(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណចក្រកម្ពុជា បន្ទាប់ពីបានដឹកនាំគណៈប្រតិភូអញ្ជើញដល់រដ្ឋធានីប៉េកាំង និងបានអញ្ជើញដាក់ កម្រង ផ្កាគោរពវិញ្ញាណក្ខន្ធវិរបុរសចិន នៅស្តុបអនុស្សាវរីយ៍វិរបុរសចិន មហាទីលានធានអានមិន នៃសាធារណរដ្ឋប្រជាមានិតចិន នារសៀលថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣ ក៏បានអញ្ជើញជួបជាមួយ លោក ហាន ស៊ាជុន (Han Xiaojun) ប្រធានក្រុមហ៊ុន SINOMACH Heavy Equipment Group ក្នុងជំនួបសម្ដែងការគួរសម និងពិភាក្សាការងារ នៅរដ្ឋធានីប៉េកាំង ។ សូមបញ្ជាក់ថា នេះគឺជាដំណើរបំពេញទស្សកិច្ចផ្លូវការ ក្រៅប្រទេសជាលើកដំបូង របស់សម្តេចមហាបវរធិបតី ហ៊ុន ម៉ាណែត បន្ទាប់ពីសម្តេចធិបតី បានស្បថចូលកាន់មុខដំណែងជានាយករដ្ឋមន្រ្តី នីតិកាលទី៧ នៃរដ្ឋសភា កាលពីថ្ងៃទី២២ ខែសីហាឆ្នាំ២០២៣ ក្រោយលទ្ធផលនៃការបោះឆ្នោតជ្រើសតាំងតំណាងរាស្រ្ត នីតិកាលទី៧ នៃរដ្ឋសភា ថ្ងៃទី២៣កក្កដា ឆ្នាំ២០២៣។ តាមកម្មវិធីដែលបានគ្រោងទុក នៅក្នុងដំណើរបំពេញទស្សនកិច្ច ទៅកាន់រដ្ឋធានីប៉េកាំង ជាលើកដំបូងនេះ សម្តេចធិបតីនាយករដ្ឋមន្រ្តី និងអញ្ជើញជួបពិភាក្សាទ្វេភាគី…

(ភ្នំពេញ)៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែង ប្រាប់ច្បាស់ៗ និងចំៗ ជូនចំពោះមន្រ្តីរាជការក្រោមឱវាទ ឱ្យធ្វើការតាមរបៀបបុរេសកម្ម ដើម្បីសម្រេចបាននូវសុក្រិតកម្មបរិស្ថានកិច្ច ។ គួរបញ្ជាក់ថាការលើកឡើងពីសំណាក់ ឯកឧត្តមរដ្ឋមន្រ្តីក្រសួងបរិស្ថានបែបនេះធ្វើឡើងក្នុងជំនួបជាមួយមន្រ្តីក្រសួងបរិស្ថាន នាទីស្តីការក្រសួង នាព្រឹកថ្ងៃទី១៤ ខែកញ្ញា ឆ្នាំ២០២៣ ។ ឯកឧត្តមរដ្ឋមន្រ្តីក្រសួងបរិស្ថានបានធ្វើការលើកឡើងដោយពន្យល់ចំពោះ ការធ្វើការងារបែបបុរេសកម្ម គឺត្រូវតែតាមដានការងារជាប្រចាំ តាមរយៈសេចក្តីសម្រេចនានា របស់រាជរដ្ឋាភិបាលកម្ពុជា ក្នុងនាមជាមន្រ្តីរាជការចាំបាច់ត្រូវអាន រៀន ឱ្យយល់ យកមកបំបែកធ្វើជាផែនការយុទ្ធសាស្រ្ត ហើយញែកឱ្យទៅជាផែនការសកម្មភាព