ភ្នំពេញ៖ ក្នុងឱកាសនៃការអញ្ជើញអមដំណើរសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញបំពេញទស្សនកិច្ចផ្លូវការ នៅរដ្ឋធានីប៉េកាំង សាធារណរដ្ឋប្រជាមានិតចិន នៅព្រឹកថ្ងៃទី១៥ កញ្ញា លោកជំទាវបណ្ឌិត ពេជ ចន្ទមុនី ហ៊ុនម៉ាណែត អញ្ជើញទស្សនាមហាកំផែង ដែលជារម្មណីយដ្ឋានដ៏ល្បីល្បាញ់ របស់សាធារណរដ្ឋប្រជាមានិតចិន ។ វត្តមាននៃការអញ្ជើញដល់របស់លោកជំទាវបណ្ឌិត ត្រូវបានការទទួលបដិសណ្ឋារកិច្ចស្វាគមន៍យ៉ាងកក់ក្តៅបំផុត នៃថ្នាក់ដឹកនាំមហាកំផែង។ ក្នុងដំណើរទស្សនានោះ លោកជំទាវបណ្ឌិត និងគណៈប្រតិភូអមដំណើរទាំងអស់ បានអញ្ជើញទស្សនាយ៉ាងយកចិត្តទុកដាក់ នៅតាមផ្នែកទាំងអស់ នៃមហាកំផែង ដែលជាសំណង់ប្រវត្តិសាស្រ្តដ៏ល្បីបំផុត និងជាអច្ឆរិយៈរបស់ពិភពលោក ។ លោកជំទាវបណ្ឌិត មានប្រសាសន៍ទៅកាន់ថ្នាក់ដឹកនាំ នៃមហាកំផែងថា នេះគឺជាលើកទីមួយ ដែលលោកជំទាវបណ្ឌិត បានអញ្ជើញមកទស្សនាមហាកំផែង បើទោះបីលោកជំទាវបណ្ឌិត ធ្លាប់បានអានប្រវត្តិនៃៗហាកំផែងនេះ ពីមុនៗក៏ពិតមែន។ លោកជំទាវបណ្ឌិតមានប្រសាសន៍លើកឡើងថា លោកជំទាវបានអញ្ជើញមកទស្សនាដោយផ្ទាល់ គឺពិតជាសំណងប្រវត្តិសាស្រ្តដ៌អស្ចារ្យខ្លាំងណាស់។ លោកជំទាវបណ្ឌិត បានថ្លែងអំណរគុណជូនចំពោះរដ្ឋាភិបាលចិន ដែលបានរៀបចំកម្មវិធីដ៌វិសេសសវិសាលនេះ ដើម្បីលោកជំទាវបានមកទស្សនាដោយផ្ទាល់មហាកំផែង ជាប្រវត្តិសាស្រ្តមានតម្លៃមហាសាល របស់ប្រទេស និងប្រជាជនចិន។ សូមបញ្ជាក់ថា មហាកំផែងចិន (ជញ្ជាំងវែងមួយម៉ឺនលី) គឺជាបណ្តុំនៃបន្ទាយ តំរៀបគ្នាជា…

ភ្នំពេញ៖ បន្ទាប់ពីបានជួបសម្ដែងការគួរសមជាមួយឯកឧត្តម ស៊ី ជីនពីង ប្រធានាធិបតី នៃសាធារណៈរដ្ឋប្រជាមានិតចិនរួចមក សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជួបសម្តែងការគួរសម និងពិភាក្សាការងារ ជាមួយ ឯកឧត្តម ចាវ ឡឺជី (Zhao Leji) ប្រធានគណៈកម្មាធិការអចិន្ត្រៃយ៍នៃសភាប្រជាជនចិន នៅមហាវិមានប្រជាជន រដ្ឋធានីប៉េកាំង សាធារណរដ្ឋប្រជាមានិតចិន នាព្រឹកថ្ងៃសុក្រ ទី១៥ កញ្ញា ២០២៣ ៕ ដោយ ៖ វណ្ណលុក

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបសម្តែងការគួរសម និងពិភាក្សាការងារជាមួយ ឯកឧត្ដម ស៊ី ជីនពីង (Xi Jinping) ប្រធានាធិបតី នៃសាធារណរដ្ឋប្រជាមានិតចិន នៅមហាវិមានប្រជាជន រដ្ឋធានីប៉េកាំង សាធារណរដ្ឋប្រជាមានិតចិន នាព្រឹកថ្ងៃសុក្រ ទី១៥ ខែកញ្ញា ឆ្នាំ២០២៣ ។ យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា កិច្ចពិភាក្សានេះ នឹងផ្លាស់ប្តូរទស្សនៈលើប្រធានបទមួយចំនួន រួមមាន៖ ការកសាងសហគមន៍វាសនារួមកម្ពុជា-ចិន ក្នុងយុគសម័យថ្មី, ការជំរុញបន្ថែមនូវកិច្ចសហប្រតិបត្តិការត្បូងពេជ្រ ទិសដៅយុទ្ធសាស្ត្រសម្រាប់ទំនាក់ទំនងកម្ពុជា-ចិន ព្រមទាំងកិច្ចការតំបន់ និងអន្តរជាតិ ដែលផ្តល់ផលប្រយោជន៍រួម ៕ ដោយ ៖ វណ្ណលុក

ភ្នំពេញ៖ ឯកឧត្តមបណ្ឌិត ជុក ជំនោរ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ បានដឹកនាំកិច្ចប្រជុំលើកដំបូងរបស់ អគ្គនាយក ដ្ឋាន អភិវឌ្ឍន៍ទេសចរណ៍ និងសហប្រតិបត្តិការអន្តរជាតិ សម្រាប់អាណត្តិទី៧ ដើម្បីប្រកាសការបែងចែកភារកិច្ចអគ្គនាយករង និងពិនិត្យការងារទូទៅរបស់អគ្គនាយកដ្ឋាន។ កិច្ចប្រជុំមានការចូលរួមពីឯឧត្តម លោកជំទាវ លោក លោកស្រី ជាអគ្គនាយករង និងប្រធាននាយកដ្ឋានចំណុះអគ្គនាយកដ្ឋាន អភិវឌ្ឍន៍ទេសចរណ៍ និងសហប្រតិបត្តិការអន្តរជាតិ។ ឯកឧត្តមបណ្ឌិតអគ្គនាយក បានជម្រាបអង្គប្រជុំថា ការបែងចែក ភារកិច្ចជូនអគ្គនាយករង គឺផ្អែកលើគំនិតផ្តួចផ្តើមយុទ្ធសាស្រ្តរបស់ ឯកឧត្តម សុខ សុកេន រដ្ឋមន្រ្តីក្រសួងទេសចរណ៍គឺ “បង្កើន ៥ និងអភិវឌ្ឍ ៣ (BUILD plus 3Ds)” ការបែងចែកភារកិច្ចជូនថ្នាក់ដឹកនាំក្រសួង ទេសចរណ៍ តាមរយៈសេចក្តីសម្រេចលេខ ១០៧ សសរ ចុះថ្ងៃទី៥ ខែកញ្ញា ឆ្នាំ២០២៣ និងតួនាទីភារកិច្ចស្នូលរបស់អគ្គនាយកដ្ឋាន និងនាយកដ្ឋានជំនាញ។ បន្ទាប់ពីប្រកាសពីការបែងចែកភារកិច្ចអគ្គនាយករង ឯកឧត្តមអគ្គនាយក បានបន្តជម្រាបជូនអង្គប្រជុំអំពីបែបបទ និងរបៀបរបបការងារថ្មីរបស់ ក្រសួងទេសចរណ៍ ការងារផ្ទៃក្នុងរបស់អគ្គនាយកដ្ឋាន ការឆ្លងឯកសារ…

ភ្នំពេញ៖ អ្នកនាំពាក្យក្រសួងការបរទេសនិងសហប្រតិបត្តិការអន្តរជាតិ លោក អាន សុខខឿន កាលពីថ្ងៃទី ១៤ ខែកញ្ញា ឆ្នាំ ២០២៣បានគូសបញ្ជាក់ចំនួនប្រាំមួយចំណុច នៅក្នុងសេចក្តីថ្លែងការណ៍ព័ត៌មានតបទៅនឹងការផ្សព្វផ្សាយរបស់ អង្គការឃ្លាំមើលសិទ្ធិ មនុស្សដែលប្រាសចាកពីការពិតនៅកម្ពុជា។ សេចក្តីថ្លែងការណ៍ព័ត៌មានបានបញ្ជាក់ថា នៅចំពោះ មុខនៃការអត្ថាធិប្បាយមិនត្រឹមត្រូវ លម្អៀង និងបង្កឱ្យមានការភាន់ច្រលំ ដែលបានផ្សព្វផ្សាយ ថ្មីៗនេះដោយអង្គការឃ្លាំមើល សិទ្ធិមនុស្ស (HRW)អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ មានភាពចាំបាច់ក្នុងការ បង្ហាញអំពីព័ត៌មានពិតមួយ ចំនួន ដូច តទៅ៖ ១.ការអះអាងថា ស្ថានភាពសិទ្ធិមនុស្សនៅកម្ពុជា បានធ្លាក់ចុះជាបន្តបន្ទាប់ គឺជាការអះអាងគ្មានលក្ខណៈថ្លឹងថ្លែង សត្យានុម័តឬ សមាមាត្រ។ ការសង្កត់ធ្ងន់របស់អង្គការ HRW លើសិទ្ធិពលរដ្ឋ និងនយោបាយ ដោយបំពានដល់សិទ្ធិជាមូលដ្ឋានផ្សេងទៀត រួម ទាំងសិទ្ធិ រស់រានមានជីវិត សុខុមាលភាព អាហារូបត្ថម្ភ ការអប់រំ និងការអភិវឌ្ឍ គឺជាការ ប្រព្រឹត្តដែលផ្ទុយពីស្តង់ដារបស់ អង្គការសហ ប្រជាជាតិ (អ.ស.ប)។ គោលការណ៍របស់ អសប ដែលត្រូវអនុវត្តចំពោះសិទ្ធិមនុស្សទាំងអស់ ដោយស្មើៗគ្នា…