(ភ្នំពេញ)៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញទទួលបដិសណ្ឋារកិច្ចផ្លូវរដ្ឋ ឯកឧត្តម Ferdinand Romualdez Marcos Jr. ប្រធានាធិបតីនៃសាធារណរដ្ឋហ្វីលីពីន និងលោកជំទាវទី១ Louise Araneta-Marcos នៅវិមានសន្តិភាព រាជធានីភ្នំពេញ នាព្រឹកថ្ងៃទី០៨ ខែកញ្ញា ឆ្នាំ២០២៥ ។ ឯកឧត្តមប្រធានាធិបតី នៃសាធារណរដ្ឋហ្វីលីពីន និងលោកជំទាវទី១ បានអញ្ជើញមកដល់កម្ពុជា នៅល្ងាចថ្ងៃទី០៧ ខែកញ្ញា ដើម្បីបំពេញទស្សនកិច្ចរយៈពេល៣ថ្ងៃ ចាប់ពីថ្ងៃទី៧ ដល់ថ្ងៃទី៩ ខែកញ្ញា ឆ្នាំ២០២៥ តបតាមការអញ្ជើញរបស់ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ។ ក្រសួងការបរទេសកម្ពុជា បានចាត់ទុកថា ដំណើរទស្សនកិច្ចផ្លូវរដ្ឋរបស់ ឯកឧត្តម ប្រធានាធិបតី Ferdinand Romualdez Marcos…

(ភ្នំពេញ)៖ ឯកឧត្តម Ferdinand Romualdez Marcos Jr. ប្រធានាធិបតីនៃសាធារណរដ្ឋហ្វីលីពីន និងលោកជំទាវទី១ Louise Araneta-Marcos អញ្ជើញដាក់កម្រងផ្កាគោរពវិញ្ញាណក្ខន្ធ នៅវិមានឯករាជ្យ រាជធានីភ្នំពេញ នាព្រឹកថ្ងៃទី០៨ ខែកញ្ញា ឆ្នាំ២០២៥ ក្នុងឱកាសដែលឯកឧត្តម និងលោកជំទាវ អញ្ជើញមកបំពេញទស្សនកិច្ចផ្លូវរដ្ឋ រយៈពេល០៣ថ្ងៃ នៅព្រះរាជាណាចក្រកម្ពុជា។ តមក ឯកឧត្តម Ferdinand Romualdez Marcos Jr. ប្រធានាធិបតីនៃសាធារណរដ្ឋហ្វីលីពីន និងលោកជំទាវទី១ Louise Araneta-Marcos អញ្ជើញដាក់កម្រងផ្កាគោរពវិញ្ញាណក្ខន្ធ នៅមណ្ឌបព្រះបរមរូប ព្រះករុណា ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ អតីតព្រះមហាក្សត្រ នៃព្រះរាជាណាចក្រកម្ពុជា ។ ឯកឧត្តមប្រធានាធិបតីនៃសាធារណរដ្ឋហ្វីលីពីន និងលោកជំទាវទី១ បានអញ្ជើញមកដល់កម្ពុជា នៅល្ងាចថ្ងៃទី០៧ ខែកញ្ញា ដើម្បីបំពេញទស្សនកិច្ចរយៈពេល៣ថ្ងៃ ចាប់ពីថ្ងៃទី៧ ដល់ថ្ងៃទី៩ ខែកញ្ញា ឆ្នាំ២០២៥ តបតាមការអញ្ជើញរបស់ ព្រះករុណា ព្រះបាទ សម្តេចព្រះបរមនាថ…