សម្រាប់អនុវត្តឱ្យបានឆាប់រហ័ស បន្ទាប់មកតាមដានឱ្យជាប់ជាប្រចាំ និងដោយការទទួលខុសត្រូវខ្ពស់ ស្របតាមតួនាទីដែលរាជរដ្ឋាភិបាលកម្ពុជា បានប្រគល់ជូនក្នុងងារជាឯកឧត្តម លោកជំទាវ ហើយជាថ្នាក់ដឹកនាំរបស់ក្រសួងផងដែរ ចាំបាច់ត្រូវតែការងារល្អ និងច្បាស់លាស់ មានភាពជាម្ចាស់ការលើការងារ ឯករាជ្យភាព និងអធិបតេយ្យភាព ។ ជាមួយគ្នានេះឯកឧត្តម រដ្ឋមន្រ្តីក៏ បានថ្លែងបញ្ជាក់ និង ពន្យល់លើពាក្យថា សុក្រឹតកម្មបរិស្ថានកិច្ច គឺជាកិច្ចការងារបន្តដែលមានពីមុន ហើយដែលមន្រ្តីរាជការក្រោមឱវាទទាំងអស់ ត្រូវបន្តធ្វើជាបន្តទៀត ដោយប្រសិទ្ធភាព និងប្រសិទ្ធផល ឈានឆ្ពោះទៅសម្រេចបានយុទ្ធសាស្រ្តបញ្ចកោណរបស់រាជរដ្ឋាភិបាលកម្ពុជា ដែលក្រសួងបានដាក់ចេញហើយនូវយុទ្ធសាស្រ្តអាទិភាព…

ភ្នំពេញ៖ រាជរដ្ឋាភិបាលកម្ពុជា សម្រេចផ្អាកការផ្តល់សេវារដ្ឋបាលថ្នាក់ក្រោមជាតិមួយចំនួននៅរង្វង់ក្រុង ស្រុក ខណ្ឌ ពាក់ព័ន្ធការបំពេញបែបបទធ្វើអាជីវកម្មខ្នាតតូច ឬសំដៅលើសេដ្ឋកិច្ចក្រៅប្រព័ន្ធ ដើម្បីចូលរួមលើកកម្ពស់ និងសម្រួលបន្ទុកដល់ពលរដ្ឋដែលកំពុងប្រកបរបបនៅក្នុងវិស័យនេះ។ ការសម្រេចនេះដែរ ធ្វើឡើងបន្ទាប់ពីពលរដ្ឋដែលកំពុងប្រកបរបរក្នុងអាជីវកម្មខ្នាតតូច បានសម្តែងការព្រួយបារម្ភ ក្នុងករណីរដ្ឋតម្រូវឱ្យពួកគេចុះបញ្ជីប្រឈមការជាប់ពន្ធ ឬការចំណាយផ្សេងៗ ខណៈនៅតំបន់និងពិភពលោកកំពុងជួបវិបត្តិសេដ្ឋកិច្ចសកល។ ដើម្បីសម្រួលបន្ទុកនេះសម្ដេចធិបតីនាយករដ្ឋមន្រ្តី ហ៊ុន ម៉ាណែត បានចេញសេចក្តីសម្រេច ចុះថ្ងៃទី ១៣ខែកញ្ញា ឆ្នាំ ២០២៣  ស្តីពីការផ្អាកការផ្តល់សេវារដ្ឋបាលមួយចំនួនរបស់រដ្ឋបាលក្រុង ស្រុក ខណ្ឌ ពាក់ព័ន្ធនឹងការបំពេញបែបបទធ្វើអាជីវកម្ម ដែលកំណត់ដោយប្រកាសអន្តរក្រសួងលេខ ១៤៣៤២ ប្រក ចុះថ្ងៃទី២៩ ខែធ្នូ ឆ្នាំ២០១៦។ សេចក្តីសម្រេចបញ្ជាក់ថា អាជីវកម្មដែលត្រូវផ្អាកនោះមាននៅក្នុងវិស័យចំនួន៦រួមមាន វិស័យវប្បធម៌ និងវិចិត្រសិល្បៈ មានដូចជា ទីតាំងផលិត និងលក់ចម្លាក់ ពុម្ពស៊ីម៉ងតិ៍ ជាងគំនូរ និងអាជីវកម្មកាត់សក់ អ៊ុតសក់ លម្អក្រចក សម្អាងការ(ហាង)។ វិស័យអ​ប់រំ យុវជន និងកីឡា គឺអាជីវកម្មលក់សម្ភារកីឡា រួមទាំងការធ្វើសុពលភាពឡើងវិញ។ វិស័យទេសចរណ៍ ភោជនីយដ្ឋាន និងអាហារដ្ឋានក្នុងស្រុក តូបលក់អាហារ…

