(ភ្នំពេញ)៖ ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន បានលើកឡើងថា ក្រុមការងារផ្សាយជាភាសារបារាំងត្រូវពង្រឹងការផ្សាយរបស់ខ្លួននៅក្នុងគោលដៅផ្សព្វផ្សាយព័ត៌មានពិតពីកម្ពុជា ជាភាសាបារាំងកាន់តែច្រើនទៀតទៅបរទេសឱ្យបានដឹងកាន់តែច្បាស់តាមរយៈប្រពន្ធ័ផ្សព្វផ្សាយចម្រុះរបស់ ក្រសួងព័ត៌មាន រួមមាន App ក្រសួងព័ត៌មាន ដែលមានអ្នកគាំទ្រ រាប់ម៉ឺននាក់ ប្រព័ន្ធទំនាក់ទំនងសង្គម Facebook Telegram គេហទំព័រ និងប្រពន្ធ័ផ្សព្វផ្សាយផ្សេងៗទៀត របស់វិទ្យុជាតិ ទូរទស្សន៍ជាតិ និងទីភ្នាក់ងារសារព័ត៌មានកម្ពុជា AKP ។ ការលើកឡើងរបស់ ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន ក្នុងឱកាសអញ្ជើញជួបពិភាក្សាការងារជាមួយ ក្រុមការងារព័ត៌មានជាភាសាបារាំង ក្នុងក្របខណ្ឌក្រសួងព័ត៌មាន កាលរសៀលថ្ងៃទី២៧ ខែកញ្ញា ឆ្នាំ២០២៣ ។ ឯកឧត្តម រដ្ឋមន្រ្តី បញ្ជាក់ថា អ្វីដែលសំខាន់ថ្នាក់ដឹកក្រសួងព័ត៌មាន និងក្រុមការងារភាសាបារាំង Rendez-vous ត្រូវធ្វើគឺការគ្រប់គ្រងធនធានមនុស្ស មាតិកាព័ត៌មាន មធ្យោបាយក្នុងការផ្សព្វផ្សាយ និងសំភារៈ មធ្យោបាយចុះបំពេញការងារ ព្រោះបើយើងមិនពង្រឹងបណ្តុះបណ្តាលធនធានមនុស្សផ្នែកភាសាបារាំង និងការគាំទ្រពីដៃគូរអន្តរជាតិ រួមទាំង អង្គការអន្តរជាតិហ្វ្រង់កូហ្វូនី ប្រទេសនិយាយភាសាបារាំង ដែលកម្ពុជា ជាសមាជិកដែរនោះ គឺពិបាកធ្វើកិច្ចការងារព័ត៌មានជាភាសាបារាំងនេះ…

ភ្នំពេញ៖ នាយករដ្ឋមន្ត្រីកម្ពុជា-ថៃ អញ្ជើញជាអធិបតីក្នុងពិធីប្រគល់-ទទួលនូវមជ្ឈមណ្ឌលសំចត និងស្តារនីតិសម្បទាសម្រាប់ជនរងគ្រោះ ដោយអំពើជួញដូរមនុស្ស និងក្រុមជនងាយរងគ្រោះដទៃទៀត ។ ពិធីប្រគល់-ទទួល នេះ ធ្វើឡើងក្រោយជំនួបពិភាក្សាការងាររវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ជាមួយឯកឧត្តម ស្រេដ្ឋា ថាវីស៊ីន នាយករដ្ឋមន្រ្តីនៃព្រះរាជាណាចក្រថៃ នៅវិមានសន្តិភាព នាព្រឹកថ្ងៃទី២៨ ខែកញ្ញា ឆ្នាំ២០២៣ ។ លោកស្រី ឈា ម៉ានិត ប្រធានមណ្ឌលសំចតខេត្តបន្ទាយមានជ័យ បានឱ្យដឹងថា មជ្ឈមណ្ឌលសំចត និងស្តារនីតិសម្បទាសម្រាប់ជនរងគ្រោះ ដោយអំពើជួញដូរមនុស្ស និងក្រុមជនងាយរងគ្រោះដទៃទៀត