(ភ្នំពេញ)៖ ក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៣ បានបើកកិច្ចពិភាក្សាពីប្រាក់ឈ្នួលអប្បបរមាសម្រាប់កម្មករនិយោជិតក្នុងវិស័យវាយនភណ្ឌ កាត់ដេរសម្លៀកបំពាក់ ផលិតស្បែកជើង និងផលិតផលធ្វើដំណើរនិងកាបូប សម្រាប់ឆ្នាំ២០២៤ ។ពិធីនេះមានការចូលរួមពីសំណាក់ ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ នៅទីស្ដីការក្រសួងការងារ ប៉ុន្តែភាគីទាំង៣ដែលមានភាគីរាជរដ្ឋាភិបាល ភាគីសហជីព និងភាគីនិយោជក នោះមិនទាន់បញ្ចេញតួលេខនៅឡើយទេ។ សម្រាប់លទ្ធផលកិច្ចប្រជុំដែលបានធ្វើឡើងនាព្រឹកថ្ងៃទី ១៦ ខែសីហា ឆ្នាំ ២០២៣នេះ សម្រេចបានលទ្ធផលដូចខាងក្រោម៖១.បានប្រកាសជាផ្លូវការសមាសភាពសមាជិក និងអនុប្រធានក្រុមប្រឹក្សាជាតិប្រាក់ឈ្នួលអប្បបរមា សម្រាប់អាណត្តិទី៣ គឺ៖ ២. បានធ្វើបទបង្ហាញអំពីស្ថិតិសំខាន់ៗនៃលក្ខណវិនិច្ឆ័យបែបសង្គម និងសេដ្ឋកិច្ចទាំង៧ សម្រាប់ភាគីពាក់ព័ន្ធធ្វើជាមូលដ្ឋានប្រើប្រាស់ក្នុងការចរចាប្រាក់ឈ្នួលអប្បបរមា សម្រាប់ឆ្នាំ២០២៤។ ៣. បានស្តាប់គោលជំហរពីតំណាងភាគីនីមួយៗទៅលើបម្រែបម្រួលលក្ខណវិនិច្ឆ័យបែបសង្គម និងសេដ្ឋកិច្ច ប៉ុន្តែភាគីតំណាងនិយោជក និងភាគីតំណាងកម្មករនិយោជិត មិនទាន់អាចបញ្ជាក់បាននូវតួលេខដែលជាគោលជំហរផ្លូវការរបស់ខ្លួននៅឡើយ ដោយស្នើសុំប្រជុំផ្ទៃក្នុងរបស់ខ្លួនបន្ថែមទៀត។ ៤. ក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៣ នឹងរៀបចំកិច្ចប្រជុំបន្ទាប់ នៅព្រឹកថ្ងៃទី២៨ ខែសីហា, ថ្ងៃទី៤, ថ្ងៃទី១១, ថ្ងៃទី១៨, ថ្ងៃទី២៥ ខែកញ្ញា និងថ្ងៃទី២ ខែតុលា ឆ្នាំ២០២៣។ គួរបញ្ជាក់ថា នៅក្នុង ២០២៣នេះ…

ភ្នំពេញ៖ លោកជំទាវបណ្ឌិត ដេវយ៉ានី ខូប្រាហ្គាដេ ឯកអគ្គរដ្ឋទូតឥណ្ឌាប្រចាំកម្ពុជា បានមានប្រសាសន៍ថា ទំនាក់ទំនងពាណិជ្ជកម្ម ការតភ្ជាប់ និងកិច្ចសហប្រតិបត្តិការវប្បធម៌ និងប្រជាជននៅតែបន្តជាចំណុចកណ្តាលនៃអាទិភាពរបស់យើង។ លោកជំទាវបណ្ឌិត ដេវយ៉ានី ខូប្រាហ្គាដេ ឯកអគ្គរដ្ឋទូតឥណ្ឌាប្រចាំកម្ពុជា បានថ្លែងថា