ភ្នំពេញ៖តាមរយៈសារសំឡេង ផ្ញើជូនជនរួមជាតិ ទាក់ទងការតែងតាំងមន្ត្រីឡើងវិញ នាព្រឹកថ្ងៃទី២៩ ខែកក្កដានេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីកម្ពុជាបានសម្រេចរក្សាទុកមន្ត្រីទាំងអស់ ដែលបានតែងតាំងរួចមកហើយ រួមមាន រដ្ឋលេខាធិការ អនុរដ្ឋលេខាធិការ ឬទីប្រឹក្សារាជរដ្ឋាភិបាល ឱ្យបន្តតទៅទៀត ពោលគឺនឹងត្រូវបានរក្សាមុខតំណែងដដែល លើកលែងតែសាមីខ្លួនស្នើសុំឈប់ ខណៈដែលមន្ត្រីមុខងារសាធារណៈ ក៏មិនប៉ះពាល់ឡើយ។ សម្តេចតេជោនាយករដ្ឋមន្រ្តីបានបន្ថែមថា ការបញ្ចប់ និងតែងតាំងថ្មី នឹងធ្វើឡើងនៅថ្ងៃទី២២ ខែសីហា។ សម្ដេចតេជោ ហ៊ុន សែន បានប្រកាសដូច្នេះថា៖« ក្រោយកិច្ចពិភាក្សាជាមួយថ្នាក់ដឹកនាំកំពូលៗរួចមក សម្តេចសម្រេច រក្សាទុកមន្ត្រីទាំងអស់ ដែលបានតែងតាំងរួចមកហើយជា រដ្ឋលេខាធិការ អនុរដ្ឋលេខាធិការ ទីប្រឹក្សារាជរដ្ឋាភិបាល និងមន្ត្រីរាជការទាំងអស់ ដែលបានតែងតាំងរួចមកហើយឱ្យបន្តតទៅទៀត។ ពោលគឺថ្នាក់ដែលបានតែងតាំងដោយព្រះរាជក្រឹត្យ ត្រូវតែងតាំងដោយព្រះរាជក្រឹត្យឡើងវិញ ហើយមន្ត្រីថ្នាក់ដែលតែងតាំងដោយអនុក្រឹត្យ ក៏ត្រូវតែងតាំងដោយអនុក្រឹត្យឡើងវិញ និងថ្នាក់ដែលតែងតាំងដោយរដ្ឋមន្ត្រី នៅក្នុងរាជរដ្ឋាភិបាលថ្មី ដែលដឹកនាំដោយបណ្ឌិត ហ៊ុន ម៉ាណែត»។ សម្ដេចតេជោបានបញ្ជាក់ទៀតថា៖« មន្ត្រីមុខងារសាធារណៈ គឺមិនប៉ះពាល់ឡើយ រាប់ចាប់ពីថ្នាក់អគ្គនាយក រហូតដល់អភិបាលរងស្រុក ក៏ដូចជាកងកម្លាំងប្រដាប់អាវុធ លើកលែងតែអ្នកនោះ ដល់អាយុ ត្រូវចូលនិវត្តន៍…

ភ្នំពេញ៖លោកស្រី Martha A. Mavrommatis ឯកអគ្គរដ្ឋទូតសាធារណរដ្ឋស៊ីបប្រចាំព្រះរាជាណាចក្រកម្ពុជា  ដែលមាននិវេសនដ្ឋាននៅទីក្រុងប៉េកាំងនៃសាធារណរដ្ឋប្រជាមានិតចិន បានថ្លែងអំណរគុណចំពោះកម្ពុជា ដែលបានបញ្ជូនកងកម្លាំងទៅរក្សាសន្តិសុខនៅប្រទេស ក្រោមឆ័ត្ររបស់អង្គការសហប្រជាជាតិ(អ.ស.ប)។ ឯកអគ្គរដ្ឋទូតសាធារណរដ្ឋស៊ីបបានថ្លែងបែបនេះ នៅអំឡុងពេលជួបពិភាក្សាការងារជាមួយ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន កាលថ្ងៃទី២៨ ខែកក្កដា ឆ្នាំ២០២៣ នៅទីស្តីការគណៈរដ្ឋមន្រ្តី។ ប្រភពអាជ្ញាធរមីនកម្ពុជាបានឱ្យដឹងថា ក្នុងឱកាសនេះលោកស្រី Martha A. Mavrommatis បានថ្លែងថា ៖«ស៊ីប ពិតជាអរគុណយ៉ាងខ្លាំងចំពោះរាជរដ្ឋាភិបាលកម្ពុជា ដែលបានបញ្ចូនកងកម្លាំងរក្សាសន្តិភាពចូលរួមរក្សាសុខសុវត្ថិភាពក្នុងប្រទេសស៊ីប ហើយទំនាក់ទំនងល្អរវាងប្រទេស និងប្រជាជនទាំងពីរ កាន់តែមានភាពល្អប្រសើរឡើង»។ ជាមួយគ្នានេះលោកស្រីឯកអគ្គរដ្ឋទូត