មានទីតាំងស្ថិតក្នុងភូមិប្រជាធម្មកើត សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ ដែលជាគំនិតផ្តួចផ្តើមនៃកិច្ចសហ ប្រតិបត្តិការទ្វេភាគីកម្ពុជា-ថៃ ។ មជ្ឈមណ្ឌលនេះ ជាជំនួយឥតសំណង របស់រាជរដ្ឋាភិបាល ព្រះរាជាណាចក្រថៃ ចំណាយទឹកប្រាក់ជាង ២,១ លានដុល្លារអាម៉េរិក ទិន្នន័យមូលគឺបានសាងសង់រួចហើយ។ លោកស្រី ឈា ម៉ានិត បានបន្តថា ការសាងសង់មជ្ឈមណ្ឌលសំចត និងស្តារនីតិសម្បទា សម្រាប់ជនរងគ្រោះ បានសាងសង់ក្នុងរយៈពេល ១ឆ្នាំ…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញជួបពិភាក្សាការងារទ្វេភាគីជាមួយឯកឧត្តម ស្រេដ្ឋា ថាវីស៊ីន (Srettha THAVISIN) នាយករដ្ឋមន្ដ្រី នៃព្រះរាជាណាចក្រថៃ នៅវិមានសន្តិភាព នាព្រឹកថ្ងៃទី២៨ ខែកញ្ញា ឆ្នាំ២០២៣ ។ ជួបពិភាក្សាការងារនេះ មេដឹកនាំទាំង២ នឹងកំណត់ទិសដៅសកម្មភាព ដើម្បីធ្វើឱ្យកាន់តែស៊ីជម្រៅ និងពង្រីកបន្ថែមទៀត នូវកិច្ចសហប្រតិបត្តិការលើគ្រប់វិស័យ ដែលផ្ដល់ផលប្រយោជន៍ទៅវិញទៅមក ក្នុងក្របខ័ណ្ឌទ្វេភាគី និងពហុភាគី ។ ថ្នាក់ដឹកនាំទាំងពីរ ក៏នឹងផ្លាស់ប្តូរទស្សនៈ ស្តីពីបញ្ហាតំបន់ និងអន្តរជាតិ ដែលជាផលប្រយោជន៍និងក្តីបារម្ភរួម។ បន្ថែមពីនេះ ថ្នាក់ដឹកនាំទាំងពីរនឹងធ្វើការប្រគល់ទទួលនូវ «មជ្ឈមណ្ឌលសំចតនិងស្តារនីតិសម្បទាសម្រាប់ជនរងគ្រោះដោយអំពើជួញដូរមនុស្សនិងក្រុមជនងាយរងគ្រោះដទៃទៀត» ដែលមានទីតាំងស្ថិតនៅក្រុងប៉ោយប៉ែត ដែលជាគំនិតផ្តួចផ្តើមនៃកិច្ចសហប្រតិបត្តិការទ្វេភាគី ។ សូមរំលឹកថា កាលពីថ្ងៃទី២២ ខែសីហា ឆ្នាំ២០២៣ សម្ដេចធិបតី ហ៊ុន ម៉ាណែត បានទូរស័ព្ទអបអរសាទរគ្នាទៅវិញទៅមក ជាមួយនាយករដ្ឋមន្រ្តីថៃ ឯកឧត្តម Srettha Thavisin បន្ទាប់ពីរដ្ឋសភា បានបោះឆ្នោតជ្រើសរើស ជានាយករដ្ឋមន្រ្តី ហើយមេដឹកនាំទាំងពីរ បានប្តេជ្ញាចិត្ត…

(ភ្នំពេញ)៖ តបតាមការអញ្ជើញរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ឯកឧត្តម ស្រេដ្ឋា ថាវីស៊ីន នាយករដ្ឋមន្រ្តីនៃព្រះរាជាណាចក្រថៃ បានអញ្ជើញមកដល់រាជធានីភ្នំពេញ ដើម្បីបំពេញទស្សនកិច្ចផ្លូវការលើកដំបូង នៅព្រះរាជាណាចក្រកម្ពុជា នាព្រឹកថ្ងៃទី២៨ ខែកញ្ញា ឆ្នាំ២០២៣ ។ សម្តេចធិបតី ហ៊ុន ម៉ាណែត បានអញ្ជើញទទួលបដិសណ្ឋារកិច្ចយ៉ាងកក់ក្ដៅចំពោះនាយករដ្ឋមន្រ្តីថៃ នៅវិមានសន្តិភាព បន្ទាប់មកមេដឹកនាំទាំងពីរ កម្ពុជា-ថៃ បានចាប់ផ្តើមកិច្ចប្រជុំពិភាក្សាការងារ ក្នុងគោលបំណងកំណត់ទិសដៅសកម្មភាព ដើម្បីធ្វើឱ្យកាន់តែស៊ីជម្រៅ និងពង្រីកបន្ថែមទៀត នូវកិច្ចសហប្រតិបត្តិការលើគ្រប់វិស័យ ដែលផ្ដល់ផលប្រយោជន៍ទៅវិញទៅមក ក្នុងក្របខ័ណ្ឌទ្វេភាគី និងពហុភាគី ។ ភាគីទាំងពីរក៏នឹងផ្លាស់ប្តូរទស្សនៈ ស្តីពីបញ្ហាតំបន់ និងអន្តរជាតិ ដែលជាផលប្រយោជន៍និងក្តីបារម្ភរួម។ បន្ថែមពីនេះ ថ្នាក់ដឹកនាំទាំងពីរនឹងធ្វើការប្រគល់ទទួលនូវ «មជ្ឈមណ្ឌលសំចតនិងស្តារនីតិសម្បទាសម្រាប់ជនរងគ្រោះដោយអំពើជួញដូរមនុស្សនិងក្រុមជនងាយរងគ្រោះដទៃទៀត» ដែលមានទីតាំងស្ថិតនៅក្រុងប៉ោយប៉ែត ដែលជាគំនិតផ្តួចផ្តើមនៃកិច្ចសហប្រតិបត្តិការទ្វេភាគី។ សូមជម្រាបថា ក្នុងអំឡុងពេលទស្សនកិច្ចនៅកម្ពុជា ឯកឧត្តមនាយករដ្ឋមន្រ្តីថៃ អញ្ជើញដាក់កម្រងផ្កាគោរពវិញ្ញាណក្ខន្ធនៅវិមានឯករាជ្យ និងអញ្ជើញគោរពព្រះវិញ្ញាណក្ខន្ធ ព្រះករុណា ព្រះបាទ សម្តេចព្រះនរោត្តម សីហនុ «ព្រះបរមរតនកោដ្ឋ» អតីតព្រះមហាក្សត្រនៃព្រះរាជាណាចក្រកម្ពុជា នៅមណ្ឌបព្រះបរមរូប។ ឯកឧត្តម ស្រេដ្ឋា…

(ភ្នំពេញ)៖ ឯកឧត្តមបណ្ឌិត ជា វ៉ាន់ដេត បានមានប្រសាសន៍ថា ថ្នាលសហគមន៍ឌីជីថលកម្ពុជា ត្រូវបានរៀបចំឡើងក្រោមគំនិតផ្តួចផ្តើមរបស់ក្រសួងប្រៃសណីយ៍ និងទូរគមនាគមន៍ដើម្បីគាំទ្រទៅដល់ការអភិវឌ្ឍក្របខណ្ឌគោលនយោបាយ សេដ្ឋកិច្ច និងសង្គមឌីជីថល និងគោលនយោបាយរដ្ឋាភិបាលឌីជីថល ជាពិសេសការអនុវត្តយុទ្ធសាស្រ្ត បញ្ចកោណ ដំណាក់កាលទី១របស់រាជរដ្ឋាភិបាល នីតិកាលទី៧ នៃរដ្ឋសភា ក្នុងគោលបំណងប្រមូលផ្តុំអ្នកអភិវឌ្ឍន៍បច្ចេកវិទ្យា សហគ្រិនឌីជីថល និងអ្នកមានគុណវុឌ្ឍន៍បច្ចេកវិទ្យាឌីជីថល ក៏ដូចជាសិស្សានុសិស្ស ដើម្បីអាចបង្ហាញពីសក្តានុពល និងពង្រីក ទំនាក់ទំនងរវាងអ្នកអភិវឌ្ឍន៍សុសវែ និងបច្ចេកវិទ្យាឌីជីថល លើកកម្ពស់ សហការនៅការផ្លាស់ប្តូរបទពិសោធន៍ជាមួយនឹងការរីកចំរើន នៃវិស័យឌីជីថលនៅកម្ពុជា ឈានទៅដល់កសាងមូលធនមនុស្ស ឲ្យក្លាយទៅជាពលរដ្ឋឌីជីថល ក្នុងន័យនេះ ថ្នាលសហគមឌីជីថលកម្ពុជា បានក្លាយជាចំណែកមួយក្នុងការគាំទ្រសកម្មភាពអាទិភាពនៃយុទ្ធសាស្ត្រកសាងធនធានមនុស្សឌីជីថល ដែលក្រសួងប្រៃសណីយ៍ និងទូរគមនាគមន៍ បាននិងកំពុងតែយកចិត្តទុកដាក់។ ការលើកឡើងរបស់ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ធ្វើឡើងនៅព្រឹកថ្ងៃទី២៧ ខែកញ្ញា ឆ្នាំ២០២៣ បានអញ្ជើញជាអធិបតីក្នុងពិធីប្រកាសដាក់ឱ្យប្រើប្រាស់ថ្នាលសហគមន៍ឌីជីថលកម្ពុជា។ ឯកឧត្តមរដ្ឋមន្ត្រី ជា វ៉ាន់ដេត បានបញ្ជាក់បន្ថែមថា ការងារសំខាន់របស់រាជរដ្ឋាភិបាលកម្ពុជា ក្នុងរយៈពេល១៥ឆ្នាំ គឺធ្វើយ៉ាងណា ដើម្បីប្រែក្លាយរដ្ឋាភិបាល ឲ្យក្លាយទៅជារដ្ឋាភិបាលឌីជីថល និងប្រែក្លាយពលរដ្ឋកម្ពុជា…

(ភ្នំពេញ)៖ ឯកឧត្តម អ៊ូអិណូ អាត់ស៊ូស៊ី (UENO Atsushi) ឯកអគ្គរាជទូតជប៉ុនប្រចាំនៅកម្ពុជា បានលើកឡើងថា ប្រទេសជប៉ុន មិនទាមទារ ឬដាក់សម្ពាធណាមួយឡើយមកលើកម្ពុជា ដើម្បីឱ្យកម្ពុជាចាប់យកភាគីណាមួយនោះទេ។ ប៉ុន្តែ ជប៉ុន តែងតែគោរពនូវជំហរនយោបាយការបរទេសរបស់កម្ពុជាជានិច្ច។ ឯកឧត្តម អ៊ូអិណូ អាត់ស៊ូស៊ី បានលើកឡើងយ៉ាងដូច្នេះថា៖ «យើងមិនទាមទារឱ្យរដ្ឋាភិបាលកម្ពុជា ឬក៏ពលរដ្ឋកម្ពុជា ត្រូវតែប្រកាន់ខាងណេះ ប្រកាន់ខាងណោះ ចិន ជប៉ុន ឬក៏អាមេរិកទេ យើងមិនទាមទារ យើងយល់អំពីជំហរការទូតរបស់កម្ពុជា ដែលរក្សានូវអព្យាក្រឹត្យភាព មិនចូលបក្សសម្ព័ន្ធ»។ ឯកអគ្គរាជទូតជប៉ុន បានលើកឡើងថា គោលជំហររបស់កម្ពុជាបែបនេះ គឺបានចែងក្នុងច្បាប់រដ្ឋធម្មនុញ្ញ ដូច្នេះរាជរដ្ឋាភិបាលជប៉ុន បានគោរព ព្រមទាំងមានការយល់យ៉ាងច្បាស់អំពីជំហរនយោបាយការទូតរបស់កម្ពុជា។ ការលើកឡើងបែបនេះ របស់ឯកអគ្គរាជទូតជប៉ុន ប្រចាំកម្ពុជា ក្នុងឱកាសលោកបានអញ្ជើញធ្វើជាវិគ្មិនក្នុងកិច្ចពិភាក្សាតុមូលស្តីពី ទំនាក់ទំនងកម្ពុជា-ជប៉ុន ដែលរៀបចំដោយក្លិបអ្នកកាសែតកម្ពុជា ធ្វើឡើងកាលពីថ្ងៃទី២៦ ខែកញ្ញា ឆ្នាំ២០២៣នេះ នៅរាជធានីភ្នំពេញ។ បើតាមសម្រង់ប្រសាសន៍បកប្រែរបស់ឯកអគ្គរាជទូតជប៉ុន ប្រចាំកម្ពុជា បានថ្លែងថា សម្រាប់អ្វីដែលរដ្ឋាភិបាលស្នើសុំ គឺត្រឹមកម្រិតដែលរដ្ឋាភិបាលកម្ពុជា អាចផ្តល់ឱ្យប្រទេសជប៉ុនបានតែប៉ុណ្ណោះ។ ទន្ទឹមនឹងនេះដែរ រដ្ឋាភិបាលជប៉ុន…