តាកែវ៖ សម្តេចធិបតី ហ៊ុន ម៉ាណែត បានបញ្ជាក់ថា រោងចក្រ សហគ្រាស នៅកម្ពុជា ប្រមាណជាតិ ២ម៉ឺនរោងចក្រ-សហគ្រាស នឹងទទួលបានការអនុគ្រោះបញ្ចុះថ្លៃអគ្គិសនី ដើម្បីមានលទ្ធភាពតម្លើងប្រាក់បៀវត្សជូនកម្មករ ។ សម្តេចមហាបរវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍បែបនេះ ក្នុងឱកាសអញ្ជើញជួបសំណេះសំណាលជាមួយកម្មករ និយោជិត សរុបចំនួន ១៨,១០៤នាក់ នៅស្រុកបាទី ខេត្តតាកែវ នាព្រឹកថ្ងៃទី១៩ ខែកញ្ញា ឆ្នាំ២០២៣ ។ សម្តេចធិបតី ហ៊ុន ម៉ាណែត បានលើកឡងថា ខ្ញុំបានឲ្យឯកឧត្តម កែវ រតនៈ ពិនិត្យមើលលទ្ធភាព ដើម្បីបញ្ចុះតម្លៃអគ្គិសនីដល់រោងចក្រ សហគ្រាស។ សម្តេច បញ្ជាក់ថា ក្នុងនោះមាន ២ម៉ឺន ១ពាន់រោងចក្រ សហគ្រាស នឹងទទួលបានការអនុគ្រោះបញ្ចុះថ្លៃអគ្គិសនី ដើម្បីជួយទប់ការចំណាយ និងដើម្បីរោងចក្រ សហគ្រាស មានលទ្ធភាពតម្លើងប្រាក់បៀវត្សជូនកម្មករ ។ សម្តេចធិបតី ក៏បានណែនាំឲ្យក្រសួងស្ថាប័នពាក់ព័ន្ធ ឆាប់សាកល្បងអនុវត្តន៍បញ្ចុះតម្លៃអគ្គិសនី ជូនរោងចក្រសហគ្រាស…

ភ្នំពេញ៖ អ្នកជំនាញ​ផ្នែក​ទំនាក់ទំនងអន្តរជាតិ និង​វិទ្យាសាស្រ្តនយោបាយបានបង្ហាញការគាំទ្រទៅលើ​មេដឹកនាំកម្ពុ​ជា និងចិនក្នុង​ការ​ឯកភាពគ្នាលើការបន្ស៊ីរវាងយុទ្ធសាស្ត្របញ្ចកោណរបស់រដ្ឋាភិបាលកម្ពុជា និងគំ​និតផ្តួចផ្តើមខ្សែក្រវាត់និងផ្លូវ(BRI) របស់រដ្ឋាភិបាលចិន។ ​ការឯកភាពគ្នានេះ ធ្វើឡើងតាមរយៈសមទ្ធិផលនៃដំណើរទស្សនកិច្ចផ្លូវរដ្ឋទ្វេភាគីដំបូងទៅកាន់សាធារណរដ្ឋប្រជាមានិតចិនរបស់ប្រមុខរដ្ឋាភិបាលកម្ពុជាសម្ដេចមហាបវរធិបតី ហ៊ុន​ ម៉ាណែត រយៈពេលបួនថ្ងៃ ចាប់ពីថ្ងៃទី១៤ ដល់ថ្ងៃទី១៧​ ខែកញ្ញា ឆ្នាំ២០២៣។ នេះបើយោងតាមសេចក្តីប្រកាសរួមរវាងរដ្ឋាភិបាលកម្ពុជា-ចិន នៅថ្ងៃទី១៦ ខែ​កញ្ញា ឆ្នាំ​២០២៣។​ ​លោក​ ស៊ឺន សម អ្នកជំនាញផ្នែកទំនាក់ទំនងអន្តរជាតិនៃរាជបណ្ឌិត្យសភាកម្ពុជា បាន​បង្ហាញការសាទរចំពោះប្តេជ្ញាបន្ស៊ីគ្នារវាងផែនការយុទ្ធសាស្រ្តរបស់រដ្ឋាភិបាលប្រទេសទាំងពីរខណៈកម្ពុជាជាសមាជិកសំ​ខា​ន់ក្នុងគំនិតផ្តួចផ្តើមខ្សែក្រវាត់ និងផ្លូវ (BRI) យូរមកហើយ ដើម្បីធ្វើឱ្យ​កិច្ចសហប្រតិបត្តិការរវាងប្រទេសទាំ​ង២ កាន់តែជិតស្និទ្ធ និងរលូនជាងមុន ហើយ BRI ជាផ្នែកសំខាន់ក្នុងការចូលរួមចំណែកអភិវឌ្ឍន៍កម្ពុជា។ លោក​ ស៊ឺន សម បានថ្លែង​ថា ៖ «BRI មានវត្តមាននៅកម្ពុជាយូរមុន យុទ្ធសាស្ត្របញ្ចកោណទៅទៀ​ត។ ដូច្នេះ របស់ដែលមានស្រាប់បូកនឹងយុទ្ធសាស្រ្តថ្មីរបស់នាយករដ្ឋមន្ត្រីថ្មី នឹងនាំមកនូវការអភិវឌ្ឍស​ម្រាប់កម្ពុជា។ ទោះជាយ៉ាងណា កម្ពុជាគួរមានការប្រុងប្រយ័ត្នក្នុងការអនុវត្តជាជំហានៗ»​។ លោកបន្ថែមថា យុទ្ធសាស្រ្តបញ្ចកោណ និងគម្រោង BRI មានធាតុដូចគ្នា ដើម្បីសម្រេចគោលដៅរួម ដែ​លនឹងនាំមកនូវប្រាក់កម្ចីសម្រាប់រដ្ឋាភិបាលកម្ពុជាក្នុងការកសាងហេដ្ឋារចនាសម្ព័ន្ធរូបវ័ន្ត និងដោះស្រាយគោលដៅអភិវឌ្ឍន៍នានាសំដៅការអភិវឌ្ឍន៍សេដ្ឋកិច្ចជាតិ។ ចំណែក…

