(សៀមរាប)៖ រដ្ឋបាលខេត្តសៀមរាប សហការជាមួយ GIZ និង Siem Reap Tourism Club-STC បានរៀបចំសិក្ខាសាលាស្តីពី “គ្មានការប្រើប្រាស់ផ្លាស្ទិកតាមលំនាំដើម” នៅសណ្ឋាគារ មីរ៉ាខល អង្គរ រីសត និងស្បា នាព្រឹកថ្ងៃទី០៧ ខែវិច្ឆិកា ឆ្នាំ ២០២៣នេះ។ ក្នុងខេត្តសៀមរាប គឺជាគោលដៅទេសចរណ៍ដ៏ពេញនិយមមួយក្នុងប្រទេសកម្ពុជា ដែលមានតំបន់ទេសចរណ៍សំខាន់ចំនួន ៣ រួមមាន ឧទ្យាន បុរាណវិទ្យា និងអង្គរ តំបន់ទេសចរណ៍ធម្មជាតិ និងកណ្តាលទីក្រុង ។ លោក យុន លីនណេ អភិបាលរងខេត្តសៀមរាប បានថ្លែងបែបនេះ នៅក្នុងអង្គសិក្ខាសាលាស្តីពី “គ្មានការប្រើប្រាស់ផ្លាស្ទិកតាមលំនាំដើម” បើទោះជាយ៉ាងណាក៏ដោយ ជាមួយនឹងការកើនឡើងនៃចំនួនប្រជាជន និងការកើនឡើងនៃសកម្មភាពទេសចរណ៍ ការគ្រប់គ្រងសំណល់ឱ្យបានត្រឹមត្រូវបានក្លាយជាកត្តាសំខាន់ក្នុងការថែរក្សាអនាម័យទីក្រុង ការពារបរិស្ថាន និងធានាបាននូវសុខុមាលភាពរបស់អ្នករស់នៅ និងភ្ញៀវទេសចរណ៍ផងដែរ ។ លោក បានបន្តថា ដូច្នេះ មានតែយើងគ្រប់គ្នាចូលរួមទប់ស្កាត់ និងពន្យល់ដល់បងប្អូនប្រជាពលរដ្ឋឲ្យពួកគាត់ចូលរួមដោយគ្មានការប្រើប្រាស់ផ្លាស្ទិកសម្រាប់វិចខ្ចប់ម្ហូបអាហារនិងវត្ថុផ្សេងៗទៀតជាចាំបាច់ ជាពិសេស ម្ចាស់សហគ្រាសតូចធំ ម្ចាស់ភោជនីយដ្ឋាន អាហារដ្ឋាន…

(ភ្នំពេញ)៖ លោកស្រី អាន ម៉ារី ស្កេលតុន (Ann Marie SKELTON) ប្រធានគណៈកម្មាធិការសិទ្ធិកុមារ របស់អង្គការសហប្រជាជាតិ (UNCRC) បានថ្លែងការកោតសរសើរ និង វាយតម្លៃខ្ពស់អំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការអនុវត្តអនុសាសន៍របស់គណៈកម្មាធិការសិទ្ធិកុមារ ពិសេសពីសំណាក់ក្រសួង-ស្ថាប័នពាក់ព័ន្ធ និងអគ្គលេខាធិការដ្ឋានក្រុមប្រឹក្សាជាតិដើម្បីកុមារ។ ការថ្លែងរបស់លោកស្រី អាន ម៉ារី ស្កេលតុន បែបនេះត្រូវបានធ្វើឡើងក្នុងជំនួបជាមួយ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាជាតិដើម្បីកុមារ នៅសណ្ឋាគារ Raffles Hotel, Le Royal កាលពីថ្ងៃទី៧ ខែវិច្ឆិកា ឆ្នាំ២០២៣ ដើម្បីពិភាក្សា និងសិក្សាស្វែងយល់អំពីវឌ្ឍនភាព និងបញ្ហាប្រឈមនៃការអនុវត្តអនុសាសន៍របស់ គណៈកម្មាធិការសិទ្ធិកុមារនៃអង្គការសហប្រជាជាតិ ។ នៅក្នុងជំនួបនោះ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាជាតិដើម្បីកុមារ បានលើកឡើងថា ក្រសួងនឹងបន្តខិតខំប្រឹងប្រែងបន្ថែមទៀតក្នុងអនុវត្តអនុសាសន៍ និងបន្តកិច្ចសហប្រតិបត្តិការល្អជាមួយយូនីសេហ្វ។ ឯកឧត្តមរដ្ឋមន្ត្រី ក៏បានបន្ថែមទៀតថា បច្ចុប្បន្ននេះ…

