ភ្នំពេញ៖ រដ្ឋមន្រ្តីការបរទេសចិន នឹងមកទស្សនកិច្ចផ្លូវការនៅកម្ពុជា ២ថ្ងៃ ក្រោយត្រូវបានតែងតាំងជារដ្ឋមន្រ្តីការបរទេសចិនជាថ្មី ដែលនឹងរួមចំណែកបន្ថែមទៀតក្នុងការពង្រឹងនូវកិច្ចសហប្រតិបត្តិការនៃភាពជាដៃគូយុទ្ធសាស្ត្រគ្រប់ជ្រុងជ្រោយ ពង្រឹងសហគមន៍វាសនារួមប្រកបដោយគុណភាពខ្ពស់ កម្រិតខ្ពស់ និងស្ដង់ដារខ្ពស់ លើកកម្ពស់ក្របខ័ណ្ឌកិច្ចសហប្រតិបត្តិការត្បូងពេជ្រ ព្រមទាំងជំរុញកិច្ចសហប្រតិបត្តិការនៅក្នុងវេទិកាតំបន់និងអន្តរជាតិ ដើម្បីជាផលប្រយោជន៍ទៅវិញទៅមក សម្រាប់ប្រទេសនិងប្រជាជនទាំងពីរ ។ យោងតាមសេចក្តីប្រកាសព័ត៌មានរបស់ក្រសួងការបរទេសដែលទទួលបាននៅថ្ងៃទី១០ ខែសីហា ឆ្នាំ២០២៣ បានឱ្យដឹងថា តបតាមការអញ្ជើញរបស់ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ កម្ពុជា ឯកឧត្តម វ៉ាង យី (WANG Yi) សមាជិកការិយាល័យនយោបាយ និងជាប្រធានការិយាល័យគណៈកម្មការកិច្ចការបរទេស នៃគណៈកម្មាធិការមជ្ឈិមបក្សកុម្មុយនីស្តចិន និងជារដ្ឋមន្រ្តីការបរទេសនៃសាធារណរដ្ឋប្រជាមានិតចិន នឹងអញ្ជើញបំពេញទស្សនកិច្ចផ្លូវការ នៅ កម្ពុជា ពីថ្ងៃទី ១២ ដល់ថ្ងៃទី ១៣ ខែសីហា ឆ្នាំ២០២៣។ ក្នុងអំឡុងពេលទស្សនកិច្ចនេះ ឯកឧត្តម វ៉ាង យី នឹងចូលក្រាបបង្គំគាល់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃ កម្ពុជា…

ភ្នំពេញ៖ រដ្ឋមន្ត្រីការបរទេសចិនលោក ​វ៉ាង យី (Wang Yi) នឹងមកបំពេញទស្សនកិច្ចផ្លូវរដ្ឋនៅប្រទេសអាស៊ានចំនួនបី រួមមាន ប្រទេសសិង្ហបុរី ម៉ាឡេស៊ី និងប្រទេសកម្ពុជា តបតាមការអញ្ជើញពីមេដឹកនាំប្រទេសទាំងបី ។ចិនសង្ឃឹមថា ដំណើរទស្សនកិច្ចរបស់ប្រមុខការទូតខ្លួននេះនឹងជំរុញទំនាក់ទំនងទ្វេភាគីជាយុទ្ធសាស្រ្តរវាងចិន និងប្រទេសទាំងបី។ ជាពិសេសកិច្ចសហប្រតិបត្តិការខ្សែក្រវាត់ និងផ្លូវ(BRI) ហើយចិនត្រៀមជាស្រេចក្នុងការសហការជាមួយប្រទេសទាំងបី ដើម្បីអនុវត្តគំនិតផ្តួចផ្តើមអភិវឌ្ឍន៍សាកល គំនិតផ្តួចផ្តើមសន្តិសុខសកល និងគំនិតផ្តួចផ្តើមអារ្យធម៌សកល។ នេះបើយោងទៅតាមសេចក្តីប្រកាសព័ត៌មានរបស់អ្នកនាំពាក្យក្រសួងការបរទេសចិននៅថ្ងៃទី០៩ ខែសីហា ដែលគូសបញ្ជាក់រដ្ឋមន្ត្រីក្រសួងបរទេសលោក វ៉ាង យី ដែលទើបចូលកាន់តំណែងថ្មីថ្មោងកាលពីខែមុន នឹងធ្វើដំណើរទៅកាន់ប្រទេសអាស៊ានបីខាងលើ ចាប់ពីថ្ងៃទី១០ ដល់ថ្ងៃទី១៣ ខែសីហា ក្នុងន័យជំរុញទំនាក់ទំនងក្នុងតំបន់ជាមួយប្រទេសបីនេះ។ ក្រសួងការបរទេសចិន បញ្ជាក់ថា ទំនាក់ទំនងរវាងចិននិងប្រទេសអាស៊ានបី នេះមានប្រសើរឡើងគួរឱ្យកត់សម្គាល់ ខណៈទំនាក់ទំនងចិននិងសិង្ហបុរីបានឈានទៅរកភាពជាដៃគូគ្រប់ជ្រុងជ្រោយ ឆ្ពោះទៅរកអនាគតប្រកបដោយគុណភាពខ្ពស់ ហើយទំនាក់ទំនងចិននិងម៉ាឡេស៊ីឈានដល់ការព្រមព្រៀងគ្នាលើការរួមគ្នាកសាងសហគម៍ដែលមានអនាគតរួមគ្នា ហើយចំណែកទំនាក់ទំនងចិននិងកម្ពុជា ឈានរកការកសាងយុគសម័យថ្មីនៃសហគមន៍ចិន-កម្ពុជា ដែលមានគុណភាពខ្ពស់ កម្រិតខ្ពស់ និងស្តង់ដារខ្ពស់ និងជោគវាសនាតែមួយ។ ក្រសួងបរទេសចិនគូសបញ្ជាក់ដូច្នេះថា៖«ឆ្នាំនេះ ជាខួបលើកទី១០ នៃចក្ខុវិស័យនៃការកសាងសហគមន៍ជាមួយនឹងអនាគតរួមគ្នានៃមនុស្សជាតិ និងគំនិតផ្តួចផ្តើមខ្សែក្រវាត់ និងផ្លូវ ដែលស្នើដោយប្រធានាធិបតី ស៊ី ជីនពីង(Xi Jinping)។ បណ្តាប្រទេសអាស៊ីអាគ្នេយ៍បានឈានមុខគេក្នុងការជំរុញចក្ខុវិស័យនៃការកសាងសហគមន៍ជាមួយនឹងអនាគតរួមគ្នាសម្រាប់មនុស្សជាតិ»។…

(ភ្នំពេញ)៖ នៅល្ងាចថ្ងៃទី១០ ខែសីហា ឆ្នាំ២០២៣ សម្តេចតេជោ ហ៊ុន សែន ក្នុងឋានៈជាប្រធានគណបក្សប្រជាជនកម្ពុជា អញ្ជើញជួបសំណេះ សំណាល ជាមួយ សមាជិករាជរដ្ឋាភិបាល ក្នុងអាណត្តិចាស់ និងសមាជិករាជរដ្ឋាភិបាល អាណត្តិថ្មី នៅវិមាន៧មករា ទីស្នាក់ការកណ្តាលគណបក្សប្រជាជនកម្ពុជា។ ជំនួបនេះ ត្រូវបានគេរំពឹងថា នឹងជជែកផ្តោតជាសំខាន់ទៅលើការដឹកនាំរាជ រដ្ឋាភិបាល ក្នុងអាណត្តិថ្មី ជាមួយសមាសភាពក្បាលម៉ាស៊ីនដឹកនាំថ្មី ដែលសុទ្ធសឹងជាមនុស្សថ្មី និងមានវ័យក្មេង។ សូមជម្រាបថា រាជរដ្ឋាភិបាលកម្ពុជាអាណត្តិថ្មី ដែលនឹងមានសុពលភាព ចាប់ ពី ថ្ងៃទី២២ ខែសីហា តទៅ គឺមានការផ្លាស់ប្តូរក្បាលម៉ាស៊ីនដឹកនាំថ្មីស្ទើរតែទាំង ស្រុង ដោយមានឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី។ ការផ្លាស់ប្តូរជាប្រវត្តិសាស្ត្រនៃការដឹកនាំប្រទេសមកពីគណបក្សប្រជាជនកម្ពុជា ដែលជាគណបក្សឈ្នះឆ្នោតនេះ ត្រូវបានសម្តេចតេជោ ហ៊ុន សែន ចាត់ទុកជាការផ្លាស់ប្តូរ ដើម្បីធានានូវស្ថេរភាពសង្គម និងការអភិវឌ្ឍន៍យូរអង្វែង។ ការផ្លាស់ប្តូរក្បាលម៉ាស៊ីនដឹកនាំរាជរដ្ឋាភិបាលសម្រាប់អាណត្តិថ្មីនេះ ទទួលបានការសាទរជាខ្លាំងពីសំណាក់ប្រជាពលរដ្ឋខ្មែរ ជាមួយក្តីរំពឹងថា ក្រោមកិច្ចបន្តវេនរបស់ឯកឧត្តមបណ្ឌិត ហ៊ុន ម៉ាណែត នឹងធ្វើឱ្យកម្ពុជារក្សាបានសុខសន្តិភាព និងការអភិវឌ្ឍន៍ជាបន្តទៀត៕…

