(គូឡាឡាំពួ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម Ferdinand R. Marcos Jr. ប្រធានាធិបតី នៃសាធារណរដ្ឋហ្វីលីពីន ក្នុងជំនួបប្រជុំពិភាក្សាការងារទ្វេភាគី នាឱកាសអញ្ជើញចូលរួមកិច្ចប្រជុំកំពូលអាស៊ានលើកទី៤៦ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី នាព្រឹកថ្ងៃទី២៧ ខែឧសភា ឆ្នាំ២០២៥ បានប្ដេជ្ញាស្វែងរកកាលានុវត្តភាពថ្មីៗ សំដៅពង្រឹង និងពង្រីកកិច្ចសហប្រតិបត្តិការ ជាមួយគ្នា ។ ក្នុងឱកាសនៃជំនួប ឯកឧត្តមប្រធានាធិបតីហ្វីលីពីន បានសម្ដែងនូវការពេញចិត្ត ចំពោះទំនាក់ទំនងដ៍ល្អប្រសេីរ នៃប្រទេសទាំងពីរ និងបានគូសបញ្ជាក់អំពីបំណងពង្រឹង និងពង្រីក ទំនាក់ទំនងផ្នែកពាណិជ្ជកម្មបន្ថែមទៀត ។ សម្ដេចបវរធិបតីបានអរគុណរដ្ឋាភិបាល និងប្រជាជនហ្វីលីពីន ដែលបានផ្ដល់បដិសណ្ឋារកិច្ចយ៉ាងកក់ក្ដៅចំពោះសម្ដេចបវរធិបតី និងគណៈប្រតិភូកម្ពុជា ក្នុងឱកាសអញ្ជើញបំពេញទស្សនកិច្ចផ្លូវការនៅសាធារណរដ្ឋហ្វីលីពីន កាលពីដើមឆ្នាំ២០២៥ នេះ។ សម្ដេចបវរធិបតី ក៏បានសម្ដែងនូវការពេញចិត្តចំពោះភាពរីកចម្រេីន នៃទំនាក់ទំនង កម្ពុជា-ហ្វីលីពីន ព្រមទាំងបានស្វាគមន៍ចំពោះការបន្តស្វែងរកកាលានុវត្តភាពថ្មីៗថែមទៀត ដើម្បីបន្តពង្រឹង និងពង្រីកទំហំពាណិជ្ជកម្មទ្វេភាគីនៃប្រទេសទាំងពីរ។ សម្ដេចបវរធិបតី និងឯកឧត្តមប្រធានាធិបតី ក៏បានពិភាក្សាគ្នាអំពីវិស័យសក្ដានុពលសំខាន់ៗមួយចំនួន ជាអាទិ៍៖ ឌីជីថល បច្ចេកវិទ្យា…

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា យើងនឹងស្នើសុំគោលការណ៍ពីរាជរដ្ឋាភិបាលក្នុងការចុះបញ្ជីដីតំបន់៣ ជាដីសាធារណៈរបស់រដ្ឋ និងដីតំបន់២ ជាដីឯកជនរបស់រដ្ឋ , តំបន់១ គឺទទួលខុសត្រូវដោយរដ្ឋបាលខេត្ត អាជ្ញាធរដែនដី, តំបន់២ ទទួលខុសត្រូវដោយក្រសួងកសិកម្មប៉ុន្តែត្រូវធ្វើប្រតិភូកម្មឱ្យទៅអាជ្ញាធរខេត្តគ្រប់គ្រង, តំបន់៣ ទទួលខុសត្រូវដោយក្រសួងបរិស្ថាន, ដោយឡែកការទទួលខុសត្រូវលើដីបឹងទន្លេសាបជារួម ទាំងបរិមាណនិងគុណភាពទឹកគឺក្រសួងធនធានទឹកនិងឧតុនិយមជាអ្នកទទួលខុសត្រូវ។ នេះជាប្រសាសន៍របស់ឯកឧត្តមឧបនាយករដ្ឋមន្ត្រី សាយ សំអាល់ ថ្លែងក្នុងកិច្ចប្រជុំករណីសំណើសុំចុះបញ្ជីដីតំបន់៣ នៃដែនព្រៃលិចទឹកស្ថិតនៅក្នុងខេត្តទាំង ៦ ជុំវិញបឹងទន្លេសាបជាទ្រព្យសម្បត្តិសាធារណៈរបស់រដ្ឋស្ថិតក្នុងបញ្ជីសារពើភ័ណ្ឌរបស់ក្រសួងធនធានទឹក និងឧតុនិយម នឹងសំណើសុំចុះបញ្ជីដីរដ្ឋតំបន់២ ក្នុងភូមិសាស្ត្រខេត្តកំពង់ធំ នារសៀលថ្ងៃទី២៦ ខែឧសភា ឆ្នាំ២០២៥ នៅទីស្ដីការក្រសួង ។ ឯកឧត្តមឧបនាយករដ្ឋមន្ត្រី សាយ សំអាល់ បានថ្លែងអំណរគុណដល់ក្រុមការងាររបស់អគ្គនាយកដ្ឋានសុរិយោដីដែលបានខិតខំប្រឹងប្រែងបំពេញតួនាទីភារកិច្ចរបស់ខ្លួនជាពិសេសការចុះបញ្ជីដីនៅតំបន់ទន្លេសាបនេះទន្ទឹមនឹងការចុះបញ្ជីដីធ្លីទូទាំងប្រទេស ដែលការចុះបញ្ជីនៅទន្លេសាបនេះមិនមែនជាកិច្ចការងាយស្រួលនោះទេដោយក្នុងនោះត្រូវចុះបញ្ជីដីនៅជាង ៨០ ឃុំក្នុងបណ្ដាខេត្តចំនួន៦ ជុំវិញបឹងទន្លេសាប ។ ផ្តើមចេញពីបញ្ហាដែលត្រូវពិភាក្សានាពេលនេះ ឯកឧត្តមឧបនាយករដ្ឋមន្ត្រី បានដាក់ចេញនូវទស្សនៈវិស័យមួយចំនួនដើម្បីជួយសម្រួលដល់ការបំពេញការងារពាក់ព័ន្ធនឹងករណីនេះ ក្នុងនោះត្រូវមានការឯកភាពគ្នាដោយត្រូវប្រកាន់លើគោលជំហររៀបចំតំបន់បឹងទន្លេសាប ឱ្យមានរបៀបរៀបរយត្រឹមត្រូវ ចៀសវាងកុំឱ្យបាត់បង់ពីព្រោះបឹងទន្លេសាបមានអត្ថប្រយោជន៍ដ៏ច្រើនមហាសាលសម្រាប់សេដ្ឋកិច្ចជាតិ, ឃុំនីមួយៗនៃបណ្ដាខេត្តជុំវិញបឹងទន្លេសាបត្រូវមានផែនទីប្រើប្រាស់ដីដូចនៅតំបន់អង្គរដែរ, ត្រូវមានការកំណត់ផ្ទះទឹកអោយបានច្បាស់លាស់, ត្រូវចូលរួមសម្របសម្រួលនូវភាពមិនចុះសម្រុងគ្នារវាងក្រសួងស្ថាប័នពាក់ព័ន្ធនីមួយៗដើម្បីផលប្រយោជន៍សេដ្ឋកិច្ចជាតិជារួម,…

(គូឡាឡាំពួ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម លី ឈាង (Li Qiang) នាយករដ្ឋមន្ត្រីនៃសាធារណរដ្ឋប្រជាមានិតចិន បានឯកភាពជំរុញកិច្ចសហប្រតិបត្តិការលើគ្រប់វិស័យ ឱ្យកាន់តែរីកចម្រើនថែមទៀត ។ នាយករដ្ឋមន្ត្រីទាងពីរ ឯកភាពគ្នាដូច្នេះក្នុងជំនួបប្រជុំពិភាក្សាការងារទ្វេភាគី នាឱកាសអញ្ជើញចូលរួមកិច្ចប្រជុំកំពូលអាស៊ានលើកទី ៤៦ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី នាព្រឹកថ្ងៃទី២៧ ខែឧសភា ឆ្នាំ២០២៥ ។ ក្នុងឱកាសនៃជំនួប​ ឯកឧត្តម លី ឈាង នាយករដ្ឋមន្ត្រីចិន បានសម្តែងនូវក្តីសោមនស្សរីករាយដែលបានជួបពិភាក្សាការងារជាមួយ សម្តេចបវរធិបតីជាថ្មីម្តងទៀត។ ឯកឧត្តមនាយករដ្ឋមន្ត្រីបានគូសបញ្ជាក់ថា ជំនួបជាញឹកញាប់រវាងថ្នាក់ដឹកនាំកំពូលនៃប្រទេសទាំងពីរ ឆ្លុះបញ្ចាំងពីភាពរឹងមាំ និងការរីកចម្រើននៃទំនាក់ទំនងមិត្តភាពដ៏យូរអង្វែង និងជាមិត្តដែកថែបកម្ពុជា-ចិន។ ជាការឆ្លើយតប, សម្តេចបវរធិបតីក៏បានសម្តែងនូវក្តីរីករាយ ចំពោះជំនួបជាមួយឯកឧត្តមនាយករដ្ឋមន្ត្រីចិន។ សម្តេចបវរធិបតីបានឯកភាពអំពីសារៈសំខាន់នៃជំនួបកម្រិតថ្នាក់ដឹកនាំប្រទេសក្នុងការរឹតចំណងទំនាក់ទំនងទ្វេភាគី ព្រមទាំងបានសម្តែងនូវការពេញចិត្ត និងវាយតម្លៃខ្ពស់ចំពោះដំណើរទស្សនកិច្ចផ្លូវរដ្ឋរបស់ឯកឧត្តម ស៊ី ជីនពីង (Xi Jinping) ប្រធានាធិបតីនៃសាធារណរដ្ឋប្រជាមានិតចិន មកកាន់ព្រះរាជាណាចក្រកម្ពុជាកាលពីខែមេសា ឆ្នាំ២០២៥ កន្លងទៅនេះ ដែលតាមរយៈដំណើរទស្សនកិច្ចនេះ ចំណងមិត្តភាពកម្ពុជា-ចិន ត្រូវបានពង្រឹង…

(រដ្ឋកាលីហ្វ័រនីញ៉ា)៖ ក្នុងដំណើរទស្សនកិច្ចនៅសហរដ្ឋអាម៉េរិក ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានជួបពិភាក្សាការងារជាមួយក្រុមហ៊ុនបច្ចេកវិទ្យាមួយចំនួន ដូចជាក្រុមហ៊ុន Toyota Boshoku ក្រុមហ៊ុន Hyundai ក្រុមហ៊ុន LG និងក្រុមហ៊ុន ROKiT ក្រោមការសម្របសម្រួលរៀបចំដោយក្រុមហ៊ុន Plug and Play ដែលមានបណ្តាញទំនាក់ទំនងក្រុមហ៊ុនបច្ចេកវិទ្យានានា។ កិច្ចប្រជុំទាំងនេះ មានគោលបំណង (១) ទាក់ទាញការវិនិយោគលើវិស័យបច្ចេកវិទ្យាឌីជីថលនៅកម្ពុជា (២) សិក្សាអំពីការប្រើប្រាស់ប្រព័ន្ធឌីជីថលក្នុងយានយន្ត (៣) ស្វែងយល់អំពីយន្តការនៃការវិនិយោគលើធុរកិច្ចថ្មីឌីជីថល (Digital Startup) (4) ស្វែងយល់អំពីបច្ចេកទេសក្នុងការរៀបចំ WIFI នៅទីសាធារណៈ និង(៥) ផ្សព្វផ្សាយនិងជំរុញការប្រើប្រាស់ថ្នាលផ្ទៀងផ្ទាត់ឯកសារ VERIFY.GOV.KH៕ ដោយ៖ ង៉ាន់ ទិត្យ

(ភ្នំពេញ)៖ ក្នុងឱកាសអនុញ្ញាតឱ្យ ឯកឧត្តម Igor Krasnov អគ្គរដ្ឋអាជ្ញា នៃសហព័ន្ធរុស្សី ចូលជួបសម្ដែងការគួរសម នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃទី២៧ ខែឧសភា ឆ្នាំ២០២៥ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានជំរុញឱ្យរុស្ស៊ីបង្កើតជើងហោះហើរត្រង់ពីមូស្គូមកកម្ពុជាឱ្យបានឆាប់ ក្នុងន័យពង្រីកទំនាក់ទំនងប្រទេសទាំងពីរ ឱ្យកាន់តែជិតស្និទ្ធ ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឲ្យដឹងនៅក្រោយជំនួបថា ជាកិច្ចចាប់ផ្ដើម សម្ដេចតេជោ បានសម្ដែងនូវការរីករាយ និងស្វាគមន៍ដែលបានជួបឯកឧត្តមអគ្គរដ្ឋអាជ្ញារុស្ស៊ី ក្នុងឱកាសអញ្ជើញមកបំពេញទស្សនកិច្ចនៅកម្ពុជា ។ សម្ដេចតេជោ បានវាយតម្លៃខ្ពស់ចំពោះទស្សនកិច្ចនាពេលនេះ ដោយបានគូសបញ្ជាក់ពីទំនាក់ទំនងដ៏រឹងមាំរវាងប្រទេសទាំងពីរ ទាំងស្ថាប័ននីតិបញ្ញត្តិ នីតិប្រតិបត្តិ និងតុលាការ ។ សម្ដេចសង្ឃឹមថា ទស្សនកិច្ចនេះ នឹងជួយត្រួសត្រាយផ្លូវក្នុងការពង្រីកទំនាក់ទំនងទ្វេភាគីក្នុងការអនុវត្តច្បាប់ និងវិស័យយុត្តិធម៌បន្ថែមទៀត និយាយជារួម គឺទំនាក់ទំនងទ្វេភាគីរវាងកម្ពុជា និងរុស្ស៊ី ។ សម្ដេចតេជោ ក៏បានសម្ដែងការអបអរសាទរចំពោះឯកឧត្តម និងរដ្ឋាភិបាលនៃសហព័ន្ធរុស្ស៊ី ដែលបានរៀបចំព្រឹត្តិការណ៍ជាប្រវត្តិសាស្ត្រកាលពីថ្ងៃទី០៩ ខែឧសភា ឆ្នាំ២០២៥ កន្លងទៅ…

(ភ្នំពេញ)៖ ក្រសួងកសិកម្មរុក្ខាប្រមាញ់ និងនេសាទបានបើកកិច្ចប្រជុំមួយជាមួយមន្រ្តីជំនាញដើម្បីពិនិត្យផ្ដល់យោបល់លើសេចក្ដីព្រាងប្រកាសស្ដីពី នីតិវិធី និងការតម្រូវបមាណីយសម្រាប់ការចុះបញ្ជី ជីកសិកម្មសំដៅធ្វើយ៉ាងណាឱ្យស្របតាមស្ថានភាពសង្គមជាក់ស្តែង។ ក្រសួងកសិកម្មបានឱ្យដឹងនៅថ្ងៃទី២៧ ខែឧសភា ឆ្នាំ២០២៥ នេះថាកិច្ចប្រជុំនេះបានធ្វើឡើងដោយឯកឧត្តម អ៊ឹម ស៊ីថុល រដ្ឋលេខាធិការប្រចាំការក្រសួងកសិកម្ម រុក្ខាប្រមាញ់ និងនេសាទ សំដៅធ្វើយ៉ាងណាពិនិត្យផ្ដល់យោបល់លើសេចក្ដីព្រាងប្រកាសស្ដីពី នីតិវិធី និងការតម្រូវបមាណីយសម្រាប់ការចុះបញ្ជី ជីកសិកម្ម។ កិច្ចប្រជុំនេះ មានការចូលរួមផងដែរពីថ្នាក់ដឹកនាំទទួលបន្ទុកធាតុចូលកសិកម្ម តំណាងអគ្គនាយកដ្ឋានកសិកម្ម និងមន្ត្រីជំនាញពាក់ព័ន្ធ។ ក្រសួងកសិកម្មបានឱ្យដឹងដែរថា គោលបំណងនៃកិច្ចប្រជុំនេះគឺធ្វើបច្ចុប្បន្នភាពនីតិវិធី និងការតម្រូវបមាណីយសម្រាប់ការចុះបញ្ជី ជីកសិកម្ម នៅក្នុងព្រះរាជាណាចក្រកម្ពុជា ឱ្យស្របតាមស្ថានភាពសង្គម សេដ្ឋកិច្ច។ ឯកឧត្តម អ៊ឹម ស៊ីថុល រដ្ឋលេខាធិការប្រចាំការក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ប្រាប់ថារាល់ការនាំចូលជីកសិកម្ម