ការផ្លាស់ប្តូរធុរកិច្ចមួយចំនួននៅក្នុងវិស័យផ្សេងៗត្រូវបានត្រៀមជាស្រេច ដើម្បីជំរុញពាណិជ្ជកម្មទ្វេភាគី។ សន្ធិសញ្ញាវិនិយោគទ្វេភាគីជិតនឹងត្រូវបានបញ្ចប់ហើយ ហើយនឹងដើរតួជាកាតាលីករសម្រាប់ការវិនិយោគរបស់ឥណ្ឌាកាន់តែច្រើននៅកម្ពុជា។ ការថ្លែងបែបនេះរបស់លោកជំទាវបណ្ឌិត ដេវយ៉ានី ខូប្រាហ្គាដេ ធ្វើឡើងក្នុងឱកាសដែលស្ថានទូតឥណ្ឌាប្រចាំកម្ពុជា នាល្ងាចថ្ងៃទី១៥ ខែសីហា ឆ្នាំ២០២៣ បានប្រារព្ធខួបលើកទី ៧៧ឆ្នាំ នៃទិវាឯករាជ្យជាតិ នៃសាធារណរដ្ឋឥណ្ឌា នៅសណ្ឋាគារហៃយ៉ាដភ្នំពេញ។ ជាមួយគ្នានេះ លោកជំទាវបណ្ឌិតបានលើកឡើងពីសមិទ្ធិផលនានាក្នុងប៉ុន្មានឆ្នាំកន្លងទៅ ដែលបានបង្ហាញអំពីទំនាក់ទំនងទ្វេភាគីកម្រិតខ្ពស់រវាងឥណ្ឌា និងកម្ពុជា ជាមួយនឹងការប្រារព្ធខួបលើកទី ៧០នៃការបង្កើតនៃទំនាក់ទំនងការទូតរវាងប្រទេសទាំងពីរ។ បន្ថែមលើនេះ លោកជំទាវឯកអគ្គរដ្ឋទូតក៏បានបង្ហាញនូវការពេញចិត្ត ជាមួយវឌ្ឍនភាពក្នុងការបង្កើតការតភ្ជាប់ផ្លូវអាកាសដោយផ្ទាល់ ដែលនឹងជំរុញពាណិជ្ជកម្ម និងនាំប្រជាជនឥណ្ឌាកាន់តែច្រើនក្នុងនាមជាអ្នកទេសចរ មកកាន់ទឹកដីនៃសម្រស់ធម្មជាតិដ៏អស្ចារ្យ និងបេតិកភណ្ឌអរិយធម៌រួម ហើយថែមទាំងនាំប្រជាជនកម្ពុជាទៅកាន់ទឹកដីនៃព្រះពុទ្ធផងដែរ។ លោកជំទាវថា វិស័យទេសចរណ៍ក៏នឹងត្រូវបានជួយផងដែរជាមួយនឹងការភ្ជាប់ចំណុចប្រទាក់ការទូទាត់រួម (UPI) របស់ឥណ្ឌាជាមួយនឹងប្រព័ន្ធកម្ពុជា ដែលភាគីយើងទាំងពីរបាននឹងកំពុងធ្វើការជាមួយគ្នា។ នាឱកាសនោះដែរ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា…

(ភ្នំពេញ)៖ ក្នុងជំនួបពិភាក្សាការងារជាមួយ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទកម្ពុជា កាលពីថ្ងៃទី១៥ ខែសីហា ឆ្នាំ២០២៣ ឯកឧត្តម Pahala Nugraha Mansury អនុរដ្ឋមន្ត្រីការបរទេសឥណ្ឌូនេស៊ី និងគណៈប្រតិភូ បានសង្កត់ធ្ងន់ពីការយកចិត្តទុកដាក់អំពីសន្តិសុខស្បៀងនៅក្នុងប្រទេស និងភាពចាំបាច់ក្នុងការស្វែងរកទីផ្សារអង្ករបន្ថែមពីប្រទេសផ្សេងៗ ដែលក្នុងនោះក៏មានកម្ពុជាផងដែរ ដើម្បីធានាសន្តិសុខស្បៀងសម្រាប់ប្រទេសឥណ្ឌូនេស៊ី ។ ឯកឧត្តម បន្តថា វត្តមានអង្ករ របស់កម្ពុជានៅលើទីផ្សារឥណ្ឌូនេស៊ី នឹងក្លាយជាសក្ខីភាពថ្មីមួយទៀត ក្នុងការបញ្ជាក់អំពីកិច្ចសហប្រតិបត្តិការរវាងប្រទេសទាំងពីរនៅក្នុងវិស័យពាណិជ្ជកម្ម ខណៈកម្ពុជាមានអង្ករដែលមានគុណភាពល្អ និងជាពិសេសមានការទទួលស្គាល់ និងនាំចូលដោយប្រទេសជាសមាជិកអាស៊ានចំនួន៨ ក្នុងចំណោមសមាជិកទាំង១០ប្រទេស។ ជាការឆ្លើយតប ឯកឧត្តមរដ្ឋមន្ដ្រី ឌិត ទីណា បានបញ្ជាក់ពីគោលជំហររបស់កម្ពុជាក្នុងការជួយដល់មិត្តដែលកំពុងមានតម្រូវការ ស្របតាមប្រសាសន៍ណែនាំដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី ។ ក្រសួងកសិកម្មកម្ពុជា នឹងជួយសម្រួលដល់ការនាំចេញអង្ក ដើម្បីទ្រទ្រង់ដល់សន្តិសុខស្បៀងសម្រាប់ប្រទេសឥណ្ឌូណេស៊ីជាមិត្ត។ ជាមួយគ្នានេះ កិច្ចពិភាក្សាក៏បានផ្តោតទៅលើការចាប់អារម្មណ៍របស់ភាគីឥណ្ឌូណេស៊ីក្នុងការវិនិយោគក្នុងផ្នែកខ្លះនៃខ្សែច្រវាក់តម្លៃនៃវិស័យកសិកម្ម ដែលមានដូចជា រោងម៉ាស៊ីនកិនស្រូវ ឃ្លាំងស្តុក ឬហេដ្ឋារចនាសម្ព័ន្ធ ឡូជីស្ទីក។ ភាគីឥណ្ឌូណេស៊ីក៏ចាប់អារម្មណ៍ក្នុងការវិនិយោគផ្គត់ផ្គង់ជីអុយរ៉េ មកកម្ពុជាផងដែរ។ ឯកឧត្តមរដ្ឋមន្ដ្រី ឌិត ទីណា បានគូសបញ្ជាក់ទៅកាន់ភាគីឥណ្ឌូនេស៊ីថា…

(ខេត្តបាត់ដំបង)៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីដ៏ខ្ពងខ្ពស់ក្នុងពិធីសម្ពោធដាក់ឱ្យប្រើប្រាស់ជាផ្លូវការ នូវវិមានឯករាជ្យ សួនសម្ដេចក្រឡាហោម វិមានឯករាជ្យ សួនធ្នង់៥៣ និងផ្លូវចាក់កៅស៊ូបេទីម នៅបរិវេណវិមានឯករាជ្យ ស្ថិតនៅក្រុងបាត់ដំបង ខេត្តបាត់ដំបងនៅព្រឹកថ្ងៃពុធ ទី១៦ ខែសីហា ឆ្នាំ២០២៣។ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានធ្វើសេចក្តីរាយការណ៍គោរពជូន សម្ដេចក្រឡាហោម ស ខេង និងអង្គពិធីថា វិមានឯករាជ្យ និងសមិទ្ធផលនានា ដែលប្រារព្ធពិធីសម្ពោធនាឱកាសនេះ បានបើកការដ្ឋានស្ថាបនា និងសាងសង់ កាលពីថ្ងៃទី១៥ ខែធ្នូ ឆ្នាំ២០២២ ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ សម្ដេចក្រឡាហោម ស ខេង ក្នុងនាមរាជរដ្ឋាភិបាលកម្ពុជា បានកោតសរសើរ និងវាយតម្លៃខ្ពស់ចំពោះរដ្ឋបាលខេត្តបាត់ដំបង ដែលបានខិតខំប្រឹងប្រែងកែលម្អរសោភណ្ឌភាពក្រុងបាត់ដំបង ជាបន្តបន្ទាប់ ជាក់ស្ដែងវិមានឯករាជ្យ និងសមិទ្ធផលនានា ដែលប្រារព្ធពិធីសម្ពោធនាថ្ងៃនេះ ធ្វើឱ្យខេត្តកាន់តែមានភាពទាក់ទាញ។ សម្ដេចក្រឡាហោម…

ប៉េកាំង៖ ប្រទេសចិននិយាយថា កិច្ចខិតខំប្រឹងប្រែងទាំងផ្នែកយោធា, នយោបាយ និងការប្រឆាំងអំពើភេរវកម្មរបស់សហរដ្ឋអាមេរិកនៅអាហ្វហ្គានីស្ថាន គឺ “បរាជ័យទាំងស្រុង” ហើយថា ការប៉ុនប៉ងនាំមកនូវលទ្ធិប្រជាធិបតេយ្យក្នុងប្រទេសនេះ មិនដំណើរការទេ។ ក្នុងឱកាសខួបពីរឆ្នាំនៃការវិលត្រឡប់របស់ពួកតាលីបង់ឡើងកាន់អំណាចនៅអាហ្វហ្គានីស្ថាន អ្នកនាំពាក្យក្រសួងការបរទេសចិន លោក វ៉ាង វិនពីន បាននិយាយថា កាលពី២ឆ្នាំមុន ពិភពលោកបានឃើញសហរដ្ឋអាមេរិកដកទ័ពចេញពីអាហ្វហ្គានីស្ថានយ៉ាងប្រញាប់ប្រញាល់។ មេរៀនពីការផ្លាស់ប្តូរស្ថានការណ៍នៅអាហ្វហ្គានីស្ថាននេះ គឺមានអត្ថន័យជ្រាលជ្រៅ ហើយវានៅតែមានតម្លៃសម្រាប់ពិភពលោក ក្នុងការគិតគូរអំពីវានៅថ្ងៃនេះ។ រឿងនេះបានបង្ហាញថា កិច្ចខិតខំប្រឹងប្រែងទាំងផ្នែកយោធា, នយោបាយ និងប្រឆាំងអំពើភេរវកម្មរបស់អាមេរិកនៅអាហ្វហ្គានីស្ថាន គឺជាការបរាជ័យទាំងស្រុង ហើយការអន្តរាគមន៍យោធា, ការជ្រៀតជ្រែកផ្នែកនយោបាយ និងការប៉ុនប៉ងដើម្បីនាំមកនូវលទ្ធិប្រជាធិបតេយ្យក្នុងប្រទេសនេះ មិនដំណើរការទេ។ ផ្ទុយទៅវិញ វាគ្រាន់តែនាំមកនូវភាពចលាចល និងគ្រោះមហន្តរាយតែប៉ុណ្ណោះ។ លោក វ៉ាង បន្តថា ពីរឆ្នាំកន្លងមកនេះ ប្រទេសមួយចំនួនបានដាក់ទណ្ឌកម្មលើអាហ្វហ្គានីស្ថាន ដោយកាត់ផ្តាច់ជំនួយ និងបង្កកទ្រព្យសម្បត្តិ ធ្វើឱ្យប្រជាជនអាហ្វហ្គានីស្ថានរងទុក្ខវេទនាកាន់តែធ្ងន់ធ្ងរឡើង។ លោកថា ដើម្បីសម្រេចបាននូវសន្តិភាព និងស្ថិរភាពយូរអង្វែងនៅអាហ្វហ្គានីស្ថាន បញ្ហាមនុស្សធម៌គួរតែជាបញ្ហាទីមួយ ដែលត្រូវដោះស្រាយឱ្យបានឆាប់តាមដែលអាចធ្វើទៅបាន សម្រាប់តម្រូវការបន្ទាន់របស់ប្រជាជនអាហ្វហ្គានីស្ថាន៕ ប្រភព៖ AFP ប្រែសម្រួលដោយ៖ ឈឹម ទីណា