(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួមនិងថ្នាក់ដឹកនាំក្រសួង នៅរសៀលថ្ងៃទី១៥ ខែកុម្ភៈ ឆ្នាំ២០២៤ បានអញ្ជើញចូលរួមស្តាប់បទបង្ហាញពីវឌ្ឍនភាព នៃការអភិវឌ្ឍសហគមន៍កសិកម្មទំនើប នៅទីស្តីការក្រសួងកសិកម្ម។ បន្ទាប់ពីបានទទួលស្តាប់បទបង្ហាញ ឯកឧត្តមរដ្ឋមន្ត្រី បានគូសបញ្ជាក់ថា ជាគោលដៅត្រូវជំរុញវឌ្ឍនភាពសហគមន៍កសិកម្មទំនើបនេះ ដោយផ្តោតជាសំខាន់លើគុណភាព និងការផ្គត់ផ្គង់ទៅកាន់ទីផ្សារ ក្នុងកម្រិតទ្រង់ទ្រាយធំ ដូច្នេះត្រូវយកចិត្តទុកដាក់សិក្សា និងរៀបចំផែនការឱ្យបានច្បាស់លាស់ក្នុងខ្សែច្រវាក់ផលិតកម្ម ចាប់តាំងពីការដាំដុះ រហូតដល់ទីផ្សារ ការកំណត់តំបន់សក្តានុពលតាមប្រភេទមុខដំណាំដើម្បីធានាស្ថិរភាពនៃការផ្គត់ផ្គង់ ការកាត់បន្ថយថ្លៃដើម មានតម្លៃបន្ថែមខ្ពស់ ផ្តល់ចំណូលដល់កសិករ មានប្រសិទ្ធភាពសេដ្ឋកិច្ចពិតប្រាកដ ។ បើតាម ឯកឧត្តមរដ្ឋមន្ត្រី ឌិត ទីណា សហគមន៍កសិកម្មទំនើប ត្រូវយកចិត្តទុកដាក់ពិនិត្យឱ្យបានល្អិតល្អន់លើផលិតផលកសិកម្ម ទាំងទិដ្ឋភាពបច្ចេកទេស និងផ្លូវច្បាប់ ដោយត្រូវអនុវត្តតាមស្តង់ដាសុវត្ថិភាព ដើម្បីសុខុមាលភាពអ្នកបរិភោគ ៕ ប្រភព ៖ ក្រសួងកសិកម្ម

(ភ្នំពេញ)៖ វិទ្យុសំឡេងប្រជាជនកម្ពុជាត្រូវបង្កើតឡើងជាថ្មីនៅថ្ងៃអាទិត្យទី៣ ខែធ្នូ ឆ្នាំ១៩៧៨ វេលាម៉ោង ៦ ព្រឹកពោល គឺ មួយថ្ងៃបន្ទាប់ពីការបង្កើត រណសិរ្សសាមគ្គី សង្គ្រោះជាតិកម្ពុជា ដើម្បីរំដោះពីរបបប្រល័យពូជសាសន៍ប៉ុលពតរួចមកនោះ ។ ដោយ ឡែកចំពោះការកកើតវិទ្យុដំបូងនៅកម្ពុជាវិញគឺនៅថ្ងៃទី៦ ខែឧសភា ឆ្នាំ១៩៤៧ ក្នុងរបបអាណានិគមបារាំង ។ គួរបញ្ជាក់ថាការបញ្ចេញឱ្យដឹងបែបនេះធ្វើឡើងពីសំណាក់ ឯកឧត្តម តន់ យ៉ាន រដ្ឋលេខាធិការក្រសួងព័ត៌មានក្នុងពិធីប្រារព្ធទិវាវិទ្យុពិភពលោក ឆ្នាំ២០២៤ ក្រោម ប្រធានបទ មួយសតវត្សនៃវិទ្យុក្នុងការផ្តល់ព័ត៌មាន កំសាន្ត និងអប់រំ” (Radio: A Century of Information, Entertaining and Education)នៅថ្ងៃទី១៦ ខែកុម្ភៈ ឆ្នាំ២០២៤ នាទីស្ដីការក្រសួងព័ត៌មាន ។ បញ្ជាក់ក្នុងបទបង្ហាញរដ្ឋលេខាធិការក្រសួងព័ត៌មានបានឱ្យដឹងដែរថា ចំពោះស្ថាបនិកអ្នកបង្កើតវិទ្យុសំឡេងប្រជាជនកម្ពុជាឡើងរួមមានមានដូចជា៖លោក សាយ ភូថង,លោក ជា សុទ្ធ,លោក កែវ ចិន្តា,លោក ជ័យ សុភា,លោក អ៊ុន តារា (អ៊ុន…

