ភ្នំពេញ៖ ព្រះមហាក្សត្រ ចេញព្រះរាជក្រិត្យចាត់តាំងបណ្ឌិត ហ៊ុន ម៉ាណែត ជានាយករដ្ឋមន្ត្រីកម្ពុជា នីតិកាលទី៧ នៃរដ្ឋសភា ។ នេះបើយោងតាមព្រះរាជក្រឹត្យ ស្តីពីការចាត់តាំងនាយករដ្ឋមន្ត្រី នៃព្រះរាជាណាចក្រកម្ពុជា ដែលឡាយព្រះហស្ដិលេខាដោយព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលទទួលបាននៅព្រឹកថ្ងៃទី០៧ ខែសីហា ឆ្នាំ២០២៣ ។ ការចេញព្រះរាជក្រឹត្យចាត់តាំងបណ្ឌិត ហ៊ុន ម៉ាណែត ជានាយករដ្ឋមន្ត្រីកម្ពុជា នីតិកាលទី៧ នៃរដ្ឋសភា បន្ទាប់ពីមានសេចក្ដីក្រាបបង្គំទូលថ្វាយរបស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ដែលជាគណបក្សមានអាសនៈច្រើនជាងគេក្នុងរដ្ឋសភា ខណៈឯកឧត្តម បណ្ឌិត ហ៊ុន ម៉ាណែត គឺជាតំណាងរាស្ត្រមណ្ឌលភ្នំពេញ នៃគណបក្សប្រជាជនកម្ពុជា និងជាវរជនដែលមានសញ្ជាតិខ្មែរពីកំណើត និងមានសញ្ជាតិខ្មែរតែមួយគត់ ។ ក្នុងព្រះរាជក្រឹត្យ បានបញ្ជាក់ថា ត្រាស់បង្គាប់៖ មាត្រា១/ចាត់តាំងឯកឧត្ដម បណ្ឌិត ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជា សម្រាប់នីតិកាលទី៧ នៃរដ្ឋសភា ។…

ភ្នំពេញ៖ ព្រះករុណាព្រះមហាក្សត្រនៃព្រះរាជាណាចក្រកម្ពុជា នៅព្រឹកថ្ងៃទី៧ខែសីហាឆ្នាំ២០២៣ បានចេញព្រះ រាជក្រឹត្យ ចាត់តាំងឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីកម្ពុជា នីតិកាលទី៧ នៃរដ្ឋសភានិងមានភារកិច្ចរៀបចំសមាសភាពរាជរដ្ឋាភិបាលនៃព្រះរាជាណាចក្រកម្ពុជាសុំសេចក្តីអនុម័តទុកចិត្តពីរដ្ឋសភា៕សូមជូនខ្លឹមសារព្រះរាជក្រឹត្យ៖

ខេត្តព្រៃវែង៖ ឯកឧត្តម ព្រុំ សុខា បានលើកឡើថា ការគាំទ្រយ៉ាងរឹងមាំ និងដោយឥតងាករេសាជាថ្មីម្តងទៀតរបស់ប្រជាជននៅទូទាំងប្រទេសចំពោះគណបក្សប្រជាជនកម្ពុជា គឺជាសក្ខីភាពបង្ហាញពីការជឿជាក់ឥតងាករេរបស់ប្រជាពលរដ្ឋម្ចាស់ឆ្នោតចំពោះ សម្តេចតេជោ ហ៊ុន សែន ប្រមុខគណបក្សប្រជាជនកម្ពុជា និងរាជរដ្ឋាភិបាលកម្ពុជា ក៏ដូចជាចំពោះ ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីថ្មីរបស់កម្ពុជានាពេលឆាប់ៗនេះ ។ ឯកឧត្តម ព្រុំ សុខា ប្រធានក្រុមការងារស្រុកបាភ្នំ បានលើកឡើងបែបនេះ ក្នុងកិច្ចប្រជុំត្រួតពិនិត្យដកពិសោធន៍ការងារបោះឆ្នោតជាតិឆ្នាំ២០២៣ របស់គណបក្សប្រជាជនកម្ពុជា ស្រុកបាភ្នំ កាលពីរសៀលថ្ងៃទី០៥ ខែសីហា ឆ្នាំ២០២៣ នៅស្នាក់ការគណបក្សស្រុកបាភ្នំ ។ ឯកឧត្តមរដ្ឋមន្ត្រី ព្រុំ សុខា ក៏បានថ្លែងមតិក្នុងនាមថ្នាក់ដឹកនាំគណបក្សប្រជាជនកម្ពុជាកោតសរសើរ វាយតម្លៃខ្ពស់ចំពោះសមិទ្ធផល ស្នាដៃ និងថ្លែងអំណរគុណដល់កម្លាំងសរុបរបស់ក្រុមការងារនៅគ្រប់លំដាប់ថ្នាក់ ដែលបាននិងកំពុងខិតខំបំពេញការងារយ៉ាងសកម្មនៅតាមមូលដ្ឋានរៀងៗខ្លួន ខិតខំដណ្តើមជ័យជំនះគ្រប់មុខសញ្ញា។ ប្រការនេះជាការចូលរួមចំណែកយ៉ាងសកម្មជាមួយកម្លាំងទូទាំងប្រទេសជួយឱ្យគណបក្សប្រជាជនកម្ពុជាទទួលបានជោគជ័យភ្លូកទឹកភ្លូកដីក្នុងការបោះឆ្នោតជ្រើសតាំងតំណាងរាស្រ្ត អាណត្តិទី៧ នាកាលពីថ្ងៃទី២៣ ខែកក្កដា ឆ្នាំ២០២៣ថ្មីៗនេះ ។ ដើម្បីបន្តរក្សាប្រៀបឈ្នះរបស់គណបក្សប្រជាជនកម្ពុជាយើង និងដណ្តើមបានបេះដូងរបស់ប្រជាជនជារៀងរហូត ឯកឧត្តម បានជំរុញលើកទឹកចិត្តឱ្យសមាជិកគណបក្សគ្រប់លំដាប់ថ្នាក់ ត្រូវបន្តពុះពារបំពេញសម្រេចឱ្យបានល្អនូវភារកិច្ចនយោបាយរបស់ខ្លួនតាមគ្រប់មុខសញ្ញា គ្រប់ពេលវេលា គ្រប់ទីកន្លែងដោយត្រូវចុះជាប់មូលដ្ឋានជាប្រចាំផ្សារភ្ជាប់សុខទុក្ខជាមួយប្រជាជន សំដៅពង្រឹងសុខសុវត្ថិភាពសហគមន៍មូលដ្ឋាន…

ភ្នំពេញ៖ នៅក្នុងកិច្ចពិភាក្សារបស់ក្រុមប្រឹក្សាសន្តិសុខអង្គការប្រជាជាតិ(អ.ស.ប)នាទីក្រុងញូវយ៉ក តំណាង​កម្ពុជាបានរំលេចពី​សារៈសំខាន់នៃការកសាងសន្តិភាព និងការទប់ស្កាត់ជម្លោះ ដើម្បីបញ្ចៀសគ្រោះទុរ្ភិក្ស និងអសន្តិសុខស្បៀ​ងអាហារ។​ ការរំលេចនេះ ធ្វើឡើងតាមរយៈការថ្លែងឡើង​នាកិច្ចពិភាក្សាបើកចំហរនៃក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃទី​៣ ខែសីហា នាស្នាក់ការកណ្តាលរបស់អ.ស.