យអប់រំ និងវិស័យឧស្សាហកម្មនិងការរក្សាភាពធន់លើការការពារហេដ្ឋារចនាសម្ព័ន្ធឌីជីថលសំខាន់ៗ ៕ ដោយៈង៉ាន់ ទិត្យ

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតី បើកវេទិកាធុរកិច្ចកម្ពុជា-បារាំង លើកទី២ នាព្រឹកថ្ងៃទី០៨ ខែកក្កដា ឆ្នាំ២០២៤ នៅរាជធានីភ្នំពេញ ។ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានថ្លែងថា កម្ពុជា និងបារាំង បានមើលឃើញពីភាពជាដៃគូដ៏ស៊ីជម្រៅដែលបានកសាងឡើងជាង១៨០ ឆ្នាំ ទំនាក់ទំនងប្រវត្តិសាស្ត្រ ការផ្លាស់ប្តូរវប្បធម៌ និងកិច្ចសហប្រតិបត្តិការសេដ្ឋកិច្ច ។ អ្នកឧកញ៉ា គិត ម៉េង បានបញ្ជាក់ថា ទំនាក់ទំនងរវាងកម្ពុជា និងបារំាងកាន់តែកើនឡើងដល់ភាពជាដៃគូយុទ្ធសាស្ត្រនៅឆ្នាំ២០២៤ ក្នុងអំឡុងពេលទស្សនកិច្ចផ្លូវការរបស់សម្តេចធិបតី ហ៊ុន ម៉ាណែត នៅប្រទេសបារាំង។ តាមរយះទំនាក់ទំនងនេះ កម្ពុជាបារាំងបានបង្កើតទំនាក់ទំនងដ៏មានអត្ថន័យដោយផ្លាស់ប្តូរគំនិតគ្នាទៅវិញទៅមក និងការស្វែងរកការបណ្តាក់ទុនរួមគ្នាជាដើម។ អ្នកឧកញ៉ា មានជំនឿថា កម្ពុជា បារំាង រួមគ្នាបើកទំព័រថ្មី នៃវិបុលភាពរួមគ្នានៅអាស៊ីអាគ្នេយ៍។ អ្នកឧកញ៉ា គិត ម៉េង បានបង្ហាញក្តីរីករាយ ដែលវេទិកានេះ ត្រូវបានរៀបចំឡើងក្នុងគោលបំណងពង្រឹងទំនាក់ទំនងសេដ្ឋកិច្ច និងសង្គម រវាងកម្ពុជា…

ភ្នំពេញ៖ ឯកឧត្តម សុខ ប្រសិទ្ធិ រដ្ឋលេខាធិការក្រសួងព័ត៌មាន និងជាប្រធានក្រុមប្រឹក្សាភិបាល នៃគណៈកម្មការប្រតិបត្តិសម្ព័ន្ធយុវជនអាហារូបករណ៍ ស២ បានថ្លែងថា រាជរដ្ឋាភិបាលកម្ពុជា កំពុងខិតខំបណ្ដុះធនធានមនុស្សឲ្យបានកាន់តែច្រើន តាមរយៈការជំរុញឲ្យមានការសិក្សា នៅក្នុងប្រទេស ព្រមទាំងផ្ដល់ ឬស្វែងរកអាហារូបករណ៍ជូនសិស្សនិស្សិត បានទៅសិក្សានៅក្រៅប្រទេស ។ ក្នុងពិធីសំណេះសំណាលជាមួយអាណាព្យាបាល និងនិស្សិតអាហារូបករណ៍ជាង ១០០នាក់ ទៅបន្តការសិក្សានៅសាកលវិទ្យាល័យរាជផាត់ឧបុនរាជធានី ប្រទេសថៃ ឆ្នាំ២០២៤-២០២៥ នៅថ្ងៃទី៧ ខែកក្កដា ឆ្នាំ២០២៤ ឯកឧត្តមរដ្ឋលេខាធិការ មានប្រសាសន៍ថា រាជរដ្ឋាភិបាល អាណត្តិទី៧ បានផ្តោតសំខាន់លើមូលធនមនុស្ស ដោយធ្វើការកែទម្រង់រដ្ឋបាលសាធារណៈ ពង្រឹងប្រសិទ្ធភាពស្ថាប័ន ការជ្រើសមន្រ្តីប្រកបដោយគុណាធិបតេយ្យ យកមកបំពេញកិច្ចការងារ និងមានប្រព័ន្ធលើកទឹកចិត្តដល់មន្រ្តី ដើម្បីបង្កើនប្រសិទ្ធភាព ចំណេះដឹង ជំនាញ និងប្រសិទ្ធផលការងារខ្ពស់ ។ ឯកឧត្តមបន្តថា ជាក់ស្ដែង ការផ្ដល់នូវអាហារូបករណ៍ដល់សិស្សនិស្សិត ទៅសិក្សាបន្តនៅប្រទេសថៃ របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជានេះ នឹងកាន់តែធ្វើឲ្យកម្ពុជា ទទួលបាននូវធនធានមនុស្សបន្ថែម ហើយបន្ទាប់ពីបញ្ចប់ការសិក្សា និស្សិតជ័យលាភីអាហាររូបករណ៍ទាំងអស់ នឹងត្រូវត្រលប់មកបម្រើជាតិមាតុភូមិ ហើយចូលរួមជាមួយរាជរដ្ឋាភិបាល…