(ជប៉ុន)៖ ក្នុងនាមកម្ពុជា ជាប្រធានឆ្លាស់វេននៃគណៈកម្មាធិការអាស៊ាននៅទីក្រុងតូក្យូ (ACT) កាលពីរសៀលថ្ងៃទី០៧ ខែកក្កដា ឆ្នាំ២០២៣ ស្ថានឯកអគ្គរាជទូតកម្ពុជាប្រចាំប្រទេសជប៉ុន បានរៀបចំកិច្ចប្រជុំគណៈកម្មាធិការអាស៊ាននៅទីក្រុងតូក្យូ លើកទី៣១៧ (The 317th ACT Meeting) និងពិធី Dinner Talk ដើម្បីទទួលស្វាគមន៍ ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន ដោយមានការចូលរួមពីសំណាក់ ឯកឧត្តម លោកជំទាវ ឯកអគ្គរាជទូត/ឯកអគ្គរដ្ឋទូត និងមន្ត្រីជាន់ខ្ពស់ដែលមកពីបណ្តាស្ថានទូតប្រទេសអាស៊ានប្រចាំនៅទីក្រុងតូក្យូ សរុបចំនួន ២៥នាក់។ ជាកិច្ចចាប់ផ្តើម ឯកឧត្តម ទុយ រី ឯកអគ្គរាជទូតកម្ពុជា និងជាប្រធានដឹកនាំកិច្ចប្រជុំ ACT លើកទី៣១៧ បានស្វាគមន៍ដល់ ឯកឧត្តម លោកជំទាវ ឯកអគ្គរាជទូត/ឯកអគ្គរដ្ឋទូត និងមន្រ្តីពាក់ព័ន្ធដែលមានវត្តមានក្នុងកិច្ចប្រជុំនេះ។ ក្នុងនោះដែរ ឯកឧត្តម ឯកអគ្គរាជទូតកម្ពុជា ក៏បានសម្តែងការកោតសរសើរ និងអបអរសាទរជូនចំពោះ ឯកឧត្តមឯកអគ្គរាជទូតប្រ៊ុយណេ ដែលក្នុងនាមជាប្រធាន ACT កន្លងទៅ បានសម្របសម្រួល និងរៀបចំកិច្ចប្រជុំ ACT លើកទី៣១៦…

(កំពង់ឆ្នាំង)៖ ពិធី “រុក្ខទិវា” នាថ្ងៃទី៩ ខែកក្កដា ឆ្នាំ ២០២៣ ប្រារព្ធធ្វើឡើង នៅក្នុង ស្ថានីយដាំឈើម្សៅក្រដាស ហ៊ុន សែន ក្នុងភូមិអូរកាខុន ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង ក្រោមព្រះរាជាធិបតីភាពដ៏ខ្ពង់ខ្ពស់បំផុត ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ។ ពិធីរុក្ខទិវា ៩កក្កដា ដែលជាមរតកដ៏ថ្លៃថ្លារបស់ ព្រះករុណាព្រះមហាវីរក្សត្រ ព្រះបរមរតនកោដ្ឋ នៅពេលព្រះអង្គនៅមានព្រះជន្ម ព្រះអង្គតែងតែបានយកព្រះទ័យទុកដាក់ចំពោះការដាំដុះព្រៃឈើដ៏មានផលប្រយោជន៍សម្រាប់មនុស្ស និងសត្វ នៅក្នុងព្រះរាជាណាចក្រកម្ពុជា។ ក្រោមព្រះរាជបញ្ញាញាណដ៏ភ្លឺស្វាងបំផុតរបស់ ព្រះករុណាព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបានបំផុសចលនាដាំដើមឈើ ហៅថា “រុក្ខទិវា” នេះឡើងតាំងពីទសវត្សរ៍ទី៣០ ដោយមានការចូលរួមយ៉ាងរស់រវើកពីប្រជាពលរដ្ឋគ្រប់ស្រទាប់ទាំងអស់ ហើយទីបំផុតពិធីនេះត្រូវបានទទួលស្គាល់ជាពិធីប្រពៃណីជាតិមួយដែលកំណត់ដោយព្រះរាជក្រឹត្យលេខ៧៣៨ នស.រកត ចុះថ្ងៃទី០៨ ខែសីហា ឆ្នាំ១៩៥២។ព្រះអង្គបាន បណ្តុះ នូវស្មារតីដល់កូនចៅគ្រប់ៗរូបឱ្យយល់ដឹងអំពីបរិស្ថាន អត្ថប្រយោជន៍នៃព្រៃឈើ ជីវៈចម្រុះគ្រប់ប្រភេទ ហើយព្រះអង្គមានព្រះរាជបន្ទូលថា ”ការចូលរួមចំណែកការពារ និងថែរក្សាព្រៃឈើ ជាកាតព្វកិច្ចចាំបាច់របស់ពលរដ្ឋគ្រប់ៗរូប ហើយករណីយកិច្ចនេះ គឺតកូន…

(ភ្នំពេញ)៖ នាព្រឹកថ្ងៃទី០៧ ខែកក្កដា ឆ្នាំ២០២៣ នៅវិមានព្រឹទ្ធសភា សម្តេចវិបុលសេនាភក្តី សាយ ឈុំ ប្រធានព្រឹទ្ធសភា កម្ពុជា បានអនុញ្ញាតឱ្យ លោក Kim Jung Nam ប្រធានមូលនិធិចែករំលែកសង្រ្គោះជីវិតសកល (Global Life Sharing) នៃសាធារណរដ្ឋកូរ៉េ ចូលជួបសម្តែងការគួរសម។ សម្តេចប្រធានព្រឹទ្ធសភា បានសម្តែងនូវការស្វាគមន៍ចំពោះលោកប្រធានមូលនិធិ និងគណៈប្រតិភូ ដែលបានអញ្ជើញបំពេញបេសកកម្មមនុស្សធម៌ជាលើកទី២ នៅកម្ពុជា។ បេសកកម្មការងារមនុស្សធម៌ នាឱកាសនេះនឹងទទួលបានលទ្ធផលកាន់តែល្អប្រសើរ ព្រមទាំងនាំមកនូវការពង្រឹងពង្រីកទំនាក់ទំនង និងកិច្ចសហប្រតិបត្តិការរវាងប្រទេស និងប្រជាជនយើងទាំងពីរឱ្យកាន់តែល្អជាងមុន ដើម្បីគុណប្រយោជន៍សម្រាប់ប្រជាជន និងប្រទេសទាំងពីរ ទាំងពេលបច្ចុប្បន្ន និងពេលអនាគត។ សម្តេចប្រធានព្រឹទ្ធសភា បានសម្តែងនូវសេចក្តីពេញចិត្ត និងវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការរវាងកម្ពុជា-កូរ៉េ ដែលត្រូវបានពង្រឹងពង្រីកជាប្រចាំ លើវិស័យនយោបាយ ការបរទេស សេដ្ឋកិច្ច ពាណិជ្ជកម្ម វិនិយោគ សិល្បៈវប្បធម៌ អប់រំ កីឡា ការផ្លាស់ប្តូរប្រជាជន និងប្រជាជន ព្រមទាំងមានចំណងមេត្រីភាពរវាងខេត្ត ក្រុង នៃប្រទេសទាំងពីរ ។ ក្នុងនាមគណៈប្រតិភូ…

ភ្នំពេញ៖ ក្នុងអំឡុងយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ គឺមានតំណាងគណបក្សនយោបាយនានា បានចុះណែនាំពលរដ្ឋនៅតាមខ្នងផ្ទះ ពីរបៀប គូសសន្លឹកឆ្នោតឲ្យត្រឹមត្រូវ ចៀសវាងការគូសខុស ដែលធ្វើឲ្យសន្លឹកឆ្នោតនោះ មិនអាច រាប់យកបាន។ ប្រជាពលរដ្ឋ នៅសង្កាត់ច្បារអំពៅ១ ខណ្ឌច្បារអំពៅ រាជធានីភ្នំពេញ បានប្រាប់ឱ្យដឹងថា សន្លឹកឆ្នោត គឺមានតម្លៃណាស់ សម្រាប់កំណត់ជោគវាសនារបស់ប្រទេសជាតិ ហើយឆ្លង កាត់បោះឆ្នោតច្រើនលើកកន្លងមកនេះ គឺពួកគាត់ទាំងអស់គ្នា មានការយល់ដឹងច្បាស់ អំពី ការងារគូសសន្លឹកឆ្នោត ហើយនឹងគូសឲ្យបានត្រឹមត្រូវ ជ្រើសរើសគណបក្សនយោបាយ និងជ្រើសមេដឹកនាំដែលពួកគាត់ស្រឡាញ់ពេញចិត្ត បន្តដឹកនាំប្រទេសជាតិ មានការអភិវឌ្ឍ រីកចម្រើន ។ ជាមួយគ្នានេះ ពួកគាត់ សូមប្រឆាំងតបចំពោះបុគ្គលណាណែនាំប្រជាពលរដ្ឋ ឱ្យគូសសន្លឹកឆ្នោតខុស ធ្វើឱ្យសន្លឹកឆ្នោតមិនអាចយកជាផ្លូវការបាន។ យោងតាមសេចក្តីប្រកាសព័ត៌មានស្ដីពីស្ថានភាពទូទៅ ថ្ងៃទី៧ នៃការឃោសនាបោះឆ្នោតជ្រើសតាំងតំណាងរាស្ត នីតិកាលទី៧ ឆ្នាំ២០២៣ បានឲ្យដឹងថា ផ្អែកតាមរបាយការណ៍របស់គណៈកម្មការរាជធានី-ខេត្ត រៀបចំការបោះឆ្នោត (គធ.ខប) គណបក្សនយោបាយ ចំនួន ២ បានធ្វើសកម្មភាពហែក្បួនឃោសនា បោះឆ្នោត គឺគណបក្សសញ្ជាតិកម្ពុជា បានហែក្បួនឃោសនានៅមណ្ឌលខេត្តត្បូងឃ្មុំ និងមណ្ឌល ខេត្តកំពង់ស្ពឺ រីឯគណបក្សសំបុកឃ្មុំសង្គមប្រជាធិបតេយ្យ…