(ភ្នំពេញ)៖ អ្នកវិភាគសង្គម លោកបណ្ឌិត យង់ ពៅ បានលើកឡើងថា ការចាប់ផ្តើមយុទ្ធនាការប្រឡងប្រណាំង “សហគ្រាសមួយ ជាសហគមន៍សុខសាន្តមួយ” ចាប់ពីឆ្នាំ២០២៤ គឺជារឿងល្អដែលអាចឲ្យយើងធ្វើបណ្តើកែលម្អ បណ្តើ ដើម្បីទទួលបាននូវ ភាព សុខដុមនីយកម្ម នៃទំនាក់ទំនងវិជ្ជាជីវៈសម្រាប់ទាំងភាគីនិយោជក និងភាគីនិយោជិត ។ លោកបណ្ឌិត យង់ ពៅ យល់ឃើញថា ការបណ្តុះបណ្តាលជំនាញបន្ថែមដល់កម្មករនិយោជិតឲ្យចំទៅ នឹងការងា រដែលពួកគេ កំពុង ធ្វើ ស្រាប់ គឺជារឿងចាំបាច់ដែលវាជាផ្នែកមួយនៃការធ្វើ ឲ្យប្រសើរឡើង នូវលក្ខខណ្ឌការងារ និ ង ទំនាក់ ទំនង វិជ្ជា ជីវៈ។ លោកពន្យល់ថា ការបណ្តុះបណ្តាលជំនាញបន្ថែមឲ្យចំដល់កម្មករនិយោជិតនេះ មិន សំដៅ តែ សម្រាប់វិស័យ កាត់ដេរ ទេ ប៉ុន្តែសម្រាប់រោងចក្រសហគ្រាសគ្រប់វិស័យ ។ ប្រធានសម្ព័ន្ធសហជីពជាតិ លោក ហ្វា សាលី លើកឡើងនៅក្នុងកិច្ចសម្ភាសន៍ ជាមួយអ្នកសារព័ត៌មាន នាពេល ថ្មីនេះដែរ…

(ភ្នំពេញ)៖ ក្នុងគោលបំណង ដើម្បីផ្សព្វផ្សាយឱកាសការងារដ៏សម្បូរបែបដល់មូលដ្ឋាន ក្រសួងការងារនិងបណ្តុះបណ្តាលវិជ្ជាជីវៈបង្កើតមជ្ឈមណ្ឌលការងារចល័តមួយ ក្នុងនោះសិស្សនិស្សិត និងសាធារណជនបានអបអរសារទរនិងបានលើកឡើងថាការផ្សព្វផ្សាយឱកាសការងារដល់មូលដ្ឋាននេះគឺមានភាពងាយស្រួល ឆាប់រហ័ស និងទទួលបានការប្រឹក្សាយោបល់ពីការស្វែងរកការងារធ្វើដោយផ្ទាល់ ។ ក្រៅពីការរៀបចំវេទិកាការងារ និង ពិព័រណ៍ការងារ ទីភ្នាក់ងារជាតិមុខរបរ និងការងារ (NEA)នៃក្រសួងការងារ និងបណ្តុះបណ្តាលវិជ្ជាជីវៈបាមប្រមូលនិងផ្សព្វផ្សាយព័ត៌មានជ្រើសរើសកម្លាំងពលកម្មតាមរយៈមធ្យោបាយជាច្រើន ដូចជាតាមរយៈគេហទំព័រ ហ្វេសប៊ុកផេក និងបណ្តាញសង្គមផ្សេងៗ ក្នុងនោះក៏មានការផ្សព្វផ្សាយទៅដល់មូលដ្ឋានផ្ទាល់តាមរយៈរថយន្តចល័តផងដែរ ។ រថយន្តចល័តរបស់ NEA បានចេញដំណើរជារៀងរាល់ថ្ងៃទៅតាមទីតាំងមូលដ្ឋាននានាដោយសហការជាមួយសហភាពសហព័ន្ឋយុវជនកម្ពុជា( ស.ស.យ.