(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច កម្ពុជា និងឯកឧត្តម ប៊ូយ ង៉ុក ឡាម អគ្គអធិការរង នៃអធិការកិច្ចរដ្ឋាភិបាលវៀតណាម បានជួបពិភាក្សាទ្វេរភាគី នៅទីស្តីការក្រសួង នាព្រឹក ថ្ងៃទី១០ ខែសីហា ឆ្នាំ២០២៣ ។ សម្តេចកិត្តិសង្គហបណ្ឌិត ម៉ែន សំអន បានសម្តែងនូវការស្វាគមន៍យ៉ាងកក់ក្តៅចំពោះគណៈប្រតិភូអធិការកិច្ចនៃសាធារណៈរដ្ឋសង្គមនិយមវៀតណាម ដែលបានមកបំពេញទស្សនៈកិច្ចជាផ្លូវការនៅកម្ពុជា នាពេលនេះ ស្របពេលដែលកម្ពុជាទើបតែបញ្ចប់នូវព្រឹត្តិការណ៍បោះឆ្នោតតំណាងរាស្ត្រអាណត្តិទី ៧ កាលពីថ្ងៃទី ២៣ ខែកក្កដា ឆ្នាំ២០២៣ ដែលក្នុងនោះគណបក្សប្រជាជនកម្ពុជាបានទទួលបានការគាំទ្រយ៉ាងច្រើនលើសលប់ ដោយទទួលបាន ១២០អាសនៈ លើ ១២៥អាសនៈ នៅក្នុងរដ្ឋសភា ។សម្តេចកិត្តិសង្គហបណ្ឌិតក៏បាន អបអរសារទរយ៉ាងកក់ក្តៅនូវសមិទ្ធផល និងជោគជ័យដ៏ធំធេងរបស់រដ្ឋាភិបាលវៀតណាម ក្រោមការដឹកនាំរបស់បក្សកុំម្មុយនិស្តវៀតណាម ក្រោមការដឹកនាំរបស់ឯកឧត្តម ង្វៀន ហ៊្វូចុង ដែលធ្វើឱ្យប្រទេសវៀតណាមមានការអភិវឌ្ឍន៍លើគ្រប់វិស័យយ៉ាងខ្លាំងក្លា ក្លាយជាប្រទេសឧស្សាហកម្មជឿនលឿន និងមានកិត្យានុភាពកាន់តែខ្ពស់ នៅលើឆាកអន្តរជាតិ។ នៅក្នុងជំនួបពិភាក្សានោះផងដែរភាគីទាំងពីរក៏បានជំរុញអនុវត្តការងារអធិការកិច្ចឲ្យកាន់តែមានប្រសិទ្ធិភាពបន្ថែមទៀត ស្របតាមអនុសារណៈយោគយល់រវាងស្ថាប័នយើងទាំងពីរ និងបន្តដកស្រង់បទពិសោធន៍ពីគ្នាទៅវិញទៅមក លើការងារអធិការកិច្ច ការដោះស្រាយបណ្ដឹងតវ៉ា…

(ភ្នំពេញ)៖ ក្រសួងមហាផ្ទៃ បានប្រកាសស្ដីពី ការបង្កើត និងការដាក់ឲ្យប្រើប្រាស់និមិត្ដសញ្ញា រដ្ឋបាលស្រុកបុរីអូរស្វាយសែនជ័យ ខេត្ដស្ទឹងត្រែង។ នេះបើតាមប្រកាស ដែលបណ្ដាញព័ត៌មាន AMS ទទួលបាននៅថ្ងៃទី០៩ ខែសីហា ឆ្នាំ២០២៣ ៕ ដោយ-រ៉ាវុធ