ភ្នំពេញ៖ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានបានថ្លែងថា វិទ្យុជាប្រព័ន្ធផ្សព្វផ្សាយបុរាណពិតមែន តែវានៅតែមានតម្លៃខ្ពស់ ក្នុងការចូលរួមដើរតួនាទីផ្សព្វផ្សាយជូនដល់ប្រជាពលរដ្ឋហើយថែមទាំងបានចែកចាយក្នុងការផ្តល់ព័ត៌មានដល់ប្រជាពលរដ្ឋគ្រប់ទីកន្លែងទាំងអស់។យើងមានតែវិទ្យុមួយក្នុងផ្ទះវាប្រៀបជាយើងមានអ្វីមួយក្នុងដៃក្នុងនេះរាប់ទាំងចម្រៀង ព័ត៌មាននិងអ្វីៗគ្រប់បែបយ៉ាង ដ៏សម្បូរបែប។ ថ្លែងក្នុងពិធីប្រារព្ធទិវាវិទ្យុពិភពលោក ឆ្នាំ២០២៤ ក្រោមប្រធានបទ -មួយសតវត្សនៃវិទ្យុក្នុងការផ្តល់ព័ត៌មាន កម្សាន្ត និងអប់រំ” (Radio: A Century of Information, Entertaining and Education) នៅរសៀលថ្ងៃទី១៦ ខែកុម្ភៈ ឆ្នាំ២០២៤ នាទីស្ដីការ​ក្រសួងព័ត៌មាន ឯកឧត្តម នេត្រ ភក្រ្តាបានបញ្ជាក់ថា ទោះក្នុងតម្លៃណាក៏ដោយវិទ្យុក៏នៅដើរតួនាយ៉ាងសំខាន់ ទោះបីប្រទេសរីក​ចម្រើនក៏ដោយក៏ចាំបាច់ត្រូវការវិទ្យុដើម្បីផ្សព្វផ្សាយផងដែរ។វិទ្យុនៅតែជាមូលដ្ឋានគ្រឹះក្នុងការផ្តល់ព័ត៌មានដល់មហាជន។ទាំងនេះផ្តើមចេញពីការផ្សព្វផ្សាយដោយប្រព័ន្ធផ្សាយទំនើបមួយចំនួនមិនបានផ្តល់ការជឿជាក់ដល់សំណាក់មហាជនឬយកជាការបាននោះ។ បើតាមឯកឧត្តមរដ្ឋមន្រ្តីក្រសួងព័ត៌មានឱ្យដឹងថា ក្នុងថ្ងៃទី១៣ ខែកុម្ភៈគឺជាទិវាវិទ្យុពិភពលោក ,ថ្ងៃទី៣ ឧសភាទិវាសេរីភាព​សារព័ត៌​មាន​ពិភពលោក,ថ្ងៃទី២៩ ខែមិថុនាគឺជាទិវាកាម៉ារា(ម៉ាស៊ីនថត)ជាតិ។ទាំងអស់នេះគឺមានប្រវត្តិរៀបចំរបស់គេដែរ។ថ្ងៃទី៣០​ខែមិថុនា​ទិវា​បណ្តាញសង្គមពិភពលោក។ថ្ងៃទី២៨ ខែកញ្ញា ទិវាអន្តរជាតិនៃសិទ្ធទទួលព័ត៌មានសាកល,ថ្ងៃទី២៥ ខែតុលាទិវា​បោះពុម្ព​អន្តរជាតិ,ថ្ងៃទី២៩ខែតុលា ទិវាអ៊ីនធើណេតអន្តរជាតិ,ថ្ងៃទី២១ ខែវិច្ឆិកាទិវាទូរទស្សន៍ពិភពលោក,សម្រាប់ព្រឹត្តិការណ៍​ជាតិរបស់យើងវិញនៅថ្ងៃទី១១ និងទី១២ខែធ្នូ ជាវេទិការនិពន្ធនាយកជាដើម”។ ឯកឧត្តមរដ្ឋមន្រ្តីបានមានប្រសាសន៍ថា”អ្វីដែលក្រសួងព័ត៌មានគិតគូរបន្ថែមទៀត គឺវិទ្យុបណ្តាញ ដែលជាការពង្រាយកម្លាំងថ្ពក់​គ្នាទៅវិញទៅមក។ខ្ញុំកំពុងឱ្យថ្នាក់ដឹកនាំវិទ្យុសិក្សាអំពីជម្រើសដើម្បីយើងបង្កើត។អ្វីដែលជាដំណើរការវិវត្តនៃប្រព័ន្ធផ្សព្វផ្សាយ ទំនើបរបស់យើង ក្នុងនេះពលរដ្ឋគាត់ចូលចិត្តស្តាប់វិទ្យុណាស់ តែយើងត្រូវធានាថាបើទោះបីប្រជាពលរដ្ឋគាត់មានជម្រើសផ្សេង​ក៏ដោយ រដ្ឋត្រូវតែមានភាពចាំបាច់ក្នុងការផ្តល់ព័ត៌មានឱ្យគាត់ដែរ។ ឯកឧត្តម នេត្រ ភក្រ្តា…