ប  នៅទីក្រុងញូវយ៉ក សហរដ្ឋអាមេរិក ដែល​​កិច្ចពិភាក្សានេះធ្វើឡើង​ក្រោមមូលបទ «ទុរ្ភិក្ស និងអសន្តិសុខស្បៀងបង្កឡើងដោយជម្លោះប្រដាប់អាវុធ»។ ​ លោកជំទាវ អ៊ាត សោភា តំណាងអចិន្ត្រៃយ៍កម្ពុជាប្រចាំអ.ស.ប បានថ្លែងថា សន្តិភាព និងសន្តិសុ​ខត្រូវមានផ្សារភ្ជាប់យ៉ាងជិតស្និទ្ធទៅនឹងសន្តិសុខស្បៀង ដែលមានការទទួលស្គាល់ដោយក្រុមប្រឹក្សាសន្តិសុខអង្គការសហប្រជាតិ​ផ្ទាល់នៅឆ្នាំ២០១៨ ហើយផ្អែកតាមបទពិសោធន៍ផ្ទាល់​របស់កម្ពុជាដែលធ្លា​ប់ឆ្លងកាត់ដោយសារជម្លោះ ពោលគឺសង្គ្រាមនានារាប់ទសវត្សរ៍។​ លោកជំទាវបានសង្កត់ធ្ងន់ថា ៖ «កម្ពុជាចង់បញ្ជាក់ឡើងវិញពីសារៈសំខាន់នៃការផ្តល់អាទិភាពដល់ការកសាងសន្តិភាព និងការការពារជម្លោះ ជាពិសេសនៅក្នុងនិន្នាការនៃការព្រួយបារម្ភនាពេលបច្ចុប្បន្ន។ យើ​ងគាំទ្រការលើកឡើងដែលថា គណៈកម្មការកសាងសន្តិភាពគួរតែដើរតួនាទីប្រឹក្សាធំជាងនេះ លើសក​ម្មភា​ពសមស្របនៅក្នុងតំបន់ជម្លោះ»​។​ លោកជំទាវបាន​បន្តថា កម្ពុជាបន្តគាំទ្រដល់ការអំពាវនាវឱ្យ​គ្រប់ភាគីជម្លោះប្រដាប់អាវុធនានាគោរពច្បាប់មនុស្សធម៌អ​ន្តរជាតិ ចៀសវាងប្រើអាវុធជាមធ្យោបាយផ្តាច់ស្បៀង និងរារាំងប្រជាជនក្នុងការទ​ទួលបានស្បៀងគ្រប់គ្រាន់ ដែលជាទង្វើរំលោភសិទ្ធិមនុស្សធ្ងន់ធ្ងរ។​ ពិភពលោកកំពុងប្រឈមនឹងគ្រោះទុរ្ភិក្ស និងកង្វះអាហាររូបត្ថម្ភធ្ងន់ធ្ងរ ដោយស្តែងឡើ​ងតាមរយៈរបាយការណ៍សាកលស្តីពីវិបត្តិស្បៀងអាហារ។ តំណាងអចិន្ត្រៃយ៍កម្ពុជាប្រចាំអ.ស.ប  បានបន្តថា កម្ពុជាបង្ហាញក្តីសង្ឃឹមយ៉ាងមុតមាំថា រដ្ឋជាសមាជិកនៃអង្គការសហប្រជាជាតិនឹងពង្រឹងការធ្វើការរួមគ្នាឡើងវិញ ដើម្បីសម្រេចគោលដៅអភិវឌ្ឍន៍ប្រកបដោយចីរភាព(SDGs) នៅឆ្នាំ២០៣០ ខាងមុខដូចការគ្រោងទុក។ ជាពិសេសការពង្រឹងការដាំដុះក​សិកម្មដែលធន់នឹងអាកាសធាតុ ការប្រើប្រាស់បច្ចេកវិទ្យាទំនើប និងការវិនិយោគសិក្សាបន្ថែមលើដំណាំកសិកម្ម និងព្រៃឈើ ដើម្បីសន្តិសុខស្បៀងសាកល។​ ពាក់ព័ន្ធបញ្ហានេះដែរ…