(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ កម្ពុជា បានអញ្ជើញទទួលជួបសម្តែងការគួរសម និងពិភាក្សាការងារជាមួយ ឯកឧត្តម ដូមីនិក វីល្លៀម (Dominic Williams) ឯកអគ្គរាជទូត នៃចក្រភពអង់គ្លេស ប្រចាំព្រះរាជាណាចក្រកម្ពុជា នៅវិមានសន្តិភាព រាជធានីភ្នំពេញ នាព្រឹកថ្ងៃពុធ ទី៤ ខែតុលា ឆ្នាំ២០២៣ ។ សូមរំលឹកថា កម្ពុជា និងចក្រភពអង់គ្លេស បានបង្កើតទំនាក់ទំនងការទូតនៅឆ្នាំ១៩៥៣ បន្ទាប់ពីកម្ពុជា បានឯករាជ្យពីប្រទេសបារាំង។ ចក្រភពអង់គ្លេស ជាប្រទេសដំបូងគេ ដែលថ្កោលទោសកំណត់ត្រាសិទ្ធិមនុស្សនៅកម្ពុជា ក្នុងឆ្នាំ ១៩៧៨ ក្រោមរបប កម្ពុជា ប្រជាធិបតេយ្យ ។ ដោយឡែកក្នុងជំនួបរវាងអតីតរដ្ឋមន្ត្រីការបរទេសកម្ពុជា ឯកឧត្តម ប្រាក់ សុខុន និងឯកឧត្តម Dominic Williams ឯកអគ្គរាជទូតអង់គ្លេស កាលពីថ្ងៃទី១២មករា ឆ្នាំ២០២៣ កម្ពុជា-អង់គ្លេស បានដាក់ក្តីសង្ឃឹមខ្ពស់ថា ការចរចាពាណិជ្ជកម្មរវាងគ្នា នឹងអាចបញ្ចប់ក្នុងពេលឆាប់ៗ ដើម្បីជំរុញការធ្វើពាណិជ្ជកម្មរវាងប្រទេសទាំងពីរ ជាបន្តទៀត…

លទ្ធផលបណ្តោះអាសន្នថ្ងៃទីពីរ នៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៣ត្រូវនឹងថ្ងៃទី២ ខែតុលា ឆ្នាំ២០២៣ នៅទូទាំងប្រទេស មានដូចខាងក្រោម៖ ប្រជាពលរដ្ឋចុះឈ្មោះបោះឆ្នោតថ្មី មានចំនួន ៧.៨៨៨ នាក់អ្នកដែលនឹងត្រូវលុបឈ្មោះចេញពីបញ្ជីបោះឆ្នោត មានចំនួន ១១.៥៥៦ នាក់អ្នកដែលបានស្នើសុំកែតម្រូវទិន្នន័យ មានចំនួន ៦៩៦ នាក់ អ្នកដែលបានផ្ទេរទីលំនៅចូលក្នុងឃុំ សង្កាត់ថ្មី មានចំនួន ១.៧៧៩ នាក់។ លទ្ធផលសរុបរយៈពេល ២ថ្ងៃនៃការពិនិត្យបញ្ជីឈ្មោះ និងការចុះឈ្មោះបោះឆ្នោត៖ប្រជាពលរដ្ឋចុះឈ្មោះបោះឆ្នោតថ្មី មានចំនួន ១៧.៩២៩ នាក់ អ្នកដែលនឹងត្រូវលុបឈ្មោះចេញពីបញ្ជីបោះឆ្នោត មានចំនួន ១៩.៣៥៣ នាក់អ្នកដែលបានស្នើសុំកែតម្រូវទិន្នន័យ មានចំនួន ១.៣៦៧ នាក់អ្នកដែលបានផ្ទេរទីលំនៅចូលក្នុងឃុំ សង្កាត់ថ្មី មានចំនួន ៣.៧៨៥ នាក់។ ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៣ តាមឃុំ សង្កាត់ ប្រព្រឹត្តទៅ ចាប់ពីថ្ងៃទី១ ដល់ថ្ងៃទី១៩ ខែតុលា ឆ្នាំ២០២៣ គិតទាំងថ្ងៃសៅរ៍ និងថ្ងៃអាទិត្យ។ ដូចនេះ សូមអញ្ជើញ៖ប្រជាពលរដ្ឋទៅពិនិត្យមើលឈ្មោះក្នុងបញ្ជីបោះឆ្នោតចុងក្រោយនៅតាមឃុំ សង្កាត់…

