(ភ្នំពេញ)៖ រដ្ឋមន្រ្តីក្រសួងទេសចរណ៍បានលើកឡើងឱ្យដឹងថាកម្ពុជានឹងរៀបចំព្រឹត្តិការណ៍ បុណ្យភ្នំ ,បុណ្យអេកូទេសចរណ៍ និងរួមទាំងរៀបចំព្រឹត្តិការណ៍តាមខេត្តនានា សំដៅធ្វើយ៉ាងណាទាក់ទាញវិស័យទេសចរណ៍នៅកម្ពុជាឱ្យទទួលបានការចាប់អារម្មណ៍បន្ថែមទៀតទាំងភ្ញៀវ ជាតិ និងភ្ញៀងអន្តរជាតិ។ គួរបញ្ជាក់ថា ការលើកឡើង បែបនេះធ្វើឡើងពីសំណាក់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍នៅ ក្នុងវេទិការស្តីពី«ពិធីផ្សព្វផ្សាយយុទ្ធនាការទេសចរណ៍ក្នុងរដូវកាលបៃតង (Green Season) និងការប្រឆាំងព័ត៌មានក្លែងក្លាយ»ដែលរៀបចំឡើងនាទីស្តីការក្រសួងព័ត៌មាននារសៀលថ្ងៃទី២៩ ខែឧសភា ឆ្នាំ២០២៥។ ឯកឧត្តមរដ្ឋមន្រ្តីក្រសួងទេសចរណ៍បានបញ្ជាក់ថា៖ក្រៅពីគ្រោងរៀបចំបុណ្យភ្នំ និងអេកូទេសចរណ៍ ហើយកម្ពុជាក៏គ្រោងនឹងរៀបចំព្រឹត្តិការណ៍អន្តរជាតិ ដែលក្នុងនេះអាចនាំយកតារាលំដាប់ពិភពលោកមួយចំនួនមកចូលរួមផងដែរសំដៅធ្វើយ៉ាងណាជួយផ្សព្វផ្សាយវិស័យទេសចរណ៍នៅកម្ពុជា។កន្លងមកកម្ពុជាក៏បានរៀបចំព្រឹត្តិការណ៍ជាច្រើនរួចមកហើយ ក្នុងការផ្សព្វផ្សាយវិស័យនៅកម្ពុជាក្នុងនោះដូចជារៀបចំបុណ្យទន្លេអំឡុងខែមីនា អំឡុងត្រីមាសទី១ រៀបចំបុណ្យសមុទ្រនៅត្រីមាសទី៤រៀងរាល់ឆ្នាំ។សម្រាប់ពិធីបុណ្យភ្នំ និងអេកូទេសចរណ៍នឹងរៀបចំនៅត្រីមាសទី២ និង ទី៣ជាដើម។ ឯកឧត្តម ហួត ហាក់បានថ្លែងឱ្យដឹងដែរថា ក្រៅពីរៀបចំថ្ងៃបុណ្យសំខាន់ៗទាំងនេះក្រសួងក៏អាចនឹងបង្កើត និងក៏ដូចជារៀបចំព្រឹត្តិការណ៍ប្រចាំតាមតំបន់អេកូទេសចរណ៍នីមួយៗ ដើម្បីទាក់ទាញសក្តានុពលតាមតំបន់ក្នុងនេះដូចជាខេត្តក្រចេះមានក្រូចថ្លុងឆ្ងាញ់នៅកោះទ្រុង និងខេត្តក្រចេះក៏មានក្រឡានឆ្ងាញ់ ជាដើម។តាមរយៈកិច្ចសហការជាមួយអាជ្ញាធរមូលដ្ឋាន និងក្រសួងពាក់ព័ន្ធយើងនឹងបង្កើតព្រឹត្តិការណ៍ទាំងនេះឡើងសម្រាប់បង្ហាញអ្នកទេសចរបានឃើញ បានដឹង ហើយនិងភ្លក្សអាហារទាំងនេះដែលជាចំណុចមួយទាក់ទាញលើវិស័យទេសចរណ៍។ រដ្ឋមន្រ្តីក្រសួងទេសចរណ៍មានប្រសាសន៍ថា”កាលណាមានព្រឹត្តិការណ៍ ពេលនោះយើងនឹងមានអ្នកទេសចរចូលកម្សាន្តទាំងជាតិ និងអន្តរជាតិ។ សម្តេចបរវធិបតីហ៊ុនម៉ាណែត នាយករដ្ឋមន្រ្តីកម្ពុជាកន្លងមកធ្លាប់បានមានប្រសាសន៍ថា ភ្ញៀវទេសចរអន្តរជាតិពេលខ្លះមើលតែទេសចរជាតិទេ បើកន្លែងណាអ្នកទេសចរជាតិចូលកម្សាន្តច្រើនពួកគាត់នឹងតែងចូលកម្សាន្តផងដែរ”។ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានបានថ្លែងថា ៖ ឯកឧត្តម…

(ភ្នំពេញ)៖ កិច្ចប្រជុំប្រធានគណបក្សនយោបាយក្នុងសម្ព័ន្ធភាព បានធ្វើឡើងក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នាព្រឹកថ្ងៃទី៣០ ខែឧសភា ឆ្នាំ២០២៥ នៅវិមាន៧ មករា ដោយកិច្ចប្រជុំនេះ បានសម្រេចទទួលយកគណបក្សសន្តិភាពជាតិ ចូលជាសមាជិកថ្មីក្នុងគណបក្សនយោបាយសម្ព័ន្ធភាព ដែលឡើងដល់ ២៩គណបក្ស ។ គណបក្សទាំង ២៩ រួមមាន៖ គណបក្សប្រជាជនកម្ពុជា, គណបក្សខ្មែររួបរួមជាតិ, គណបក្សពន្លឺថ្មី, គណបក្សសញ្ជាតិកម្ពុជា, គណបក្សខ្មែរក្រោក, គណបក្សសំបុកឃ្មុំសង្គមប្រជាធិបតេយ្យ, គណបក្សរស្មីខេមរា, គណបក្សខ្មែរសាធារណរដ្ឋ, គណបក្សខ្មែរអភិវឌ្ឍន៍សេដ្ឋកិច្ច, គណបក្សយុវជនកម្ពុជា, គណបក្សធម្មាធិបតេយ្យ, គណបក្សជនជាតិដើមប្រជាធិបតេយ្យកម្ពុជា, គណបក្សខ្មែរតែមួយ, គណបក្សឯកភាពជាតិខ្មែរ, គណបក្សកម្លាំងប្រជាធិបតេយ្យ, គណបក្សកសិករ, គណបក្សស្ត្រីដើម្បីស្ត្រី, គណបក្សបំណងពលរដ្ឋ, គណបក្សខ្មែរអភិរក្ស, គណបក្សមហាសាមគ្គីជាតិខ្មែរ, គណបក្សនគរប្រជាធិបតេយ្យ, គណបក្សអំណាចប្រជាពលរដ្ឋ, គណបក្សខ្មែរអង្គរ, គណបក្សកម្ពុជាសេរីឯករាជ្យប្រជាធិបតេយ្យ, គណបក្សម៉ូលីណាកា, គណបក្សចលនាប្រជាធិបតេយ្យ, គណបក្សអភិវឌ្ឍន៍កម្ពុជា, គណបក្សមហានគរ និងគណបក្សសន្តិភាពជាតិ ។ ឯកឧត្តម ជា ធីរិទ្ធ អ្នកនាំពាក្យគណបក្សប្រជាជនកម្ពុជា បានប្រាប់អ្នកយកព័ត៌មានសន្និសីទសារព័ត៌មាន…

(ភ្នំពេញ) ៖ ក្រសួងរៀបចំដែនដី នគរូបនីយកម្ម និងសំណង់ បើកកិច្ចប្រជុំពិភាក្សាជាមួយក្រសួងវប្បធម៌ និងវិចិត្រសិល្បៈ ដើម្បីទទួលបានការឯកភាពគ្នាលើការរៀបចំបទបញ្ញត្តិ លក្ខខណ្ឌនៃការប្រើប្រាស់ដី និងការគ្រប់គ្រងនគរូបនីយកម្ម និងសំណង់ក្នុងតំបន់រមណីយដ្ឋានបេតិកភណ្ឌពិភពលោកអង្គរ ។ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ បានស្វាគមន៍លោកជំទាវបណ្ឌិតសភាចារ្យ ភឿងសកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងសហការី ដែលបានមកជួបប្រជុំនៅក្រសួងរៀបចំដែនដី នគរូបនីយកម្ម និងសំណង់ ។ ឯកឧត្តមឧបនាយករដ្ឋមន្ត្រី បានមានប្រសាសន៍ថា