ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគបាលជាតិ បាន ឲ្យដឹងថា ជនសង្ស័យចំនួន ២៤នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការ បង្ក្រាបបទល្មើសគ្រឿងញៀនចំនួន១៧ករណី ទូទាំងប្រទេស នៅថ្ងៃទី២៩ ខែមករា ឆ្នាំ២០២៤។ ក្នុងចំណោមជនសង្ស័យចំនួន២៤នាក់ រួមមាន ដឹកជញ្ជូន រក្សាទុក ១៣ករណី ឃាត់ ២០នាក់ស្រី ២នាក់ប្រើប្រាស់ ៤ករណី ឃាត់ ៤នាក់ វត្ថុតាងដែលចាប់ យកសរុបក្នុងថ្ងៃទី២៩ ខែមករា រួមមាន ៖មេតំហ្វេតាមីន(Ice) ស្មើ ៥,៦៣ក្រាម និង៣២កញ្ចប់តូច។ លទ្ធផលខាងលើ ០៨អង្គភាពបានចូលរួមបង្ក្រាប៕ ដោយ ៖ ប៊ុនធី និង ភារ៉ា

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី ២៩ ខែមករាធ្ឆ្នាំ២០២៤ បានឱ្យដឹងថាមានគោលដៅចំនួនសរុប ៦៤គោលដៅ មានយានយន្តចូលគោលដៅចំនួន ៤៥៨គ្រឿង រថយន្តធំ០១គ្រឿង រថយន្តតូច ៨០គ្រឿង ម៉ូតូ ៣៧៧គ្រឿង ក្នុងនោះរកឃើញយានយន្តល្មើសសរុបចំនួន ៤៤៧គ្រឿងមានរថយន្តធំ០១គ្រឿង រថយន្តតូច ៦៩គ្រឿង និងម៉ូតូចំនួន ៣៧៧គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ដោយ៖ ប៊ុនធី និង ភារ៉ា

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិ ឲ្យដឹងថា នៅថ្ងៃទី២៩ ខែមករា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន១២លើក បណ្តាលអោយមនុស្សស្លាប់ ៥នាក់ នឹងរងរបួសធ្ងន់ស្រាលចំនួន ១៦នាក់។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់ រួមមានៈ ល្មើសល្បឿន ០៣លើក ស្លាប់ ០១នាក់ មិនគោរពសិទ្ធិ ០៤លើក ស្លាប់ ០១នាក់ មិនប្រកាន់ស្តាំ ០១លើក ស្លាប់ ០នាក់ ប្រជែងគ្រោះថ្នាក់ ០១លើក ស្លាប់ ០នាក់ បត់គ្រោះថ្នាក់ ០២លើក ស្លាប់ ១នាក់ និងងងុយ ០១លើក ស្លាប់ ០២នាក់ ៕ ដោយ៖ ប៊ុនធី និង ភារ៉ា

ភ្នំពេញ៖ ការហាមមន្រ្តី មិនឱ្យទិញឈើចែកជូនប្រជាពលរដ្ឋរបស់រដ្ឋមន្រ្តី ក្រសួងបរិស្ថាននេះ ក៏ព្រោះថា មន្រ្តីបរិស្ថានមិនមែនជាឈ្មួញជួញដូរកូនឈើ នោះទេ តែគឺជាអ្នកបណ្តុះកូនឈើចែកជូនប្រជាពលរដ្ឋ ។ ការលើកឡើងរបស់ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ជាច្រើនលើកច្រើនសាយ៉ាងដូច្នេះ គឺដើម្បីបណ្តុះគំនិតក្នុងភាពជាម្ចាស់ ដោយ មិនផ្តោតតែថវិកាតែមួយមុខឡើយ គឺចាំបាច់ត្រូវមានគំនិតច្នៃប្រឌិតខ្ពស់ លើ ធនធានដែលមានស្រាប់ក្នុងតំបន់ ហើយរួមផ្សំនឹងធនធានថវិកាផង ។ លើសពីនេះ ការបណ្តុះដើមឈើជូនប្រជាពលរដ្ឋដោយប្រើបេះដូងជួយ គឺជា ភាព គំរូដ៏ល្អមួយ ដែលកើតចេញពីចិត្តស្អាតរបស់មន្រ្តីបរិស្ថាន ហើយបន្តពន្លក បៃតងដែលស្អាតល្អបរិសុទ្ធនេះទៅឱ្យប្រជាពលរដ្ឋ និងសិស្សានុសិស្សដាំ ដើម្បី បង្កើននូវភាពបៃតងទូទាំងប្រទេស ម្យ៉ាងវិញទៀតក៏ជាការបង្ហាញថា ការទុកចិត្ត របស់ប្រជាពលរដ្ឋចំពោះរាជរដ្ឋាភិបាលថ្មី គឺបានកំពុងដឹកនាំប្រទេស កម្ពុជាឱ្យ ចាក ឆ្ងាយ ភាពក្រីក្រ ឈានទៅប្រទេសដែលមានចំណូលមធ្យមកម្រិតខ្ពស់ តាមរយៈកម្មវិធីអភិវឌ្ឍន៍នានារបស់រាជរដ្ឋាភិបាលនីតកាលទី៧ ក្នុងនោះរាប់បញ្ជូលការធ្វើពាណិជ្ជកម្មកាបូនផងដែរ។ គួរបញ្ជាក់ថា ការជំរុញលើកទឹកចិត្ត និងបង្កឱ្យមានវប្បធម៌ស្អាត ក្នុងចំ ណោម មន្រ្តីរាជការ និងភាពស្អាតស្អំពីមន្រ្តីរាជការនេះ គឺបានធ្វើឡើងនៅក្នុងឱកាស ឯកឧត្តមបណ្ឌិត អ៊ាង…