(ភ្នំពេញ)៖ ក្នុងឱកាសសំណេះសំណាលជាមួយកម្មករ និយោជិតរោងចក្រ សហគ្រាស ចំនួន ១៨ ០៩៩នាក់ មកពីរោងចក្រ សហគ្រាសចំនួន២២ ដែលមានមូលដ្ឋាននៅក្នុងខណ្ឌមានជ័យ និងខណ្ឌដង្កោ រាជធានីភ្នំពេញ នាព្រឹកថ្ងៃទី៣ តុលា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ចំអកទៅអ្នកនយោបាយជើងចាស់ម្នាក់ថា មិនចេះខ្មាស់ក្មេង ដែលនិយាយឡើងតែពីវប្បធម៌សន្ទនា ប៉ុន្ដែអ្នកនយោបាយរូបនោះ តែងតែជេរ និងមួលបង្កាច់សម្ដេច និងសម្ដេចតេជោ ដែលមិនបានបង្ហាញពីឆន្ទៈក្នុងការសន្ទនាពិតប្រាកដនោះទេ ។ សម្តេចនាយករដ្ឋមន្រ្តី បានចោទសួរទៅក្រុមប្រឆាំង ដែលទាមទារឱ្យមានការសន្ទនាថា តើឱ្យប្រើវប្បធម៌សន្ទនាបែបណា បើជេរសម្តេចរហូតបែបនេះ? សម្តេច ថា អំឡុងសម្តេចទៅចូលរួមកិច្ចប្រជុំអង្គការសហប្រជាជាតិ មានក្រុមប្រឆាំងជ្រុលនិយម បានលើកគ្នាធ្វើបាតុកម្ម ជេរប្រមាថសម្តេច ប៉ុន្តែក្រោយពីពួកគេជេរចប់ ពួកគេស្នើឱ្យមានវប្បធម៌សន្ទនាមួយ ។ សម្តេចធិបតី បានបញ្ជាក់ថា៖ ឥឡូវសន្ទនាយ៉ាងម៉េច បើជេររហូត ដាក់បណ្តាសារខ្ញុំរហូត «ហ៊ុន ម៉ាណែត មិនព្រមសន្ទនា យើងខ្មែរដូចគ្នា» ប៉ុន្តែនិយាយបានតែប៉ុន្មានម៉ាត់ មិនបានមួយនាទីផង ក៏ជេរខ្ញុំរាប់ម៉ោង»។សម្តេច…

(ភ្នំពេញ)៖ មានការងារសំខាន់ចំនួន៣ ដែលសម្ដេចធិបតី ហ៊ុន ម៉ាណែត បានគិតគូរក្នុងពេលបង្កើតរាជរដ្ឋាភិបាល អាណត្តិទី៧ ដើម្បីសម្រួលដល់ជីវភាពប្រជាពលរដ្ឋជាប្រចាំ ។ នេះជាការបញ្ជាក់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ កម្ពុជា ក្នុងឱកាសសំណេះសំណាលជាមួយកម្មករ និយោជិតរោងចក្រ សហគ្រាស ចំនួន ១៨ ០៩៩នាក់ មកពីរោងចក្រ សហគ្រាសចំនួន២២ ដែលមានមូលដ្ឋាននៅក្នុង ខណ្ឌមានជ័យ និងខណ្ឌដង្កោ រាជធានីភ្នំពេញ នាព្រឹកថ្ងៃទី៣ តុលា ឆ្នាំ២០២៣ ។ សម្ដេចធិបតី បានមានប្រសាសន៍ថា ក្នុងពេលបង្កើតរាជរដ្ឋាភិបាល អាណត្តិទី៧នេះ ការងារសំខាន់ចំនួន៣ ដែលសម្ដេច