នេះជាការបង្កើតវប្បធម៌ថ្មីមួយសំរាប់ក្រសួងទាំងពីរ ដែលវប្បធម៌នេះបានបន្សល់ទុកតាំងពីសម័យសម្តេចតេជោ កាលលោកនៅជាអតីតនាយករដ្ឋមន្រ្តី ពោលគឺវប្បធម៌ផ្សះផ្សា បង្រួបបង្រួមជាតិ ឬវប្បធម៌សន្ទនាក្នុងការដោះស្រាយបញ្ហាសង្គមជាតិ និងក្រោយមក គឺមានវប្បធម៌មួយដែលហៅថាជាការដឹងគុណសន្តិភាព ។ ថ្លែងក្នុងកិច្ចប្រជុំផ្សព្វផ្សាយស្ដីពីការកំណត់លក្ខខណ្ឌនៃការប្រើប្រាស់ដី និងការគ្រប់គ្រងនគរូបនីយកម្ម និងសំណង់ក្នុងតំបន់រមណីយដ្ឋានបេតិកភណ្ឌពិភពលោកអង្គរ នាថ្ងៃទី២៩ ខែឧសភា ឆ្នាំ២០២៥ នៅទីស្តីការក្រសួង ឯកឧត្តមឧបនាយករដ្ឋមន្ត្រី សាយ សំអាល់ បានលើកឡើងថា ក្នុងអាណត្តិនេះ ឯកឧត្តមបានទទួលភារកិច្ចធំមួយពីប្រមុខរាជរដ្ឋាភិបាល គឺត្រូវបញ្ចប់បញ្ហាដីធ្លីនៅកម្ពុជាទាំងស្រុង ដូច្នេះត្រូវមានវិធានការនិងយុទ្ធសាស្រ្តមួយចំនួន ដើម្បីជំរុញបញ្ចប់បញ្ហាដីធ្លីនេះ តាមរយៈការបង្កើតគោលនយោបាយចុះបញ្ជីដីបង្ហើយជូនប្រជាពលរដ្ឋទូទាំងប្រទេស ។…

(ភ្នំពេញ)៖ ឯកឧត្តមឧបនាយករដ្ឋមន្រ្តី ហ៊ុន ម៉ានី បានមានប្រសាសន៍ថារយៈពេល ២១ខែ នៃរាជរដ្ឋាភិបាល អាណត្តិទី៧ នេះ ថ្នាក់ដឹកនាំ និងមន្រ្តីរាជការក្រសួងមុខងារសាធារណៈទាំងអស់បានរួមគ្នាពង្រឹងការអនុវត្តនូវកិច្ចការងាររបស់ក្រសួង ការដឹកនាំ និងការគ្រប់គ្រងវិស័យមុខងារសាធារណៈ ប្រកបដោយ ប្រសិទ្ធភាព ស័ក្តិសិទ្ធភាព និងភាពរហ័សក្នុងការផ្តល់សេវាដល់ក្រសួង ស្ថាប័ន និងមន្រ្តីរាជការ។ ជាការកត់សម្គាល់សម្រាប់ខែឧសភានេះ ក្រសួងបានអនុវត្ត និងបំពេញការងារសំខាន់ៗយ៉ាងច្រើនជាងខែមុនៗ បន្ថែមលើការងារស្នូល និងការងារកែទម្រង់ ដូចជា៖ រៀបចំសិក្ខាសាលាផ្សព្វផ្សាយស្តីពីនីតិវិធី និងវិធីសាស្រ្ត និងការវាយតម្លៃចំពោះការទទួលស្គាល់អង្គភាពផ្តល់សេវាសាធារណៈក្នុងវិស័យអប់រំ និងវិស័យសុខាភិបាល, រៀបចំកិច្ចប្រជុំត្រៀម និងកិច្ចប្រជុំមន្ត្រីជាន់ខ្ពស់ កិច្ចសហប្រតិបត្តិការការងារអាស៊ានស្តីពីមុខងារសាធារណៈប្រកបដោយភាពជោគជ័យ (ACCSM), រៀបចំសិក្ខាសាលាស្តីពីការលើកកម្ពស់ប្រសិទ្ធភាពនៃការផ្តល់សេវាសាធារណៈផ្អែកលើការពិនិត្យឡើងវិញ ការវិភាគមុខងារ និងរចនាសម្ព័ន្ធ, រៀបចំសិក្ខាសាលាស្តីពីការពិនិត្យឡើងវិញ ការវិភាគមុខងារ និងរចនាសម្ព័ន្ធក្រសួង