(ភ្នំពេញ)៖ រដ្ឋសភានៃព្រះរាជាណាចក្រកម្ពុជា បានបន្តសម័យប្រជុំរដ្ឋសភាលើកទី១ នីតិកាលទី ៧ ក្រោមអធិបតីភាពដ៏ខ្ពង់ខ្ពស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃព្រហស្បតិ៍ទី១៤ ខែកញ្ញា ឆ្នាំ២០២៣នេះ.។របៀបវារៈសម័យប្រជុំរដ្ឋសភាមានចំនួនពីរគឺ ការពិភាក្សាអនុម័តសេចក្តីព្រាងច្បាប់ស្តីពី ការបង្កើតក្រសួងអធិការកិច្ច និងការពិភាក្សាអនុម័ត សេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានកិច្ចការព្រំដែន។ សេចក្តីព្រាងច្បាប់ស្តីពី ការបង្កើតក្រសួងអធិការកិច្ច តាក់តែងឡើងក្នុងគោលបំណងប្តូរឈ្មោះ «ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច» មកជា «ក្រសួងអធិការកិច្ច» ឆ្លើយតបនឹងកម្មវិធីនយោបាយរបស់រាជរដ្ឋាភិបាលអាណត្តិទី៧ និងយុទ្ធសាស្រ្តបញ្ចកោណដំណាក់កាលទី១ បន្តកែទម្រង់ឱ្យស៊ីជម្រៅ ទូលំទូលាយ មានភាពស៊ីចង្វាក់គ្នាដែលនឹងផ្តោតលើការលើកកម្ពស់អភិបាលកិច្ចនិងសមត្ថភាពស្ថាប័ន ការបង្កើតបរិយាកាសអំណោយផលសម្រាប់អភិវឌ្ឍន៍សង្គម-សេដ្ឋកិច្ច ការអភិវឌ្ឍមូលធនមនុស្ស ការធ្វើពិពិធកម្មសេដ្ឋកិច្ច ការបង្កើនភាពប្រកួតប្រជែង ការអភិវឌ្ឍវិស័យឯកជន ដែលប្រកបដោយភាពធន់ ចីរភាព បរិយាប័ន្ន និងសង្គមឌីជិថល ជាដើម។ សេចក្តីព្រាងច្បាប់ស្តីពី ការបង្កើតក្រសួងអធិការកិច្ច មាន១០មាត្រា។ បន្ទាប់ពីបានពិភាក្សា អនុម័តមួយមាត្រាម្តងៗ អង្គប្រជុំរដ្ឋសភាបានអនុម័ត សេចក្តីព្រាងច្បាប់នេះ ទំាងមូលជាឯកច្ឆន្ទ។ សេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានកិច្ចការព្រំដែន គឺរាជរដ្ឋាភិបាលបង្កើត រដ្ឋលេខាធិការដ្ឋានកិច្ចការព្រំដែនជំនួសអាជ្ញាធរជាតិទទួលបន្ទុកកិច្ចការព្រំដែន ក្នុងគោលបំណងបង្កើតឱ្យមានស្ថាប័នថ្មីមួយ ដែលមានលក្ខណៈអចិន្ត្រៃយ៍ មានរចនាសម្ព័ន្ធគ្រប់គ្រង…

