ព្រុចសែល ៖ សមាជិកសភាសហភាពអឺរ៉ុប ក្នុងថ្ងៃអង្គារ បានអនុម័តច្បាប់ថ្មី ក្នុងគោលបំណងប្រយុទ្ធប្រឆាំងនឹងឧក្រិដ្ឋកម្មបរិស្ថាន រាប់ចាប់ពីការជួញដូរឈើ រហូតដល់ការចោលកាកសំណល់ពុល ជាមួយនឹងការផាកពិន័យទ្វេដង ឬដាក់ពន្ធនាគារ។ ស្នងការទទួលបន្ទុកទីផ្សារផ្ទៃក្នុងរបស់សហភាពអឺរ៉ុប លោក Thierry Breton និយាយថា ច្បាប់ថ្មីនេះ គឺជាឧបករណ៍ដ៏មានមហិច្ឆតាមួយ ដើម្បីពង្រឹងក្របខ័ណ្ឌច្បាប់ដោះស្រាយឧក្រិដ្ឋកម្មបរិស្ថានប្រកបដោយប្រសិទ្ធភាព។ លោក Breton បន្ថែមថា ច្បាប់នេះ នឹងបង្កើនកិច្ចសហប្រតិបត្តិការ និងការសម្របសម្រួលនៅទូទាំងប្លុកអឺរ៉ុប ខណៈដែលសេចក្តីណែនាំស្តីពីឧក្រិដ្ឋកម្មបរិស្ថានថ្មីនេះទៀតសោត ក៏នឹងបញ្ជូនសញ្ញាដ៏មានឥទ្ធិពលមួយហួសពីសហភាពអឺរ៉ុបផងដែរ។ ឧក្រិដ្ឋកម្មបរិស្ថានកំពុងកើនឡើងទូទាំងពិភពលោក នៅចន្លោះពី៥ទៅ៧ភាគរយក្នុងមួយឆ្នាំ នេះបើយោងតាមទិន្នន័យរបស់សហភាពអឺរ៉ុប។ ហេតុដូច្នេះហើយ សហភាពអ៊ឺរ៉ុបសង្ឃឹមថា ច្បាប់ដ៏តឹងរ៉ឹងនេះ នឹងរារាំងជនល្មើសនានា ខណៈដែលការផាកពិន័យនៅទូទាំងប្លុកនេះ បានបង្កើនទម្ងន់ទោសនៃបទល្មើសបរិស្ថាន ក្រោមច្បាប់ព្រហ្មទណ្ឌរបស់សហភាពអឺរ៉ុបបច្ចុប្បន្ន ចាប់ពី ៩ ដល់ ១៨។ ស្ថិតក្រោមច្បាប់ថ្មីនេះដែរ សកម្មភាពមួយចំនួន មានដូចជាការជួញដូរឈើ, ការកែច្នៃកប៉ាល់ខុសច្បាប់, ការនាំចូលប្រភេទសត្វដែលហាមឃាត់ និងការបំផ្លាញធនធានទឹកដោយខុសច្បាប់ នឹងត្រូវចាត់ការតាមច្បាប់ព្រហ្មទណ្ឌ៕ ប្រភព៖ AFP ប្រែសម្រួលដោយ៖ ឈឹម ទីណា

ភ្នំពេញ៖ ឯកឧត្តម ជីវ កេង ប្រធានតុលាការកំពូល និង ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ កាលពីរសៀលថ្ងៃទី២៧ ខែកុម្ភៈ ឆ្នាំ២០២៤ បានអញ្ជើញជាអធិបតី និងជាហត្ថលេខីក្នុងពិធីចុះហត្ថលេខាលើ “អនុស្សរណៈនៃការយោគ យល់ ស្ដីពីកិច្ចសហប្រតិបត្តិការដាក់ឱ្យប្រើថ្នាលផ្ទៀងផ្ទាត់ឯកសារ verify.gov.kh និង ការរៀបចំហេដ្ឋារចនាសម្ព័ន្ធនិងការតភ្ជាប់អ៊ីនធឺណិត” ដែលមានការអញ្ជើញចូលរួមពី ឯកឧត្ដម លោកជំទាវ លោក លោកស្រី ជាថ្នាក់ដឹកនាំ និងមន្ត្រីរាជការនៃក្រសួង ស្ថាប័នទាំងពីរ ប្រមាណ ២០០ នាក់។ អនុស្សរណៈនៃការយោគយល់ដែលត្រូវបានចុះហត្ថលេខានៅថ្ងៃនេះ មានគោលបំណង ២ សំខាន់ រួមមាន (១) ដាក់ឱ្យប្រើប្រាស់ ថ្នាលផ្ទៀងផ្ទាត់ឯកសារ verify.gov.kh និង ថ្នាលនិងសេវារដ្ឋាភិបាលឌីជីថល (DGPs) សម្រាប់ប្រើប្រាស់ក្នុងស្ថាប័នតុលាការកំពូល និងមហាអយ្យការអមតុលាការកំពូល និង (២) រៀបចំហេដ្ឋារចនាសម្ព័ន្ធ និងតភ្ជាប់អ៊ីនធឺណិតសម្រាប់ការប្រើប្រាស់ក្នុងតុលាការកំពូល និងមហាអយ្យការអមតុលាការកំពូល។ ពិធីចុះហត្ថលេខាអនុស្សរណៈនេះ បានបង្ហាញឱ្យឃើញអំពីការចូលរួមរបស់តុលាការកំពូល និងមហាអយ្យការអមតុលាការកំពូល…

ភ្នំពេញ៖ ក្នុងឱកាសអនុញាតិជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ចូលជួបពិភាក្សាការងារ នារសៀលថ្ងៃទី២៧ ខែកុម្ភៈ ឆ្នាំ២០២៤ ក្នុងឱកាសនៃដំណើរបំពេញទស្សនកិច្ចផ្លូវការ នៅប្រទេសម៉ាឡេស៊ី ឯកឧត្តម YB Tan Sri Dato’ (Dr.) Johari bin Abdul ប្រធានរដ្ឋសភា នៃប្រទេសម៉ាឡេស៊ី បានចាត់ទុកសម្ដេចធិបតី ហ៊ុន ម៉ាណែត ជាជើងឯកជ័យលាភីនៃយុវជនជំនាន់ថ្មីរបស់កម្ពុជា ។ ក្នុងជំនួបនេះ ឯកឧត្តមប្រធានរដ្ឋសភា បានសម្តែងនូវកិច្ចស្វាគមន៍យ៉ាងកក់ក្តៅចំពោះការអញ្ជើញបំពេញទស្សនកិច្ចផ្លូវការជាលើកទី១ ក្នុងនាមជានាយករដ្ឋមន្ត្រី របស់ សម្តេចធិបតី និងគណៈប្រតិភូ នៃរាជរដ្ឋាភិបាលកម្ពុជា នៅក្នុងប្រទេសម៉ាឡេស៊ី និងបានផ្តាំផ្ញើការសួរសុខទុក្ខជូនចំពោះ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធានក្រុមឧត្តមប្រឹក្សាផ្ទាល់ផងដែរ។ បន្ថែមលើនេះ ឯកឧត្តមប្រធានរដ្ឋសភា ក៏បានលើកឡើងអំពីទស្សនកិច្ចរបស់ឯកឧត្តមទៅកាន់ព្រះរាជាណាចក្រកម្ពុជាកន្លងមក ដោយឯកឧត្តមបានកត់សម្គាល់ពីការអភិវឌ្ឍយ៉ាងឆាប់រហ័សរបស់កម្ពុជា ហើយ ឯកឧត្តមប្រធានរដ្ឋសភា ក៏បានចាត់ទុក សម្តេចធិបតី ជាជើងឯកជ័យលាភីនៃយុវជនជំនាន់ថ្មីរបស់កម្ពុជា ដោយឯកឧត្តមតែងតែជំរុញសមាជិកសភាវ័យក្មេងរបស់ប្រទេសម៉ាឡេស៊ីឱ្យទៅបំពេញទស្សនកិច្ច និងដកស្រង់បទពិសោធន៍នៅកម្ពុជាផងដែរ។ ជាការឆ្លើយតប…

