(ភ្នំពេញ)៖ ប្រធានសហភាពសហព័ន្ធយុវជនកម្ពុជា បានលើកឡើងថា ពិតណាស់ សុខសន្តិភាព យើងមានឱកាសច្រើនក្នុងការរៀបចំពិធីជាកុសល ស្របតាមជំនឿ ប្រពៃណី សាសនា ។ ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានលើកឡើងដូច្នេះនៅលើបណ្ដាញសង្គម នាព្រឹកថ្ងៃទី២៤កញ្ញា ក្នុងឱកាសអបអរសាទរ ទិវាប្រកាសរដ្ឋធម្មនុញ្ញនៃព្រះរាជាណាចក្រកម្ពុជា ខួបទី៣០ ។ ឯកឧត្តម ហ៊ុន ម៉ានី បានលើកឡើងដូច្នេះថា ព្រឹកថ្ងៃទី២៤កញ្ញា ឆ្នាំ២០២៣ ខ្ញុំពិតជាសប្បាយរីករាយ ដែលបានចូលរួមជាមួយក្រុមការងារគណបក្សចុះជួយសង្កាត់វាលពង់ ក្រុងឧដុង្គម៉ែជ័យ ក្នុងពិធីស្រោចស្រពសុគន្ធវារីជូនចាស់ព្រឹទ្ធាចារ្យដែលរស់នៅសង្កាត់វាលពង់ ចំនួន ១ ០០០ នាក់។ ប្រធានសហភាពសហព័ន្ធយុវជនកម្ពុជា បានបន្តថា ពិតណាស់ ក្នុងសុខសន្តិភាព យើងមានឱកាសច្រើនក្នុងការរៀបចំពិធីជាកុសល ស្របតាមជំនឿសាសនា និងប្រពៃណីដ៏ល្អផូរផង់ដែលដូនតាបានបន្សល់ទុក។ ជាថ្មីម្តងទៀត ឯកឧត្តម ហ៊ុន ម៉ានី បានថ្លែងអំណរគុណដល់ក្រុមការងារគណបក្សចុះជួយសង្កាត់វាលពង់ ដែលដឹកនាំដោយ ឯកឧត្តម លី ច័ន្ទតុលា ដែលបានផ្តួចផ្តើមគំនិតរៀបចំ ក៏ដូចជាសប្បុរសជនជិតឆ្ងាយដែលចូលរួមចាប់មគ្គផលជាមួយកម្មវិធីនេះផងដែរ ៕ ដោយ…

(ភ្នំពេញ)៖ ឯកឧត្តម ហ៊ុន ម៉ានី បានលើកឡើងថា ក្នុងនាមជាយុវជនបន្តវេន យើងត្រូវចូលរួមគោរព និងការពាររដ្ឋធម្មនុញ្ញដែលជាច្បាប់កំពូលរបស់ជាតិ ។ រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា ឯកឧត្តម ហ៊ុន ម៉ានី បានលើកឡើងដូច្នេះនៅលើបណ្ដាញសង្គម នាព្រឹកថ្ងៃទី២៤កញ្ញា ក្នុងឱកាសអបអរសាទរ ទិវាប្រកាសរដ្ឋធម្មនុញ្ញនៃព្រះរាជាណាចក្រកម្ពុជា ខួបទី៣០ ។ ឯកឧត្តម ហ៊ុន ម៉ានី បានបញ្ញាចាក់ថា រដ្ឋធម្មនុញ្ញ គឺជាច្បាប់កំពូលរបស់ជាតិ ដែលកំណត់នូវការរៀបចំ និងការប្រព្រឹត្តទៅនៃស្ថាប័នកំពូលរបស់ជាតិ។ រដ្ឋធម្មនុញ្ញជានិមិត្តរូបនៃ ឯករាជ្យជាតិ អធិបតេយ្យ និងបូរណភាពទឹកដី ព្រមទាំងជាការធានានូវការគោរពគោលការណ៍គ្រឹះនៃលទ្ធិប្រជាធិបតេយ្យ សេរីពហុបក្ស និងការគោរពសិទ្ធិជាមូលដ្ឋានរបស់ប្រជាពលរដ្ឋ។ ប្រធាន ស.ស.យ.ក. រូបនេះ បានរំលឹកថា ក្នុងនាមជាយុវជនបន្តវេន យើងត្រូវចូលរួមគោរព និងការពាររដ្ឋធម្មនុញ្ញដែលជាច្បាប់កំពូលរបស់ជាតិ តាមរយៈការស្វែងយល់ ការចូលរួមបំពេញករណីយកិច្ចដូចមានចែងក្នុងរដ្ឋធម្មនុញ្ញ និងការមិនប្រព្រឹត្តអំពើល្មើសដែលមានចេតនាបំពានលើច្បាប់កំពូលមួយនេះជាដាច់ខាត ៕ ដោយ វណ្ណលុក

(ស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃ កម្ពុជា រួមជាមួយប្រតិភូរួមដំណើរ បានចុះសួរសុខទុក្ខ និងនាំយកអំណោយកាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធាន ជួយដល់ចាស់ជរា ជនពិការ អ្នករស់នៅជាមួយមេរោគអេដស៍ កុមារកំព្រា ស្ត្រីមេម៉ាយ មានកូនច្រើន អ្នកមានជំងឺប្រចាំកាយ និងមានជីវភាពខ្វះខាត នៅស្រុករមាសហែក និងស្រុករំដួល ខេត្តស្វាយរៀង ចំនួន ២៣១គ្រួសារ នាថ្ងៃទី២៤ ខែកញ្ញា ឆ្នាំ២០២៣ ។ សម្តេច ក៏បានផ្តាំផ្ញើរសាកសួរទុក្ខ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចជាកាលសម្តេច តែងតែគិតគូរជានិច្ច ពីសុខទុក្ខ សុខភាពនិងជីវភាពរស់នៅ របស់បងប្អូនប្រជាពលរដ្ឋ ដោយមិនប្រកាន់និន្នការនយោបាយ ជំនឿ សាសនា ពណ៌សម្បុរនោះឡើយ ។ ទីណាមានការលំបាក ទីនោះមានកាកបាទក្រហមកម្ពុជា ដោយមិនគិតភាពលំបាក ជិតឬឆ្ងាយ…