ភ្នំពេញ៖ គណៈប្រតិភូរាជរដ្ឋាភិបាលកម្ពុជា ដែលដឹកនាំដោយសម្ដេចមហាបវរធិបតី ហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ បានអញ្ជើញដល់អាកាសយានដ្ឋានអន្តរជាតិរដ្ឋធានីប៉េកាំង សាធារណរដ្ឋប្រជាមានិតចិន ប្រកបដោយសុវត្ថិភាព និងទទួលស្វាគមន៍ដោយ ឯកឧត្តម ណុង រ៉ុង (Nong Rong) អនុរដ្ឋមន្ត្រីការបរទេស អមដំណើរដោយ លោកជំទាវ ឯកអគ្គរាជទូតកម្ពុជាប្រចាំប្រទេសចិន នារសៀលថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣ ។ យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា ក្នុងឱកាសនៃដំណើរទស្សនកិច្ចផ្លូវការនេះ សម្ដេចធិបតី ហ៊ុន ម៉ាណែត នឹងអញ្ជើញជួបសំដែងការគួរសមដោយឡែកពីគ្នាជាមួយឯកឧត្តម ស៊ី ជីនពីង ប្រធានាធិបតីនៃសាធារណរដ្ឋប្រជាមានិតចិន និងឯកឧត្តម ចាវ ឡឺជី ប្រធានសភាតំណាងប្រជាជនចិន។ កិច្ចពិភាក្សានឹងផ្លាស់ប្តូរទស្សនៈលើប្រធានបទមួយចំនួន រួមមាន៖ ការកសាងសហគមន៍វាសនារួមកម្ពុជា-ចិន ក្នុងយុគសម័យថ្មី ការជំរុញបន្ថែមនូវកិច្ចសហប្រតិបត្តិការត្បូងពេជ្រ ទិសដៅយុទ្ធសាស្ត្រសម្រាប់ទំនាក់ទំនងកម្ពុជា-ចិន ព្រមទាំងកិច្ចការតំបន់ និងអន្តរជាតិដែលផ្តល់ផលប្រយោជន៍រួម ។ សម្ដេចធិបតី ហ៊ុន ម៉ាណែត នឹងជួបពិភាក្សាទ្វេភាគីជាមួយឯកឧត្តម លី ឈាង អំពីកិច្ចសហប្រតិបត្តិការទ្វេភាគី…

(ភ្នំពេញ)៖ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បានលើកឡើងថា កម្ពុជា តែងប្រកាន់ខ្ជាប់នូវគោលនយោបាយការបរទេស ផ្កាចម្រុះពណ៌ ទាំងរាជរដ្ឋាភិបាលអាណត្តិមុន ក៏ដូចជារដ្ឋាភិបាលបច្ចុប្បន្ន ពោលនយោបាយការបរទេសរបស់យើង គឺរក្សាឧត្តមប្រយោជន៍ជាតិ ជារឿងសំខាន់ ខណៈអ្នកនាំពាក្យរាជរដ្ឋាភិបាល លើកឡើងថា ដំណើរទស្សនកិច្ចលើកដំបូងរបស់សម្តេចធិបតីនាយករដ្ឋមន្ត្រី ហ៊ុន ម៉ាណែត ទៅកាន់ប្រទេសចិន និងចូលរួមពិព័រណ៍ចិន-អាស៊ាន លើកទី២០ ចាប់ពីថ្ងៃទី១៤-១៧ ខែកញ្ញា ឆ្នាំ២០២៣ តបតាមការអញ្ជើញរបស់ ឯកឧត្តម លី ឈាង នាយករដ្ឋមន្ត្រីចិន