(កំពង់ស្ពឺ)៖ សម្តេចធិបតីហ៊ុន ម៉ាណែត បានគូសបញ្ជាក់ថា គោលដៅដ៏ធំរបស់រាជរដ្ឋាភិបាលកម្ពុជា គឺកាត់បន្ថយភាពក្រីក្រ និងបង្កើនការងារជូនដល់ពលរដ្ឋខ្មែរគ្រប់រូប ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ដូច្នេះ ក្នុងឱកាសជួបសំណេះសំណាលជាមួយកម្មករ និយោជិត តាមរោងចក្រ សហគ្រាស ចំនួន ១៨,២៦៥នាក់ នៅស្រុកសំរោងទង ខេត្តកំពង់ស្ពឺ នាព្រឹកថ្ងៃសៅរ៍ ទី០៩ ខែកញ្ញា ឆ្នាំ២០២៣ ។ សម្តេចធិបតី បានលើកឡើងថា គោលដៅដ៏ធំរបស់រាជរដ្ឋាភិបាលកម្ពុជា គឺកាត់បន្ថយភាពក្រីក្រ បង្កើនការងារជូនដល់បងប្អូនប្រជាពលរដ្ឋខ្មែរគ្រប់រូប ពោលគឺត្រូវបង្កើតការងារឲ្យបានដល់មូលដ្ឋានតែម្តង ។ ជាមួយគ្នានេះ សម្ដេចនាយករដ្ឋមន្រ្តី បានប្រកាសថា នឹងចុះជួបបងប្អូនអាជីវករនៅតាមផ្សារ និងបងប្អូនប្រជាពលរដ្ឋប្រកបការងារនៅក្រៅប្រព័ន្ធ ដើម្បីស្តាប់ពីកង្វល់របស់ពួកគាត់ យកមកដោះស្រាយ ឱ្យបានទាន់ពេលវេលា ។ សម្តេចធិបតី ហ៊ុន ម៉ាណែត ក៏បានលើកឡើងដែរថា រាជរដ្ឋាភិបាល នឹងធ្វើការសម្របសម្រួលលិខិតឆ្លងដែនដល់បងប្អូនពលករខ្មែរដែលកំពុងធ្វើការនៅក្រៅប្រទេស ឲ្យដល់ប្រទេសដែលពួកគាត់ធ្វើការនៅទីនោះតែម្តង ដើម្បីកុំឲ្យពួកគាត់លំបាកក្នុងការធ្វើដំណើរឡើងចុះ ដោយសម្តេចបញ្ជាក់ថា គម្រោងនេះ នឹងចាប់ផ្តើមធ្វើឡើង នៅប្រទេសកូរ៉េមុនគេតែម្តង…

(កំពង់ស្ពឺ)៖ សម្តេចធិបតី ហ៊ុន ម៉ាណែត បានលើកឡើងថា ក្រៅពីកិច្ចប្រជុំកំពូលអាស៊ាន កម្ពុជា ក៏បានប្រើនយោបាយការទូតដ៏វៃឆ្លាតជាមួយប្រទេសដៃគូ ទាញយកផលប្រយោជន៍សេដ្ឋកិច្ចជូនជាតិផងដែរ ។ ក្នុងឱកាសជួបសំណេះសំណាលជាមួយកម្មករ និយោជិត តាមរោងចក្រ សហគ្រាស ចំនួន ១៨,២៦៥នាក់ នៅស្រុកសំរោងទង ខេត្តកំពង់ស្ពឺ នាព្រឹកថ្ងៃសៅរ៍ ទី០៩ ខែកញ្ញា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា កម្ពុជា បានបង្ហាញជំហរនយោបាយ ដល់ប្រទេសនានាលើពិភពលោក តាមរយៈជំនួបដាច់ដោយឡែកជាមួយបណ្តាប្រទេសទាំងនោះ បន្ទាប់ពីកិច្ចប្រជុំកំពូលអាស៊ាន លើកទី៤៣ នៅទីក្រុងហ្សាកាតា ប្រទេសឥណ្ឌូនេស៊ី ក្នុងនោះ មានការប្តេជ្ញាចិត្តរក្សាសន្តិភាព សន្តិសុខ និងសណ្តាប់ធ្នាប់ ព្រមទាំងទំនាក់ទំនងដើម្បីជំរុញកំណើនសេដ្ឋកិច្ច និងវឌ្ឍនភាពកម្ពុជា និងតំបន់។ សម្តេចធិបតី ហ៊ុន ម៉ាណែត បានបន្ថែមថា ក្រៅពីកិច្ចប្រជុំកំពូលអាស៊ាន លើកទី៤៣ នៅទីក្រុងហ្សាកាតា ប្រទេសឥណ្ឌូនេស៊ី កម្ពុជា បានប្រើនយោបាយការទូតដ៏វៃឆ្លាតជាមួយប្រទេសដៃគូ រួមមាន៖ ការចុះកិច្ចព្រមព្រៀងលក់អង្ករបានប្រមាណ២៥ម៉ឺនតោន,…