ភ្នំពេញ៖ នារសៀលថ្ងៃទី២៧ ខែកុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចូលក្រាបថ្វាយបង្គំគាល់ព្រះអង្គចៅ Sultan Ibrahim ibni Almarhum Sultan Iskandar ព្រះមហាក្សត្រទី១៧ នៃប្រទេសម៉ាឡេស៊ី ក្នុងឱកាសនៃដំណើរបំពេញទស្សនកិច្ចផ្លូវការ នៅប្រទេសម៉ាឡេស៊ី។ ក្នុងព្រះរាជសវនាការនេះ ព្រះចៅ Sultan Ibrahim ibni Almarhum Sultan Iskandar បានសម្តែងនូវការសព្វព្រះរាជហឫទ័យចំពោះដំណើរបំពេញ ទស្សនកិច្ច ផ្លូវការរបស់ សម្តេចធិបតី នៅប្រទេសម៉ាឡេស៊ី និងបានផ្តាំផ្ញើព្រះរាជបណ្តាំសួរ សុខទុក្ខ ថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា ផងដែរ។ ព្រះចៅស៊ុលតង់ អ៊ីប្រាហ៊ីម ក៏បានសម្តែងនូវព្រះរាជហរទ័យរីករាយ ចំពោះភាពរីកចម្រើននៃទំនាក់ទំនង និងកិច្ចសហប្រតិបត្តិការរវាងប្រទេសម៉ាឡេស៊ីនិងប្រទេសកម្ពុជា។ សម្តេចធិបតី បានថ្លែងអំណរព្រះរាជគុណយ៉ាងជ្រាលជ្រៅ ថ្វាយព្រះចៅ…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងគណៈប្រតិភូរាជរដ្ឋាភិបាល បានបំពេញទស្សនកិច្ចនៅក្នុងប្រទេសម៉ាឡេស៊ី មួយថ្ងៃ ប្រកបដោយជោគជ័យ ហើយបានវិលត្រឡប់មកដល់មាតុភូមិវិញ នៅយប់ថ្ងៃទី២៧ ខែកុម្ភៈ ឆ្នាំ២០២៤ ។ សូមជម្រាបថា ទស្សនកិច្ចផ្លូវការនៅប្រទេសម៉ាឡេស៊ី របស់សម្តេចធិបតី ហ៊ុន ម៉ាណែត បានធ្វើឱ្យប្រទេសទាំងពីរមានសុទិដ្ឋិនិយមកាន់តែខ្ពស់ចំពោះការពង្រឹងទំនាក់ទំនងទ្វេភាគីឱ្យកាន់តែឈានឡើងបន្ថែមទៀត ដើម្បីនាំមកនូវផលប្រយោជន៍ដល់ប្រទេសនិងប្រជាជនទាំងពីរ ក៏ដូចជាផលប្រយោជន៍សម្រាប់តំបន់ និងពិភពលោកទាំងមូល។ ក្នុងក្របខ័ណ្ឌនយោបាយ និងការទូត៖ សម្តេចធិបតី ត្រូវបានទទួលបដិសណ្ឋារកិច្ចយ៉ាង អធិកអធម ដោយឥស្សរជនជាន់ខ្ពស់ម៉ាឡេស៊ី អមដោយកងកិត្តិយសនៅអាកាសយានដ្ឋានអន្តរជាតិ BUNGA RAYA COMPLEX មុននឹងទទួលការស្វាគមន៍ដោយ ឯកឧត្តម ដាតុ ស៊េរី អាន់វ៉ា ប៊ីន ស៊ីប្រាហ៊ីម នៅការិយាល័យនាយករដ្ឋមន្ត្រី ដើម្បីដឹកនាំកិច្ចប្រជុំទ្វេភាគី។ ក្នុងកិច្ចប្រជុំនោះ នាយករដ្ឋមន្ត្រីទាំងពីរ បានបង្ហាញការ ស្វាគមន៍និងពេញចិត្តចំពោះការផ្លាស់ប្តូរទស្សនកិច្ចរវាងមេដឹកនាំប្រទេសទាំងពីរជាបន្តបន្ទាប់។ ភាគីទាំងពីរក៏បានបង្ហាញសុទិដ្ឋិនិយមដូចគ្នាថា តាមរយៈទស្សនកិច្ចផ្លូវការរបស់ ឯកឧត្តមនាយករដ្ឋមន្ត្រីម៉ាឡេស៊ី នៅកម្ពុជាកាល ពីខែមីនា ឆ្នាំ២០២៣ កន្លងទៅ និងទស្សនកិច្ចរបស់…