គឺជាជម្រើសសមស្របតាមភូមិសាស្ត្រ និងផលប្រយោជន៍ជាតិ ។ លោកបណ្ឌិត គិន ភា បានលើកឡើងថា ក្នុងក្របខណ្ឌនៃរដ្ឋធម្មនុញ្ញនៃព្រះរាជាណាចក្រកម្ពុជា ត្រង់មាត្រា ៥៣ បានកំណត់ច្បាស់អំពីក្របខណ្ឌនៃគោលនយោបាយការបរទេសរបស់កម្ពុជា គឺគោលនយោបាយការបរទេសអព្យាក្រឹត្យ អចិន្ត្រៃយ៍ មិនចូលបក្សសម្ព័ន្ធ ដូច្នេះវត្តមានរបស់សម្ដេចធិបតី ទៅកាន់ប្រទេសចិន ក៏មិនបញ្ជាក់ថា យើងមានភាពផ្ដាច់មុខ នៃទំនាក់ទំនងរបស់យើងតែជាមួយប្រទេសចិននោះទេ គឺជានិច្ចកាល ទាំងរាជរដ្ឋាភិបាលអាណត្តិមុន ក៏ដូចជារដ្ឋាភិបាលបច្ចុប្បន្ន តែងប្រកាន់ខ្ជាប់គោលនយោបាយការបរទេសផ្កាចម្រុះពណ៌ ដែលយើងព្យាយាមធ្វើពិពិធកម្មការទូតរបស់យើងជាមួយបណ្ដាប្រទេសទាំងអស់ ហើយអ្វីដែលសំខាន់បំផុតនោះ…

(ភ្នំពេញ)៖ អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញសេចក្តីសម្រេច ស្តីពីការបង្កើតគណៈកម្មការសិក្សា និងកំណត់ចំនួនស្នងការរងនគរបាលរាជធានី ខេត្ត ចំណុះអគ្គស្នងការដ្ឋាននគរបាលជាតិ និងចំនួននាយរងប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិ-ព្រំដែនអន្តរជាតិ ចំណុះអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ។ ដែលបានចេញនៅថ្ងៃទី១៤ ខែកញ្ញា ឆ្នាំ២០២៣៕ ដោយ-រ៉ាវុធ

(ភ្នំពេញ)៖ ក្នុងឱកាសអនុញ្ញាតឱ្យ ឯកឧត្តម Takahashi Fumiaki ប្រធានសមាគមជប៉ុន-កម្ពុជា ហៅកាត់ថា JCA ដឹកនាំប្រតិភូវិនិយោគិនជប៉ុន ចូលជួបសម្ដែងការគួរសម នៅទីស្ដីការក្រសួង នារសៀលថ្ងៃទី១៣ ខែកញ្ញា ឆ្នាំ២០២៣នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានលើកឡើងអំពីសារៈសំខាន់នៃការអបអរសាទរខួប ៧០ឆ្នាំ នៃទំនាក់ទំនងកម្ពុជា-ជប៉ុន ក្នុងនោះ ឯកឧត្តមបានគាំទ្រចំពោះគំនិតផ្តួចផ្តើមផ្សេងៗរបស់សមាគមជប៉ុន-កម្ពុជា ក្នុងការរៀបចំនូវកម្មវិធីនានា ដើម្បីអបអរព្រឹត្តិការណ៍នៃទំនាក់ទំនងការទូតដ៏ថ្លៃថ្លានេះ ។ ឯកឧត្ដមអភិសន្តិបណ្ឌិត បានថ្លែងស្វាគមន៍ឯកឧត្តមប្រធាន និងប្រតិភូ JCA ដែលអញ្ជើញមកទស្សនកិច្ចនៅកម្ពុជា ជាថ្មីម្តងទៀត