កណ្ដាល៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានលើកឡើងថា រាជរដ្ឋាភិបាលអាណត្តិទី៧ នេះ គឺយកប្រជាពលរដ្ឋជាធំ ក្នុងការបម្រើ និងបំពេញភារកិច្ចរបស់ខ្លួន។ ឯកឧត្តមនាយករដ្ឋមន្ត្រីនៃព្រះរាជាណាចក្រកម្ពុជា បានលើកឡើងដូច្នេះ នាព្រឹកថ្ងៃទី០១ ខែកញ្ញា ឆ្នាំ២០២៣ ក្នុងឱកាសអញ្ជើញចុះជួបសំណេះសំណាលជាមួយបងប្អូនកម្មករ និយោជិត តាមរោងចក្រ សហគ្រាស ប្រមាណ ១៨ ០០០នាក់ នៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល ។ ឯកឧត្តមកិត្តិទេសាភិបាលបណ្ឌិត បានថ្លែងដូច្នេះថា គោលនយោបាយធំបំផុតរបស់រាជរដ្ឋាភិបាលនីតិកាលទី៧នេះ គឺបម្រើផលប្រយោជន៍របស់បងប្អូនប្រជាពលរដ្ឋ ហើយខិតខិតខំធ្វើយ៉ាងស្វែងរកការងារ ជូនដល់ពលរដ្ឋគ្រប់ស្រទាប់ទាំងអស់នៅទូទាំងប្រទេស និងបន្តធ្វើយ៉ាងណា ជួយពង្រឹងសេដ្ឋកិច្ច តាមរយៈការជំរុញកំណើនសេដ្ឋកិច្ចជាតិ បង្កើតការងារឱ្យកាន់តែច្រើន លើកកម្ពស់សមធម៌សង្គម ដោយចែកផលលាភ ដល់ដៃប្រជាជន ប្រកបដោយចីរភាព និងនិរន្តរភាព។ ជាមួយគ្នានេះ ឯកឧត្តមបណ្ឌិត ហ៊ុន ម៉ាណែត បានអះអាងថា ដ៏រាប ណារាជរដ្ឋាភិបាល ដឹកនាំដោយគណបក្សប្រជាជនកម្ពុជា គឺនៅក្បែរ, ការពារ, និងបម្រើដល់ បងប្អូនប្រជាពលរដ្ឋជានិច្ច ដូច្នេះសូមបងប្អូនកម្មករ-កម្មការិនីទាំងអស់…

ភ្នំពេញ៖ ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត បានមានប្រសាសន៍ថា ដរាបណាប្រជាពលរដ្ឋនៅតែគាំទ្រ, គណបក្សប្រជាជនកម្ពុជា នៅតែបន្តគោលនយោបាយការងារ និងលើកកម្ពស់ជីវភាពប្រជាពលរដ្ឋឱ្យកាន់តែប្រសើរ។ ឯកឧត្តមកិត្តិទេសាភិបាលបណ្ឌិត នាយករដ្ឋមន្ត្រីកម្ពុជា បានមានប្រសាសន៍រំលឹកដែរថា លទ្ធផលនៃការបោះឆ្នោតឆ្នាំ២០២៣ បានបង្ហាញយ៉ាងច្បាស់ពីបេះដូងប្រជាពលរដ្ឋចំពោះគណបក្សប្រជាជនកម្ពុជា។ ឯកឧត្តម បន្តថា គណបក្សប្រជាជនកម្ពុជា មិនចេះតែនិយាយទេ គឺមានការគិតគូរយ៉ាងច្បាស់ ខណៈគោលនយោបាយរបស់រាជរដ្ឋាភិបាល ដឹកនាំដោយគណបក្សប្រជាជនកម្ពុជា គឺជាការឈរលើវិទ្យាសាស្ត្រនិយម មិនមែនតាមបែបស៊ីអារម្មណ៍និយមនោះទេ ។ ឯកឧត្តម កិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ដូច្នេះ ក្នុងពេលជួបសំណេះសំណាលជាមួយកម្មករ និយោជិត ប្រមាណជិត ២ម៉ឺននាក់ នៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល នាព្រឹកថ្ងៃទី០១ ខែកញ្ញា ឆ្នាំ២០២៣ ៕ អត្ថបទ៖ វណ្ណលុក, រូបភាព៖ វ៉េង លីមហួត និង សួង ពិសិដ្ឋ

ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានប្រកាសផ្ដល់គោលការ ដល់បណ្ដារដ្ឋមន្ត្រីទាំងអស់ បើសិនជាជាប់ភារកិច្ចការងារនៅក្នុងក្រសួង គឺអាចស្នើមិនចាំបាច់ចូលរួមនូវរាល់កម្មវិធីជាមួយនាយករដ្ឋមន្រ្ដីនោះទេ ប៉ុន្ដែអាចបញ្ជូនរដ្ឋលេខាធិការប្រចាំការមកជំនួស ព្រោះពេលនេះ គឺជាពេលដែលមន្រ្ដីគ្រប់រូប កំពុងមមាញឹកក្នុងការអនុវត្តការងារនៅតាមក្រសួងស្ថាប័នរបស់ខ្លួន។ នៅក្នុងពិធីសំណេះសំណាលជាមួយកម្មករនិយោជិតសរុបជិត ២ម៉ឺននាក់ ក្នុងក្រុងតាខ្មៅ ខេត្តកណ្តាល នាព្រឹកថ្ងៃទី១ ខែកញ្ញា ឆ្នាំ២០២៣ ឯកឧត្តម នាយករដ្ឋមន្ត្រី នៃ កម្ពុជា បានថ្លែងថា ដើម្បីប្រសិទ្ធភាព ថ្ងៃក្រោយ សុំឱ្យមន្ត្រីដែលមានកិច្ចការចាំបាច់ ឬកិច្ចប្រជុំ នៅតាមក្រសួង មន្ទីរ មិនបាច់ចូលរួមទេ ព្រោះយើងកំពុងតែធ្វើការវិលជុំ ។ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បន្ថែមថា ដូចនេះ បើមានការចាំបាច់អាច ចាត់រដ្ឋលេខាធិការប្រចាំណាមួយចូលរួម ដើម្បីបានក្ដាប់នូវការងារហើយបើសិនជាខ្ញុំមានសំណួរ ចាំឆ្លើយផង ។ ឯកឧត្តម នាយករដ្ឋមន្ត្រី បានបញ្ជាក់ថា ការចូលរួមជាមួយឯកឧ្តម នៅក្នុងកម្មវិធីសាធារណៈ គឺបង្ហាញនូវសាមគ្គីភាពក្នុងជួរថ្នាក់ដឹកនាំជាមួយនឹងប្រជាពលរដ្ឋ ខណៈការបម្រើប្រជាពលរដ្ឋ គឺជាអ្វីដែលយើងត្រូវធ្វើ ៕ អត្ថបទ៖ វណ្ណលុក, រូបភាព៖…

អាថែន៖ មេដឹកនាំក្រិកបានព្យាករណ៍ថា ភ្លើងឆេះព្រៃនៅប្រទេសក្រិកក្នុងរដូវក្តៅនេះ នឹងឆេះបំផ្លាញផ្ទៃដីយ៉ាងហោចណាស់ ១៥០,០០០ហិកតា។ នាយករដ្ឋមន្រ្តីក្រិក លោក ឃីរីយ៉ាកូស មីតសូតាគីស បាននិយាយថា ប្រទេសរបស់លោកបានទទួលរងការបំផ្លិចបំផ្លាញដោយសារភ្លើងឆេះព្រៃដ៏សាហាវនៅរដូវក្ដៅនេះ ដោយតំបន់ដែលរងផលប៉ះពាល់មានទំហំសឹងប៉ុនទីក្រុងឡុងដ៍ របស់ចក្រភពអង់គ្លេស។ លោក មីតសូតាគីស បានគូសបញ្ជាក់យ៉ាងដូច្នេះថា តំបន់ដែលត្រូវបានដុតបំផ្លាញដោយភ្លើងឆេះព្រៃ នឹងកើនឡើងលើសពី១៥០,០០០ហិកតា