(កំពង់ស្ពឺ)៖ សម្តេចធិបតី ហ៊ុន ម៉ាណែត បានឆ្លើយតបចំពោះក្រុមអ្នកវិភាគដូរបាយមួយក្តាប់តូចថា កម្ពុជា អង្គុយស្មើមុខស្មើមាត់ជាមួយថ្នាក់ដឹកនាំបណ្តាប្រទេសទាំងអស់នៃពិភពលោក ក្នុងកិច្ចប្រជុំកំពូលអាស៊ាន នៅឥណ្ឌូនេស៊ី ។ ការឆ្លើយតបដូច្នេះ ក្រោយក្រុមអ្នកវិភាគមួយក្តាប់តូចដែលកំពុងរស់នៅក្រៅស្រុក លើកឡើងថា នាយករដ្ឋមន្រ្តីថ្មី ដែលដឹកនាំដោយសម្តេច គឺគ្មានអ្នកណាទទួលស្គាល់នោះទេ ។ ក្នុងឱកាសជួបសំណេះសំណាលជាមួយកម្មករ និយោជិត តាមរោងចក្រ សហគ្រាស ចំនួន ១៨,២៦៥នាក់ នៅស្រុកសំរោងទង ខេត្តកំពង់ស្ពឺ នាព្រឹកថ្ងៃសៅរ៍ ទី០៩ ខែកញ្ញា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា ការប្រជុំកំពូលអាស៊ានលើកទី៤៣ នៅទីក្រុងហ្សាកាតា ប្រទេសឥណ្ឌូនេស៊ី គឺជាបទពិសោធិ៍ថ្មីសម្រាប់សម្តេច ក្នុងតំណែងជានាយករដ្ឋមន្ត្រី នៃព្រះរាជាណាចក្រកម្ពុជា។ សម្តេចបញ្ជាក់ថា កិច្ចប្រជុំកំពូលអាស៊ាន គឺជាកិច្ចប្រជុំដ៏មមាញឹកបំផុត ប្រជុំរហូតដល់ដាច់បាយ ដែលសម្តេចផ្ទាល់បានស្រកជាង ១គីឡូក្រាម ។ ជាមួយគ្នានេះ សម្តេចធិបតី ហ៊ុន ម៉ាណែត ក៏បានឆ្លើយតបចំពោះក្រុមអ្នកវិភាគដូរបាយ មួយក្តាប់តូច ដែលកំពុងរស់នៅក្រៅស្រុក…

(ភ្នំពេញ)៖ ឯកឧត្តម ហ្សង់-ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការ ការបរទេស និងសហប្រតិបត្តិការអន្តរជាតិ បានលើកឡើងអំពី ជោគជ័យរបស់ សម្តេចមហាបវរធិបតី ក្នុងជំហានដំបូងលើឆាកអន្តរជាតិនៅហ្សាការតា ប្រទេសឥណ្ឌូណេស៊ី ។ ១. កិច្ចប្រជុំកំពូលអាស៊ានលើកទី៤៣និងកិច្ចប្រជុំកំពូលពាក់ព័ន្ធ ត្រូវបិទបញ្ចប់កាលពីយប់ថ្ងៃទី៧កញ្ញា ម្សិលម្ង៉ៃ នៅទីក្រុងហ្សាការតា ប្រទេសឥណ្ឌូណេស៊ី។ ក្នុងរយៈពេល៤ថ្ងៃពេញ(ពី៤ដល់៧កញ្ញា), សម្តេចមហាបវរធិបតី នាយករដ្ឋមន្ត្រីកម្ពុជា ហ៊ុន ម៉ាណែត ចូលរួមយ៉ាងស្វិតស្វាញក្នុងជំនួបកំពូល(ក្របខណ្ឌអាស៊ាន), ជំនួបកំពូលទ្វេភាគី(ដោយឡែកពីក្របខណ្ឌអាស៊ាន), ព្រមទាំងកិច្ចប្រជុំផ្សេងៗដទៃទៀត សរុបទាំងអស់ជាង៣០។ ជារួម, សម្តេចធិបតី ហ៊ុន ម៉ាណែត មានឱកាសចាប់ដៃ, ជួបជាផ្លូវការឬក្រៅផ្លូវការ, ប្រមុខរដ្ឋនិងប្រមុខរដ្ឋាភិបាល ព្រមទាំងមេដឹកនាំកំពូលៗនៃបណ្តាស្ថាប័នតំបន់និងអន្តរជាតិផ្សេងៗ សរុបទាំងអស់មិនតិចជាង២០នាក់នោះទេ ដែលមកពីគ្រប់ជ្រុងជ្រោយនៃពិភពលោក, ពី អាស៊ីអាគ្នេយ៍, ចិន, ជប៉ុន, កូរ៉េខាងត្បូង, ឥណ្ឌា, អាមេរិក, កាណាដា, អូស្ត្រាលី, និង នូវែលសេឡង់…។ ទាំងអស់នេះស្តែងឱ្យឃើញប្រកែកមិនបាន នូវជោគជ័យផ្នែកការទូត របស់ សម្តេចធិបតី ហ៊ុន ម៉ាណែត…

(កំពង់ស្ពឺ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចុះជួបសំណេះសំណាលជាមួយកម្មករ និយោជិត នៅតាមរោងចក្រ សហគ្រាស ចំនួន ១៨,២៦៥នាក់ នៅស្រុកសំរោងទង ខេត្តកំពង់ស្ពឺ នៅព្រឹកថ្ងៃសៅរ៍ ៩រោច ខែស្រាពណ៍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី០៩ ខែកញ្ញា ឆ្នាំ២០២៣ ។ ឯកឧត្តមបណ្ឌិត ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យដងថា រោងចក្រ សហគ្រាសទាំង១៤នេះ ជាប្រភេទរោង ចក្រកាត់ដេរសម្លៀកបំពាក់ ចំនួន ៣, ផលិតផលិតផលធ្វើដំណើរ និងកាបូប ចំនួន ៧, ដេរស្បែកជើង ចំនួន២ បោះពុម្ពលើសម្លៀកបំពាក់ ចំនួន១ និងផលិតគ្រឿងអេឡិចត្រូនិច ចំនួន១។ ឯកឧត្តម ហេង សួរ បានបន្តថា ខេត្តកំពង់ស្ពឺ ឈរនៅលំដាប់ទី២ ជាខេត្តមានការអភិវឌ្ឍន៍ រោង…