(ភ្នំពេញ)៖ ឯកឧត្តម រដ្ឋមន្រ្តី នេត្រ ភក្រ្តា ជំរុញដល់ប្រព័ន្ធផ្សព្វផ្សាយចូលរួមក្នុងការថែរក្សាសុខសន្តិភាព ស្ថិរភាព សណ្តាប់សង្គម តាមរយៈការផ្សាយព័ត៌មានពិតត្រឹមត្រូវមានក្រមសីលធម៍វិជ្ជាជីវៈ ដើម្បីលើកតម្លៃវិស័យព័ត៌មាន និងតម្លៃរបស់អ្នកសារព័ត៌មាន ការពង្រឹងគុណភាពសារព័ត៌មានអោយមានសណ្តាប់ធ្នាប់ល្អ, នេះជាប្រសាសន៍លើកឡើងរបស់ ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន ក្នុងឧិកាសទទួលជួបពិភាក្សាការងារជាមួយ សមាគមសម្ពន្ធ័អ្នកសារព័ត៌មានសកលសន្តិភាព ដឹកនាំដោយ លោក ហ៊ុន មករា ប្រធានសមាគម នៅព្រឹកថ្ងៃទី២៦ ខែធ្នូ ឆ្នាំ២០២៣ នាទីស្តីការក្រសួង ។ ឯកឧត្តម រដ្ឋមន្រ្តីក្រសួងព័ត៌មាន បានចាត់ទុកសមាគមសារព័ត៌មាន គឺជាដៃគូរដ៏សំខាន់មួយដែលត្រូវដើរជាមួយគ្នាធ្វើការពិគ្រោះយោបល់ជាមួយគ្នា ដោយក្រសួងមិនអាចកាត់ផ្តាច់ចេញដោយឡែកពីសមាគមសារព័ត៌មាននោះទេ គឺត្រូវជួបគ្នា ដើម្បីក្តាប់ជាប់គោលបំណងសំខាន់ៗ និងបញ្ហាប្រឈម តម្រូវការ ក្នុងការធ្វើយ៉ាងមិចអោយវិស័យព័ត៌មាន និងសោតទស្សន៍នៅកម្ពុជា បានដើរទៅមុខដោយស្វាហាប់ ។ ឯកឧត្តម នេត្រ ភក្ត្រា បានបញ្ជាក់ថា អ្វីដែល ឯកឧត្តម ចង់ឃើញ គឺវិស័យសារព័ត៌មាននៅកម្ពុជា មិនត្រឹមតែមានភាពរឹងមាំដែលអាចឈររឹងក្នុងក្របខណ្ឌក្រមសីលធម៍វិជ្ជាជីវៈ និងគុណភាពប៉ុណ្ណោះនោះទេ តែក៏ត្រូវលេចធ្លោនៅក្នុងក្របខណ្ឌតំបន់ និងពិភពលោក ព្រោះទិសដៅរបស់ក្រសួងព័ត៌មាន…

សៀមរាប៖នាយឧត្ដមសេនីយ៍ ទៀ សីហា ឧបនាយករដ្ឋមន្ដ្រីរដ្ឋមន្ដ្រី ក្រសួងការពារជាតិ កាលពីព្រឹកថ្ងៃទី២៦ ខែធ្នូ ឆ្នាំ២០២៣ បាន អញ្ជើញជាអធិបតីក្នុងបិទសន្និបាត បូក សរុបលទ្ធផលការងារឆ្នាំ ២០២៣ និងលើកទិសដៅការងារឆ្នាំ២០២៤ របស់រដ្ឋបាល ខេត្ដ សៀមរាប។ក្នុងឱកាសនេះឯកឧត្តមបានផ្តល់នូវអនុសាសន៍មួយ ចំនួន ដល់រដ្ឋបាលខេត្តសម្រាប់អនុវត្តបន្ត ។ នាយឧត្ដមសេនីយ៍ ទៀ សីហា មានប្រសាសន៍ថា នៅឆ្នាំ២០២៤នេះ ជាឆ្នាំទី១នៃការអនុវត្តកម្មវិធីនយោបាយ និងយុទ្ធសាស្ត្របញ្ច កោណ ដំណាក់កាលទី១ របស់រាជរដ្ឋាភិបាលកម្ពុជា ដែលជារបៀបវារៈ នយោបាយ ដ៏សំខាន់សម្រាប់ការអភិវឌ្ឍ ប្រទេសជាតិ ប្រកប ដោយ ទស្សនៈវិស័យច្បាស់លាស់និងវែងឆ្ងាយ និងនាំប្រទេសជាតិឱ្យកាន់តែ មានការអភិវឌ្ឍរីកចម្រើនលើគ្រប់វិស័យបន្តទៀត។ ឯកឧត្តមបន្តថា យុទ្ធសាស្ត្របញ្ចកោណ ដំណាក់កាលទី១ គឺផ្តោត លើការកែទម្រង់ ការពង្រឹងអភិបាលកិច្ច និងការធ្វើទំនើបកម្ម ស្ថាប័ន រដ្ឋឱ្យក្លាយជារដ្ឋបាលសាធារណៈទំនើប ប្រកបដោយ សមត្ថភាពខ្ពស់ ។ ពាក់ព័ន្ធនឹងការចូលរួមទទួលខុសត្រូវរបស់រដ្ឋបាលថ្នាក់ក្រោមជាតិ ឯកឧត្ដមបានផ្តល់ការណែនាំលើកិច្ចការ អាទិភា ពសំខាន់ៗ…

