(ភ្នំពេញ)៖ ក្នុងកិច្ចប្រជុំជាមួយសមាគមធនាគារកម្ពុជា និងសមាគមមីក្រូហិរញ្ញវត្ថុកម្ពុជា នារសៀលថ្ងៃទី២១ ខែមិថុនា ឆ្នាំ២០២៤ នៅទីស្តីការក្រសួង ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានចាត់ទុកធនាគារ មីក្រូហិរញ្ញវត្ថុ និងភ្នាក់ងារហិរញ្ញវត្ថុទាំងអស់ គឺជាដៃគូយុទ្ធសាស្រ្តដ៏សំខាន់មួយ ដែលបានរួមចំណែកយ៉ាងសំខាន់ក្នុងការកសាង និងទ្រទ្រង់ខឿនសេដ្ឋកិច្ចកម្ពុជា ក្នុងនោះទ្រទ្រង់ឧស្សាហកម្មហិរញ្ញវត្ថុ ឧស្សាហកម្មអចលនទ្រព្យ និងឧស្សាហកម្មគ្រឿងបង្គុំសំណង់ជាដើម ។ ឯកឧត្តមឧបនាយករដ្ឋមន្ត្រី សាយ សំអាល់ បន្តថា ក្រសួងត្រូវការការគាំទ្រ និងកិច្ចសហការពីធនាគារ មីក្រូហិរញ្ញវត្ថុ និងភ្នាក់ងារហិរញ្ញវត្ថុទាំងអស់ដើម្បីឱ្យវិស័យឧស្សាហកម្មអចលនទ្រព្យ និងឧស្សាហកម្មគ្រឿងបង្គុំសំណង់មានការរីកចម្រើនបន្ថែមទៀតស្របតាមការវិវត្តន៍របស់សង្គមជាតិ។ ក្នុងន័យនេះ ឯកឧត្តមឧបនាយករដ្ឋមន្ត្រី បានស្នើដល់សមាគមធនាគារកម្ពុជា និងសមាគមមីក្រូហិរញ្ញវត្ថុកម្ពុជា កំណត់នូវទិសដៅរួមជាក់លាក់មួយ ដើម្បីក្រសួងងាយស្រួលក្នុងការឆ្លើយតប និងធ្វើកិច្ចសហប្រតិបត្តិការពាក់ព័ន្ធនឹងវិស័យជំនាញរបស់ក្រសួង សំដៅជួយជំរុញកំណើនសេដ្ឋកិច្ចជាតិរួមគ្នា។ ឯកឧត្តមឧបនាយករដ្ឋមន្ត្រី សាយ សំអាល់ បានរំលេចថា ចក្ខុវិស័យរបស់រាជរដ្ឋាភិបាលកម្ពុជា នីតិកាលទី៧ គឺធ្វើយ៉ាងណាឱ្យប្រជាពលរដ្ឋមានជីវភាពធូរធារ មានការងារធ្វើ មានប្រាក់ចំណូល មានលំនៅឋានរស់នៅសមរម្យក្នុងភូមិឋានក្សេមក្សាន្ត សុខសុវត្ថិភាព មានអាហារហូបចុកគ្រប់គ្រាន់ ទទួលបានការសិក្សាអប់រំគ្រប់ៗគ្នា រស់នៅមានសេចក្តីសុខសុភមង្គលក្នុងក្រុមគ្រួសារ និងក្នុងសង្គមជាតិ…

(ភ្នំពេញ)៖ អង្គការសុខភាពពិភពលោក គាំទ្ររាជរដ្ឋាភិបាលកម្ពុជា ចំពោះការប្រកាស​ដាក់ឱ្យអនុវត្តជាផ្លូវការ ផែនទីបង្ហាញផ្លូវ ឆ្ពោះទៅការគ្របដណ្តប់សុខភាព​ជាសកល​នៅកម្ពុជាឆ្នាំ២០២៤-២០៣៥ ។ ការគាំទ្រនេះ ត្រូវបានបញ្ជាក់ក្នុងជំនួបពិភាក្សា​ការងាររវាងឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តី​ក្រសួងសេដ្ឋកិច្ច និងហិរញ្ញវត្ថុ និងឯកឧត្តមវេជ្ជបណ្ឌិតសាអៀ ម៉ាអ៊ួ ព្យូកាឡា (Saia Ma’u Piukala) ប្រធានប្រចាំតំបន់ប៉ាស៊ីហ្វិកខាងលិច នៃអង្គការសុខភាពពិភព​លោក