បានវាយតម្លៃខ្ពស់ចំពោះការដឹកនាំរបស់ប្រមុខរាជរដ្ឋាភិបាលកម្ពុជា ដែលបានស្វែងរកសុខសន្តិភាពជូនដល់ប្រជាជនកម្ពុជា និងធ្វើឱ្យកម្ពុជាមានការអភិវឌ្ឍលើគ្រប់វិស័យ និងបានសម្តែងនូវការអបអរសាទរចំពោះជោគជ័យនៃដំណើរការរៀបចំការបោះឆ្នោតជ្រើសរើសតំណាងរាស្រ្តីនីតិកាលទី៧ កន្លងទៅនេះ ប្រកបដោយសេរី និងយុត្តិធម៌។ ក្នុងឱកាសនោះឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានលើកឡើងដែរថា កម្ពុជាមានបទពិសោធន៍ និងជំនាញដ៏ច្រើនខាងផែ្នកបោសសម្អាតមីន ដោយក្នុងរយៈពេលជាង ៣០ ឆ្នាំនេះ ហើយកម្ពុជា សម្រេចបាននូវសមិទ្ធផលជាប្រវតិ្តសាស្រ្តក្នុងការងារបោសសម្អាតមីន និងសំណល់ជាតិផ្ទុះពីសង្រ្គាមលើផ្ទៃដីរាប់ម៉ឺនហិកតា។ ក្នុងនោះបានចូលរួមដល់ការកាត់បន្ថយអត្រាគ្រោះថ្នាក់…

(ភ្នំពេញ)៖ សម្តេចតេជោ ហ៊ុន សែន បានប្រកាសថា រាជរដ្ឋាភិបាលថ្មីនឹងធ្វើការរក្សាទុកនូវមុខតំណែងរាល់មន្រ្តីក្នុងគ្រប់ក្រសួងស្ថាប័នទាំងអស់ដែលបានតែងតាំងរួចមកហើយ ដូចជារដ្ឋលេខាធិការ អនុរដ្ឋលេខាធិការ ឬទីប្រឹក្សារាជរដ្ឋាភិបាលអ្វីក៏ដោយ ដោយប្រែប្រួលតែតំណែងរដ្ឋមន្ត្រីប្រតិភូអមនាយករដ្ឋមន្ត្រីប៉ុណ្ណោះ ។ យោងតាមសារ សម្តេចតេជោ ហ៊ុន សែន នៅព្រឹកថ្ងៃទី២៩ ខែកក្កដា ឆ្នាំ២០២៣ បានបញ្ជាក់ថា សម្តេចតេជោ ហ៊ុន សែន បានថ្លែងថា ការលះបង់របស់សម្តេចយ៉ាងធំធេងដោយមិនបន្តធ្វើជានាយករដ្ឋមន្រ្តីទៀតនោះ គឺដើម្បីសេចក្តីសុខសេចក្តីចម្រើនរបស់ជាតិទាំងមូល ដើម្បីធានាថាប្រទេសជាតិមួយនេះ មិនធ្លាក់ទៅក្នុងភាពចលាចល អស្ថិរភាព ឬការដណ្តើមអំណាចតាមរយៈចុងអាវុធ ដូចពីកាលអតីតកាលនោះឡើយ ។ សម្តេចតេជោបានបន្តថា ការចាកចេញរបស់សម្តេច ជាមួយនឹងការគាំទ្ររបស់ប្រជាពលរដ្ឋ ធ្វើឲ្យគណបក្សប្រជាជនកម្ពុជាមានប្រជាពលរដ្ឋគាំទ្របោះឆ្នោតជូនជាង ៨២ភាគរយ ដែលជាសន្លឹកឆ្នោតខ្ពស់បំផុតមិនធ្លាប់មាននៅក្នុងប្រវត្តិសាស្រ្តរបស់គណបក្សប្រជាជនកម្ពុជា ខណៈការបោះឆ្នោតឃុំ-សង្កាត់នាឆ្នាំ២០២២កន្លងទៅមានត្រឹមជាង ៧០ភាគរយ ។ សម្តេចតេជោបានប្រកាសថ្លែងអំណរគុណចំពោះការគាំទ្រទាំងឡាយ ដែលបងប្អូនប្រជាពលរដ្ឋបានធ្វើចំពោះការសម្រេចចិត្តរបស់សម្តេច ដោយសម្តេចចាត់ទុកថា នេះគឺជាដំណើរការរួមរបស់ជាតិ ដែលចាំបាច់ត្រូវតែប្រគល់ឲ្យយុវជនជំនាន់ក្រោយ ដោយគេអាចនឹងធ្វើកិច្ចការរបស់គេបានប្រសើរជាង ។ សម្តេចតេជោ បានបញ្ជាក់ថា មន្រ្តីមុខងារសាធារណៈនឹងមិនត្រូវប៉ះពាល់នោះឡើយ ដូចជាអគ្គនាយក អគ្គនាយករង អនុប្រធាននាយកដ្ឋាន អភិបាលខេត្ត អភិបាលរងខេត្ត…