ត្រូវបំពេញលក្ខខណ្ឌតម្រូវបមាណីយសម្រាប់ការចុះបញ្ជីជីកសិកម្ម និងត្រូវត្រួតពិនិត្យលក្ខខណ្ឌបច្ចេកទេសតាមនីតិវិធីក្នុងច្បាប់ស្ដីពីការគ្រប់គ្រងជីថ្នាំកសិកម្ម និងលិខិតបទដ្ឋានគតិយុត្តជាធរមាន។ ឯកឧត្តមរដ្ឋលេខាធិការបានវាយតម្លៃខ្ពស់ចំពោះថ្នាក់ដឹកនាំទទួលបន្ទុកធាតុចូលកសិកម្ម និងអគ្គនាយកដ្ឋានកសិកម្ម ដែលបានបំពេញការងារពាក់ព័ន្ធក្នុងការគ្រប់គ្រងធាតុចូលកសិកម្ម ប្រកបដោយស្មារតីទទួលខុសត្រូវខ្ពស់ និងមានប្រសិទ្ធភាព៕ ដោយ ៖ ម៉ាដេប៉ូ

(ភ្នំពេញ)៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំគណៈអចិន្ត្រៃយ៍ព្រឹទ្ធសភា នីតិកាលទី៥ នៅវិមានព្រឹទ្ធសភា រាជធានីភ្នំពេញ នៅព្រឹកថ្ងៃទី២៧ ខែឧសភា ឆ្នាំ២០២៥ ដើម្បីពិនិត្យ ផ្ដល់យោបល់ សម្រេច ទៅលើរបៀបវារៈចាំបាច់មួយចំនួន ។ យោងតាមសេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា បានឱ្យដឹងថា បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភា បានសម្រេច ដូចខាងក្រោម៖ ១- បញ្ជូនសេចក្តីព្រាងច្បាប់ស្តីពី ការអនុម័តយល់ព្រមលើផែនការយុទ្ធសាស្ត្រអភិវឌ្ឍន៍ ជាតិ របស់រាជរដ្ឋាភិបាល នីតិកាលទី៧ នៃរដ្ឋសភា ទៅគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា ដើម្បី ពិនិត្យសិក្សា និងផ្តល់យោបល់។ ២- បញ្ជូនសេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់ រាជរដ្ឋាភិបាល នៃព្រះរាជាណាចក្រកម្ពុជា ឱ្យក្រុមហ៊ុន បានយ៉ាន អេនើជី ឯ.ក សម្រាប់…

(ភ្នំពេញ)៖ គិតត្រឹមម៉ោង ៤រសៀលថ្ងៃទី ២៦ខែឧសភានេះ ការដោះស្រាយសំណើរបស់កម្មករក្រុមហ៊ុនដាប់ប៊ែលយូភី ស្ព័ត (ខេមបូឌា)ឯ.ក ត្រូវបានដោះស្រាយស្ទើរ១០០ភាគរយហើយ ក្រោមការសម្របសម្រួលដ៏លឿនរហ័សរបស់មន្ទីរការងារ និងបណ្តុះបណ្តាលវិជ្ជាជីវៈខេត្តស្វាយរៀងនៃក្រសួងការងារ និងបណ្ដុះបណ្ដាលវិជ្ជាជីវៈ។ នេះបើតាមអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈឯកឧត្តម ស៊ុន មេសាដែលបានបញ្ជាក់ឱ្យដឹងនៅថ្ងៃទី២៦នេះ។ ឯកឧត្តម ស៊ុន មេសា បានថ្លែងថា៖«ចាប់តាំងពីព្រឹកថ្ងៃទី ២៦ខែឧសភានេះ មន្រ្តីជំនាញនៃមន្ទីរការងារ និងបណ្ដុះបណ្ដាលវិជ្ជាជីវៈខេត្តស្វាយរៀង បានសម្របសម្រួល ដោយមានសមាសភាពពីតំណាងកម្មករនិយោជិត អ្នកពិនិត្យគុណភាព