ភ្នំពេញ៖ ឯកឧត្ដ ម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអនុញ្ញាតឱ្យលោក ចូសេហ្វ សូយ័រ អ្នកសម្របសម្រួលរបស់អង្គការសហប្រជាជាតិប្រចាំប្រទេសកម្ពុជា និងសហការីចូលជួបសម្ដែងការគួរសម និងពិភាក្សាការងារ នារសៀលថ្ងៃទី២០ ខែឧសភា ឆ្នាំ២០២៤ នៅទីស្ដីការក្រសួងមហាផ្ទៃ ។ ឯកឧត្ដមអភិសន្តិបណ្ឌិត បានស្វាគមន៍ យ៉ាងកក់ក្តៅចំពោះវត្តមាន លោក ចូសេហ្វ សូយ័រ និងបាន ថ្លែងអំណរគុណចំពោះភ្នាក់ងារអង្គការសហប្រជាជាតិដែលនៅតែបន្តផ្ដល់ការគាំទ្រដល់ប្រទេសកម្ពុជា តាមរយៈការធ្វើការយ៉ាងជិតស្និទ្ធជាមួយរាជរដ្ឋាភិបាល សង្គមស៊ីវិល ដៃគូអភិវឌ្ឍន៍ និងវិស័យឯកជន។ បើតាមប្រមុខក្រសួងមហាផ្ទៃកម្ពុជា ទីភ្នាក់ងារUN បានរួមដំណែកក្នុងដំណើរការស្ដារប្រទេសកម្ពុជាក្រោយសង្គ្រាម រួមទាំងការពង្រឹងសមត្ថភាពជាតិ ការពង្រឹងលទ្ធិប្រជាធិបតេយ្យ ជាពិសេសការជួយគាំទ្រកម្ពុជាក្នុងការធ្វើមូលដ្ឋាននីយកម្មគោលដៅសកល នៃការអភិវឌ្ឍប្រកបដោយចីរភាព ឱ្យស្របទៅនឹងបរិការណ៍កម្ពុជាដើម្បីពន្លឿនការសម្រេចបាននូវរបៀបវារៈ ឆ្នាំ២០៣០ ។ ឯកឧត្តមអភិសន្តិបណ្ឌិត ក៏បានជម្រាបជូន លោក ចូសេហ្វ សូយ័រ អំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា រួមជាមួយអង្គការសហប្រជាជាតិក្នុងកិច្ចសហប្រតិបត្តិការ លើវិស័យអាទិភាពមួយចំនួន រួមមាន អភិបាលកិច្ចនៅថ្នាក់ក្រោមជាតិ សុវត្ថិភាពផ្លូវថ្នល់ ការប្រឆាំងហិង្សាផ្នែកយេនឌ័រ បម្រែបម្រួលអាកាសធាតុ សន្តិសុខស្បៀង…

ភ្នំពេញ៖ តាមរយៈការបំផុសពលរដ្ឋឱ្យដាំដើមឈើ និងក៏ដូចជាដើម្បីលើកទឹកចិត្តដល់ពលរដ្ឋដែលស្រឡាញ់ការដាំដើឈើ និងក៏ដូចជាចូលរួមភាពបៃតង ក្នុងប្រទេសនោះក្រសួងបរិស្ថានគ្រោងនឹងបញ្ចេញប្រព័ន្ធអែប (APP)ថ្មីមួយទៀតដែល ជាកម្មវិធីទូរស័ព្ទដើម្បីឱ្យពលរដ្ឋតាមដានដើមឈើដែលខ្លួនបានដាំនៅថ្ងៃខាងមុខឆាប់ៗនេះ ។ បញ្ជាក់នៅក្នុងសន្និសីទសារព័ត៌មាននៅថ្ងៃទី២០ ខែឧសភា ឆ្នាំ ២០២៤នាទីស្តីការក្រសួងបរិស្ថានឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថានបានគូសបញ្ជាក់ថា ”ក្រសួងបរិស្ថាននឹងធ្វើការអភិវឌ្ឍន៍ប្រព័ន្ធ អែបទូរស័ព្ទដៃ មួយទៀត។ សម្រាប់អែបនេះ គឺកាលណាបងប្អូនយើងដាំដើមឈើហើយគាត់ថតដើមឈើហ្នឹងទៅ រួចដាក់ឈ្មោះដើមឈើនោះខ្លួនឯង ។ ក្នុងនេះបើកាលណាដាក់ឈ្មោះខ្មែរចេញជាភាសាអង់គ្លេស និងបើដាក់ឈ្មោះអង់គ្លេសចេញជាខ្មែរ ។ដើមឈើនោះនឹងក្លាយជារបស់ពុកម៉ែ ពូមីងបងប្អូនហើយ ។ ដើមឈើនឹងនៅជាប់ក្នុងអែបតែម្តង ។ ឆ្នាំក្រោយយើងអាចឆែកមើលដើមឈើហ្នឹងធំប៉ុនណា! ឆ្នាំក្រោយទៀតឆែកមើលឃើញដើមឈើហ្នឹងប៉ុនណាទៀតហើយជាដើម ។ ដើមឈើធំប៉ុនណាវានឹងនៅក្នុងទូរស័ព្ទហ្នឹងរហូតហើយ ។ ពិសេសក្នុងទូរស័ព្ទហ្នឹងយើងក៏អាចជជែកពិភាក្សាគ្នាបានថាដើមឈើហ្នឹងត្រូវថែរក្សារបៀបម៉ិចក្នុងនេះដូចជាដើមឈើអ្នកធំលឿនម្ល៉េះ និងដើមឈើអ្នកតូចម្ល៉េះយើងអាចពិភាក្សាគ្នាដើម្បីដោះស្រាយក្នុងហ្នឹងបានទាំងអស់” ។ ឯកឧត្តមបណ្ឌិត អ៊ាង សុផល្លែត បានថ្លែងដោយបញ្ជាក់បន្ថែមថា ៖ ”អែបហ្នឹងខ្ញុំសង្ឃឹមថា នៅចុងខែនេះនឹងធ្វើរួចហើយ ។ តាមពិតធ្វើរួចហើយ ប៉ុន្តែស្ថិតនៅក្នុងការធ្វើតេសសាកល្បងនៅឡើយ”។ ឯកឧត្តមរដ្ឋមន្រ្តី លើកឡើងដោយពន្យល់បន្ថែមថា ”ពាក្យថាអែបហ្នឹងជាហ្វេសប៊ុករបស់កម្ពុជាយើងដែលដាក់ឱ្យប្រើប្រាស់ដាំដើមឈើនៅកម្ពុជាសម្រាប់ជំរុញការទាក់ទាញ ការចូលចិត្ត ការស្រឡាញ់ពេញចិត្តដើមឈើនៅកម្ពុជាយើងតែម្តង” ៕ អត្ថបទ ៖…

ភ្នំពេញ៖ ក្នុងចំណោមប្រជាពលរដ្ឋ ១៧លាននាក់ ហើយបើដើរសួរថា គេស្រឡាញ់បរិស្ថានប៉ុន្មាននាក់នោះ ខ្ញុំជឿថា មានចំនួនមិនតិចជាង ៧០ទៅ៨០ភាគរយទេ ដែលស្រឡាញ់បរិស្ថាន ។ បើសិនជាខ្ញុំធ្វើការចែកកូនឈើទៅពួកគាត់ដើម្បីធ្វើការដាំដុះ ខ្ញុំមិនសុំទៅដល់ ១០លាននាក់ទេគឺសុំត្រឹមតែ ១លាននាក់គាត់នឹងដាំគាត់នឹងថែដោយក្តីស្រឡាញ់ពេញចិត្ត។ខ្ញុំជឿថាជំហានរបស់ក្រសួងបរិស្ថានកំពុងបោះជំហានទៅមុខទាំងស្វាហាប់ និងប្រកបដោយប្រាកដនិយម មិនរវើរវាយទេថាហើយធ្វើ ធ្វើហើយបោះជំហានទៅមុខទៀត។ នេះជាការថ្លែងបញ្ជាក់ពីសំណាក់ឯកឧត្តម បណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានក្នុងពិធីបើកពិព័រណ៍ផ្សព្វផ្សាយ និងចែកកូនឈើ ក្រោមប្រធានបទ «ពន្លកបៃតង» ដែលនឹង រៀបចំឡើងរយៈពេល ៦ថ្ងៃ ក្នុងនោះ២ថ្ងៃធ្វើនៅភ្នំពេញ និង ៤ថ្ងៃទៀតធ្វើនៅតាមបណ្តាខេត្ត នាថ្ងៃទី ២០ ខែឧសភា ឆ្នាំ២០២៤។ ថ្លែងក្នុងពិធីនេះ ឯកឧត្តមរដ្ឋមន្រ្តីបានមានប្រសាសន៍ថា ៖ ការជំរុញឱ្យមានការដាំដើមឈើនេះមិនត្រឹមតែក្រសួងបរិស្ថាន ក្រសួងដទៃទៀត អង្គការដៃគូ និងពិសេសម្តេចបវរធិបតី ហ៊ុន ម៉ាណែត ដែលជាប្រមុខដឹកនាំប្រទេសក៏បានជំរុញឱ្យមានភាពបៃតង ក្នុងប្រទេសតាមរយៈការដាំកូនឈើនេះផងដែរ ។ ទាក់ទិនទៅនឹងដីនៅក្នុងតំបន់យុទ្ធនាការចុះបង្រ្កាប ទប់ស្កាត់បទល្មើស ធនធានធម្មជាតិ នៅខេត្តពោធិ៍សាត់កន្លងមកក្រសួងបរិស្ថានកំពុងត្រៀមយុទ្ធសាស្រ្តក្នុងការដាំដុះ និងក្រសួងកំពុងត្រៀមយុទ្ធសាស្រ្តក្នុងការដាំនៅទីខ្ពស់មុនដើម្បីកុំឱ្យហូរច្រោះបាត់បង់ដីស្រទាប់ខាងលើដោយសារភ្លៀងឬទឹកហូរច្រោះកាត់នោះ ។ ទាក់ទិននឹងដីដែលត្រូវបានដកហូតមកវិញមិនថា នៅខេត្តពោធិ៍សាត់ទេ…

ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន នៅរសៀលថ្ងៃទី២០ ខែឧសភា ឆ្នាំ២០២៤នេះ បានចុះអនុស្សរណៈនៃការយោគយល់គ្នាស្តីពី«យុទ្ធនាការកាត់ បន្ថយការ ប្រើប្រាស់ប្លាស្ទិកនៅតាមសហគ្រាសគ្រឹះស្ថាន»កម្មវិធីនេះបានធ្វើឡើងនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ ឯកឧត្តមរដ្ឋមន្ត្រី ហេង សួរ បានអបអរសាទរចំពោះការចុះអនុស្សរណៈដែលភាគីទាំងពីរ សម្រេច បានជាផ្លូវការនាពេលនេះដើម្បីជំរុញការកាត់បន្ថយការប្រើប្រាស់ប្លាស្ទិក នៅតាមសហគ្រាស គ្រឹះស្ថាន ខណៈដែលក្រសួងទាំងពីរធ្លាប់ធ្វើការរួមគ្នារួចហើយ តាមរយៈយន្តការអធិការកិច្ចនៅតាមរោងចក្រសហគ្រាសដើម្បីធានាពីបរិយាកាសល្អសម្រាប់កម្មករនិយោជិតនៅតាមរោងចក្រសហគ្រាស។ សម្រាប់ឯកឧត្តរដ្ឋមន្ត្រី ការចុះអនុស្សរណៈយោគយល់គ្នានេះ នឹងបង្ហាញជាផ្លូវការពីកិច្ចសហការរបស់ក្រសួងទាំងពីរក្នុងការធានានូវបរិយាកាសកន្លែងធ្វើការនៅតាមសហគ្រាស គ្រឹះស្ថានដែលមានលក្ខណៈសមរម្យ ជួយជំរុញកំណើនប្រសិទ្ធភាព និងផលិតភាពការងារ។ មួយវិញទៀតស្មារតីនៃការចុះអនុស្សរណៈនេះ នឹងជំរុញការចូលរួមកាត់បន្ថយផលប៉ះពាល់នៃសំណល់ប្លាស្ទិកដែលបាននិងកំពុងប្រើប្រាស់ក្នុងសង្គមតាមរយៈជីវភាពប្រចាំថ្ងៃរបស់ប្រជាពលរដ្ឋ ដែលកំពុងបង្កហានិភ័យដល់បរិស្ថាន។ ដោយឡែកឯកឧត្តមរដ្ឋមន្ត្រីបរិស្ថាន អ៊ាង សុផល្លែត ក៏បានបង្ហាញពីក្តីសោមនស្សរីករាយចំពោះការចុះអនុស្សរណៈរបស់ក្រសួងទាំងពីរដើម្បីធ្វើឱ្យកម្ពុជាឈានមុខជាលំដាប់លើការកាត់បន្ថយការប្រើប្រាស់ប្លាស្ទិកនៅទូទាំងប្រទេសមួយកម្រិតទៀត។ ក្រៅពីនេះ ឯកឧត្តមរដ្ឋមន្ត្រីបរិស្ថាន បានលើកឡើងពីយុទ្ធសាស្ត្រចក្រារបស់ក្រសួងដែល ស្របទៅ តាមយុទ្ធសាស្ត្របញ្ចកោណរបស់រាជរដ្ឋាភិបាលដើម្បីធ្វើឱ្យកម្ពុជា ស្អាត តាមរយៈការដាក់ចេញនូវយុទ្ធនាកា គ្មានថង់ប្លាស្ទិក និងយុទ្ធនាការដាំកូនឈើមួយលានដើម ក្នុងមួយឆ្នាំ រួមទាំងយុទ្ធនាការផ្សេងៗទៀតជាដើម។ យ៉ាងណាក៏ដោយឯកឧត្តម ហេង សួរ បានកត់សម្គាល់ថា…

ភ្នំពេញ៖ កម្ពុជា មានភាពចាំបាច់ក្នុងការឯកភាពគ្នាលើបញ្ហាប្រវត្តិសាស្រ្ត ទាក់ទងនឹងសង្រ្គាម និងសន្តិភាពរបស់ប្រទេស ។ នេះជាការគូសបញ្ជាក់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា ក្នុងឱកាសអញ្ជើញជាអធិបតីដ៏ខ្ពង់ខ្ពស់បើកសន្និ សីទស្តីពី «អនាគតកម្ពុជាគ្មានអំពើប្រល័យពូជសាសន៍» នៅព្រឹកថ្ងៃទី២០ ខែឧសភា ឆ្នាំ២០២៤ ដែលជាថ្ងៃ «ទិវាជាតិនៃការចងចាំ» ខណៈសន្និសីទស្តីពី «អនាគតកម្ពុជាគ្មានអំពើប្រល័យពូជសាសន៍» ត្រូវបានរៀបចំឡើងរយៈពេល៣ថ្ងៃ គឺចាប់ពីថ្ងៃទី២០ ដល់ ២២ ខែឧសភា ឆ្នាំ២០២៤ ។ សម្ដេចធិបតី បានថ្លែងថា កម្ពុជា ត្រូវមានភាពចាំបាច់ក្នុងការឯកភាពគ្នាលើបញ្ហាប្រវត្តិសាស្រ្ត ព្រោះអនាគតរបស់ប្រទេសមួយ ពឹងផ្អែកលើឆន្ទៈរបស់ប្រទេសនោះ ក្នុងការប្រឈមមុខជាមួយនឹងអតីតកាល ប៉ុន្តែដើម្បីធ្វើបែបនោះបាន លុះត្រាតែប្រជាជាតិនោះ មានការឯកភាពគ្នាលើការបកស្រាយអំពីអតីតកាល និងព្រឹត្តិការណ៍ប្រវត្តិសាស្រ្តសំខាន់ៗ ដែលទាក់ទងនឹងសង្រ្គាម និងសន្តិភាពរបស់ប្រទេស ។ សម្តេចធិបតី បានបញ្ជាក់ថា សម្រាប់កម្ពុជា ប្រវត្តិសាស្រ្តទាក់ទងនឹងថ្ងៃរំដោះ ៧មករា ឆ្នាំ១៩៧៩ ការចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១ និងការសម្រេចបាននូវសន្តិភាពពេញលេញទាំងស្រុងតាមរយៈនយោបាយឈ្នះឈ្នះ នៅថ្ងៃទី២៩ ខែធ្នូ…

ភ្នំពេញ៖ ក្នុងឱកាសអញ្ជើញចូលរួមជាអធិបតីបើកសន្និសីទស្ដីពី «អនាគតកម្ពុជា គ្មានអំពើប្រល័យពូជសាសន៍» នាព្រឹកថ្ងៃទី២០ ខែឧសភា ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា ពលរដ្ឋខ្មែរ និងពិភពលោកបានយល់ច្បាស់អំពីប្រវត្តិសាស្ត្រកម្ពុជា បានធ្លាក់ចូលក្នុងរបបវាលពិឃាត ដោយក្រុមខ្មែរក្រហម បានប្រព្រឹត្តអំពើដ៏សាហាវព្រៃផ្សៃសម្លាប់ប្រជាជនកម្ពុជាស្លូតត្រង់អស់ជាង ៣លាននាក់ ។ សមត្ថភាពរបស់កម្ពុជា ក្នុងការសម្រេចបាននូវអនាគតមួយដោយគ្មានអំពើប្រល័យពូជសាសន៍ បានពឹងផ្អែកយ៉ាងសំខាន់ទៅលើឆន្ទៈមោះមុតរបស់កម្ពុជា ក្នុងការប្រឈមតទល់ជាមួយនឹងប្រវត្តិសាស្ត្ររបស់ខ្លួន ព្រមទាំងប្រែក្លាយមេរៀនជាគំរូទាំងអស់នេះ ទៅជាយុទ្ធសាស្ត្រប្រកបដោយអត្ថន័យសម្រាប់អនាគតកាល។ សន្និសីទលើកទី១នេះ គឺជាជំហានដ៏ចាំបាច់មុតមាំឈានទៅសម្រេចបាននូវទស្សនវិស័យដ៏វែងឆ្ងាយរបស់កម្ពុជា ។ ប្រជាពលរដ្ឋខ្មែរ និងពិភពលោកបានយល់ច្បាស់អំពីប្រវត្តិសាស្ត្រដែលប្រទេសកម្ពុជាបានធ្លាក់ចូលទៅក្នុងរបបវាលពិឃាត ដោយក្រុមខ្មែរក្រហមបានប្រព្រឹត្តអំពើដ៏សាហាវព្រៃផ្សៃយង់ឃ្នង និងការសម្លាប់យ៉ាងរង្គាលលើប្រជាជនកម្ពុជាស្លូតត្រង់អស់ជាង ៣លាននាក់ បាននាំឱ្យប្រជាជនកម្ពុជាទទួលរងនូវទុក្ខវេទនារកទីពឹងគ្មាន។ ក្នុងន័យនេះ វិធីសាស្ត្រប្រសើរបំផុតដើម្បីប្រែក្លាយអតីតកាលរបស់ខ្លួន និងកំណត់អត្តសញ្ញាណជាតិជាថ្មីម្តងទៀត នោះគឺ ការយកចិត្តទុកដាក់ចំពោះប្រជាជន ដែលបានរស់នៅឆ្លងកាត់អតីតកាលដ៏ខ្មៅងងឹតកន្លងមក ក៏ដូចជាអ្នករស់រានមានជីវិតពីអំពើហិង្សានាអតីតកាល ក្នុងសតវត្សរ៍ទី២០ ពោរពេញដោយការបែកបាក់សាមគ្គី និងទុក្ខសោកវេទនា គឺជាទឡ្ហីការណ៍ បញ្ជាក់យ៉ាងច្បាស់អំពីការប្តេជ្ញារបស់កម្ពុជា ចំពោះចក្ខុវិស័យរបស់ខ្លួន ក្នុងការក្លាយជាអរិយប្រទេសសម្រាប់សតវត្សរ៍ទី២១ ៕ អត្ថបទ ៖ វណ្ណលុករូបភាព ៖ វ៉េង លីមហួត…