រួមទាំងភ្លើងនៅក្នុងព្រៃ Dadia ដោយលោកចង់សំដៅទៅលើភ្លើងឆេះព្រៃ ដែលសហភាពអឺរ៉ុបបានកំណត់ថា ជាភ្លើងឆេះព្រៃដ៏ធំបំផុតមិនធ្លាប់មាននៅក្នុងប្លុកនេះ។ សូមបញ្ជាក់ថា ក្រុមអ្នកពន្លត់អគ្គីភ័យបាននឹងកំពុងប្រយុទ្ធប្រឆាំងនឹងអណ្តាតភ្លើង ដែលកំពុងឆេះនៅភាគឦសាននៃប្រទេសក្រិកអស់រយៈពេល ១៣ថ្ងៃ។ ចាប់តាំងពីភ្លើងឆេះព្រៃបានចាប់ផ្តើមកាលពីថ្ងៃទី១៩ ខែសីហាមក ភ្លើងបានឆក់យកជីវិតមនុស្សចំនួន ២០នាក់ ក្នុងនោះ១៨នាក់ជាជនចំណាកស្រុក ដែលសាកសពត្រូវបានរកឃើញនៅក្នុងតំបន់ ដែលតែងតែប្រើជាច្រកចូលពីប្រទេសជិតខាងតួកគី៕ ប្រភព៖ AFP ប្រែសម្រួលដោយ៖ ឈឹម ទីណា

ភ្នំពេញ៖ កម្ពុជា-សហរដ្ឋអាមេរិក នឹងខិតខំរួមគ្នាដើម្បីកំណត់វិស័យសក្តានុពលនៃកិច្ចសហប្រតិបត្តិការ ឆ្ពោះទៅរកគោលដៅរួម ដែលផ្តល់ប្រយោជន៍ដល់ប្រជាជនទាំងពីរ។ នេះបើតាមសេចក្ដីប្រកាសព័ត៌មានស្ដីពីជំនួបរវាងឯកឧត្តម សុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ឯកឧត្តម W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំកម្ពុជា នៅថ្ងៃទី៣១ ខែសីហា ឆ្នាំ២០២៣ ដើម្បីពិភាក្សាលើវិស័យសំខាន់ៗ នៃកិច្ចសហប្រតិបត្តិការ សំដៅពង្រឹងទំនាក់ទំនងរវាងកម្ពុជា និងសហរដ្ឋអាមេរិក។ ឯកឧត្តម ឯកអគ្គរដ្ឋទូត Murphy បានអបអរសាទរ ឯកឧត្តម សុខ ចិន្តាសោភា ដែលត្រូវបានតែងតាំងជាឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ។ ក្នុងជំនួបនេះ មានប្រធានបទនានាដូចជា៖ វិស័យពាណិជ្ជកម្មនិងការវិនិយោគ ទំនាក់ទំនងរវាងប្រជាជននិងប្រជាជន សុខាភិបាល និងសន្តិសុខ ក្នុងក្របខ័ណ្ឌទេ្វភាគី ព្រមទាំង កិច្ចសហប្រតិបត្តិការអន្តរជាតិ ក្នុងក្របខ័ណ្ឌអាស៊ាន និងអង្គការសហប្រជាជាតិ ត្រូវបានលើកយកមកពិភាក្សា។ ដោយទទួលស្គាល់អំពីវិធីសាស្រ្តផ្សេងគ្នាចំពោះបញ្ហាមួយចំនួន ដែលជារឿងធម្មតានៅក្នុងទំនាក់ទំនងអន្តរជាតិ ភាគីទាំងពីរបានបានគូសបញ្ជាក់អំពីសារៈសំខាន់នៃការបន្តកិច្ចសន្ទនា  និងកិច្ចខិតខំប្រឹងប្រែងរួមគ្នា ដើម្បីកំណត់វិស័យសក្តានុពលនៃកិច្ចសហប្រតិបត្តិការ ព្រមទាំងឆ្ពោះទៅរកគោលដៅរួមដែលផ្តល់ប្រយោជន៍ដល់ប្រជាជនទាំងពីរ៕ អត្ថបទ៖ វណ្ណលុក, រូបភាព៖ សួង ពិសិដ្ឋ