នាថ្ងៃទី២១ ខែមិថុនា ឆ្នាំ២០២៤ នៅទីស្តីការក្រសួងសេដ្ឋកិច្ច និងហិរញ្ញវត្ថុ ក្នុងឱកាសនៃដំណើរទស្សនកិច្ចជាលើកដំបូងនៅកម្ពុជា ។ ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី បានគូសរំលេចអំពីកិច្ចសហប្រតិបត្តិការដ៏ល្អ រវាងរាជរដ្ឋាភិបាលកម្ពុជា និងអង្គការសុខភាពពិភពលោក ក្នុងរយៈកាលជាច្រើនទស្សវត្សន៍កន្លងមក និងបានវាយតម្លៃខ្ពស់ ចំពោះអង្គការសុខភាពពិភពលោកក្នុងការចូលរួមចំណែកគាំទ្រ ដល់ការអភិវឌ្ឍវិស័យសុខាភិបាលកម្ពុជា រហូតរៀងមក ដែលរួមមានទាំងជំនួយបច្ចេកទេស និងហិរញ្ញវត្ថុ និងជាពិសេសក្នុងកាលៈទេសៈដ៏លំបាក ពីការរាតត្បាតនៃជំងឺកូវីដ-១៩ ។ ឯកឧត្តមវេជ្ជបណ្ឌិត សាអៀ ម៉ាអ៊ួ ព្យូកាឡា បានសម្តែងនូវការអរគុណចំពោះ ការស្វាគមន៍ យ៉ាងកក់ក្តៅពី ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី ក្នុងដំណើរបេសកកម្មការងាររបស់ឯកឧត្តម…

(ភ្នំពេញ)៖ ដើម្បីចូលរួមអនុវត្តបទបញ្ជា របស់រាជរដ្ឋាភិបាល ស្តីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និង រដ្ឋបាលថ្នាក់ក្រោមជាតិ និងផែនការស្តីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ ដោយបន្ត អនុវត្តគោលការណ៍ « សម្អាតផ្ទះយើង» និង សម្អាតច្រកចេញពីផ្ទៃបឹង» ដើម្បីលើកកម្ពស់ទំនុកចិត្ត ប្រសិទ្ធភាព ការងារ អភិបាលកិច្ចល្អ និងភាពស្អាតស្អំ។ ក្រសួងអធិការកិច្ចបានសហការជាមួយអាជ្ញាធរជាតិប្រយុទ្ធប្រឆាំងគ្រឿងញៀន នាថ្ងៃសុក្រ ទី២១ ខែមិថុនា ឆ្នាំ២០២៤ បានរៀបចំពិធីធ្វើតេស្តរហ័សរកសារធាតុញៀន សម្រាប់ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យាទាំងអស់នៃក្រសួងអធិការកិច្ច ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច ដោយមានការអញ្ជើញចូលរួមពី ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ឯកឧត្តម លោកជំទាវ ថ្នាក់ដឹកនាំ លោក លោកស្រី មន្ត្រីនៃក្រសួងអធិការកិច្ច និងតំណាងមន្ទីរពិសោធន៍គ្រឿងញៀន។ ឯកឧត្តមរដ្ឋមន្ត្រី មានប្រសាសន៍ថា ក្រោមការដឹកនាំប្រកបដោយចក្ខុវិស័យវែងឆ្ងាយ និងប្រាកដនិយម របស់ សម្តេចមហាបវរធិបតី ហ៊ុន…