(ភ្នំពេញ)៖ សម្ដេចនាយករដ្ឋមន្ត្រី ហ៊ុន ម៉ាណែត បានណែនាឱ្យអាជ្ញាធរមានសមត្ថកិច្ច ពិសេសគណ:កម្មាធិការរៀបចំពិធីបុណ្យ ត្រូវសហការធានាសុខសុវត្ថិភាព និងបរិយាកាសរីករាយក្នុងការធ្វើបុណ្យនាពិធីបុណ្យកាន់បិណ្ឌ និងភ្ជំបិណ្ឌ ។ នេះបើតាមបណ្ដាញសង្គមសម្ដេចធិបតី ។ សម្ដេចធិបតី ហ៊ុន ម៉ាណែត បានលើកឡើងថា សូមអនុមោទនា ពិធីកាន់បិណ្ឌ ១ ថ្ងៃចន្ទ ១រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៨ ខែកញ្ញា ឆ្នាំ២០២៥ ។ នាឱកាសពិធីបុណ្យកាន់បិណ្ឌ និងភ្ជុំបិណ្ឌប្រពៃណីជាតិខ្មែរ ដែលចាប់ផ្តើមពីថ្ងៃទី៨ កញ្ញា តទៅ សូមឱ្យបងប្អូន អ៊ំពូមីង តាយាយ ដែលកាន់ព្រះពុទ្ធសាសនា ប្រតិបត្តិជំនឿតាំងពីដូនតា ដោយអញ្ជើញទៅកាន់ ទីវត្តអារាមទូទាំងរាជធានី-ខេត្ត ដើម្បីធ្វើបុណ្យ ដាក់ទានឧទ្ទិសកុសលផលបុណ្យ ជូនដល់បុព្វការីជន សាច់ញាតិទាំងប្រាំពីរសណ្តាន សូមឱ្យគ្រប់ការធ្វើដំណើរទាំងអស់ ប្រកបដោយសុខសុវត្ថិភាព និងចូលរួមគោរពច្បាប់ចរាចរណ៍ ឱ្យបានខ្ជាប់ខ្ជួន ។ ជាមួយនេះ សម្ដេចនាយករដ្ឋមន្ត្រី បានសូមឱ្យអាជ្ញាធរមានសមត្ថកិច្ចលំដាប់ថ្នាក់ រាជធានី-ខេត្ត…

(ភ្នំពេញ)៖ សម្ដេចតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា សូមអនុមោទនា នៃពិធីបុណ្យកាន់បិណ្ឌ នាថ្ងៃទី០៨ ខែកញ្ញា ឆ្នា២០២៥ ត្រូវបិណ្ឌ ១ ។ សម្ដេចតេជោ បានលើកឡើងថា ថ្ងៃចន្ទ ១រោច ខែភទ្របទ ឆ្នាំម្សាញ់ សប្តស័ក្ស ពុទ្ធសករាជ ២៥៦៩ ត្រូវនឹងថ្ងៃទី៨ ខែកញ្ញា ឆ្នាំ២០២៥ គឺជាថ្ងៃកាន់បិណ្ឌ១ នៃពិធីបុណ្យកាន់បិណ្ឌ ដែលជាពិធីបុណ្យប្រពៃណីជាតិរបស់ខ្មែរយើង ដែលមានតាំងពីបុរាណកាលមក។ នេះជាពេលវេលាមួយដែលបងប្អូនប្រជាពលរដ្ឋពុទ្ធបរិស័ទ មានឱកាស ក្នុងការធ្វើបុណ្យទាន សន្សំកុសល និងជួបជុំសាច់ញាតិបងប្អូន នៅតាមទីកន្លែងជិតឆ្ងាយ ជាពិសេស តាមទីវត្តអារាមនានា ។ សម្ដេចតេជោ សូមជូនពរ បងប្អូនប្រជាពលរដ្ឋ រីករាយជួបជុំគ្រួសារ និង ទទួលបានសុខសុវត្ថិភាព ក្នុងការធ្វើដំណើរគ្រប់ទីកន្លែង ក្នុងឱកាសនៃពិធីកាន់បិណ្ឌនេះ ។ សូមជម្រាបថា បុណ្យភ្ជុំបិណ្ឌ ជាពិធីបុណ្យមួយដែលធំជាងគេ នៅក្នុងចំណោម ពិធីបុណ្យទាំងអស់ ចំពោះអ្នកកាន់ព្រះពុទ្ធសាសនា ។ ជារៀងរាល់ឆ្នាំ…