តែងតែគិតគូរដល់ជីវភាពប្រជាពលរដ្ឋជាប្រចាំ គឺ ទី១-គិតគូរពីអ្វីខ្លះដែលប្រជាពលរដ្ឋបានទទួលហើយ នឹងត្រូវបន្តផ្ដល់ឱ្យដល់ប្រជាពលរដ្ឋបន្ថែមទៀត, ទី២-បង្កើតអ្វីបន្ថែមទៀតសម្រាប់ប្រជាពលរដ្ឋ និងទី៣-ក្រៅពីថវិកា តើរាជរដ្ឋាភិបាលមានអ្វីខ្លះទៀត ដែលអាចជួយសម្រួលដល់ជីវភាពប្រជាពលរដ្ឋ ដើម្បីមានជីវភាពរឹតតែប្រសើរឡើង ។ សម្ដេចធិបតី ហ៊ុន ម៉ាណែត បានបញ្ជាក់ថា រាជរដ្ឋាភិបាលកម្ពុជា បច្ចុប្បន្ន មិនមានលុយច្រើនដូចប្រទេសអ្នកមាននោះទេ…

(ភ្នំពេញ)៖ ក្នុងឱកាសសំណេះសំណាលជាមួយកម្មករ និយោជិតរោងចក្រ សហគ្រាស ចំនួន ១៨ ០៩៩នាក់ មកពីរោងចក្រ សហគ្រាសចំនួន២២ ដែលមានមូលដ្ឋាន នៅក្នុងខណ្ឌមានជ័យ និងខណ្ឌដង្កោ រាជធានីភ្នំពេញ នាព្រឹកថ្ងៃទី៣ តុលា ឆ្នាំ២០២ សម្ដេចធិបតី ហ៊ុន ម៉ាណែត បានថ្លែងអះអាងថា បើរឿងដែលកើតមានលើបណ្ដាញសង្គម ហើយចាំតែនាយករដ្ឋមន្ត្រី ដោះស្រាយនោះ ចាំបាច់មានមន្ត្រីទទួលខុសត្រូវធ្វើអ្វី ខណៈសម្ដេច មានរបៀបធ្វើការរបស់ខ្លួន ទោះពេលខ្លះមិនបានចេញសារដោយផ្ទាល់ ជូនប្រជាពលរដ្ឋ ប៉ុន្ដែកិច្ចការងារធំ-តូច គឺសម្ដេចបានពិនិត្យ និងដាក់បទបញ្ជាទៅដល់អាជ្ញាធរ-សមត្ថកិច្ចពាក់ព័ន្ធ ដោះស្រាយទាំងអស់ ។ ជាមួយនេះ សម្ដេច ក៏បានណែនាំដល់មន្រ្ដីនៅតាមក្រសួងស្ថាប័ននីមួយៗ កុំអនុវត្តលើសចំពោះនីតិវិធី ដែលរាជរដ្ឋាភិបាលបានដាក់ចេញឱ្យសោះ ។ សម្តេចមហាបវរធិបតី ហ៊ុន ម៉ាណែត បានបញ្ជាក់ដូច្នេះ បន្ទាប់ពីមានការប្រតិកម្មនឹងបញ្ហាពន្ធដា ដែលផ្ទុះការជជែកលើបណ្ដាញសង្គមហ្វេសបុក នាពេលប៉ុន្មានថ្ងៃនេះ ។សម្ដេចថា កន្លងមក មានមន្រ្ដីមួយចំនួនតូចបានអនុវត្តការងារ ពិសេសពាក់ព័ន្ធនឹងការងារយកពន្ធ ឬភាស៊ីនៅតាមទីសារធារណៈ គឺបានអនុវត្តលើសពីនីតិវិធីដែលរដ្ឋាភិបាលបានដាក់ចេញ ដែលករណីនេះ គឺត្រូវលុបបំបាត់មិនត្រូវឱ្យកើតមានឡើយ ពីព្រោះបញ្ហានេះ…