ខេត្តតាកែវ៖ ប្រមុខរាជរដ្ឋាភិបាលកម្ពុជា បានប្រកាសលើកទឹកចិត្តដល់ប្រជាពលរដ្ឋ យកកូនឱ្យបានច្រើន ដើម្បីត្រៀមធ្វើជាពលរដ្ឋពេញកម្លាំងសម្រាប់ឆ្នាំ២០៥០ និងបានស្នើឱ្យក្រសួងផែនការ ពិនិត្យមើលគោលនយោបាយប្រជាសាស្រ្តឡើងវិញ ខណៈកម្ពុជា នឹងក្លាយជាប្រទេសអ្នកមាននៅឆ្នាំ២០៥០ ។ សម្តេចមហាបរវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍បែបនេះក្នុងឱកាសអញ្ជើញជួបសំណេះសំណាលជាមួយកម្មករ និយោជិត សរុបចំនួន ១៨,១០៤នាក់ នៅស្រុកបាទី ខេត្តតាកែវ នាព្រឹកថ្ងៃទី១៩ ខែកញ្ញា ឆ្នាំ២០២៣ ។ សម្តេចធិបតី បានបន្តថា តាមការព្យាករណ៍ប្រជាសាស្រ្តរបស់ក្រសួងផែនការឆ្នាំ២០៥០ ចំនួនមនុស្សចាស់ នៅកម្ពុជា នឹងកើនឡើងខ្ពស់ ។ សម្ដេចបញ្ជាក់ថា ប្រទេសអភិវឌ្ឍន៍ត្រូវការកម្លាំងយុវជនច្រើនជាងមនុស្សចាស់ ដូចនេះ ក្រសួងផែនការត្រូវពិនិត្យគោលនយោបាយប្រជាសាស្ត្រនេះឡើងវិញ ។ សម្តេចនាយករដ្ឋមន្ត្រី បានលើកឡើងថា កម្ពុជា សល់ ២៧ឆ្នាំទៀត ដែលមិនយូរនោះទេ បញ្ហានេះទាមទារឱ្យមានការយកចិត្តទុកដាក់ចំពោះបញ្ហាវិទ្យាសាស្រ្ត ព្រោះនៅពេលនោះ កម្ពុជា ត្រូវការកម្លាំងពលកម្មច្រើន។ សម្ដេច ក៏បានបង្ហាញពីបំណងចង់បង្កើនចំនួនប្រជាសាស្រ្តនៃប្រជាជនកម្ពុជា នៅកម្ពុជា ឱ្យឡើងបានដល់ ៣០លាននាក់ ទៅ ៤០លាននាក់ ខណៈបច្ចុប្បន្ន…

ភ្នំពេញ៖ ឯកឧត្តម សន្ដិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ បានដឹកនាំកិច្ចប្រជុំត្រៀមរៀបចំពិធីសម្ពោធដាក់ឱ្យ ប្រើប្រាស់ជាផ្លូវការ នូវអគារទីស្ដីការក្រសួងមហាផ្ទៃ ដោយមានការអញ្ជើញចូលរួមពី រដ្ឋលេខាធិការ-អនុរដ្ឋលេខាធិការ អគ្គនាយក នៃអគ្គនាយកដ្ឋាននានាចំណុះក្រសួងមហាផ្ទៃ និងអ្នកពាក់ព័ន្ធជាច្រើនរូបទៀតកាលថ្ងៃទី១៨ ខែកញ្ញា ឆ្នាំ២០២៣នេះ។ ឯកឧត្តម សន្ដិបណ្ឌិត ម៉ៅ ច័ន្ទតារា បានមានប្រសាសន៍ថា តាមការណែនាំដ៏ខ្ពង់ខ្ពស់របស់ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានណែនាំឱ្យត្រៀមសម្រាប់រៀបចំពិធីសម្ពោធអគារទីស្ដីការក្រសួងមហាផ្ទៃ ដែលនឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃព្រះរាជាណាចក្រកម្ពុជា នាថ្ងៃទី០៦ ខែវិច្ឆិកា ឆ្នាំ២០២៣ ខាងមុខនេះ។ ឯកឧត្តម សន្ដិបណ្ឌិត បន្ដថា តាមការណែនាំដ៏ខ្ពង់ខ្ពស់របស់សម្ដេចក្រឡាហោម ស ខេង នាពេលកន្លងទៅ សម្ដេចក្រឡាហោម បានយកចិត្តទុកដាក់ចំពោះការងារសាងសង់ និងរៀបចំពិធីសម្ពោធអគារទីស្ដីការក្រសួងមហាផ្ទៃថ្មីនេះ ដោយធ្វើយ៉ាងណារៀបចំពិធីនេះឡើង ដោយអធិកអធម ដើម្បីឱ្យសាកសមទៅនឹងអគារថ្មីនេះ។ ឯកឧត្តម នាយឧត្តមសេនីយ៍ សេង…