(ភ្នំពេញ)៖ ចិន បានធ្វើសកម្មភាពយ៉ាងសកម្មក្នុងការស្វែងរកបទឈប់បាញ់នៅអ៊ុយក្រែន ដែលជាគំរូដ៏ត្រឹមត្រូវសម្រាប់តួអង្គផ្សេងទៀត ។ នេះជាប្រសាសន៍គូសបញ្ជាក់របស់សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាអតីតនាយករដ្ឋមន្ត្រី នៃព្រះរាជាណាចក្រកម្ពុជា នាឱកាសអញ្ជើញថ្លែងសុន្ទរកថា ក្នុងពិធីបើកសន្និសីទប្រចាំឆ្នាំ២០២៤ នៃវេទិកាបូអាវ (Boao) សម្រាប់អាស៊ី ដែលរៀបចំឡើងនៅទីក្រុងបូអាវ ខេត្តហៃណាន សាធារណរដ្ឋប្រជាមានិតចិន នៅព្រឹកទី២៨ ខែមីនា ឆ្នាំ២០២៤ ។ សម្ដេចតេជោ ហ៊ុន សែន បានលើកឡើងថា សម្រាប់តំបន់ និងពិភពលោក គឺបាននឹងកំពុងមានសេចក្ដីរីករាយ នៅពេលដែលប្រទេសចិន បានបន្តអនុវត្តនូវគោលនយោបាយសេដ្ឋកិច្ច និងពាណិជ្ជកម្មបើកជំហរ និងបង្ហាញការប្ដេជ្ញាយ៉ាងមុតមាំ នៅក្នុងការកសាងសហគមន៍ ជោគវានារួមសម្រាប់មនុស្សជាតិ តាមរយៈការលើកកម្ពស់សាកលភាវូបនីយកម្ម ដែលផ្ដល់ផលប្រយោជន៍ដល់ការអភិវឌ្ឍរួម សម្រាប់ទាំងអស់គ្នា ។ ទន្ទឹមនេះ សម្ដេចតេជោ ប្រធានក្រុមឧត្តមប្រឹក្សាផ្ទាល់ព្រះមហាក្សត្រកម្ពុជា បានចាត់ទុកសកម្មភាពយ៉ាងសកម្មរបស់ចិន ក្នុងការស្វែងរកបទឈប់បាញ់នៅអ៊ុយក្រែន គឺជាគំរូដ៏ត្រឹមត្រូវ សម្រាប់តួអង្គផ្សេងទៀត ។ សម្ដេចតេជោ ហ៊ុន សែន បានគូសបញ្ជាក់ថា ដោយសារកត្តានិន្នាការសាកលនាពេលបច្ចុប្បន្ន ដែលកំពុងមានភាពលំបាក និងមិនច្បាស់លាស់…

(ភ្នំពេញ)៖ ការទទួលខុសត្រូវរួមរបស់មេដឹកនាំទាំងអស់គ្នានៅក្នុងតំបន់អាស៊ីគឺជាការរក្សាសន្ដិភាព និងសន្ដិសុខនៅក្នុងតំបន់ ។ នេះជាប្រសាសន៍គូសបញ្ជាក់របស់សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាអតីតនាយករដ្ឋមន្ត្រី នៃព្រះរាជាណាចក្រកម្ពុជា នាឱកាសអញ្ជើញថ្លែងសុន្ទរកថា ក្នុងពិធីបើកសន្និសីទប្រចាំឆ្នាំ២០២៤ នៃវេទិកាបូអាវ (Boao) សម្រាប់អាស៊ី ដែលរៀបចំឡើងនៅទីក្រុងបូអាវ ខេត្តហៃណាន សាធារណរដ្ឋប្រជាមានិតចិន នៅព្រឹកទី២៨ ខែមីនា ឆ្នាំ២០២៤ ។ សម្ដេចតេជោ ហ៊ុន សែន ក៏បានថ្លែងបង្ហាញក្ដីបារម្ភលើទិដ្ឋភាពភូមិសាស្រ្ដនយោបាយសាកលនាពេលបច្ចុប្បន្ននេះ ខណៈបណ្ដាប្រទេសមហាអំណាចនៅលើពិភពលោក បានប្រើប្រាស់របៀបវារៈនយោបាយ ទៅលើរបៀបវារៈសេដ្ឋកិច្ចសាកល ។ សម្ដេចតេជោ ប្រធានក្រុមឧត្តមប្រឹក្សាផ្ទាល់ព្រះមហាក្សត្រកម្ពុជា បានមានប្រសាសន៍ថា ខណៈពេលមហាអំណាចធំៗមួយចំនួន មិនទាន់អាចបញ្ចប់បទឈប់បាញ់នៅឡើយ បច្ចុប្បន្នបណ្ដាប្រទេសនៅក្នុងតំបន់អាស៊ី ក៏មានចំណុចរំញោចជាច្រើន ដែលធ្វើឱ្យមានជម្លោះអាចផ្ទុះឡើង ប្រសិនបើមេដឹកនាំនៅអាស៊ី មិនពិគ្រោះយោបល់ និងប្រាស្រ័យទាក់ទងគ្នា ដើម្បីដោះស្រាយភាពខ្វែងគំនិតគ្នាប្រកបដោយខ្លឹមសារ និងការទទួលខុសត្រូវនោះទេ ។ សម្ដេចតេជោ ហ៊ុន សែន បានគូសបញ្ជាក់ថា ការទទួលខុសត្រូវរួមរបស់មេដឹកនាំទាំងអស់គ្នានៅក្នុងតំបន់អាស៊ី គឺជាការរក្សាសន្ដិភាព និងសន្ដិសុខនៅក្នុងតំបន់ ដើម្បីធានាថា លទ្ធផលនៃការកាត់បន្ថយភាព នឹងមិនវិលត្រលប់ថយក្រោយ និងការធានាជំរុញឱ្យកាន់តែប្រសើរឡើង…