ភ្នំពេញ ៖ សមាគមមីក្រូហិរញ្ញវត្ថុកម្ពុជាបានចុះហត្ថលេខាលើអនុស្សរណៈ​នៃការយោគយល់គ្នាជាផ្លូវការជាមួយនឹង សមាគមធនាគារនៅកម្ពុជា និងអាជ្ញាធរជាតិដោះស្រាយវិវាទក្រៅប្រព័ន្ធតុលាការ។អនុស្សរណៈនេះ ក្នុងគោលបំណងចូល​រួម​ចំណែកពង្រឹងទំនាក់ទំនង និងកិច្ចសហប្រតិបត្តិ​ការ​រវាងគូភាគីដើម្បីលើកកម្ពស់គុណភាព ប្រសិទ្ធភាព និងភាពឆាប់​រហ័ស​នៃការដោះ ស្រាយវិវាទក្នុងវិស័យធនាគារ និងហិរញ្ញវត្ថុ តាមរយៈការសម្រុះសម្រួលផ្សះផ្សាក្រៅប្រព័ន្ធ​តុលាការ​នៅក្នុងប្រទេសកម្ពុជា។ ការចុះកិច្ចព្រមព្រៀងត្រីភាគីជាផ្លូវការកាលពីចុងសប្ដាហ៍នេះគឺជាគំនិតផ្តួចផ្តើមថ្មីមួយទៀតនៃកិច្ចខិតខំប្រឹងប្រែងរបស់សមាគមមីក្រូហិរញ្ញវត្ថុកម្ពុជា​ពាក់ព័ន្ធ​នឹងការលើកកម្ពស់កិច្ចការពារអតិថិជនក្នុងវិស័យហិរញ្ញវត្ថុ ក៏ដូចជាការចូលរួមចំណែកដោះស្រាយវិវាទ រវាងគ្រឹះស្ថាន​ហិរញ្ញវត្ថុ និងអតិថិជនប្រកបដោយតម្លាភាព ក្រមសីលធម៌ និងវិជ្ជាជីវៈ សំដៅធានាបានថា ប្រជាពលរដ្ឋ​កម្ពុជាគ្រប់រូប ជាពិសេសប្រជាពលរដ្ឋនៅសហគមន៍មូលដ្ឋានទទួលបានដំណោះស្រាយដ៏សមស្របប្រកបដោយតម្លាភាព និងការ​ការពារ​យ៉ាងពេញលេញ។ ផ្អែកលើអនុស្សរណៈសមាគមមីក្រូហិរញ្ញវត្ថុកម្ពុជា ក៏ដូចជាវិស័យមីក្រូហិរញ្ញវត្ថុជឿជាក់ថា តាមរយៈកិច្ចព្រមព្រៀង​ថ្មីនេះនឹងចូលរួមចំណែកក្នុងការលើកកម្ពស់កិច្ចការពារអតិថិជនបានកាន់តែប្រសើរឡើងដើម្បីចូលរួមជំរុញដល់ការអភិវឌ្ឍវិស័យហិរញ្ញវត្ថុប្រកបដោយចីរភាពនិងបរិយាបន្ន។ គួរបញ្ជាក់ថា កន្លងមកសមាគមបានដាក់ចេញនូវគំនិតផ្តួចផ្តើមជាច្រើនដើម្បីលើកកម្ពស់ការការពារអតិថិជនក្នុងវិស័យ ក្នុងនោះរួមមានការដាក់ចេញនូវក្រមប្រតិបត្តិសម្រាប់វិស័យធនាគារ និងហិរញ្ញវត្ថុ យន្តការដោះស្រាយបណ្តឹងអតិថិជន ស្តង់ដាកិច្ចសន្យាឥណទាន ក៏ដូចជាការអនុវត្តនូវគម្រោង និងកម្មវិធីជាច្រើនពាក់ព័ន្ធនឹងចំណេះដឹងផ្នែកហិរញ្ញវត្ថុ និងកិច្ចការពារអតិថិជន។ ពិធីចុះហត្ថលេខាបានប្រព្រឹត្តទៅក្រោមអធិបតីភាពឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការ និងជាអនុ​ប្រធាន​​ប្រចាំការនៃអាជ្ញាធរជាតិដោះស្រាយវិវាទក្រៅប្រព័ន្ធតុលាការ លោក អែម កំណាន់ អគ្គនាយករងត្រួតពិនិត្យ ធនាគារជាតិនៃកម្ពុជា លោកជំទាវ ឌិត នីតា ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជា និងលោក រ័ត្ន សោភ័ណ ប្រធានសមាគមធនាគារនៅកម្ពុជា ព្រមទាំងមានការចូលរួមពីថ្នាក់នាំ និងមន្ត្រីអាជ្ញាធរជាតិ​ដោះស្រាយ​វិវាទ​ក្រៅប្រព័ន្ធតុលាការ ព្រមទាំងតំណាងគ្រឹះស្ថានហិរញ្ញវត្ថុជាច្រើនរូប។…