ថាពិតជាបង្ហាញឲ្យឃើញថែមទៀតនូវទំនាក់ទំនងយ៉ាងល្អប្រសើរ និងកក់ក្ដៅរវាងប្រទេសទាំងពីរកម្ពុជា-ជប៉ុន ។ ជាការឆ្លើយតប ឯកឧត្ដម Takahashi Fumiaki បានបង្ហាញនូវសេចក្ដីសោមនស្សរីករាយដែលទទួលបានឱកាសចូលជួបសម្តែងការគួរសមចំពោះឯកឧត្តមអភិសន្តិបណ្ឌិត។ ឯកឧត្ដម Takahashi បន្តថា បច្ចុប្បន្ន ឯកឧត្ដមបាននិងកំពុងខិតខំផ្សព្វផ្សាយកៀរគរវិនិយោគិនជប៉ុនមកស្វែងរកឱកាស ឱកាសវិនិយោគនៅកម្ពុជាតាមរយៈការរៀបចំឲ្យមានដំណើរទស្សនកិច្ចដូចពេលនេះ ។ ឯកឧត្ដម រម្លឹកថាកន្លងមក ឯកឧត្តមបានដឹកនាំប្រតិភូធុរកិច្ចជប៉ុនមកប្រទេសកម្ពុជា ជាបន្តបន្ទាប់ ហើយនៅក្នុងខែវិច្ឆិកាខាងមុខនេះ ឯកឧត្តម នឹងដឹកនាំប្រតិភូមួយក្រុមទៀតមកកាន់ប្រទេសកម្ពុជាដែលស្របនឹងការប្រារព្ធព្រះរាជពិធីបុណ្យអុំទូក…

ភ្នំុពេញ៖​ កម្ពុជា​ធ្វើជាម្ចាស់ផ្ទះ​លើក​ដំ​បូងពី​លំហាត់ហ្វឹកហ្វឺនប្រតិបត្តិការពហុជាតិ លើទីលានស​កម្មភាពមីនមនុស្សធម៌ក្នុងក្របខ័ណ្ឌកិច្ចប្រជុំរដ្ឋមន្ត្រីការពារជាតិអាស៊ាន-បូក ក្រោមប្រធានបទ «មាតុភូមិដ៏បវរ-ឆ្នាំ២០២៣»កាលពីថ្ងៃទី ១៣ ខែកញ្ញា ឆ្នាំ២០២៣។ព្រឹត្តិការណ៍នេះក៏​ជាការបង្ហា​​​ញ​ឱ្យឃើញពី​សមត្ថភាព និងបទពិសោធន៍លើជំនាញសកម្មភាពមីនរបស់កម្ពុជាផងដែរ។ ឯកឧត្តមនាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព បានថ្លែងក្នុង​ពិធីនោះថា  ​នៅក្នុងលំហាត់ហ្វឹកហ្វឹននេះ ​កម្ពុជា​ធ្វើ​ជា​សហប្រធានរៀបចំជាមួយក​ងទ័ពរំដោះប្រជាជនចិន និង​មាន​ការ​ចូល​រួម​កង​ទ័ព​បណ្តា​ប្រទេស​ចំនួន​១៤​ ក្នុង​តំបន់អាស៊ានបូក ចិន អាមេរិក អូស្ត្រាលី ឥណ្ឌា ជប៉ុន សាធារណរដ្ឋកូរ៉េ និង​សហព័ន្ធរុស្សីផងដែរ។ ឯកឧត្តម​បានបន្តថា ការហ្វឹកហ្វឺននេះ ធ្វើឡើង​ក្នុងគោលបំណងពង្រឹងកិច្ចសហប្រតិបត្តិការមនុស្សធម៌ផ្នែកយោ​ធា ផ្លាស់​ប្តូរ​បទ​ពិសោ​ធន៍​គ្នា​ទៅវិញទៅមក ការប្រើប្រាស់សម្ភារ​បច្ចេកវិទ្យាដោះមីនទំនើប និង​ការ​ធ្វើ​ន​វានុវត្តន៍​ដោះមីន ​និងការកម្ទេច​គ្រាប់​យុទ្ធភណ្ឌមិនទាន់ផ្ទុះ ហើយតាមរយៈ​លំហាត់​ហ្វឹកហ្វឺន​នេះក៏​នឹ​ង​រួម​ចំណែក​ក្នុងដំណើរឆ្ពោះទៅកាន់កម្ពុជាគ្មានមីន នាឆ្នាំ២០២៥។ ឯកឧត្តមមានប្រសាសន៍ថា ​​លំហាត់ហ្វឹកហ្វឺនលើកទី១នាពេលនេះ ​ជាការបង្ហាញឱ្យឃើញពីការទទួលស្គា​​​ល់ចំពោះសមត្ថភាព និងបទពិសោធន៍លើជំនាញសកម្មភាពមីនមនុស្សធម៌ និងដើម្បីជាឱកាសធ្វើការផ្លា​ស់ប្តូរបទពិសោធន៍រវាងគ្នាទៅវិញទៅមក ជាពិសេសបង្កើនចំណងសាមគ្គីភាព មិត្តភាពរវាងបណ្តាប្រ​ទេ​សក្នុងអាស៊ាន និងតំបន់ផងដែរ។ យោងតាម​សេចក្តី​ប្រកាសព័ត៌មាន​របស់​មជ្ឈមណ្ឌលជាតិរក្សាសន្តិភាព គិតចាប់ពីការបង្កើ​តសាលាហ្វឹកហ្វឺននេះ កម្ពុជា​បានទទួលធ្វើជាម្ចាស់ផ្ទះលើលំហាត់ហ្វឹកហ្វឺនពហុសាសន៍រួមមាន លំហាត់ហ្វឹកហ្វឺនប្រតិបត្តិការរក្សាសន្តិភាពពហុជាតិ «ឆ្មាំអង្គរ»​ សរុបចំនួនបីលើក មានប្រទេសចូ​លរួមចំនួនប្រាំបួនប្រទេស ហ្វឹកហ្វឺនលើទីលាន និង២៣ប្រទេសហ្វឹកហ្វឺននៅទីបញ្ជាការ ដែលជាការឧបត្ថម្ភរ​បស់​គម្រោង GPOI។ ​នាឱកាសនោះដែរ លោក…

(សៀមរាប)៖ ក្នុងមនោសញ្ចេតនាគោរពស្រឡាញ់ប្រជាពលរដ្ឋ ជាម្ចាស់ឆ្នោតដែលបានបង្ហាញពីឆន្ទៈគាំទ្ររាជរដ្ឋាភិបាលនីតិកាលទី៧ នៃរដ្ឋសភា កន្លងទៅនេះ ឯកឧត្តម សៅ សារឿន ប្រធានក្រុមការងារគណបក្សចុះមូលដ្ឋានឃុំ វ៉ារិន ស្រុកវ៉ារិន ខេត្តសៀមរាប បានដឹកនាំក្រុមការងារចុះមូលដ្ឋាន ជួបសំណេះសំណាលនិងពិនិត្យលំនៅដ្ឋានមួយខ្នងបន្ទាប់ពីបានជួសជុលរួចជូនគ្រួសារ ឧបាសក ប៊ុត ស្តើង ដែលជួបការលំបាកខ្វះខាតក្នុងជីវភាពរស់នៅ ។ សូមបញ្ជាក់ថា ឧបាសក ប៊ុត ស្តើង ជាប្រជាពលរដ្ឋ រស់នៅក្នុងភូមិ គោកគ្រួស ឃុំវ់ារិន ស្រុកវ៉ារិន ខេត្តសៀមរាប កន្លងមកមានជំងឺប្រចាំកាយ ប៉ុន្តែក្រោមការយកចិត្តទុកដាក់របស់ ឯកឧត្តម សៅ សារឿន និងក្រុមការងារបានបញ្ជូនក្រុមគ្រូពេទ្យវ៉ារិនចុះមកពិនិត្យ ព្យាបាលជំងឺរហូតបានជាសះស្បើយ និងមានសុខភាពល្អប្រសើរឡើងវិញ ។ ទន្ទឹមនេះ ឯកឧត្តម សៅ សារឿន និងក្រុមការងារ បានជួយជួសជុលផ្ទះកូនស្រី ឧបាសក ប៊ុត ស្តើង ឈ្មោះ ស្តើង ហៀវ មានទំហំ ៤ម៉ែត្រ គុណ ៥ម៉ែត្រ ឲ្យរស់នៅបានសមរម្យ…