ភ្នំពេញ៖ ការកែទម្រង់ប្រព័ន្ធយុត្តិធម៌នៅកម្ពុជា នឹងត្រូវប្រមូលផ្តុំការ យកចិត្តទុកដាក់ទៅលើសសរស្តម្ភសំខាន់ពីរ ។គឺការកែទម្រង់ ប្រព័ន្ធ តុលាការ និងការកែទម្រង់ការដោះស្រាយវិវាទក្រៅប្រព័ន្ធតុលាការ ។ នេះជាការគូសបញ្ជាក់របស់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ក្នុងឱកាសដែលបើកមហាសន្និបាតបូកសរុប លទ្ធផលការងារ វិស័យយុត្តិធម៌ ទូទាំង ប្រទេស ឆ្នាំ២០២៣ និងកំណត់ ទិសដៅការងារជាអាទិភាពបន្តកាលពីព្រឹកថ្ងៃពុធទី២៧មីនា ឆ្នាំ ២០២៤ នៅសណ្ឋាគារ ហ្គាដិន ស៊ីធី (Garden City) ខណ្ឌជ្រោយ ចង្វារ រាជធានីភ្នំពេញ ។ ឯកឧត្តម កើត រិទ្ធ បានបន្តថា មហាសន្និបាតវិស័យយុត្តិធម៌នេះ នឹង ត្រូវចារឹកទុកជាព្រឹត្តិការណ៍ប្រវត្តិសាស្ត្រថ្មីមួយទៀត សម្រាប់ វិស័យ យុត្តិធម៌ ដោយទី១-គឺជាមហាសន្និបាតលើកទី១ ក្នុងវិស័យយុត្តិធម៌ ដែលមានការចូលរួមពីសំណាក់ថ្នាក់ដឹកនាំ សំខាន់ៗ ក្នុងវិស័យយុត្តិធម៌ ព្រមទាំងចៅក្រម ព្រះរាជអាជ្ញា នៃសាលាជម្រះក្តី និងអង្គការអយ្យការ អមសាលាជម្រះក្តី គ្រប់ជាន់ថ្នាក់នៅ ទូទាំងប្រទេស…

(ភ្នំពេញ)៖ សហគ្រាសឧស្សាហកម្មធំៗចំនួន ១៧ របស់ប្រទេសចិន បានបង្ហាញពីចំណាប់អារម្មណ៍ និងបំណងពង្រីកការវិនិយោគ បន្ថែមទៀតនៅក្នុងព្រះរាជាណាចក្រកម្ពុជា ។ នេះបើតាមលទ្ធផលនៃជំនួបក្នុងឱកាសដែលសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញាតិឱ្យលោក ស៊ិន មីងរ៉ុង (Shen Mingrong ) ប្រធានក្រុមហ៊ុន Zhenjiang Zhoung Chao New Material Co,Ltd. និងប្រតិភូសហគ្រាសឧស្សាហកម្មធំៗ ចំនួន១៧ របស់ប្រទេសចិន ចូលជួបសម្តែងការគួរសម និងពិភាក្សាការងារ នាព្រឹកថ្ងៃទី២៧ ខែមីនា ឆ្នាំ២០២៤ នៅវិមានសន្តិភាព ។ លោក ស៊ិន មីងរ៉ុង ប្រធានក្រុមហ៊ុន បានថ្លែងអំណរគុណចំពោះរដ្ឋាភិបាលកម្ពុជា និងក្រសួង-ស្ថាប័នពាក់ព័ន្ធ ដែលតែងតែយកចិត្តទុកដាក់ក្នុងការគាំទ្រ និងសម្របសម្រួលដល់កិច្ចដំណើរការវិនិយោគរបស់សហគ្រាសឧស្សាហកម្មនៅកម្ពុជានាពេលកន្លងមក។ លោកប្រធានក្រុមហ៊ុន ក៏បានបង្ហាញនូវការប្ដេជ្ញាចិត្ត ក្នុងការជំរុញ និងពង្រីកការវិនិយោគ ក៏ដូចជាការទាក់ទាញ នូវវិនិយោគិនថ្មីៗបន្ថែមទៀត មកកម្ពុជា ដើម្បីរួមចំណែកក្នុងការអភិវឌ្ឍសង្គម-សេដ្ឋកិច្ចកម្ពុជា ស្របតាមគោលនយោបាយ និងយុទ្ធសាស្ត្រ ដែលរាជរដ្ឋាភិបាលបានដាក់ចេញ…