(ភ្នំពេញ)៖ ក្រសួងព័ត៌មានជាសេនាធិការមួយរបស់រាជរដ្ឋាភិបាល ដែលចាំបាច់ណាស់ត្រូវជួយដល់ ក្រសួង ស្ថាប័ន ផ្សេងៗទៀតក្នុងការផ្សព្វផ្សាយព័ត៌មានក៏ដូចជាផលិតព័ត៌មាន។នេះជាការថ្លែងបញ្ជាក់ពីសំណាក់ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន ។ ក្រសួងព័ត៌មាន និង ក្រសួងទេសចរណ៍បានចុះហត្ថលេខាលើ អនុស្សរណៈនៃការយោគយល់ គ្នាមួយ”នារសៀលថ្ងៃទី ២១ ខែ មិថុនា ឆ្នាំ២០២៤ ក្នុងគោលបំណងសហការផលិត ផ្សព្វផ្សាយមាតិកាព័ត៌មានគ្រប់ទម្រង់របស់ក្រសួងទេសចរណ៍ ឱ្យកាន់តែសម្បូរបែប ទាន់ពេលវេលា។ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានចាត់ទុកថានេះគឺជាពង្រឹងកិច្ចសហប្រតិបត្តិការលើការងារផលិត និង ផ្សព្វផ្សាយព័ត៌មាន។ក្នុងកិច្ចសហប្រតិការរវាងក្រសួងព័ត៌មានជាមួយក្រសួងទេសចរណ៍នេះដែរអាចវាយតម្លៃបានថាជាកិច្ចសហប្រតិបត្តិការមួយដែលមានសារៈសំខាន់ ហើយក៏ជាវប្បធម៌ថ្មីនៃកិច្ចសហការក្នុងក្របខណ្ឌក្រសួងស្ថាប័នរួមក្រោមអភិក្រមរបស់រាជរដ្ឋាភិបាលកម្ពុជា។ ឯកឧត្តម រដ្ឋមន្រ្តី បញ្ជាក់ថា”ក្នុងកិច្ចសហប្រតិបត្តិការរវាងក្រសួងព៏ត៌មានជាមួយក្រសួងទេសចរណ៍វាជាកិច្ចការងារមួយដ៏មានសារៈសំខាន់ពីព្រោះថាវិស័យទេសចរណ៍បានចូលរួមចំណែកក្នុងកំណើនសេដ្ឋកិច្ចរបស់ជាតិ និងវិស័យទេសចរណ៍ដែលរីកចម្រើនគឺមិនអាចកាត់ផ្តាច់បានទេនូវការងារផ្សព្វផ្សាយនៃសក្តានុពលទេសចរណ៍ និងក៏ដូចជាវិស័យផ្សេងៗទៀតលើវិស័យទេសចរណ៍”។ ឯកឧត្តម នេត្រ ភក្រ្តាបានថ្លែងថា៖”ក្រសួងព័ត៌មានបានប្តេជ្ញាចិត្តនៅក្នុងរាជរដ្ឋាភិបាលអាណត្តិទី៧នេះគឺយើងបានរៀបចំក្រសួងនេះឱ្យទៅជាស្ថាប័នទំនាក់ទំនងសារធារណៈរបស់រដ្ឋាភិបាលប្រកបដោយបុរេសកម្ម អន្តរសកម្ម ប្រសិទ្ធភាព និងគុណភាពដែលនេះមានន័យថាក្រសួងព័ត៌មានគឺជាសេនាធិការរបស់រដ្ឋាភិបាលលើការផ្សព្វផ្សាយ”។ ជាមួយគ្នានេះរដ្ឋមន្រ្តីក្រសួងព័ត៌មានបានលើកឡើងដែរថាបើទោះបីកន្លងមកមិនទាន់មានការចុះកិច្ចសហប្រតិបត្តិការជាមួយក្រសួងទេសចរណ៍ក៏ដោយក៏ក្រសួងព័ត៌មានបានចូលរួមផ្សព្វផ្សាយ និងសហការជាមួយក្រសួងទេសចរណ៍ធ្វើការផ្សព្វផ្សាយសក្តានុពលលើវិស័យទេសចរណ៍របស់ប្រទេសកម្ពុជាយើងរួចមកហើយ។ ឯកឧត្ដម សុខ សូកេន រដ្ឋមន្ត្រីក្រសួងទេសចរណ៍ បានបញ្ជាក់ក្នុងពិធីនេះដែរថា គោលបំណងនៃអនុស្សរណៈនៃការយោគយល់គ្នានេះ គឺដើម្បីផ្សព្វផ្សាយឱ្យបានកាន់តែទូលំទូលាយនូវព្រឹត្តិការណ៍ សេចក្តីជូនដំណឹង កម្មវិធី និងព័ត៌មាន ទាំងអត្ថបទ…