ភ្នំពេញ៖ សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា និងឧត្តមប្រឹក្សាផ្ទាល់ព្រះមហាក្សត្រ នៅថ្ងៃទី១១ ខែកញ្ញា ឆ្នាំ២០២៣ បានអះអាងឡើងវិញនូវគោលជំហរដ៏ពេញទំហឹងឥតងាករេ នៅតែបន្តគាំទ្រ និងលើកទឹកចិត្ត រាជរដ្ឋាភិបាល អាណត្តិទី៧ នៃរដ្ឋសភា ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី។ ការអះអាងរបស់ សម្តេចក្រឡាហោម ស ខេង ធ្វើឡើងតាមបណ្តាញសង្គមហ្វេសប៊ុក បន្ទាប់ពីក្នុងរយៈពេលចុងក្រោយនេះ ជាពិសេសក្រោយពេលដែលរាជរដ្ឋាភិបាល អាណត្តិទី៧ នៃរដ្ឋសភា ត្រូវបានបង្កើតឡើង មជ្ឈដ្ឋានដែលមាននិន្នាការប្រឆាំង នៅតែបន្តលើកឡើងដដែលៗ តាមរយៈបណ្តាញសង្គម សារព័ត៌មាននានា និងជាពិសេសតាមការឃោសនាអកុសល ប្រតិដ្ឋនូវព័ត៌មាននានាក្នុងបំណងដ៏កខ្វក់ដើម្បីបំបែកបំបាក់ផ្ទៃក្នុងគណបក្សប្រជាជនកម្ពុជា ហើយបានយកឈ្មោះសម្តេចក្រឡាហោម ជាប្រធានបទមួយសម្រាប់បម្រើមហិច្ឆតាទុច្ចរិត និងស្មោកគ្រោករបស់ពួកគេ។ តាមរយៈបណ្តាញសង្គម Facebook សម្តេចក្រឡាហោម ស ខេង បានថ្លែងថា «ក្នុងនាមខ្ញុំជាអនុប្រធានគណបក្សប្រជាជនកម្ពុជា ខ្ញុំសូមជម្រាបជូនប្រជាពលរដ្ឋខ្មែរទាំងអស់ ជាពិសេសបងប្អូនជនរួមជាតិដ៏ច្រើនលើសលប់ ដែលគាំទ្រគណបក្សប្រជាជនកម្ពុជា មេត្តាជ្រាបថា ការលើកឡើងរបស់មជ្ឈដ្ឋានដែលមាននិន្នាការប្រឆាំងនេះ ជាការប៉ុនប៉ងទាំងល្ងិតល្ងង់ក្នុងគ្រាអស់សង្ឃឹម និងជាការបំផុសបំផុលដ៏គ្រោះថ្នាក់ដល់ប្រទេសជាតិ។ ខ្ញុំសូមអំពាវនាវឲ្យក្រុមជនអគតិ និងទុច្ចរិតទាំងនោះ បញ្ឈប់ជាបន្ទាន់រាល់ទង្វើទាំងឡាយណាដែលប៉ះពាល់ដល់សន្តិភាព…

ភ្នំពេញ៖ ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នៅព្រឹកថ្ងៃចន្ទ ទី១១ ខែកញ្ញា ឆ្នាំ២០២៣ អញ្ជើញជាអធិបតីក្នុងកិច្ចប្រជុំការធ្វើបទបង្ហាញអំពីរចនាសម្ព័ន្ធ និងតួនាទីរបស់អគ្គនាយករដ្ឋបាលនិងហិរញ្ញវត្ថុ នៅទីស្តីការក្រសួង។ ឯកឧត្តម រឿន រិទ្ធីរ័ត្ន អគ្គនាយកនៃអគ្គនាយដ្ឋានកិច្ចការរដ្ឋបាល និងហិរញ្ញវត្ថុ បានបង្ហាញថា អគ្គនាយកដ្ឋានកិច្ចការរដ្ឋបាល និងហិរញ្ញវត្ថុមានតួនាទីភារកិច្ច÷ គ្រប់គ្រង និងសម្របសម្រួលកិច្ចការរដ្ឋបាល បុគ្គលិក និងពិធីការ រៀបចំផែនការ បូកសរុប និងការផ្សព្វផ្សាយព័ត៌មាន គ្រប់គ្រង និងចាត់ចែងកិច្ចការហិរញ្ញវត្ថុ គណនេយ្យ និងទ្រព្យសម្បត្តិរដ្ឋ ធ្វើកិច្ចសហប្រតិបត្តិការជាមួយសមាគម អង្គការ និងដៃគូអភិវឌ្ឍន៍នានា ទំនាក់ទំនងសាធារណៈ និងសម្របសម្រួលការងារទូទៅជាមួយអង្គភាពនានា ថ្នាក់ដឹកនាំ និងក្រសួង ស្ថាប័នពាក់ព័ន្ធ។ ឯកឧត្តមបានបន្ថែមថា ក្រសួងមានថ្នាក់ដឹកនាំ ទីប្រឹក្សា មន្ត្រីរាជការសរុបចំនួន ៦៥៣នាក់ (ស្រី ២០៧នាក់) ក្នុងនោះមានទីប្រឹក្សាក្រសួង ចំនួន ៨២នាក់ (ស្រី ២០នាក់) អគ្គលេខាធិការអគ្គនាយក និងថ្នាក់ប្រហាក់ប្រហែល…

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងកាលពីថ្ងៃទី៩ ខែកញ្ញា ឆ្នាំ២០២៣ថា នាសប្តាហ៍ក្រោយនេះ ក្រុមការងារជំនាញរបស់ប្រទេសសិង្ហបុរី នឹងមកជជែកពិភាក្សាជាមួយមន្រ្តីជំនាញក្រសួងពាណិជ្ជកម្ម និងក្រសួងកសិកម្មកម្ពុជា ដើម្បីសិក្សាពីលទ្ធភាពក្នុងការនាំចេញផលិតកសិកម្មទៅប្រទេសរបស់ខ្លួន ។ សម្តេចធិបតី នាយករដ្ឋមន្រ្តីបានថ្លែងបែបនេះ នៅក្នុងពិធីសំណេះសំណាលជាមួយកម្មករនិយោជិត តាមរោងចក្រ សហគ្រាស ចំនួន ១៨ ២៦៥នាក់ មកពីរោងចក្រ សហគ្រាសចំនួន ១៤ នៅស្រុកសំរោងទង ខេត្តកំពង់ស្ពឺ កាលពីថ្ងៃទី៩ ខែកញ្ញា ឆ្នាំ២០២៣ ។ សម្តេចធិបតី បានថ្លែងថា ៖ «សិង្ហបុរី ចាប់ផ្តើមចាប់អារម្មណ៍លើផលិតផលកសិកម្មរបស់ខ្មែរមួយចំនួនដូចជា បន្លែ សាច់ជ្រូក សាច់មាន់ហើយ។ ដូចនេះក្រសួងពាក់ព័ន្ធ រួមមានក្រសួងកសិកម្ម និងក្រសួងពាណិជ្ជកម្ម ត្រូវពិនិត្យមើល និងធ្វើការចចារជាមួយគ្នា ដោយក្រុមងារសិង្ហបុរី គេនឹងមកអាទិត្យក្រោយនេះហើយ។ដូច្នេះ គេធ្វើការលឿន យើងក៏ធ្វើការលឿនដូចគ្នា»។ សូមបញ្ជាក់ដែរថា សម្តេចធិបតី នាយករដ្ឋមន្រ្តី បានជួបផ្ទាល់ជាមួយលោកនាយករដ្ឋមន្រ្តីនៃសាធារណរដ្ឋសិង្ហបុរី លោក លី សៀនលុង…

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា ដំណើរទៅកាន់សហរដ្ឋអាមេរិករបស់សម្តេចនៅចុងខែកញ្ញា ឆ្នាំ២០២៣ខាងមុខនេះ សម្តេចនឹងជួបជាមួយបណ្តាមន្ត្រីជាន់ខ្ពស់ និងអ្នកធុរកិច្ចរបស់អាមេរិក ដើម្បីបញ្ជាក់ជំហរនយោបាយលើបញ្ហាអន្តរជាតិ ក៏ដូចជាការបើកកិច្ចសហប្រតិបត្តិការផ្នែកសេដ្ឋកិច្ច វិនិយោគ និងពាណិជ្ជកម្ម របស់កម្ពុជា ។ សម្តេចធិបតី ហ៊ុន ម៉ាណែត ថ្លែងបែបនេះ ក្នុងឱកាសសម្តេចជួបជាមួយនឹងកម្មករកម្មការិនីជិត ២ម៉ឺននាក់ នៅខេត្តកំពង់ស្ពឺ កាលពីថ្ងៃទី៩ ខែកញ្ញាកន្លងទៅថ្មីៗនេះ ។ សម្តេចធិបតី ថ្លែងនាឱកាសនោះថា ៖ «ពេលខ្ញុំទៅប្រជុំ UN នៅថ្ងៃទី២០ជាង ខាងមុខនេះ ត្រូវជួបជាមួយថ្នាក់ដឹកនាំ អគ្គលេខាធិការអង្គការសហប្រជាជាតិ មន្ត្រីជាន់ខ្ពស់របស់សហរដ្ឋអាមេរិក អ្នកធុរកិច្ចអាមេរិក និងមន្ត្រីមួយចំនួនទៀត ដើម្បីបញ្ជាក់ជំហរ និងការទំនាក់ទំនងរបស់យើង»។ សម្តេចធិបតី ហ៊ុន ម៉ាណែត បន្តថា ៖ «បញ្ជាក់ឱ្យច្បាស់ថា ប្រទេសយើងមិនធំទេ តែក៏ជាប្រទេសមិនតូចដែរ ប៉ុន្តែសំឡេងរបស់ប្រជាពលរដ្ឋកម្ពុជា សំឡេងរបស់កម្ពុជា គឺជាប្រទេសមួយឯករាជ្យ អធិបតេយ្យភាព និងមានអំណាច និងស្មើភាព ជាមួយបណ្តាប្រទេសផ្សេងៗ។…

ខេត្តកណ្តាល៖ ក្នុងគោលដៅជៀសផុតពីកំហុសឆ្គងនានា មុននឹងចេញប័ណ្ណកម្មសិទ្ឋិបញ្ជាក់ក្បាលដី(ប្លង់រឹង)ជូនពលរដ្ឋ មន្រ្តីនៃមន្ទីររៀបចំដែនដីនគរូបនីយកម្មសំណង់និងសុរិយោដី កាលពីថ្ងៃទី០៨ ខែកញ្ញា ឆ្នាំ២០២២ បានធ្វើការបិទផ្សាយជាសាធារណៈ ឯកសារនៃការវិនិច្ឆ័យដីធ្លីមានលក្ខណៈជាប្រព័ន្ធ ចំនួន១,៣៦៤ក្បាលដី នៅក្នុងភូមិព្រែក ឃុំត្រើយស្លា ស្រុកស្អាង ខេត្តកណ្តាល ដើម្បីទុកពេលឱ្យប្រជាពលរដ្ឋម្ចាស់ដី ទៅពិនិត្យផ្ទៀងផ្ទាត់មើលពីភាពត្រឹមត្រូវ ពិតប្រាកដលើដីរបស់ខ្លួន។ លោក ព្រំ ឆាត អនុប្រធានមន្ទីររៀបចំដែនដីនគរូបនីយកម្ម សំណង់ និងសុរិយោដីខេត្តកណ្តាល មានប្រសាសន៍ថា ការបិទផ្សាយនូវឯកសារនៃការវិនិច្ឆ័យដីធ្លីនេះ មានកាលកំណត់តែក្នុងរយៈពេល១៥ថ្ងៃប៉ុណ្ណោះ ដែលរាប់ចាប់ពីថ្ងៃទី៨ ខែកញ្ញា ដល់ថ្ងៃទី២២ ខែកញ្ញា ដោយរាប់បញ្ចូលទាំងថ្ងៃឈប់សម្រាកផងដែរ ក្រោយការបិទផ្សាយនេះ សូមបងប្អូនម្ចាស់ដីទាំងអស់ត្រូវតែប្រញាប់ប្រញាល់ទៅពិនិត្យមើលឱ្យបានគ្រប់គ្នា។ លោកបញ្ជាក់បន្ថែមថា អាជ្ញាធររដ្ឋបាលដីធ្លីខេត្ត បានប្រឹងប្រែងក្នុងការចុះបញ្ជីដីធ្លីដែល មានលក្ខណៈជាប្រព័ន្ធជូនដល់ប្រជាពលរដ្ឋ ព្រោះវាមានសារៈសំខាន់ណាស់ ដល់ប្រជាពលរដ្ឋ ម្ចាស់ដី ដោយមិនចំណាយប្រាក់ច្រើនក្នុងការធ្វើប្លង់រឹងលើដីធ្លី ដើម្បីធានានូវសិទ្ធិធ្វើជាម្ចាស់ កាន់កាប់ ជាឯកសារសំអាងរឹងមាំបើមានជម្លោះដី ពិសេសទៀតនោះបានធ្វើឱ្យបញ្ហាទំនាស់ដី ធ្លីត្រូវបានកាត់បន្ថយយ៉ាងច្រើនទៀតផង។ ជាមួយគ្នានេះលោក ជឺ គឹមហៃ អភិបាលស្រុកស្អាង បានសំណូមពរដល់បងប្អូនប្រជាពលរដ្ឋទាំងអស់ ដែលជាអ្នកកាន់កាប់ដីធ្លីនៅក្នុងភូមិខាងលើ សូមបង្ករលក្ខណៈងាយស្រួល និងចូលរួមសហការឲ្យបានរលូន ជាមួយក្រុមការងាចុះបញ្ជីដីធ្លី…