ភ្នំពេញ៖ សម្តេចធិបតី ហ៊ុន ម៉ាណែត បានបញ្ជាក់ពីការយកចិត្តទុកដាក់ចំពោះ ពលរដ្ឋថា រាជរដ្ឋាភិបាល បន្តលើកលែងពន្ធដែលបានដាក់ចេញកន្លងទៅ និងមិនយកពន្ធបន្ថែមអ្វីពីពលរដ្ឋទេ សូមកុំយល់ច្រឡំ ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ កម្ពុជា បានបញ្ជាក់ដូច្នេះក្នុងឱកាសសំណេះសំណាលជាមួយកម្មករ និយោជិតរោងចក្រ សហគ្រាស ចំនួន ១៨ ០៩៩នាក់ មកពីរោងចក្រ សហគ្រាសចំនួន២២ ដែលមានមូលដ្ឋាននៅក្នុងខណ្ឌមានជ័យ និងខណ្ឌដង្កោ រាជធានីភ្នំពេញ នាព្រឹកថ្ងៃអង្គារ ទី០៣ ខែតុលា ឆ្នាំ២០២៣ ។ សម្ដេចធិបតី ហ៊ុន ម៉ាណែត បានថ្លែងពាក់ព័ន្ធនឹងបញ្ហាពន្ធដែលកំពុងផ្ទុះការជជែក លើបណ្ដាញសង្គមហ្វេសបុក ថា បញ្ហាពន្ធ បងប្អូននឹងដឹងហើយនាខែវិច្ឆិកាខាងមុខ ក្នុងជំនួបរវាងសម្ដេចជាមួយនឹងវិស័យឯកជន ពេលនោះនឹងដឹងថា រាជរដ្ឋាភិបាលគិតគូរបន្ថូរបន្ថយអ្វីខ្លះ ។ សម្ដេច ថា នឹងផ្ដល់ឱកាសដល់វិស័យឯកជន ក្នុងការលើកឡើងពីតម្រូវការ និងការចង់បានរបស់វិស័យឯកជន ដើម្បីយកមកធ្វើការដោះស្រាយ និងបំពេញបន្ថែម ខណៈវិស័យឯកជន គឺជាអ្នកបង្កើតការងារឱ្យប្រជាពលរដ្ឋ។ សម្តេចធិបតី…

(ភ្នំពេញ)៖ សម្ដេចធិបតី ហ៊ុន ម៉ាណែត បានសម្ដែងការសោកស្ដាយចំពោះអ្នកវិភាគនៅក្រៅប្រទេសមួយចំនួនតូច ដែលអង្គុយរកតែចំណុចណាមួយ ដើម្បីរិះគន់ និងនិយាយអាក្រក់ពីប្រទេសកម្ពុជា ដែលឥរិយាបថនេះ មិនត្រឹមតែមិនបានជួយលើកមុខមាត់ប្រទេសជាតិនោះទេ ប៉ុន្ដែបែជាធ្វើឱ្យអាប់ឱនដល់មុខមាត់ប្រទេសជាតិទៅវិញ។ សម្ដេចធិបតី សង្ស័យថា ក្រុមអ្នកវិភាគមួយចំនួន មិនហ៊ាននិយាយសរសើរពីសមិទ្ធផលរបស់កម្ពុជា ព្រោះខ្លាចគេនិយាយថា លក់ក្បាល ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ កម្ពុជា បានលើកឡើងដូច្នេះបន្ទាប់ពីមានការបង្អាប់ពីអ្នកវិភាគក្រៅប្រទេស ថា សម្តេចធិបតីអញ្ជើញទៅអាមេរិក ជួបតែក្រុមអន់ៗ មិនដូចនាយករដ្ឋមន្រ្តីថៃ ជួបជាមួយមហាសេដ្ឋី អ៊ីឡុន ម៉ាស់ ។ ក្នុងឱកាសសំណេះសំណាលជាមួយកម្មករ និយោជិតរោងចក្រ សហគ្រាស ចំនួន ១៨ ០៩៩នាក់ មកពីរោងចក្រ សហគ្រាសចំនួន២២ ដែលមានមូលដ្ឋាននៅក្នុងខណ្ឌមានជ័យ និងខណ្ឌដង្កោ រាជធានីភ្នំពេញ នាព្រឹកថ្ងៃអង្គារ ទី០៣ ខែតុលា ឆ្នាំ២០២៣ សម្តេចធិបតី ហ៊ុន ម៉ាណែត បានថ្លែងថា សូមកុំបង្អាប់ខ្ញុំពេក សូមមើលឲ្យបានគ្រប់ជ្រុងជ្រោយ សូមឲ្យមានសច្ចធម៌ផង…