ស្ថាប័នចំនួន៤ ក៏ដូចជាការរៀបចំពិធីបិទវគ្គបណ្តុះបណ្តាលឆ្នាំ២០២៤ និងបើកវគ្គបណ្តុះបណ្តាលឆ្នាំ២០២៥ នៃសាលាភូមិន្ទរដ្ឋបាល និងសកម្មភាពការងារសំខាន់ៗផ្សេងទៀត ដែលថ្នាក់ដឹកនាំ និងមន្ត្រីបានអនុវត្តតាមផ្នែក តាមផែនការងាររៀងៗខ្លួន។ ប្រសាសន៍លើកឡើងរបស់ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ កាលពីថ្ងៃទី២៩ ខែឧសភា…

ភ្នំពេញ៖ឯកឧត្តមឧត្តមសេនីយ៍ឯក ហ៊ុន ម៉ានិត តំណាងសម្ដេច​អគ្គមហា​សេនាបតីតេជោ ហ៊ុន សែន និងសម្ដេចកិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ព្រមទាំងសម្ដេចមហាបវរធិបតី ហ៊ុន ម៉ាណែត និង​លោកជំទាវបណ្ឌិតនៅព្រឹកថ្ងៃទី៣០ ខែឧសភា ឆ្នាំ២០២៥ បាន​អញ្ជើញ​ចុះសួរ​សុខទុក្ខ និងនាំយកអំណោយចែកជូនប្រជាពលរដ្ឋ​ចំនួន ១១៩ គ្រួសារ ដែល​ចល័តទៅរកតំបន់សុវត្ថិភាពក្រោយពី​មានការប៉ះទង្គិចគ្នា កាលពីព្រឹកថ្ងៃទី២៨ ខែឧសភា ឆ្នាំ២០២៤ នៅតំបន់មុំបី ស្រុកជាំក្សាន្ត ខេត្តព្រះវិហារ។ ដោយមានការភ័យខ្លាច ព្រួយបារម្ភពី​ការ​ប្រឈមមុខដាក់គ្នា បងប្អូន អ៊ំពូមីង លោកយាយ លោកតា ប្រជាជននៅភូមិតេជោមរកត និងភូមិ​សែន​តេជៈ ឃុំមរកត បានបង្ខំ​ចិត្តនាំ​គ្រួសារកូនចៅ ចាកចោលផ្ទះ​សំបែង ដីស្រែចម្ការ និងរបររកស៊ីរបស់ខ្លួន មកស្នាក់នៅ​មណ្ឌលសុវត្ថិភាពតាកឹង។ ក្នុងឱកាសនេះឯកឧត្តម ហ៊ុន ម៉ានិត បានជម្រាបប្រជាពលរដ្ឋ​នៅទីនោះថា សម្តេចតេជោ ហ៊ុន សែន សម្តេចធិបតី ហ៊ុន ម៉ាណែត ឯកឧត្តមនាយឧត្តមសេនីយ៍ ទៀ សីហា…

(តូក្យូ)៖ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និង សហប្រតិបត្តិការអន្តរជាតិ និង ឯកឧត្តម ម៉ារីត សាងៀមផុង្ស រដ្ឋមន្ត្រីការបរទេសនៃ ព្រះរាជាណាចក្រថៃ នៅថ្ងៃទី ៣០ ឧសភានេះ បានស្កាត់ជួបចរចាគ្នាពីការប៉ះទង្គិចគ្នានៅព្រំដែន នៅថ្ងៃទី២៨ ខែឧសភា ឆ្នាំ២០២៥។ ជាការចរចាធ្វើឡើង ក្នុងឱកាសចូលរួមសន្និសីទអន្តរជាតិ Nikkei លើកទី៣០ នៅទីក្រុងតូក្យូ ប្រទេសជប៉ុន ។ យោងតាមក្រសួងការបរទេសកម្ពុជា នៅក្នុងជំនួបនេះ រដ្ឋមន្រ្តីការបរទេស នៃប្រទេសទាំងពីរ បានពិភាក្សា ពីការប៉ះទង្គិចគ្នានៅព្រំដែន នៅថ្ងៃទី២៨ ខែឧសភា ឆ្នាំ២០២៥ ដោយឈរលើស្មារតីនៃទំនាក់ទំនងមិត្តភាព កិច្ចសហប្រតិបត្តិការ និងភាពអ្នកជិតខាងល្អ ៕ ដោយ ៖ សួង ពិសិដ្ឋ