ភ្នំពេញ៖ ក្រុមប្រឹក្សាជាតំណាងប្រជាពលរដ្ឋ មិនមែនជាចៅហ្វាយរបស់ប្រជាពលរដ្ឋទេ ដូច្នេះត្រូវដឹងពីតួនាទីរបស់ខ្លួន ក្នុងការបម្រើប្រជាពលរដ្ឋ ទាំងការរក្សាសន្តិសុខ សណ្ដាប់ធ្នាប់ និងការអភិវឌ្ឍនៅក្នុងមូលដ្ឋាន។ នេះជាការលើកឡើងរបស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ក្នុងពិធីប្រកាសអោយចូលកាន់តំណែងក្រុមប្រឹក្សាខណ្ឌចំការមន កាលពីរសៀលថ្ងៃទី១៣ មិថុនា នៅកោះពេជ្រ ខណ្ឌចំការមន ។ ឯកឧត្តម ឃួង ស្រេង បានមានប្រសាសន៍លើកឡើងថា ក្រុមប្រឹក្សាអាណត្តិទី៣ គឺពិតជាបានចូលរួមយ៉ាងសកម្មជាមួយអាជ្ញាធរនិងប្រជាពលរដ្ឋ ក្នុងការអភិវឌ្ឍន៍មូលដ្ឋាន ការសង្គ្រោះប្រជាពលរដ្ឋ ការ ការពារសន្តិសុខសក្នុងការបោះឆ្នោតនានាកន្លងមកឲ្យដំណើរការទៅដោយរលូន។ យើងត្រូវប្តេជ្ញាចិត្តរួមគ្នា អភិវឌ្ឍន៍ប្រទេស ឱ្យសម្រេចបាននូវចក្ខុវិស័យ ក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងក្លាយជាប្រទេសមានចំណូលខ្ពស់ នៅឆ្នាំ២០៥០ ។ ឯកឧត្តម ឃួង ស្រេងក៏ បានណែនាំឲ្យអាជ្ញាធ កម្លាំងមានសមត្ថកិច្ច ត្រូវចុះពិនិត្យមើល ហេដ្ឋារចនាសម្ព័ន្ធនៅក្នុងមូលដ្ឋាន ថាតើមានអ្វីដែលខូចខាតដែលយើងត្រូវកែលំអរឱ្យមានសោភណ្ឌភាពឡើងវិញ ជាមួយនឹងការទប់ស្កាត់ក្មេងទំនើងកុំអោយកើតមាននៅក្នុងមូលដ្ឋានរបស់ខ្លួន។ ឯកឧត្តមបន្តទៀតថា៖ ការបោះឆ្នោតជ្រើសរើសក្រុមប្រឹក្សារាជធានីភ្នំពេញ និងក្រុមប្រឹក្សាខណ្ឌ អាណត្តិទី៤ កាលពីថ្ងៃទី២៦ ខែ ខុសភា ឆ្នាំ២០២៤ កន្លងទៅ…

ខេត្តកំពង់ចាម៖ ព្រឹកថ្ងៃទី១៤​ ខែមិថុនា​ ឆ្នាំ២០២៤ លោក​ លី​ សុវណ្ណ​ អភិបាលនៃគណៈអភិបាលក្រុងកំពង់ចាម​ អញ្ជេីញដឹកនាំកិច្ចប្រជុំគណៈបញ្ជាការឯកភាពរដ្ឋបាលក្រុងកំពង់ចាម​ ស្ថិតនៅសាលាក្រុងកំពង់ចាម។ លោក​ អភិបាល​ បានធ្វេីការផ្សព្វផ្សាយសេចក្តីណែនាំលេខ០០៦/២៤​ សណន​ របស់រដ្ឋបាលខេត្តកំពង់ចាម​ ស្តីពី​ ការទប់ស្កាត់បាតុភាពអសកម្មរបស់យុវជន​ សិស្សានុសិស្សគេចសាលាទៅប្រមូលផ្តុំគ្នាលេងទូរស័ព្ទ​ លេងហ្គេមអុីនធ័រណិត​ ជក់បារី​ និងឈានទៅប្រេីប្រាស់គ្រឿងញៀនខុសច្បាប់​ នៅក្នុងភូមិសាស្ត្រខេត្តកំពង់ចាម​ ។ លោក​ លី​ សុវណ្ណ ក៏បានណែនាំដល់លោក​ លោកស្រី ចៅសង្កាត់​ កងកម្លាំងទាំងបី​ និងនាយកវិទ្យាល័យ​ ទាំងរដ្ឋ​ និងឯកជន​ ធ្វេីយ៉ាងណា​ ត្រូវយកសេចក្តីណែនាំនេះ​ ទៅផ្សព្វផ្សាយឱ្យដល់គោលដៅ​ រួមមាន៖​ ម៉ាត​ កន្លែងលក់កាហ្វេ-ភេសជ្ជៈ​ ក្លឹមហាត់ប្រាណ​ ក្លឹមបាល់ទះ​ ក្លឹមបាល់ទាត់​ អាហារដ្ឋាន​ និងកន្លែងកំសាន្តនានា​ នៅក្នុងភូមិសាស្ត្រក្រុងកំពង់ចាម​ ក្នុងបំណងដេីម្បីចូលរួមទប់ស្កាត់បាតុភាពអសកម្មការសិក្សារបស់សិស្សានុសិស្សនៅតាមគ្រឹះស្ថានសិក្សាទាំងរដ្ឋ​ និងឯកជន​ ៕ ដោយ ៖ លី ពៅ

ស្វាយរៀង៖ លោក ហែម ពិសិដ្ឋ អភិបាលរងខេត្តស្វាយរៀង បានថ្លែងស្នើដល់សមាជិកក្រុមប្រឹក្សាស្រុករមាសហែក ត្រូវលើកកម្ពស់ការចូលរួម និងភាពជាម្ចាស់របស់ប្រជាពលរដ្ឋក្នុងការអភិវឌ្ឍមូលដ្ឋាន សំដៅកាត់បន្ថយភាពក្រីក្រ និងលើកកម្ពស់គុណភាពជីវិតរបស់ប្រជាពលរដ្ឋនៅក្នុងមូលដ្ឋានឲ្យកាន់តែប្រសើរឡើងបន្ថែមទៀត។ លោកអភិបាលរងខេត្តបានថ្លែងស្នើដូច្នេះ ក្នុងឱកាសប្រកាសចូលកាន់តំណែងសមាជិក សមាជិកាក្រុមប្រឹក្សាស្រុករមាសហែក អាណត្តិទី៤ ដែលពិធីនេះធ្វើឡើងនៅសលាស្រុករមាសហែក ខេត្តស្វាយរៀង នាព្រឹកថ្ងៃទី១៤ខែមិថុនា ឆ្នាំ២០២៤។ លោក ហែម ពិសិដ្ឋ បានចូលរួមអបអរសាទរ កោតសរសើរ និងវាយតម្លៃខ្ពស់ចំពោះសមាជិក សមាជិកាក្រុមប្រឹក្សាស្រុករមាសហែក ដែលត្រូវបានតំណាងប្រជាពលរដ្ឋ គឺសមាជិកក្រុមប្រឹក្សាឃុំ សង្កាត់ គ្រាំទ្រផ្តល់សេចក្តីទុកចិត្តបោះឆ្នោតជ្រើសរើសជាសមាជិកក្រុមប្រឹក្សាស្រុករមាសហែក អាណត្តិទី៤ នាពេលនេះ ដែលសរុបមានចំនួន ២១នាក់ ឲ្យចូលកាន់មុខដំណែងជាក្រុមប្រឹក្សាស្រុកសម្រាប់បន្តដឹកនាំ និងចូលរួមថែរក្សាសុខសន្តិភាព ស្ថិរភាព និងបន្តអភិវឌ្ឍឱ្យមានការរីកចម្រើនលើគ្រប់វិស័យបន្ថែមទៀត ។ លោកបានផ្តាំផ្ញើដល់ប្រធានក្រុមប្រឹក្សា សមាជិកក្រុមប្រឹក្សាស្រុករមាសហែកទាំងអស់ត្រូវរួមគ្នាសម្រេចបាននូវកិច្ចការចាំបាច់ ខិតខំពង្រឹងស្មារតីសាមគ្គីភាព ឯកភាពផ្ទៃក្នុងឱ្យបានល្អនៅក្នុងក្រុមប្រឹក្សា គណៈអភិបាល មន្ត្រីរាជការ និងកងកម្លាំងមានសមត្ថកិច្ចគ្រប់លំដាប់ ដោយឈរលើមូលដ្ឋាននៃការលើកកម្ពស់ប្រសិទ្ធភាពការងារ ការគោរពច្បាប់ គោរពគោលការណ៍នានារបស់រដ្ឋ និងពង្រឹងរបៀបរបបធ្វើការ ដើម្បីលើកកម្ពស់ការទទួលខុសត្រូវ និងភាពជាម្ចាស់របស់មន្ត្រីក្នុងការបំពេញតួនាទី ភារកិច្ចរបស់ខ្លួន សំដៅអភិវឌ្ឍមូលដ្ឋាន និងឆ្លើយតបចំពោះតម្រូវការរបស់ប្រជាពលរដ្ឋក្នុងដែនសមត្ថកិច្ចរបស់ខ្លួន។ ក្រុមប្រឹក្សាស្រុករមាសហែក…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា អញ្ជើញពិនិត្យប្រព័ន្ធធារាសាស្ត្ររំដោះ និងពង្វាងទឹកស្ទឹង ព្រែកត្នោតកុំឱ្យជន់លិចរាជធានីភ្នំពេញ និងតំបន់ជាប់ស្ទឹងព្រែកត្នោត នៅព្រឹកថ្ងៃទី១៤ ខែ មិថុនា ឆ្នាំ២០២៤ ។ ក្រោយពីរាជរដ្ឋាភិបាល កសាងប្រព័ន្ធរំដោះទឹក និងពង្វាងទឹកជំនន់នេះរួចរាល់ រាជធានីភ្នំពេញ ខេត្តកំពង់ស្ពឺ ខេត្តកណ្តាល និងតំបន់រណប នឹងលែងមានជំនន់ទឹកទៀតហើយ ។ សូមរំលឹកថា ក្នុងរយៈពេលប៉ុន្មានឆ្នាំចុងក្រោយភូមិសាស្ត្ររាជធានីភ្នំពេញ ជាពិសេស ខណ្ឌដង្ហោ និងតំបន់ខ្លះទៀតក្នុងខេត្តកណ្តាល កំពង់ស្ពឺ ជាប់នឹងស្ទឹងព្រែកត្នោត តែងរងការជន់លិចយ៉ាងធ្ងន់ធ្ងរ។ ការជន់លិចដោយសារទឹកហូរធ្លាក់ពីជួរភ្នំឱរ៉ាល់ ជួរភ្នំក្រវាញ និងដោយសារ ផ្ទៃរងទឹកភ្លៀងក្នុងភូមិសាស្ត្ររាជធានីភ្នំពេញ ខេត្តកណ្តាល កំពង់ស្ពឺ កាន់តែរួមតូច ដោយសារកំណើន នៃសំណង់លំនៅឋាន និងតំបន់ពាណិជ្ជកម្មផ្សេងៗ។ ដើម្បីដោះស្រាយការជន់លិច ដែលជាបញ្ហាប្រឈមដ៏ធ្ងន់ធ្ងររបស់ប្រជាពលរដ្ឋ និងសកម្មភាព សេដ្ឋកិច្ចផ្សេងៗ សម្តេចធិបតី ហ៊ុន ម៉ាណែត បានសម្រេចបញ្ចេញកញ្ចប់ថវិកា ប្រមាណ ៣០០លានដុល្លារអាមេរិក កសាងប្រព័ន្ធធារាសាស្ត្ររំដោះ និងពង្វាងការជន់លិចនេះ ។…

វៀតណាម៖ ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច បានអញ្ជើញ​ដឹក​នាំ​គណៈប្រតិភូជាន់ខ្ពស់ក្រសួងអធិការកិច្ច នៃព្រះរាជាណាចក្រកម្ពុជា ចូលរួមកិច្ចជំនួប​ពិភាក្សាការងារជាមួយ ឯកឧត្តម វ៉ូ វ៉ានមិញ ប្រធានគណៈកម្មាធិការប្រជាជន​ខេត្តប៊ិញយឿង (ខេត្តប៊ិញយឿងជាខេត្តដែលរីកចម្រើនខាងសេដ្ឋកិច្ច និង​ឧស្សាហកម្ម ជាប់លំដាប់ទី៣ បន្ទាប់ពីរដ្ឋធានីហាណូយ និងទីក្រុងហូជីមិញ) នាថ្ងៃព្រហស្បតិ៍ ៧កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែមិថុនា ឆ្នាំ២០២៤ នៅខេត្តប៊ិញយឿង សាធារណរដ្ឋសង្គមនិយមវៀតណាម ៕ ដោយ ៖ ហេង សម្បត្តិ