ក.) ដើម្បីចុះទៅផ្សព្វផ្សាយព័ត៌មានពីឱកាសការងារក្នុងស្រុកយ៉ាងសម្បូរបែបនិងចុះឈ្មោះប្រជាពលរដ្ឋដែលកំពុងស្វែងរកការងារធ្វើ ។ និស្សិតមួយរូប ឈ្មោះ អ៊ុត ជីណា ជានិស្សិតឆ្នាំទី ១ នៃវិទ្យាស្ថានជាតិពាណិជ្ជសាស្រ្ត យល់ឃើញថាការចុះផ្សព្វផ្សាយផ្ទាល់ពីNEA មានភាពងាយស្រួលក្នុងការទទួលបានព័ត៌មានទីផ្សារការងារព្រោះ NEA បាននាំមកនូវដំណឹងឱកាសការងារក្រុមហ៊ុនផ្សេងៗ ដែលនិស្សិតរូបមិនដឹងព្រមទាំងទទួលបានបទពិសោធន៍ក្នុងការរៀបចំប្រវត្តិរូបសង្ខេបCV និងការត្រៀមខ្លួនចាប់យកឱកាសការងារនាពលេអនាគត។ និស្សិតរូបនេះនិយាយថា៖ « ខ្ញុំសប្បាយរីករាយ និងអរគុណដល់ក្រុមការងារ NEA ដែលបានចុះផ្សព្វផ្សាយដោយផ្ទាល់នៅសាលា ធ្វើឲ្យពួកខ្ញុំជានិស្សិតទទួលព័ត៌មានទីផ្សារការងារ និងរបៀបត្រៀមខ្លួនដើម្បីទទួលបានការងារ»។ ចំណែកឯនិស្សិតម្នាក់ទៀតឈ្មោះ ផាន់ សុខសីរ៉ានុត ជានិស្សិតឆ្នាំទី១ ជំនាញផ្នែកធនាគារ និងហិរញ្ញវត្ថុនៃវិទ្យាស្ថានជាតិពាណិជ្ជសាស្រ្តក៏បានលើកឡើងផងដែរ កន្លងមកនិស្សិតរូបនេះស្រាវជ្រាវព័ត៌មានទីផ្សារការងារតាមរយៈផេក…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំគណៈកម្មាធិការជាតិជំរុញការអនុវត្តវិធានការគន្លឹះ ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាល នីតិកាលទី៧ នៃរដ្ឋសភា នៅវិមានសន្តិភាព នាព្រឹកថ្ងៃទី០៨ ខែវិច្ឆិកា ឆ្នាំ២០២៣ ។ សូមរំលឹកថា យោងតាមសេចក្តីប្រកាសព័ត៌មាន ស្តីពីលទ្ធផលកិច្ចប្រជុំពេញអង្គគណ:រដ្ឋមន្ត្រី នៅថ្ងៃទី២០ ខែកញ្ញា ឆ្នាំ២០២៣ រាជរដ្ឋាភិបាល សម្រេចឯកភាពកែសម្រួលសមាសភាព គណៈកម្មាធិការកែទម្រង់រដ្ឋបាលសាធារណៈ (គ.ក.ស.) ដើម្បីឱ្យសមស្របជាមួយបរិបទថ្មី នៃការងារកែទម្រង់រដ្ឋបាលសាធារណៈ ។ សេចក្តីប្រកាសព័ត៌មាន បានឲ្យដឹងថា ដើម្បីជំរុញការងារកែទម្រង់រដ្ឋបាលសាធារណៈឱ្យកាន់តែមានប្រសិទ្ធភាពខ្ពស់ សេចក្តីព្រាង ព្រះរាជក្រឹត្យថ្មីស្ដីពីការរៀបចំនិងការប្រព្រឹត្តទៅនៃគណៈកម្មាធិការកែទម្រង់រដ្ឋបាលសាធារណៈ (គ.ក.ស.) ត្រូវបានរៀបចំឡើងដោយមានការកែសម្រួលខ្លឹមសារមួយចំនួន ពីព្រះរាជក្រឹត្យចាស់ ដើម្បីឱ្យសមស្របជាមួយបរិបទថ្មី នៃការងារកែទម្រង់រដ្ឋបាលសាធារណៈ ។ ចំណុចសំខាន់ៗ ដែលបានកែសម្រួលគឺសមាសភាពរបស់ គ.ក.ស. ដោយមានបន្ថែមប្រធាន អនុគណៈកម្មាធិការទាំង៤ នៃ គ.ក.ស. និងតំណាងនៃគណៈអភិបាលរាជធានី ខេត្តទាំង២៥ ជាសមាជិក ព្រមទាំងកែសម្រួលអនុគណៈកម្មាធិការទាំង៤ នៃ គ.ក.ស. ដែលមានក្នុងព្រះរាជក្រឹត្យចាស់ ឱ្យសមស្របតាមប្រភេទនិងទំហំការងារ ដែលគណៈកម្មាធិការកែទម្រង់រដ្ឋបាលសាធារណៈ…