ស្តុកខុល៖ ស្ថិតិផ្លូវការបានបង្ហាញឱ្យដឹងនៅថ្ងៃចន្ទសប្តាហ៍នេះថា សេដ្ឋកិច្ចរបស់ប្រទេសស៊ុយអែត ធ្លាក់ចុះចំនួន ០.៣ភាគរយ ក្នុងឆ្នាំ ២០២៣។ ស៊ុយអែតជាប្រទេសមួយ ក្នុងចំនោមសមាជិកប្លុកអឺរ៉ុបទាំង ២៧ ដែលបានធ្លាក់ចូលក្នុងវិបត្តិសេដ្ឋកិច្ចនៅក្នុងត្រីមាសទី៣ ប៉ុន្តែបានកើនឡើងវិញ ០.១ភាគរយនៅចន្លោះខែតុលា ដល់ខែធ្នូ។ ស៊ុយអែតកំពុងតស៊ូជាមួយអតិផរណាដ៏ខ្ពស់ក្នុងរយៈពេលជាងមួយឆ្នាំកន្លងមកនេះ ក៏ដូចជាការធ្លាក់ចុះរូបិយបណ្ណជាតិ (ក្រូណា) ដែលជំរុញឱ្យធនាគារកណ្តាលបង្កើនអត្រាការប្រាក់របស់ខ្លួនជាបន្តបន្ទាប់ដល់ ៤ភាគរយ ដែលជាកម្រិតខ្ពស់បំផុតក្នុងរយៈពេល ១៥ឆ្នាំ។ ធនាគារកណ្តាលស៊ុយអែត (Swedbank) បានបញ្ជាក់យោងលើរបាយការណ៍របស់សេដ្ឋវិទូថា សេដ្ឋកិច្ចស៊ុយអែតបន្តធ្លាក់ចុះ ហើយថា តួលេខផលិតផលសរុបក្នុងស្រុក (GDP) ប្រចាំឆ្នាំ គឺដូចតាមការរំពឹងទុក។ ធនាគារនេះបន្ថែមថា ទិន្នន័យប្រចាំខែបង្ហាញថា សកម្មភាពសេដ្ឋកិច្ចក្នុងស្រុកបន្តធ្លាក់ចុះបន្តិច ក្នុងអំឡុងត្រីមាសទី៤ ជាមួយនឹងតួលេខលក់រាយចុះខ្សោយនៅខែវិច្ឆិកា ០.២ភាគរយ និងខែធ្នូ ០.២ភាគរយ។ សម្រាប់ឆ្នាំ ២០២៤នេះ ធនាគារកណ្តាលស៊ុយអែតព្យាករណ៍ថា អត្រាអតិផរណានឹងថយចុះមកត្រឹម ៤.៤ភាគរយ ហើយសេដ្ឋកិច្ចប្រទេសអឺរ៉ុបនេះ នឹងធ្លាក់ចុះម្តងទៀតចំនួន ០.២ភាគរយ៕ ប្រភព៖ AFP ប្រែសម្រួលដោយ៖ ឈឹម ទីណា