ប្រធានក្រុមតាមផ្នែកនីមួយៗ បានស្នើទៅក្រុមហ៊ុនចំនួន ១០ចំណុច ក្នុងនោះគិតត្រឹមម៉ោង ៤រសៀលនេះ ភាគីទាំងអស់បានសម្រេចឯកភាពគ្នាចំនួនរហូតទៅដល់ ៨ចំណុច។ដោយនៅសល់តែពីរចំណុចទៀតតែប៉ុណ្ណោះដែលភាគីទាំងពីរនឹងត្រូវបន្តជជែកពិភាក្សាគ្នាបន្ថែមទៀត»។ សំណើដប់ចំណុចនោះរួមមាន ការថែមម៉ាស៊ីនស្គែនវត្តមានឱ្យច្រើនជាងមុន, សំណើររៀបចំរោងអាហារ, ការសម្រួលម៉ោងពេលដល់ស្រ្តីមានផ្ទៃពោះ និងស្ត្រីមានកូនខ្ចី, ការសម្អាតអនាម័យក្នុងបន្ទប់ទឹក, ការផ្តល់ប្រាក់ថែទាំសុខភាព, ការផ្តល់ប្រាក់ជំនាញ, និងការបើកប្រាក់ឈ្នួលទៀងទាត់ជាដើម។ អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបានអះអាងថា៖ “ក្រសួងទទួលយករាល់សំណើរបស់បងប្អូនកម្មករកម្មការិនីយកមកពិនិត្យ ហើយក្រសួងក៏ស្ដាប់ហេតុផលខាងភាគីក្រុមហ៊ុនផងដែរ។ ជាមួយគ្នានេះសំណើរបស់បងប្អូនកម្មករកម្មការិនី ក៏ត្រូវផ្ទៀងផ្ទាត់ជាមួយនឹងច្បាប់ និងភាពសមហេតុផលសមរម្យនៃការទទួលយកបានទាំងអស់គ្នាផងដែរ”។ ឯកឧត្តមបានបន្តថា ដោយឈរលើស្មារតីយោគយល់គ្នាអធ្យាស្រ័យល្អ ការសម្របសម្រួលសម្រាប់បងប្អូននៅក្រុមហ៊ុនដាប់ប៊ែលយូភី ស្ព័ត (ខេមបូឌា)ឯ.កនេះទទួលបានលទ្ធផលលឿន ហើយរហ័សនៅឈានមកដល់រហូតទៅដល់ ៨ចំណុច…

(ភ្នំពេញ)៖ ក្នុងជំនួបជាមួយ ​​​​​​​ឯកឧត្ដ​ម​អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅទីស្ដីការក្រសួង នារសៀលថ្ងៃទី២៦ ខែឧសភា ឆ្នាំ២០២៥ នេះលោកស្រី Nellie GUSAYNI ប្រធានបេសកកម្មនៃអង្គការអន្តរជាតិទេសន្តរប្រវេសន៍ប្រចាំកម្ពុជា (IOM) ថ្លែងដោយមិនអល់អែកថា ក្នុងនាមជាជនជាតិលីបង់ ម្នាក់ លោកស្រីដឹងនិងយល់អំពីទុក្ខលំបាករបស់ប្រទេសដែលមានសង្គ្រាមស៊ីវិល ព្រមទាំងបញ្ហាជាច្រើនដែលត្រូវការពេលវេលា ដើម្បីដោះស្រាយ ហើយលោកស្រីបានវាយតម្លៃខ្ពស់នូវកិច្ចខិតខំប្រឹងប្រែងរបស់កម្ពុជាកន្លងមក។ លោកស្រី Nellie GUSAYNI បានជម្រាបឯកឧត្តមអភិសន្តិបណ្ឌិត ទៀតថា លោកស្រីទទួលស្គាល់ថាបញ្ហាជួញដូរមនុស្ស មានវិសាលភាពធំធេង និងជាការគំរាមកំហែងពិភពលោក មិនមែនតែប្រទេសកម្ពុជាតែមួយគត់ឡើយ និងថាបញ្ហានេះ មិនអាចដោះស្រាយបាន ដោយផ្អែកតែលើរាជ ឬរដ្ឋាភិបាលនៃប្រទេសមួយនោះឡើយ គឺត្រូវតែមានការគាំទ្រសហការ រួមទាំងពីអង្គការបរទេស។ ក្នុងឱកាសនោះដែរ លោកស្រី Nellie GUSAYNI ក៏បានថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជាចំពោះកិច្ចសហការយ៉ាងយូរលង់មកនេះ និងការរក្សានាមជាជ័យលាភីក្នុងការអនុវត្ត។ លោកស្រីក៏បានគូសបញ្ជាក់ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ ក្រសួងមហាផ្ទៃ ក្នុងការដោះស្រាយបញ្ហាពាក់ព័ន្ធនឹងទេសន្តរប្រវេសន៍។ ឯកឧត្ដមអភិសន្តិបណ្ឌិត ស សុខា  ក៏បានថ្លែងកោតសរសើរ និងវាយតម្លៃ​ខ្ពស់ចំពោះលោកស្រីប្រធានបេសកកម្ម និងអង្គការ IOM…

(ប្រទេសស្វីស)៖ កំឡុងពេលចូលរួមមហាសន្និបាតអង្គការសុខភាពពិភពលោក លើកទី៧៨ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីសុខាភិបាលកម្ពុជាត្រូវបានទទួលស្វាគមន៍សំណេះសំណាលជាលក្ខណៈទ្វេភាគីដោយ ឯកឧត្តម អគ្គនាយកអង្គការសុខភាពពិភពលោក HE Dr Tedros Adhanom Ghebreyesus។ ឯកឧត្តមសាស្រ្តាចារ្យរដ្ឋមន្រ្តី បានជម្រាបថ្លែងអំណរគុណជូនដល់ ឯកឧត្តមអគ្គនាយក WHO អំពីការគាំទ្ររបស់អង្គការសុខភាពពិភពលោក មកដល់សុខាភិបាលកម្ពុជា និងបានបញ្ជាក់ជូនអំពីអនុលោមភាពរបស់កម្ពុជា ជាមួយបេសកម្មរបស់ អង្គការសុខភាពពិភពលោក។ ឯកឧត្តមសាស្រ្តាចារ្យរដ្ឋមន្រ្តី បានជម្រាបជូនអំពីចំណុចសំខាន់ៗនៃវឌ្ឍនភាពសុខាភិបាលកម្ពុជាដែលរួមមាន ៖ ១-ការលើកកម្ពស់សុខភាព សុខមាភាពសហគមន៍ (PHC, Primary Health Care) តាមរយៈការដាក់ចេញយុទ្ធនាការអប់រំសុខភាពបឋម ការពង្រីកការចាក់វ៉ាក់សាំង, ២-ការពង្រីកការថែទាំព្យាបាលនិង ផ្តល់លទ្ធភាពឱសថអំពីជំងឺមិនឆ្លងក្នុងសហគមន៍, ៣-ការប្រកាសដាក់ឱ្យដំណើរការផែនការសកម្មភាពបង្ការ និងគ្រប់គ្រងជំងឺមហារីក ២០២៥-២០៣៣, ៤-ឥរិយាបទបុរេសកម្មលើការតាមដាន ត្រួតពិនិត្យជំងឺឆ្លងគ្រប់ប្រភេទដោយក្រុមការងារជំនាញឆ្លើយតបបន្ទាន់, ៥-ការរៀបចំ និងដាក់ដំណើរការផែនការយុទ្ធសាស្រ្តសុខាភិបាលដំណាក់កាលទី៤ (HSP4) ២០២៥-២០៣៣ ដែលជាក្របខ័ណ្ឌយុទ្ធសាស្រ្តរយៈពេលវែង ដ៏ទូលំទូលាយដែលស្របតាម SDGs និងចក្ខុវិស័យនៃការសម្រេចបាននូវការគ្របដណ្តប់សុខភាពជាសកល។ ឯកឧត្តម អគ្គនាយកអង្គការសុខភាពពិភពលោក (DG-WHO) បានសំដែងនូវការកោតសរសើរ ចំពោះសុខាភិបាល និងរាជរដ្ឋាភិបាលកម្ពុជា…