កំពត៖ ក្រោមម្លប់នៃសុខសន្តិភាពដែលកម្ពុជាមានរហូតមកដល់សព្វថ្ងៃនេះ គឺបានផ្តល់នូវអ្វីៗគ្រប់យ៉ាងសម្រាប់​ប្រជាជន និងប្រទេសជាតិ។ ម្លប់សន្តិភាពនេះដែរក៏បានផ្តល់នូវកម្មសិទ្ធិស្ទើគ្រប់យ៉ាងដល់ពលរដ្ឋ ដែលមានដូចជា ដីធ្លី ផ្ទះសម្បែង កន្លែងលក់ដូរជាដើម។ល។ រួមនឹងការរស់នៅប្រកបដោយភាពសុខសាន្ត។ នេះជាប្រសាសន៍របស់ ឯកឧត្តម ម៉ៅ ធនិនអភិបាលខេត្តកំពត លើកឡើង ក្នុងពិធីប្រកាសចែក​វិញ្ញាបនបត្រ​សម្គាល់​ម្ចាស់​អចលនវត្ថុ និងពិធីប្រកាសបិទផ្សាយជាសាធារណៈនូវឯកសារ នៃការវិនច្ឆ័យនៅស្រុកដងទង់ ខេត្តកំពតកាលពីចុង​សប្ដាហ៍​កន្លងទៅនេះ ឯកឧត្តមអភិបាលខេត្តបានបន្តថាអស់រយៈកាលច្រើនជំនាន់មកហើយ ប្រជាពលរដ្ឋស្ទើរគ្រប់តំបន់មិនមាន​បណ្ណកម្មសិទ្ធិ​លើដីធ្លី និងផ្ទះសម្បែងនោះឡើយ ដែលធ្វើឱ្យការប្រើប្រាស់ដីធ្លី និងការទាញយកប្រយោជន៍ពី​ដីធ្លីមិនអស់សក្តានុ​ពលនៃដី។ប្រការនេះបណ្ដាលមកពីប្រទេសជាតិយើងកើតមានសង្គ្រាមជាបន្តបន្ទាប់ ដែលបង្ខំឱ្យប្រជាពលរដ្ឋត្រូវរត់​ភៀស​ខ្លួនពីតំបន់មួយទៅតំបន់មួយ ។ជាក់ស្ដែងជំនាន់ ប៉ុល ពត កម្មសិទ្ធិលើដីធ្លីទាំងអស់ត្រូវបានដកនិង ដាក់បញ្ចូលជា​កម្មសិទ្ធិ​សមូហភាព។ យោងតាមរបាយការណ៍របស់លោក ព្រាប សុផាត ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី​ខេត្តកំពតបានឱ្យដឹងថា សម្រាប់ពិធីនាពេលនេះ មានការចែកវិញ្ញាបណ្ណបត្រសម្ភាល់ម្ចាស់អចលន​វត្ថុជូនពលរដ្ឋ​ចំនួន២ភូមិ  គឺភូមិឈ្លីតលើ និងភូមិត្រពាំងអណ្តូង ដែលមានក្បាលដីសរុបចំនួន ៣.១៩៨ក្បាលដី ស្មើនឹង ១.៦៤២​គ្រួសារ និងប្រកាសបិទផ្សាយជាធារណៈនូវឯកសារនៃការវិនិច្ឆ័យចំនួន២ភូមិ គឺភូមិឈ្លីតក្រោម និងភូមិដំណាក់ត្រយឹង ដែលមានក្បាលដីសរុបចំនួន ៤.០៣១ក្បាលដី ស្មើនឹង ១.៨៧១គ្រួសារ រួមនឹងការចែកបណ្ណពន្ធសូន្យដល់ពលរដ្ឋចំនួន ១៤.៤០៧បណ្ណផងដែរ៕ដោយ៖ សិលា…