ស្វាយរៀង៖ ឯកឧត្តមបណ្ឌិត សម តារា តំណាងរាស្ត្រមណ្ឌលខេត្ត ស្វាយរៀងបាន ជួបសំណេះសំណាលជាមួយ សមាជិកក្រុមប្រឹក្សា ឃុំបន្ទាយក្រាំង ស្រុកកំពង់រោទិ៍ ដែលជាអង្គបោះឆ្នោតជ្រើសតាំង សមាជិក ព្រឹទ្ធសភានីតិកាលទី៥ និង អំណោយចែក ដល់ពលរដ្ឋ ដែលមានជីវភាពលំបាកចំនួនបួនគ្រួសារ ព្រមទាំងចុះពិនិត្យមើល ប្រព័ន្ធស្រោចស្រពស្រូវរដូវប្រាំងផងដែរ។ ក្នុងឱកាសសំណេះសំណាលកាលពីថ្ងៃទី១៥ ខែកុម្ភៈឯកឧត្តមបណ្ឌិត បានយកនាំយកការផ្តាំសួរសុខទុក្ខពីសម្ដេចតេជោ ហ៊ុន សែន ប្រធាន គណបក្សប្រជាជនកម្ពុជា និងសម្ដេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងសម្ដេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជាជូនដល់លោក លោកស្រី ដែលអង្គបោះឆ្នោត។ឯកឧត្តមបានរំលឹកដល់អង្គបោះឆ្នោត ទាំង អស់ឱ្យត្រៀមខ្លួនទៅ បោះឆ្នោត នៅថ្ងៃទី២៥ ខែកុម្ភៈខាងមុខនេះ។ ឯកឧត្តមកបណ្ឌិតរំលឹកដល់អាជ្ញាធរមូលដ្ឋាន សមត្ថកិច្ចមូលដ្ឋាន ទាំងអស់ នៅស្រុកកំពង់រោទិ៍ ត្រូវចូលរួមអនុវត្តគោលនយោ បាយ ភូមិ ឃុំ មានសុវត្ថិភាពឱ្យមានប្រសិទ្ធភាព៕ ដោយ៖នុត នាង

(ភ្នំពេញ)៖ នាព្រឹកថ្ងៃទី១៦ ខែកុម្ភៈ ឆ្នាំ២០២៤ នៅទីស្តីការក្រសួងប្រៃសណីយ៍ និងទូរគមនាគមន៍ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានគណៈកម្មការរៀបចំវេទិការដ្ឋាភិបាលឌីជីថល ឆ្នាំ២០២៤ និងពិព័រណ៍រដ្ឋាភិបាលឌីជីថល និងបច្ចេកវិទ្យាឌីជីថល បានអញ្ជើញជាអធិបតីក្នុង សន្និសីទសារព័ត៌មាន ស្តីពី វេទិការដ្ឋាភិបាលឌីជីថល ដោយមានការអញ្ជើញចូលរួមពី ឯកឧត្តម សូ វិសុទ្ធី រដ្ឋលេខាធិការក្រសួងប្រៃសណីយ៍និងទូរគមនាគមន៍ និង ឯកឧត្តម ជា សេរីវឌ្ឍ អគ្គលេខាធិការនៃគណៈកម្មាធិការរដ្ឋាភិបាលឌីជីថល ព្រមទាំងសមាជិកគណៈកម្មការរៀបចំវេទិការដ្ឋាភិបាលឌីជីថល និងអង្គភាពសារព័ត៌មានជាច្រើនផងដែរ ។ វេទិការដ្ឋាភិបាលឌីជីថល ឆ្នាំ២០២៤ ក្រោមប្រធានបទ “ការអភិវឌ្ឍប្រកបដោយចីរភាពនិងបរិយាបន្នតាមរយៈការអនុវត្តគោលនយោបាយឌីជីថល” និង “ពិព័រណ៍រដ្ឋាភិបាលឌីជីថល និងបច្ចេកវិទ្យាឌីជីថលកម្ពុជា-អន្តរជាតិ” នឹងប្រព្រឹត្តទៅចាប់ពីថ្ងៃទី១១ ដល់ថ្ងៃទី១៣ ខែមីនា ឆ្នាំ២០២៤ នៅមជ្ឈមណ្ឌលសន្និបាតនិងពិព័រណ៍កោះពេជ្រ ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា។ វេទិការដ្ឋាភិបាលឌីជីថលដ៏មានសារៈសំខាន់នេះ រៀបចំឡើងក្នុងគោលបំណងបង្ហាញអំពីសមិទ្ធផលនៃការកសាងរដ្ឋាភិបាលឌីជីថល ស្របតាមក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥…