ភ្នំពេញ៖ ឯកឧត្តម បណ្ឌិត ហ៊ុន ម៉ាណែត បានប្រកាសប្តេជ្ញាអនុវត្តន៍បណ្តាំរបស់សម្ដេចតេជោ ហ៊ុន សែន ឱ្យបានដាច់ខាត ដើម្បីធានាដល់ការអភិវឌ្ឍ និងភាពសុខសាន្តរបស់ប្រជាជន។ ឯកឧត្តម បណ្ឌិត ហ៊ុន ម៉ាណែត បានលើកឡើងបែបនេះ តាមបណ្ដាញសង្គមតេលេក្រាម នៅរសៀលថ្ងៃទី២៧ ខែកក្កដា ឆ្នាំ២០២៣ ។ ឯកឧត្តម បណ្ឌិត ហ៊ុន ម៉ាណែត បានលើកឡើងថា បណ្តាំរបស់ពុក កូននឹងចងចាំជានិច្ច និងប្តេជ្ញាអនុវត្តន៍ឱ្យបានដាច់ខាតនៅក្នុងគ្រប់កាលៈទេសៈ ៖ ពេលកូនក្លាយជានាយករដ្ឋមន្ត្រីរបស់កម្ពុជា កូនត្រូវតែការពារឲ្យខាងតែបាននូវសន្តិភាពដើម្បីធានាដល់ការអភិវឌ្ឍ និងភាពសុខសាន្តរបស់ប្រជាជន ។ សូមរំលឹកថា នៅថ្ងៃទី២៦ កក្កដា សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងសារ នៅលើបណ្ដាញសង្គម Twitter ផ្លូវការ ប្រាប់ទៅកូនប្រុសច្បង គឺឯកឧត្តម បណ្ឌិត ហ៊ុន ម៉ាណែត ដែលជាអនាគតនាយករដ្ឋមន្ត្រី ថា ពេលក្លាយជានាយករដ្ឋមន្ត្រីរបស់កម្ពុជា កូនត្រូវតែការពារឲ្យខាងតែបាននូវសន្តិភាព ដើម្បីធានាដល់ការអភិវឌ្ឍ…

ភ្នំពេញ៖ គណៈកម្មាធិការជាតិរៀបចំការបោះឆ្នោត(គ.ជ.ប)បានបើកសវនាការដើម្បីជំនុំជម្រះលើបណ្ដឹង/សំណុំរឿងចំនួនប្រាំទាក់ទិននឹងការញុះញង់ឱ្យអ្នកបោះឆ្នោតបំផ្លាញ ឬធ្វើឱ្យខូចសន្លឹកឆ្នោតនោះបានសម្រេចតំកល់ពាក្យបណ្តឹងទាំងប្រាំនៃគណ:កម្មការរៀបចំការបោះឆ្នោតថ្នាក់ខេត្តទុកជាបានការ។ សូមបញ្ជាក់ថា នាព្រឹកថ្ងៃទី ២៧ ខែ កក្កដា ឆ្នាំ ២០២៣គ.ជ.បបានបើកបើកសវនាការលើ បណ្តឹងទាំងប្រាំនេះមានដូចជា៖លេខ០០១ ចុះថ្ងៃទី១៨ ខែកក្កដា ឆ្នាំ២០២៣ ។លេខ ០០២ និងលេខ ០០៣ ចុះថ្ងៃទី១៩ ខែកក្កដា ឆ្នាំ ២០២៣។ លេខ ០០៤ និងលេខ ០០៥ ចុះថ្ងៃទី២២ ខែកក្កដា ឆ្នាំ ២០២៣។ឯកឧត្តម ហង្ស ពុទ្ធា អ្នកនាំពាក្យ គ.ជ.ប បានថ្លែងក្រោយបញ្ចប់សវនាការដើម្បីជំនុំជម្រះលើបណ្ដឹង/សំណុំរឿងចំនួនប្រាំ ទាក់ទិននឹងការញុះញង់ឱ្យអ្នកបោះឆ្នោតបំផ្លាញ ឬធ្វើឱ្យខូចសន្លឹកឆ្នោតនាកន្លងមកនេះថា៖គ.ជ.បបានបើកសវនាការតាមរយៈក្រុមប្រឹក្សាជំនុំជម្រះលើបណ្តឹងចំនួន ៥ ដែលក្នុងនេះមកពីខេត្តកំពង់ចាមចំនួន ១ ខេត្តប៉ៃលិន ២ និងត្បូងឃ្មុំចំនួន ២។ឯកឧត្តមបានថ្លែងថា “មានសំណួរមួយសួរថាសកម្មភាពហ្នឹងធ្វើឱ្យប៉ះពាល់ ឬបំពានលើច្បាប់ឬក៏អត់?។ជាការពិតណាស់គណ:កម្មាធិការបានស៊ើបអង្កេតមួយត្រូវបានបង្កើតឡើង ហើយត្រូវបានរកឃើញយ៉ាងពិតប្រាកដ។អញ្ចឹងការសម្រេចរបស់ក្រុមប្រឹក្សាជំនុំជម្រះនៃគណ:កម្មាធិការជាតិរៀបចំការបោះឆ្នោត ក៏មានការពិនិត្យទៅលើអង្គហេតុ អង្គច្បាប់បន្ថែម ហើយជាខ្លឹមសារសរុបយើងអាចជម្រាបជូនបានថាអង្គសវនាការគ.ជ.បសម្រេចតម្កល់សេចក្តីសម្រេចរបស់សក្រុមប្រឹក្សាជំនុំជម្រះ នៃគណ:កម្មការរៀបចំការបោះឆ្នោតខេត្តទុកជាបានការដែលមានន័យថានៅតែរក្សាដាក់ពិន័យបង់ប្រាក់ ចាប់ពី១០ ទៅ១៥លានរៀល ពិន័យដោយលុបឈ្មោះចេញពីបញ្ជីបោះឆ្នោត និងមានការដកសិទ្ធឈរឈ្មោះឱ្យគេបោះឆ្នោតជាដើម។…

(ភ្នំពេញ)៖ គណៈកម្មាធិការជាតិរៀបចំការបោះឆ្នោត (គ.ជ.ប) បើកសវនាការជាសាធារណៈ នៅថៃ្ងទី២៧ ខែកក្កដា ដើម្បីជំនុំជម្រះលើបណ្តឹង/សំណុំរឿង ចំនួន៥ មានលេខ ០០១ ចុះថ្ងៃទី១៨ ខែកក្កដា ឆ្នាំ២០២៣ ។លេខ ០០២ និងលេខ ០០៣ ចុះថ្ងៃទី១៩ ខែកក្កដា ឆ្នាំ ២០២៣។ លេខ ០០៤ និងលេខ ០០៥ ចុះថ្ងៃទី២២ ខែកក្កដា ឆ្នាំ ២០២៣។ សវនាការជុំនំជំរះនៅថ្ងៃនេះសមាសភាពក្រុមប្រឹក្សាជំនុំជម្រះ មានឯកឧត្តម ប្រាជ្ញ ចន្ទ ប្រធាន គ.ជ.ប ជាប្រធាន, ឯកឧត្តម នុត សុខុម អនុប្រធាន គ.ជ.ប និងសមាជិក គ.ជ.ប ចំនួន ៧ រូបទៀត ជាសមាជិកក្រុមប្រឹក្សាជំនុំជម្រះ ។ តាមការបញ្ជាក់ពីឯកឧត្តមហ្សង់ពុទ្ធាសមា ជិកគជបនិងជាអ្នក ពាក្យបណ្តឹងទាំង៥ ខាងលើនេះមានកម្មវត្ថុប្តឹងតវ៉ានឹងសេចក្ដី សម្រេច របស់គណៈកម្មការរៀបចំការបោះ ឆ្នោត…

ភ្នំពេញ៖ គណៈកម្មាធិការជាតិគ្រប់គ្រងគ្រោះមហន្តរាយបន្តអំពាវនាវឱ្យពលរដ្ឋត្រូវប្រុងប្រយ័ត្នខ្ពស់ចំពោះបញ្ហាខ្យល់កន្ត្រាក់និងរន្ទះបាញ់ ខណៈត្រឹមរយៈពេល៦ខែនៃឆ្នាំ២០២៣​នេះ មានមនុស្ស​ជាង​៥០បានស្លាប់ និង​ជាង១៥០នាក់​ផ្សេងទៀតរងរបួស ដោយសារ​គ្រោះធម្មជាតិ។ អ្នកនាំពាក្យនៃ​គណៈកម្មាធិការជាតិគ្រប់គ្រងគ្រោះមហន្តរាយ លោក សុទ្ធ គឹមកុលមុន្នី បានប្រាប់​ឱ្យដឹងកាលពីថ្ងៃទី​២៥ ខែកក្កដា ថា ក្នុងរយៈពេល៦ខែក្នុងឆ្នាំ២០២៣ គ្រោះមហន្តរាយនៃធម្មជាតិមានការកើនឡើងច្រើន បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២២កន្លងទៅ។​គ្រោះថ្នាក់នេះ ​កើតឡើងដោយសារអាកាសធាតុមានការប្រែប្រួលខ្លាំង បន្ទាប់ពីមានបាតុភូតភ្លៀងធ្លាក់កក់ខែ ដែលលាយឡំជាមួយនឹងផ្គរ រន្ទះ និងខ្យល់កន្ត្រាក់បក់បោក ដែលបណ្ដាលឱ្យមានការខូតខាតផ្ទះសម្បែងរបស់ប្រជាពលរដ្ឋជាច្រើនផងដែរ។ បើតាម​លោក សុទ្ធ គឹមកុលមុន្នី ខ្យល់កន្ត្រាក់គិតចាប់ពីខែមករា ដល់ខែមិថុនា​​ បានធ្វើ​ឱ្យ​មានការ​ខូចខាត​ និងបាក់រលំផ្ទះសម្បែងរបស់ប្រជាពលរដ្ឋចំនួន ១ ៧៤៤ ខ្នង និងខូចខាតម​ធ្យ​មមានចំនួន ១០ ៧៥៤ខ្នង, ​ខូចខាតដំបូលសាលារៀនចំនួន ៧៨អគារ, សាលាឃុំ មន្ទីរពេទ្យ វត្តអារាម និងប៉ុស្តិ៍រដ្ឋបាលចំនួន ២២កន្លែង។​ ​លោកបានថ្លែងថា ៖ «ក្រៅពីនេះទៀត​ បាតុភូតខ្យល់កន្ត្រាក់នេះ ក៏បានធ្វើឱ្យប៉ះពាល់ដល់អាយុជីវិតម​នុស្ស​ចំនួន ៦នាក់ និងមានអ្នករងរបួសចំនួន ១២០នាក់។ ​សម្រាប់រយៈពេល៦ខែដើមឆ្នាំនេះ បញ្ហាខ្យ​ល់កន្ត្រាក់បានកើនឡើងច្រើន ជាពិសេសក្នុងខែមេសា និងខែឧសភា»​។ អ្នកនាំពាក្យ​ដដែល​បាន​បន្តថា…

ភ្នំពេញ៖ សម្ដេចតេជោ ហ៊ុន សែន បានស្នើដល់រដ្ឋមន្រ្តី ដែលមិនបានទទួលតំណែងក្នុងរាជរដ្ឋាភិបាល ថ្មី មេត្តា យោគយល់ និងត្រូវតែមានការលះបង់ ហើយដែលអ្នក ដែលលះបង់ធំជាងគេ គឺសម្តេចផ្ទាល់។ នេះបើយោងតាម ប្រសាសន៍សម្តេចតេជោ ហ៊ុន សែន នារសៀលថ្ងៃទី២៦ ខែកក្កដា ឆ្នាំ២០២៣ ។ សម្តេចតេជោ មានប្រសាសន៍ថា សូមស្នើដល់បងប្អូន រដ្ឋមន្ត្រីទាំងឡាយ ដែលមិនបានបន្តតំណែងក្នុង រដ្ឋមន្ត្រី បន្តទៅទៀត សូមមេត្តាយោគយល់ យើងត្រូវតែមានការ លះបង់ ហើយអ្នកដែលលះបង់ធំជាងគេ គឺខ្លួនខ្ញុំ។ បើទោះ បីជាកូនរបស់ខ្ញុំបន្តវេនក៏ដោយ ប៉ុន្តែអ្នកដែល ធ្លាប់មានអំណាចបញ្ជា ពេលអត់មានអំណាចបញ្ជានោះ គឺជាការលះបង់ហើយ។ សម្ដេចបន្តថា ដូច្នេះសូមរដ្ឋមន្រ្តីនានា ដែលមិនទទួល តំណែងជារដ្ឋមន្ត្រីតទៅទៀត អង្គុយនៅក្នុងសភា ជា តំណាងរាស្រ្ត ព្រោះពួកយើងចាស់ៗណាស់ហើយ។ មួយចំនួនទៀត ក៏អាចទៅជាទីប្រឹក្សារាជរដ្ឋាភិបាល និងមួយចំនួនទៀត ក៏អាចក្លាយជាសមាជិកព្រឹទ្ធសភា នៅពេលខាងមុខផងដែរ ។ យើងនឹងពិនិត្យមើល នៅពេល…

ភ្នំពេញ៖ សម្តេចតេជោ ហ៊ុន សែន បានគូសបញ្ជាក់ថា នយោបាយជ្រុលនិយម ចាំបាច់ត្រូវតែលុប បំបាត់ឱ្យ អស់ពីកម្ពុជា ។ក្រុមណាក៏ដោយ ដែលភ្ជាប់ខ្លួនជាមួយ ក្រុមជ្រុលនិយម ចាំបាច់ត្រូវកម្ចាត់ចោលមិនឱ្យមាន នៅក្នុងប្រទេសកម្ពុជាទៀតទេ។ នេះបើយោងតាម ប្រសាសន៍សម្តេចតេជោ ហ៊ុន សែន នាយករដ្ឋមន្រ្តីកម្ពុជា នារសៀលថ្ងៃទី២៦ ខែកក្កដា ឆ្នាំ២០២៣ ។ សម្ដេចតេជោ បានមានប្រសាសន៍ថា នយោបាយជ្រុល និយម ចាំបាច់ត្រូវលុបបំបាត់ឱ្យអស់ពីកម្ពុជា។ក្រុម ណាក៏ដោយ ដែលមានចេតនាភ្ជាប់ខ្លួនជាមួយ ក្រុមជ្រុល និយម គឺមិនគួរត្រូវបានលើកលែងនោះឡើយ។ ច្បាប់នឹង ត្រូវប្រើ ដើម្បីកំចាត់ចោលក្រុមជ្រុលនិយមនេះតែម្ដង។ សម្ដេចបញ្ជាក់ថា នេះមិនមែនព្រមានអស់លោកនោះទេ ប៉ុន្តែសម្ដេចគ្រាន់តែដាស់តឿនអស់លោក ។ ផ្លូវសហការ ផ្លូវស្ថាបនា ជាជាងផ្លូវប្រើហិង្សា។ អស់លោកប្រើហិង្សា ពាក្យសំដី វាជ្រុលហេតុពេកហើយ។អស់លោកល្មម យល់ហើយ។ សម្ដេចតេជោ ហ៊ុន សែន បានលើកឡើងថា សន្លឹកឆ្នោត ដែលប្រជាជន បានផ្ដល់ឲ្យគណបក្សប្រជាជនកម្ពុជា លើកនេះ…

ភ្នំពេញ៖ សម្ដេចតេជោ ហ៊ុន សែន បានប្រកាសថា សម្ដេចមិនទាន់បញ្ចប់ការធ្វើនយោបាយត្រឹមប៉ុណ្ណឹងទេ ដោយការប្រកាសមុននេះ ដើម្បីកុំឱ្យ មានការធ្វើអត្ថា ធិប្បាយ ពាសវាលពាសកាល ។ នេះបើយោងតាម ប្រសាសន៍ សម្តេចតេជោ ហ៊ុន សែន នារសៀលថ្ងៃទី២៦ ខែកក្កដា ឆ្នាំ២០២៣ ។ សម្ដេចតេជោ ហ៊ុន សែន បានលើកឡើងថា “ខ្ញុំធ្វើជានាយករដ្ឋមន្ត្រី ចាប់ពីថ្ងៃទី១៤ ខែមករា ឆ្នាំ១៩៨៥ រហូតដល់ ថ្ងៃទី២២ ខែសីហា ឆ្នាំ២០២៣ ដោយធ្វើបាន ២០១៤សប្តាហ៍។បើគិតជាខែ គឺបាន ៤៦៣ខែ។បើគិតជាឆ្នាំ គឺបាន ៣៨ឆ្នាំ ៧ខែ ៨ថ្ងៃ។បើគិតជាថ្ងៃគឺបាន ១៤០៩៩ថ្ងៃ ជានាយករដ្ឋមន្ត្រីដែល វែងជាងគេលើពិភពលោក ហើយបើគិតពីពេលវេលា ដែល សម្ដេចបានចាប់ផ្ដើមនៅក្នុងឋានៈចាប់ពីរដ្ឋមន្ត្រីការបរទេស ពីថ្ងៃទី៨ ខែមករា ឆ្នាំ១៩៧៩ ដល់ថ្ងៃទី២២ ខែសីហា ឆ្នាំ២០២៣ សម្ដេច បានបំពេញការងារក្នុងរដ្ឋាភិបាល…

ភ្នំពេញ៖​ សម្ដេចតេជោ ហ៊ុន សែន បានលើកឡើងថា សម្ដេចអគ្គមហាពញាចក្រី ហេង សំរិន, សម្ដេចក្រឡា ហោម ស ខេង, សម្ដេចពិជ័យសេនា ទៀ បាញ់, សម្ដេច កិត្តិ សង្គហបណ្ឌិត ម៉ែន សំអន នឹងត្រូវបានតែងតាំងជា ឧត្តមទីប្រឹក្សាផ្ទាល់របស់ព្រះមហាក្សត្រ ។ នេះបើយោង តាម ប្រសាសន៍សម្តេចតេជោ ហ៊ុន សែន នារសៀល ថ្ងៃទី២៦ ខែកក្កដា ឆ្នាំ២០២៣ ។ សម្ដេចតេជោ បានមានប្រសាសន៍ថា សម្ដេចនឹងនៅតែ បន្តជាអ្នកនយោបាយ ក្នុងនាមជាប្រធានគណបក្ស ប្រជាជន កម្ពុជា ។ សម្ដេចបានបន្ថែមថា សម្ដេច ហេង សំរិន , សម្ដេច ស ខេង, សម្ដេច ទៀ បាញ់ , សម្ដេច ម៉ែន…