                  បាត់ដំបង៖មានប្រសាសន៍ នៅក្នុងពិធីសម្ពោធដាក់ឱ្យប្រើ ប្រាស់ជា ផ្លូវការអគារសិក្សាមួយខ្នង កម្ពស់បួនជាន់ មាន៣០បន្ទប់ នៃវិទ្យាល័យ ព្រះមុនីវង្ស ក្រុង-ខេត្តបាត់ដំបង និងអញ្ជើញផ្តល់ជូននូវរង្វាន់ សិស្សប្រឡងជាប់សញ្ញាបត្រមធ្យមសិក្សាទុតិយភូមិ ដែល ទទួល បាននិទ្ទេស”A” ចំនួន៧៧នាក់កាលពីថ្ងៃទី២៤ខែធ្នូឆ្នាំ២០២៣សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និង ជា តំណាង រាស្ត្រមណ្ឌលខេត្តបាត់ដំបង បានអំពាវដល់គ្រប់អាជ្ញាធរ មន្ត្រីរាជការ កងកម្លាំង បងប្អូនប្រជាពលរដ្ឋនិងគ្រប់ភាគីពាក់ព័ន្ធទាំង អស់ ត្រូវនាំ គ្នាបន្តចូលរួមគាំទ្រនូវគោលនយោបាយរបស៎រាដ្ឋាភិបាល អាណត្តិទី៧និងត្រូវខិតខំពង្រឹង ដើម្បីថែរក្សានូវសុខសន្តិភាព ស្ថិរភាពនយោបាយ បូរណភាពទឹកដី អធិបតេយ្យជាតិ ការពារព្រះមហាក្សត្រ និងត្រូវបន្ត ក្នុងការលើកកម្ពស់នូវលទ្ធិប្រជាធិបតេយ្យសេរីពហុបក្ស សិទ្ធិសេរីភាព របស់ប្រជាពលរដ្ឋនិងការពង្រឹងនីតិរដ្ឋឱ្យស្របតាម រដ្ឋធម្មនុញ្ញ របស់ប្រទេសកម្ពុជាយើងបានគង់វង្សយូរអង្វែង។  សម្ដេចក្រឡាហោម បានបន្តថា យើង ត្រូវខិតខំ និងបន្ដជំរុញ ក្នុងការ អនុវត្តគោលនយោបាយភូមិ ឃុំ-សង្កាត់ មានសុវត្ថិភាព ដើម្បីលើកកម្ពស់នូវការចូលរួមរបស់បងប្អូនប្រជាពលរដ្ឋនៅក្នុងមូលដ្ឋានផ្ទាល់ ដោយសហការជាមួយអាជ្ញាធរនិងកងកម្លាំងមាន សមត្ថកិច្ច ដែល នៅជិតខ្លួន…

(ភ្នំពេញ)៖ ក្រុមអ្នកជំនាញសេដ្ឋកិច្ចកម្ពុជាមើលឃើញថា ជំនាញលើវិស័យទាំង១០ ដែលមានក្នុងការបណ្តុះបណ្តាល ជំនាញវិជ្ជាជីវៈ និងបច្ចេកទេសចំនួន១,៥ លាន របស់រាជរដ្ឋាភិបាល គឺសុទ្ធសឹងតែជាជំនាញឋិត ក្នុងទីផ្សារការងារខ្ពស់ ហើយជាជំនាញ ដែលឋិតក្នុងចំណាប់អារម្មណ៍យុវជនក្នុងសង្គមកម្ពុជានាពេលបច្ចុប្បន្ន ។ ការលើកឡើងបែបនេះ បន្ទាប់ពីក្រសួងការងារ និងបណ្តុះបណ្តាលវិជ្ជាជីវៈ បានជ្រើសយកវិស័យចំនួន១០ មានដូចជា៖ វិស័យធុរកិច្ចនិងព័ត៌មានវិទ្យា មេការនិចទូទៅ/មេកានិចរថយន្ត បរិក្ខាត្រជាក់ និងកម្តៅ សំណង់ ទេសចរណ៍ សេវកម្ម កសិកម្ម និងកសិឧស្សាហកម្ម អគ្គិសនី និងថាមពល អេឡិចត្រនិច និងកម្មន្តសាល សម្រាប់ដាក់បញ្ចូលជាមុខវិជ្ជា ក្នុងការបណ្តុះបណ្តាលជំនាញវិជ្ជាជីវៈ ១,៥ លាននាក់របស់រាជរដ្ឋាភិបាលអាណត្តិទី៧នេះ ។ លោកបណ្ឌិត ឆេង គឹមឡុង នាយកនៃមជ្ឈមណ្ឌលនវានុវត្តន៍ ផ្នែកអភិបាលកិច្ច និងប្រជាធិបតេយ្យ នៃវិទ្យាស្ថានចក្ខុវិស័យអាស៊ី បានលើកឡើងថា៖ ជំនាញទាំងអស់ខាងលើនេះ គឺឋិតនៅក្នុងចំណោមជំនាញ ដែលមានតម្រូវការទីផ្សារខ្ពស់នៅប្រទេសកម្ពុជាក្នុងរយៈពេលប្រមាណជិត ២០ឆ្នាំមកនេះ ជាពិសេស នាពេលបច្ចុប្បន្ន មានតម្រូវការខាងសំណង់ សម្ភារៈពាណិជ្ជកម្ម និងអាជីវកម្មផ្នែកព័ត៌មានវិទ្យា ផ្នែកឌីជីថល មេកានិចទូទៅ…

(ភ្នំពេញ)៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា កម្ពុជា បានទទួលជួបសំណេះសំណាលជាមួយនិស្សិតជ័យលាភីអាហារូបករណ៍រដ្ឋាភិបាលអូស្រ្តាលីក្រោយឧត្តមសិក្សា(Australia Awards) សម្រាប់ឆ្នាំសិក្សាឆ្នាំ២០២៤ នាព្រឹកថ្ងៃទី២៦ ខែធ្នូ ឆ្នាំ២០២៣ នៅវិមានរដ្ឋសភា ។ សម្តេចប្រធានរដ្ឋសភាបានសម្តែងនូវការអបអរសាទរចំពោះជ័យលាភីទាំងអស់ដែលបានប្រឡងជាប់អាហារូបករណ៍ទៅបន្តការសិក្សាក្នុងគ្រឹះស្ថានសិក្សាល្បីៗនៅប្រទេសអូស្រ្ដាលី ។ ការទទួលបានអាហារូបករណ៍ទៅសិក្សានៅប្រទេសអូស្រ្តាលី ដែលមានស្តង់ដាអប់រំខ្ពស់លំដាប់ទី៣ នៅលើពិភពលោកនេះ មិនត្រឹមតែជាមោទកភាពសម្រាប់ខ្លួននិស្សិតនិងក្រុមគ្រួសារប៉ុណ្ណោះទេ តែជាមោទកភាពសម្រាប់សង្គមជាតិទំាងមូល ។ សម្តេចរដ្ឋសភាធិបតី បានចាត់ទុកថានិស្សិតដែលទទួលបានអាហារូបករណ៍នាពេលនេះ ជាធនធានមនុស្សដ៏សំខាន់ក្នុងការចូលរួមអភិវឌ្ឍន៏ប្រទេសជាតិ ស្របតាមយុទ្ធសាស្រ្តបញ្ចកោណរបស់រាជរដ្ឋាភិបាល ដែលបានផ្តល់អាទិភាពក្នុងការកសាងមូលធនមនុស្សជាស្នូលដ៏សំខាន់ ។ ជាងនេះទៀត សម្តេចរដ្ឋសភាធិបតី បានលើកឡើងថា ក្មួយៗនិស្សិតទំាងអស់ ជាតំណាងឱ្យជាតិខ្មែរទំាងមូល ដើរតួនាទីជាអ្នកការទូត ចូលរួមចំណែកផ្សាភ្ជាប់ទំនាក់ទំនងរវាងប្រជាជន បង្កើនមិត្តភាពជាមួយប្រទេសដទៃ ក៏ដូចជាលើកកម្ពស់កិត្យានុភាពជាតិនៅលើឆាកអន្តរជាតិ ។ សម្តេចរដ្ឋសភាធិបតី ឃួន សុដារី បានសង្កត់ធ្ងន់ថា ក្មួយៗនិស្សិតដែលនឹងត្រូវចេញទៅសិក្សានៅប្រទេសអូស្រ្តាលីនាពេលនេះ បានត្រៀមលក្ខណៈចាកចេញទៅសិក្សាដោយមោទកភាពដោយសារប្រទេសជាតិមានសុខសន្តិភាពពេញលេញ។ សម្តេចបានរម្លឹក កាលពីអតីតកាល ពិសេសក្នុងសម័យសម្តេចនៅជាយុវជន សម្តេចក៏បានជាប់អាហារូបករណ៍ទៅសិក្សានៅប្រទេសអូស្រ្តាលីដែរ ប៉ុន្តែដោយសារភ្លើងសង្រ្គាមសម្តេចពុំបានចេញទៅសិក្សានៅប្រទេសអូស្រ្តាលី ក្នុងអំឡុងឆ្នាំ១៩៧៥នោះទេ។ ផ្ទុយទៅវិញ សម្តេចក៏ដូចជាប្រជាពលរដ្ឋដទៃក្នុងរបប ប៉ុល ពត ដែលត្រូវជាប់ឃុំក្នុងរបបនោះ…