ព្រៃវែង៖ ឯកឧត្តម សន្តិបណ្ឌិតចាន់ អ៑ាន រដ្ឋលេខាធិការក្រសួងមហាផ្ទៃ បានថ្លែងជំរុញដល់កងកម្លាំងមានសមត្ថកិច្ចទាំងអស់ត្រូវខិតខំយកចិត្តទុកដាក់អនុវត្ត បង្ក្រាបបទល្មើសផ្សេងៗជាពិសេសគ្រឿងញៀនដែលធ្វើឲ្យមានអសន្តិសុខសណ្តាប់ធ្នាប់សង្គម ។ ការថ្លែងរបស់ ឯកឧត្តមសន្តិបណ្ឌិតចាន់ អ៑ាន បានធ្វើឡើងនៅក្នុងកិច្ចប្រជុំជំរុញការអនុវត្តគោលនយោបាយភូមិ ឃុំ សង្កាត់ មានសុវត្តិភាព ក្នុងខេត្តព្រៃវែង ដែលមានការចូលរួមពីលោក សួន សុម៉ាលីន អភិបាលខេត្តព្រៃវែង និងមន្ត្រីពាក់ព័ន្ធជាច្រើនទៀត នាព្រឹកថ្ងៃទី២៤ ខែធ្នូ ឆ្នាំ២០២៣ ។ ឯកឧត្តម សួន សុម៉ាលីន អភិបាលខេត្ត បានថ្លែងថា ក្រោមការដឹកនាំប្រកបដោយការទទួលខុសត្រូវខ្ពស់របស់ក្រសួងមហាផ្ទៃ បានសម្រេចនូវសមិទ្ធផល និងស្នាដៃជាច្រើន ទាំងក្នុងក្របខ័ណ្ឌនៃការរៀបចំគោលនយោបាយ និងការដាក់ចេញគោលការណ៍ប្រតិបត្តិ អនុលោមតាមផែនការយុទ្ធសាស្ត្រ និងកម្មវិធីនយោបាយរបស់រាជរដ្ឋាភិបាល នៅក្នុងបេសកកម្មថែរក្សាសន្តិសុខសណ្តាប់ធ្នាប់សាធារណៈ និងសុវត្ថិភាពជូនប្រជាពលរដ្ឋ និងសង្គមជាតិ។ ឯលឧត្តមអភិបាលខេត្ត បន្តថា ជាក់ស្តែងនៅក្នុងឆ្នាំ២០២៣នេះ គណៈបញ្ជាការឯកភាពរដ្ឋបាលខេត្តព្រៃវែង បានយកចិត្តទុកដាក់ អនុវត្តគោលនយោបាយភូមិ ឃុំ សង្កាត់ មានសុវត្ថិភាព ទទួលបានលទ្ធផលរួមមានដូចខាងក្រោម៖ បទល្មើសព្រហ្មទណ្ឌ៖ កើតឡើងចំនួន ២៧៤លើក លើ ៥៦លើក…

ខេត្តព្រៃវែង៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នាថ្ងៃទី២៣ ខែធ្នូ ឆ្នាំ២០២៣ បានជម្រាបជូនប្រជាពលរដ្ឋ និងមន្រ្តីពាក់ព័ន្ធ ក្នុងពិធីចុះពិនិត្យ និងព្យាបាលជំងឺ ដោយឥតគិតថ្លៃរបស់ក្រុមគ្រូពេទ្យស្ម័គ្រចិត្ត ស សុខា នៅស្រុកកំចាយមារ ខេត្តព្រៃវែង ថាក្រុមការងាររាជរដ្ឋាភិបាលចុះមូលដ្ឋានក្រុង ស្រុក នៃខេត្តព្រៃវែង នឹងយកចិត្តទុកដាក់លើកិច្ចការសំខាន់ ចំនួន៣ ដើម្បីសហការរួមចំណែកគាំទ្ររដ្ឋបាលក្រុង ស្រុក ក៏ដូចជារដ្ឋបាលខេត្តទាំងមូល ឱ្យកាន់តែមានសមត្ថភាព និងលទ្ធភាព ក្នុងការបំពេញភារកិច្ចឆ្លើយតបទៅនឹងសេចក្ដីត្រូវការចំបាច់ក្នុងមូលដ្ឋាន ជាពិសេសផ្ដល់ភាពកក់ក្ដៅជូនប្រជាពលរដ្ឋ។ ក្នុងនាមប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង ឯកឧត្តមអភិសន្តិបណ្ឌិតឧបនាយករដ្ឋមន្រ្តី បានគូសបញ្ជាក់ថា