(ភ្នំពេញ)៖ ផ្លូវក្រវាត់ក្រុងថ្មីមួយទៀត មានប្រវែងជាង ៥០គីឡូម៉ែត្រ តភ្ជាប់ពីផ្លូវជាតិលេខ១ ទៅកាន់ផ្លូវជាតិលេខ៤ បានសាងសង់រួចរាល់ជាស្ថាពរ គ្រោងសម្ពោធដាក់ឱ្យប្រើប្រាស់ជាផ្លូវការ នៅព្រឹកថ្ងៃទី០៣ ខែសីហាឆ្នាំ ២០២៣ ក្រោមវត្តមាន សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីកម្ពុជា ។ អាជ្ញាធរខេត្តកណ្ដាល ប្រកាសបិទចរាចរណ៍រថយន្តដឹកទំនិញធុនធ្ងន់ នៅលើកំណាត់ផ្លូវជាតិលេខ១ ចាប់ពីចំណុចផ្លូវបំបែក ផ្លូវលេខ២១បេ រាជធានីភ្នំពេញ ដល់គីឡូម៉ែត្រ៣០-១៤០ ឃុំបន្ទាយដែក ស្រុកកៀនស្វាយ ខេត្តកណ្តាល ចាប់ពីម៉ោង៣រំលងអាធ្រាត្រ រហូតដល់ម៉ោង១រសៀល ថ្ងៃទី៣ ខែសីហា ឆ្នាំ២០២៣ ។ ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ ធ្លាប់បានលើកឡើងថា ផ្លូវក្រវាត់ក្រុងទី៣ ជាផ្លូវដ៏សំខាន់ ក្នុងការកាត់បន្ថែយការស្ទះចរាចរណ៍នៅក្នុងក្រុងភ្នំពេញ ជាពិសេសអ្នកធ្វើដំណើរពីខេត្តមួយទៅខេត្តមួយដោយមិនចាំបាច់ឆ្លងកាត់ក្រុងភ្នំពេញ ក៏ដូចជាការសម្រួលការដឹកទំនិញផងដែរ ។ មិនតែប៉ុណ្ណោះ ការសាងសង់ក្រវាត់ក្រុងនេះ ក៏បានផ្ដល់ឱកាសដល់អ្នកវិនិយោគថ្មីៗ មកធ្វើការអភិវឌ្ឍក្នុងគម្រោងផ្លូវនេះ ដូចជា៖ ការសាងសង់បុរីជាដើម ។ បើតាមអ្នកអភិវឌ្ឍន៍លំនៅឋានជាច្រើននៅក្បែរៗគម្រោងផ្លូវទី៣ បានយកចំណុចនេះ ធ្វើជាការឃោសនា ដើម្បីលក់គម្រោងរបស់ខ្លួនទៅកាន់អតិថិជន…

(ភ្នំពេញ)៖ សម្ដេចក្រឡាហោម ស ខេង បានធ្វើការណែនាំដល់អគ្គនាយកដ្ឋានពន្ធនាគារ ត្រូវជ្រើសរើសពណ៌ឯកសណ្ឋាន របស់មន្ដ្រីពន្ធគារក្រសួងមហាផ្ទៃ ឱ្យបានសមស្រប មុនចេញនូវអនុក្រឹត្យជាផ្លូវការ។ ជាងនេះទៅទៀត សម្ដេចក្រឡាហោម ក៏បានថ្លែងអំណរគុណចំពោះ អគ្គនាយកដ្ឋានពន្ធនាគារ និងអ្នកពាក់ព័ន្ធទាំងអស់ ដែលបានធ្វើការសិក្សានូវសេចក្ដីព្រាងអនុក្រឹត្យ ស្ដីពីឯកសណ្ឋាន ស្លាកសញ្ញា និងសញ្ញាសក្តិ របស់មន្ដ្រីពន្ធនាគារក្រសួងមហាផ្ទៃ។ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានថ្លែងបែបនេះ ក្នុងកិច្ចប្រជុំឆ្លងសេចក្ដីព្រាងអនុក្រឹត្យ ស្ដីពីឯកសណ្ឋាន ស្លាកសញ្ញា និងសញ្ញាសក្តិ របស់មន្ដ្រីពន្ធនាគារក្រសួងមហាផ្ទៃ នៅទីស្ដីក្រសួងមហាផ្ទៃ នាព្រឹកថ្ងៃអង្គារ ទី០១ ខែសីហា ឆ្នាំ២០២៣ ។ ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ បានថ្លែងថា យោងតាមមាត្រា៨ នៃច្បាប់ ស្ដីពីពន្ធនាគារក្រសួងមហាផ្ទៃ បានចែងថា មន្ដ្រីពន្ធនាគារត្រូវមានឯកសណ្ឋាន សញ្ញាសក្តិ គ្រឿងបំពាក់ ឧបករណ៍ និងសម្ភារ ឱ្យបានសមស្រប ទើបរាជរដ្ឋាភិបាលបានចេញអនុក្រឹត្យ ស្ដីពីឯកសណ្ឋាន ស្លាកសញ្ញា និងសញ្ញាសក្តិ…