ភ្នំពេញ៖គណៈកម្មាធិការជាតិរៀបចំការបោះឆ្នោត (គ.ជ.ប​) នឹងរៀបចំសន្និបាតបូកសរុបការងារបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ រយៈពេលពីរថ្ងៃ ចាប់ពី​​ថ្ងៃទី១៤ដល់ទី​១៥ ខែសីហា នា​សា​ល​មហោស្រពស្ទឹងសង្កែ ដែលស្ថិតនៅសង្កាត់ស្វាយប៉ោ ក្រុងបាត់ដំបង ខេត្តបាត់ដំបង​។ ​ តាមរយៈសេចក្តីជូនដំណឹងរបស់គ.ជ.ប នៅថ្ងៃទី៩ ខែសីហា បាន​ឱ្យដឹងថា ​នៅថ្ងៃទី១៤ ខែសីហា​ ឯកឧត្តម នុត សុខុម អនុប្រធាន គ.ជ.ប នឹង​ថ្លែងសុន្ទរកថាបើកអង្គសន្និបាត ហើយ​​ថ្ងៃទី១៥ ​​សម្ដេចក្រឡាហោម  ស ខេង ឧប​នាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងឯកឧត្តម ប្រាជ្ញ ចន្ទ ប្រធាន គ.ជ.ប នឹងចូលរួម​ពិធីបិទ​អង្គសន្និ​បាតនេះ​​។​ ទាក់ទងនឹងអង្គសន្និបាតនេះ ឯកឧត្តម សោម សូរីដា អ្នកនាំពាក្យគ.ជ.ប នៅថ្ងៃទី ៩ ខែសីហា​​ បានប្រាប់​​ថា​​តាមរបៀបវារៈ សំខាន់ៗ នៅក្នុងសន្និបាត​នាពេលខាងមុខ​នេះ ​នឹងមានការចូលរួមថ្លែងសន្ទរកថាបើករ​បស់ថ្នាក់ដឹកនាំគ.ជ.ប និងការអានរបាយការណ៍សង្ខេប​ស្តីពីលទ្ធផលនៃការបោះឆ្នោតជ្រើសតាំងតំណាងរាស្ត្រនីតិកាលកាលទី៧ ឆ្នាំ ២០២៣។​ ក្រៅពីនេះ ក៏នឹងមានការពិភាក្សាលើប្រធានបទសំខាន់ៗ​ចំនួនប្រាំ ដែលផ្តោតទៅលើបញ្ជីរៀ​បចំការបោះឆ្នោត, ការចុះបញ្ជីគណបក្សនយោបាយ…

(ភ្នំពេញ)៖ ក្រសួងការបរទេស និងសហប្រតិបត្តិការអន្តរជាតិ បានរៀបចំ ទិវាអាស៊ាន (ASEAN Day) ឆ្នាំ២០២៣ នៅព្រឹកទី៨សីហា ដើម្បីចូលរួមអបអរសាទរខួបអនុស្សាវរីយ៍ លើកទី៥៦ឆ្នាំ នៃការបង្កើតអាស៊ាន ក្រោមអធិបតីភាពឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងមានការចូលរួមពី ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បណ្ដាអង្គទូតប្រចាំនៅកម្ពុជា មន្ត្រីអង្គការជាតិ និងអន្តរជាតិ មន្ត្រីរាជការតាមបណ្ដាក្រសួង ស្ថាប័នជាច្រើនរូប ។ សូមរំលឹកថា ព្រះរាជាណាចក្រកម្ពុជា បានក្លាយជាសមាជិកសមាគមប្រជាជាតិ អាស៊ីអាគ្នេយ៍ ហៅកាត់ថា អាស៊ាន នៅថ្ងៃទី៣០ ខែមេសា ឆ្នាំ១៩៩៩ ។ សូមជម្រាបថា សមាគមប្រជាជាតិអាស៊ីអាគ្នេយ៍ ឬហៅកាត់ថា អាស៊ាន (ASEAN) គឺជាអង្គការថ្នាក់តំបន់មួយ រួមមាន៖ប្រទេសនៅអាស៊ីអាគ្នេយ៍ទាំងដប់ ជាសមាជិក ត្រូវបានបង្កើតឡើង ដើម្បីជួយជំរុញកិច្ចសហប្រតិបត្តិការអន្តររដ្ឋាភិបាល និងជួយសម្រួលការធ្វើសមាហរណកម្មក្នុងចំណោមសមាជិកទាំងអស់។ ប្រវត្តិ នៃការបង្កើតអង្គការថ្នាក់តំបន់មួយនេះ៖ សមាគមប្រជាជាតិអាស៊ីអាគ្នេយ៍ បង្កើតឡើងនៅថ្ងៃទី០៨ ខែសីហា…