កិច្ចការសំខាន់ទាំង៣ ដែលក្រុមការងាររាជរដ្ឋាភិបាលចុះមូលដ្ឋានក្រុង ស្រុក ដឹកនាំដោយប្រធានក្រុមការងារនីមួយៗត្រូវយកចិត្តទុកដាក់នោះ រួមមាន ទីមួយ-ការចុះត្រួតពិនិត្យ និងតាមដានវឌ្ឍនភាពការងាររបស់ក្រុមការងារតាមក្រុង ស្រុកដែលទទួលបន្ទុក និងធ្វើរបាយការណ៍ជូនប្រធានក្រុមការងារខេត្ត, ទីពីរ-បន្តជួយប្រជាពលរដ្ឋទៅតាមលទ្ធភាព និងទីបី-រកដំណោះស្រាយរាល់សំណើរ សំណូមពររបស់ប្រជាពលរដ្ឋ និងធ្វើរបាយការណ៍ស្នើសុំការគាំទ្របន្ថែមពីថ្នាក់លើ ប្រសិនបើលើសពីសមត្ថភាព និងលទ្ធភាព ។ ឯកឧត្តមអភិសន្តិបណ្ឌិត បានចាត់ទុកកិច្ចការទាំង៣នេះថា ជាគោលដៅធំបំផុត នៃការបង្កើតក្រុមការងាររាជរដ្ឋាភិបាលចុះមូលដ្ឋាន និងជាផែនការសម្រាប់នីតិកាលទី៧ នៃគោលដៅធំៗរបស់រាជរដ្ឋាភិបាល…

ភ្នំពេញ៖ ប្រធានរាជបណ្ឌិត្យសភាកម្ពុជាបណ្ឌិត សុខ ទូច បានលើកឡើងថា តាមរយៈនៃគំនិតផ្ដួចផ្ដើមសាមគ្គីភាពអាស៊ាន-កូរ៉េ (KASI)នឹងក្លាយជាឧបករណ៍មួយដ៏សំខាន់ក្នុងការសម្របសម្រួល និងជាចលករក្នុងការរឹតចំណងទំនាក់ទំនងរវាងអាស៊ាន និងសាធារណរដ្ឋកូរ៉េ ឱ្យកាន់តែរឹងមាំ ​​ហើយ​ទំនាក់ទំនងរវាងកម្ពុជា-កូរ៉េ នឹងកាន់តែជិតស្និទ។ លោកបានលើកឡើងបែបនេះ ​ក្នុងពិធីបើកសន្និសីទអន្តរជាតិប្រចាំឆ្នាំលើកទី១៨ ស្តីពី «គំនិតផ្ដួចផ្ដើមសាមគ្គីភាពកូរ៉េ-អាស៊ាន៖ ការស្តារឡើងវិញនូវការតភ្ជាប់សេដ្ឋកិច្ច-សង្គម» ដែលរៀបចំដោយរាជប​ណ្ឌិត្យសភាកម្ពុជានៅរាជធានីភ្នំពេញ កាលពីចុងសប្ដាហ៍កន្លងទៅនេះ។ សន្និសីទនេះមានការចូលរួមដោយផ្ទាល់ពី ឯកឧត្តម ផាក ជុងវុក ឯកអគ្គរដ្ឋទូតនៃសាធារណរដ្ឋកូរ៉េប្រចាំកម្ពុជា, លោក ផាក អ៊ីនគុក (Park In-Kook) ប្រធានវិទ្យាស្ថានជ័យសម្រាប់ការសិក្សាជាន់ខ្ពស់នៃសាធារ ណរដ្ឋកូរ៉េ, លោក ខែក វីរៈ នាយកមជ្ឈមណ្ឌលស្រាវជ្រាវអាស៊ីនៃរាជបណ្ឌិត្យសភាកម្ពុជា​ ព្រមទាំងវាគ្មិនជាតិ-អន្តរជាតិ និងសិស្សនិស្សិតជាច្រើនរូបផងដែរ។ បណ្ឌិត សុខ ទូច បានថ្លែងថា ប្រធានបទក្នុងសន្និសីទអន្តរជាតិនេះ ពិតជាមានសារៈសំខាន់ និងមានលក្ខណៈបច្ចុប្បន្នភាព ដែលឆ្លុះបញ្ចាំងពីស្ថានភាពជាក់ស្ដែងនៃទំនាក់ទំនងរវាងអាស៊ាន និងសាធារណរដ្ឋកូរ៉េ។   លោកបន្តថា បច្ចុប្បន្ននេះ កិច្ចព្រមព្រៀងពាណិជ្ជកម្មសេរីកូរ៉េ-អាស៊ាន (KAFTA) បានជួយបង្កើនកម្រិតពាណិជ្ជកម្ម និងវិនិយោគរវាងភាគីទាំងពីរ ហើយបើផ្អែកតាមទិន្នន័យបឋមរបស់អាស៊ាន ពាណិជ្ជកម្មទ្វេភាគីរវាងអាស៊ាន…

ភ្នំពេញ៖ ការពង្រឹងស្ថាប័នរដ្ឋគឺជាកិច្ចការសំខាន់ដូចជាការជ្រើសមន្រ្ដីថ្មីនិងការកែសម្រួលរចនាសម្ព័ន្ធផ្ទៃក្នុងរបស់ក្រសួងស្ថាប័នជាដើម ។ នេះជាការបញ្ជាក់របស់ សម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជា ណាចក្រកម្ពុជាក្នុងឱកាស អញ្ជើញជាអធិបតីក្នុង ពិធី បិទ សន្និបាតបូកសរុបលទ្ធផលការងារពាណិជ្ជកម្ម ឆ្នាំ២០២៣ និងទិសដៅពាណិជ្ជកម្មឆ្នាំ២០២៤ នៅ ក្រសួងពាណិជ្ជកម្ម នារសៀលថ្ងៃទី២២ ខែធ្នូ ឆ្នាំ ២០២៣ ។ សម្តេចធិបតី បានបន្តថា ទាក់ទងទៅនឹងគោលដៅ អាទិភាព និងវិធានការគន្លឹះរបស់រាជរដ្ឋាភិបាល ក្នុង អាណត្តិទី៧នេះ ការពង្រឹងស្ថាប័នរដ្ឋ គឺជាកិច្ចការ សំខាន់ ដូចជា ការជ្រើសរើសមន្រ្ដីថ្មី និងការកែសម្រួល រចនាសម្ព័ន្ធផ្ទៃក្នុងរបស់ក្រសួង ស្ថាប័នជាដើម ។សម្ដេចបានបញ្ជាក់ថា ការពង្រឹងស្ថាប័ន តួនាទី ភារកិច្ច ជាពិសេស ហេដ្ឋារចនាសម្ព័ន្ធផ្ទៃក្នុងនេះ គឺជាកិច្ចការ សំខាន់ ដើម្បីធានាដល់ការដឹកនាំ និងអនុវត្តការងារ ដែល រាជរដ្ឋាភិបាលបានដាក់ចេញឱ្យសម្រេច បាន តាមគោលដៅ និងផែនការដែលបានកំណត់ និងដាក់ ចេញ…

ភ្នំពេញ៖ ឯកឧត្តម រដ្ឋមន្រ្តី ហ៊ុន ម៉ានី រដ្ឋមន្រ្តីក្រសួង មុខងារ សាធារណៈ បានមានប្រសាសន៍ថាក្នុង ឱកាស ខួប៤ខែនៃ រាជរដ្ឋាភិបាលអាណត្តិទី៧ ក្រោមការដឹកនាំ របស់សម្តេចមហាបវរធិបតី ហ៊ុន ម៉ាណែត ហើយការ ជ្រើស រើសនៃការប្រឡង មន្រ្តីកសិកម្មឃុំ២៥០នាក់ នេះក៏ជាការរៀបចំនៃការជ្រើសរើសទៅតាមអ្វីដែលជាវិធានការដូចគ្នាដែរ។ ឯកឧត្តមរដ្ឋមន្រ្តីបន្ថែមថា ការប្រឡងនេះបានរៀបចំ ជា៣ ដំណាក់កាលហើយលទ្ធផលនៃការប្រឡង ប្រជែង ជ្រើសរើស មន្រ្តីកសិកម្មឃុំ គឺមានភាពសុក្រឹតគ្រប់ ដំណាក់ កាលទាំងអស់ ។ទាំងការតាក់តែងវិញ្ញាសា ការប្រឡង ការកែនិងការបូក ស្រង់ពិន្ទុ ។ពោល គឺ បេក្ខជនដែលជាប់ជាស្ថាពរ គឺមានសមត្ថភាពពិត ប្រាកដ ជាប់ដោយមោទនភាព។ចំណែក ធ្លាក់ដោយ អស់ចិត្ត។ ឯកឧត្តម ហ៊ុន ម៉ានី រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មការរៀបចំប្រឡងបានបញ្ជាក់បែបនេះ ក្នុងសន្និសីទសារព័ត៌មាន ស្តីពីការបញ្ចប់ដំណើរ ការប្រឡង និងកំណែវិញ្ញាសានៃការប្រឡងប្រជែង ជ្រើសរើសមន្រ្តីកសិកម្មឃុំ ឆ្នាំ២០២៣ នាថ្ងៃទី២២…