ភ្នំពេញ៖ ក្រសួងបរិស្ថាន បានចុះហត្ថលេខាលើអនុស្សរណៈ នៃការយោគយល់ (MOU) ជាមួយក្រុមហ៊ុនកូកា-កូឡាកម្ពុជា ស្ដីពី «ការផ្តល់ជូនប្រព័ន្ធស្រោចស្រពប្រើប្រាស់ថាមពលពន្លឺព្រះអាទិត្យ សម្រាប់ថ្នាលបណ្ដុះកូនឈើថ្នាក់តំបន់ដំបូងបំផុតនៅកម្ពុជា»កាលពីព្រឹកថ្ងៃទី១៣ ខែមិថុនា ឆ្នាំ២០២៤ នៅទីស្តីការក្រសួង ។ ប្រព័ន្ធស្រោចស្រពនេះមានសមត្ថភាពស្រោចស្រពកូនឈើ បានជាងមួយលានដើមក្នុងមួយឆ្នាំ ដើម្បីឆ្លើយតបទៅនឹងតម្រូវការដើមឈើរបស់សាធារណជន ក៏ដូចជាលើកស្ទួយឲ្យកម្ពុជាបង្កើនគម្របបៃតងកាន់តែច្រើនផងដែរ ។ ថ្នាលបណ្តុះកូនឈើថ្នាក់តំបន់នេះ គឺជាថ្នាលដំបូងគេបង្អស់ក្នុងប្រទេសកម្ពុជា ដែលមានទីតាំងស្ថិតនៅភូមិ ៤៤ ឃុំព្រះធាតុ ស្រុកអូរាំងឪ ខេត្តត្បូងឃ្មុំ ។ ការបង្កើតថ្នាលបណ្តុះកូនឈើនេះ គឺជាផ្នែកមួយនៃយុទ្ធសាស្ត្រចក្រាវិស័យបរិស្ថាន ២០២៣-២០២៨ ដែលមានគោលបំណងលើកកម្ពស់កិច្ចគាំពារបរិស្ថាន ការថែទាំនិងការការពារធនធានធម្មជាតិរបស់កម្ពុជា ដើម្បីជួយឲ្យកម្ពុជាអាចសម្រេចបាននូវគោលដៅអព្យាក្រឹតកាបូនដែលមានគម្របព្រៃឈើ ៦០ ភាគរយត្រឹមឆ្នាំ២០៥០ ។ ពិធីចុះហត្ថលេខាលើអនុស្សរណៈនេះបានធ្វើឡើងនៅឯទីស្តីការក្រសួងបរិស្ថាន ដោយមានសក្ខីភាពរបស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និង លោក ចូសេប ហូ អគ្គនាយកប្រតិបត្តិ ក្រុមហ៊ុន ខេមបូឌា បេវេរេដ ខមប៉ានី លីមីធីត (កូកា-កូឡាកម្ពុជា) ។ ឯកឧត្តមបណ្ឌិត អ៊ាង…

ភ្នំពេញ៖ ឯកឧត្តម សូ វិសុទ្ធី រដ្ឋលេខាធិការ ក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំគណៈប្រតិភូ ចូលរួមវេទិកា Silicon Valley Summit រៀបចំ​ឡើង​នៅ Silicon Valley ដែលជាតំបន់ពហុបច្ចេកវិទ្យាធំបំផុតរបស់ពិភពលោក ស្ថិតក្នុងទីក្រុងសាន់នីវែល រដ្ឋកាលីហ្វ័រញ៉ា សហរដ្ឋអាម៉េរិក កាលពី ថ្ងៃទី១២ មិថុនា ២០២៤ តបតាមការអញ្ជើញរបស់មជ្ឈមណ្ឌលបច្ចេកវិទ្យា Plug and Play ។ កម្មវិធីនេះមានការអញ្ជើញចូលរួមពីស្ថាប័ន/ក្រុមហ៊ុនបច្ចេកវិទ្យាកម្រិតអន្តរជាតិ ប្រមាណ ៤០០០នាក់ រួមទាំងធុរកិច្ចថ្មីឌីជីថល ប្រមាណ ៣០០មកពី ១៧ប្រទេស​ជុំវិញពិភពលោក ។ វេទិកានេះរៀបចំឡើងក្នុងគោលបំណងដើម្បីផ្តល់ឱកាសដល់ធុរកិច្ចថ្មីឌីជីថលអាចបង្ហាញនូវស្នាដៃនវានុវត្តន៍បច្ចេកវិទ្យារបស់ខ្លួនទៅកាន់ពិភពលោក និងផ្តល់ឱកាស​ដល់​អ្នកចូលរួមក្នុងការស្វែងយល់កាន់តែស៊ីជម្រៅពីអ្នកជំនាញនិងក្រុមហ៊ុនធំៗ លើគន្លឹះ នៃការជំរុញធុរកិច្ចថ្មីឌីជីថលប្រកប ដោយប្រសិទ្ធភាព និងចីរភាព។ ជាមួយគ្នានោះ គណៈប្រតិភូក្រសួង បានអញ្ជើញជួបពិភាក្សាជាមួយថ្នាក់ដឹកនាំនៃមជ្ឈមណ្ឌល​បច្ចេក​វិទ្យា Plug and Play​ ដែលជាកាតាលីករជំរុញនិងបង្កើតធុរកិច្ចថ្មីដ៏ល្បី​នៅសហរដ្ឋ​អាម៉េរិក ក្នុងគោលបំណងបង្កើតទំនាក់ទំនងនិងកិច្ចសហប្រតិបត្តិការជាមួយគ្នា សំដៅជំរុញនិងពន្លឿនកំណើនធុរកិច្ចថ្មីនៅកម្ពុជាប្រកបដោយគុណភាព ៕ ដោយ ៖ ង៉ាន់ ទិត្យ

ភ្នំពេញ៖ សម្តេចធិបតី ហ៊ុន ម៉ាណែត បានផ្តល់ទស្សនៈ និងអនុសាសន៍ ៥ចំណុច ដល់និស្សិត និងសាស្រ្តាចារ្យទាំងអស់ ដើម្បីបន្តរួមចំណែកដល់ការលើក​កម្ពស់គុណ​ភាពវិស័យអប់រំនៅកម្ពុជា និងបង្កើនសក្តានុពលរបស់ខ្លួនឱ្យកាន់តែខ្ពស់ ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា បានលើកឡើងដូច្នេះ ក្នុងពិធីប្រគល់ សញ្ញាបបត្រជូនដល់និស្សិត នៃសាកលវិទ្យាល័យ លីមកុកវីង ដែល​សម្រេចបានជោគជ័យ ក្នុងឆ្នាំសិក្សា២០២១-២០២២ និង ឆ្នាំសិក្សា២០២២- ២០២៣ សរុបចំនួន ៥៤០នាក់ នៅរាជធានីភ្នំពេញ នាព្រឹកថ្ងៃទី១៣ ខែមិថុនា ឆ្នាំ២០២៤ ។ សម្តេចធិបតី ហ៊ុន ម៉ាណែត បានមានប្រសាសន៍ថា ទន្ទឹមនឹងភាពជោគជ័យ​ដ៏ត្រចះ​ត្រចង់ របស់និស្សិតជ័យលាភី និងដើម្បីបន្តរួមចំណែក ដល់ការលើក​កម្ពស់គុណភាព​វិស័យអប់រំនៅកម្ពុជា ជាពិសេស​ ចូលរួមអនុវត្តឱ្យបានជោគជ័យនូវយុទ្ធសាស្ត្របញ្ច​កោណ​ដំណាក់កាលទី ១ សម្រាប់ការអភិវឌ្ឍមូលធនមនុស្ស សូមផ្ដល់នូវទស្សនៈ និងអនុសាសន៍មួយចំនួន ដូចខាងក្រោម ៖ ទី១. ជាមួយនឹងចំណេះដឹង ទទួលបានពីការសិក្សា នៅសាកលវិទ្យាល័យ លីមកុកវីង…