ភ្នំពេញ៖ មន្រ្តីជាន់ខ្ពស់នៃ​សារមន្ទីរទួលស្លែងបាន​ឱ្យដឹងថា ​គិតត្រឹមថ្ងៃទី ៣១ ខែកក្កដា ឆ្នាំ២០២៣ គឺខួបទី១៤ឆ្នាំហើយដែលបណ្ណសាររបស់សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ត្រូវបានចុះក្នុងបញ្ជីស្មា​រតីចងចាំនៃពិភពលោក របស់អង្គការយូណេស្កូ។ លោក ហង្ស និស្ស័យ ប្រធានការិយាល័យសារមន្ទីរឧក្រិដ្ឋកម្ម ប្រល័យពូជសាសន៍ទួលស្លែង នៅថ្ងៃទី៣១ ខែកក្កដា​ ​បានប្រាប់​ឱ្យដឹងថា បណ្ណសារសារមន្ទីរឧក្រិដ្ឋកម្ម ប្រល័យពូជសាសន៍ទួលស្លែងមាន​ឯកសារច្រើន។ ក្នុងនោះ​រួមមាន ឯកសារចម្លើយសារភាពជនរងគ្រោះ, ប្រវត្ថិរូប, រូបថត, ហ្វីលរូបថត, សៀវភៅកំណ​ត់ហេតុខ្មែរក្រហម និង​ទស្សនាវត្តីខ្មែរក្រហម ដែលទាំងអស់នោះ​ត្រូវបានចុះទៅក្នុងបញ្ជីស្មារតីចងចាំនៃពិ​ភ​ព​លោក របស់យូណេស្កូនៅថ្ងៃទី៣១ ខែ​កក្កដា ឆ្នាំ២០០៩ នៅទីក្រុងប្រ៊ិដថោន ប្រទេស​បារបាដូស (Barbados)។​ លោកបាន​បន្តថា ទោះបីជាឆ្នាំនេះ មិនបានធ្វើកម្មវិធីធំដុំនោះទេ ដើម្បីរម្លឹកខួបរបស់សារៈមន្ទីក្តី ប៉ុន្តែខាងសារមន្ទីរ​បានបង្ហោះជាសារវីដេអូតាមបណ្តាញសង្គមរបស់សារៈមន្ទីទួលស្លែង​ ដើម្បីរក្សាស្មារតីចង់ចាំរ​បស់សារៈមន្ទីនេះ។ ​លោក ហង្ស និស្ស័យ បាន​បញ្ជាក់​ថា  ​យើងធ្លាប់ធ្វើកម្មវិធីរំលឹកខួបបានតែម្តងប៉ុណ្ណោះ កាលពីឆ្នាំ២០​១០ ដោយមានការចូលរួមពីថ្នាក់ដឹកនាំ ដោយឡែកឆ្នាំនេះ ក្រុមការងារមានភាពមមាញ្ញឹកច្រើន ទើបយើងអត់បានរៀបចំជាកម្មវិធីតាំងពិព័រណ៌ពីសារៈមន្ទីនោះទេ ប៉ុន្តែយើងនឹងគ្រោងធ្វើកម្មវិធីរំលឹកធំដុំ នៅខួប១​៥ ឆ្នាំ នាឆ្នាំក្រោយ។​ ប្រធានការិយាល័យសារមន្ទីរឧក្រិដ្ឋកម្មប្រល័យពូជសាសន៍ទួលស្លែង បានឱ្យដឹងទៀតថា…

(ភ្នំពេញ)៖ គណៈកម្មាធិការជាតិរៀបចំការបោះឆ្នោត (គជ.ប) សូមជម្រាបជូន ដំណឹង ដល់សាធារណជន ប្រព័ន្ធផ្សព្វផ្សាយព័ត៌មានជាតិ និងអន្តរជាតិ រួមទាំងភាគី ពាក់ព័ន្ធនឹងការបោះឆ្នោតទាំងអស់ ឱ្យបានជ្រាបថា គ.ជ.ប នឹងធ្វើការផ្សាយលទ្ធផលបណ្តោះអាសន្ននៃការបោះឆ្នោតជ្រើសតាំង តំណាងរាស្ត្រ នីតិកាលទី៧ ឆ្នាំ២០២៣ នៅព្រឹកថ្ងៃទី១ ខែសីហា ឆ្នាំ២០២៣ វេលាម៉ោង ៧:០០ តាមប្រព័ន្ធផ្សព្វផ្សាយ ដូចខាងក្រោម៖ ទូរទស្សន៍ជាតិកម្ពុជា (ទទក) វិទ្យុជាតិកម្ពុជា (វិទ្យុ AM 918 KHz វិទ្យុ FM 96 MHz និងវិទ្យុវត្តភ្នំ FM 105.70 MHz) គេហទំព័រ គជប ៖ electresult.nec.gov.kh កម្មវិធីទូរសព្ទដៃ (App) ៖ NEC KH និង CamNEC News Facebook ៖ គណៈកម្មាធិការជាតិរៀបចំការបោះឆ្នោត National Election…