(ភ្នំពេញ)៖ ក្នុងជំនួបសំណេះសំណាលជាមួយបងប្អូនសហគមន៍ខ្មែរ នៅសហរដ្ឋអាមេរិក និងកាណាដា នៅទីក្រុងញូវយ៉ក សហរដ្ឋអាមេរិក ២៥០០នាក់ នាម៉ោង៤ព្រឹកថ្ងៃទី២៤ ខែកញ្ញា ឆ្នាំ២០២៣ ម៉ោងនៅកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា សម្តេចកំពុងសិក្សាគោលនយោបាយផ្តល់អាហារូបត្ថម្ភដល់កូនខ្មែរពីមត្តេយ្យសិក្សា។ នៅកម្ពុជាបច្ចុប្បន្ន មិនមែនធ្វើតែការងារកាត់ដេរនោះទេ គឺអាចធ្វើការងារខាងពេជ្រ សឡា ដំឡើងរថយន្ត និងដំឡើងគ្រឿងបង្គំអេឡិចត្រូនិកផងដែរ។ពីមុននៅអាមេរិក មានតែផលិតផលដែលផលិតពីប្រទេសថៃ និងប្រទេសផ្សេងៗ តែបច្ចុប្បន្ន ក៏មានផលិតផលផលិតពីខ្មែរលើទីផ្សារអាមេរិកផងដែរ ។ សម្តេចធិបតី ហ៊ុន ម៉ាណែត បានថ្លែងបន្តថា រាជរដ្ឋាភិបាល នឹងប្រឹងប្រែងរុញឱ្យអត្រាភាពក្រីក្រធ្លាក់ចុះបន្តទៀត។ សម្ដេចក៏បានពន្យល់ពលរដ្ឋខ្មែរនៅអាមេរិក ពីនយោបាយកាត់បន្ថយភាពក្រីក្រនៅកម្ពុជាផងដែរ។ សម្ដេចថា ឆ្នាំ១៩៩៧ កម្ពុជា មានអត្រាភាពក្រីក្រ ប្រមាណ ៥៤ភាគរយ ពោល១០០នាក់ ៥៤នាក់។ បច្ចុប្បន្នអត្រាភាពក្រីក្រ មានតែ១៧ភាគរយ។ កម្ពុជា នៅតែបន្តមហិច្ឆតាប្រែក្លាយជាប្រទេសមានចំណូលខ្ពស់នៅឆ្នាំ២០៥០ ហើយកម្ពុជា មិនទុកពលរដ្ឋក្រីក្រចោលនោះឡើយ ក្នុងនោះរាជរដ្ឋាភិបាល បានផ្តល់បណ្ណក្រីក្រជូនពលរដ្ឋមានជីវភាពខ្វះខាត ដើម្បីសម្រាលការលំបាករបស់ពួកគាត់។ សម្ដេចធិបតី…

(ភ្នំពេញ)៖ សម្តេចធិបតី ហ៊ុន ម៉ាណែត សួរក្រុមប្រឆាំងថា តើយល់យ៉ាងណានៅពេលអាមេរិក ផ្តល់ជំនួយអភិវឌ្ឍន៍១៨លានដុល្លារមកកម្ពុជាឡើងវិញ? សម្តេច ថា ជំហររបស់រាជរដ្ឋាភិបាល គឺដើម្បីជាតិ និងប្រជាជន។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានលើកដូច្នេះក្នុងឱកាសអញ្ជើញជួបសំណេះសំណាលជាមួយបងប្អូនសហគមន៍ខ្មែរ នៅសហរដ្ឋអាមេរិក និងកាណាដា នៅទីក្រុងញូវយ៉ក សហរដ្ឋអាមេរិក ២៥០០នាក់ នាថ្ងៃទី២៣ ខែកញ្ញា ២០២៣ ត្រូវនឹងថ្ងៃទី២៤ ខែកញ្ញា ឆ្នាំ២០២៣ វេលាម៉ោង ៤ព្រឹក នៅកម្ពុជា ។ សម្តេចធិបតី បានលើកឡើងថា បើអង្គការសហប្រជាជាតិ មិនទទួលស្គាល់រាជរដ្ឋាភិបាល គេមិនឱ្យសម្តេច ឡើងថ្លែងនៅអង្គការសហប្រជាជាតិនោះឡើយ ហើយអង្គការសហប្រជាជាតិ ក៏មិនឧទ្ទេសនាមសម្តេចជានាយករដ្ឋមន្ត្រីកម្ពុជាដែរ។ សម្តេច ថា មកដល់ពេលនេះ មានមេដឹកនាំប្រទេសជាមិត្តរហូតដល់ទៅប្រមាណ ៥៩ប្រទេស បានផ្ញើសារអបអរសាទរសម្តេចឡើងកាន់តំណែងជានាយករដ្ឋមន្ត្រី។ ក្នុងឱកាសសំណេះសំណាលនេះ សម្តេចធិបតី ហ៊ុន ម៉ាណែត បានមានប្រសាសន៍ថា ការជួបជាមួយអនុរដ្ឋមន្ត្រីការបរទេសស្តីទីរបស់អាមេរិក គឺដើម្បីពង្រីកទំនាក់ទំនង និងកិច្ចសហប្រតិបត្តិការ។…