ភ្នំពេញ ៖ សាលាបឋមសិក្សា និងវិទ្យាល័យចំនួន៦ ទទួលបានជ័យលាភីសាលាមេត្រីបរិស្ថាន និង ការប្រកាសឱ្យប្រើប្រាស់ជាផ្លូវការសៀវភៅស្តីពី «សត្វស្លាបកម្ពុជា» បានប្រព្រឹត្តទៅក្រោមអធិបតីភាព ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងមានការអញ្ជើញចូលរួមពីតំណាងក្រសួងអប់រំ យុវជន និងកីឡា ឯកឧត្តម លោកជំទាវ លោក លោកស្រី ជាថ្នាក់ដឹកនាំ មន្ត្រីរាជការក្រសួងបរិស្ថាន តំណាងអង្គការដៃគូ ដៃគូអភិវឌ្ឍន៍ សាស្ត្រាចារ្យ លោកគ្រូ អ្នកគ្រូ សិស្សានុសិស្ស ជាច្រើនរូបទៀត នាទីស្តីការក្រសួងបរិស្ថាន នៅរសៀលថ្ងៃទី២៧ ខែមិថុនា ឆ្នាំ២០២៣។ ថ្លែងនូវរបាយការណ៍សង្ខេប ឯកឧត្តម កែន សេរីរដ្ឋា អគ្គនាយកចំណេះដឹង និងព័ត៌មានបរិស្ថាន បានរម្លឹកឱ្យដឹងថា នៅឆ្នាំ២០១៦ ក្រសួងបរិស្ថាន និងក្រសួងអប់រំ យុវជន និងកីឡា បានរៀបចំបង្កើតសៀវភៅ «គោលការណ៍ណែនាំស្តីពីសាលាមេត្រីបរិស្ថាន» ដែលជាឧបទេសអប់រំដ៏មានសារៈសំខាន់ សម្រាប់សិស្សានុសិស្ស គ្រូបង្រៀនយកទៅអនុវត្តសំដៅបង្កើនសមត្ថភាពចំណេះដឹង និងជំនាញ អំពីការបំពុលបរិស្ថាន ការប្រែប្រួលអាកាសធាតុ ការអភិរក្សជីវៈចម្រុះជាដើម។ ដោយឡែក…

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ កម្ពុជា បានបញ្ជាក់ថា ថ្ងៃនេះ គឺជាខួប៧២ឆ្នាំ ថ្ងៃកំណើតគណបក្សប្រជាជនកម្ពុជា។ ឆ្នាំនេះ គណបក្សប្រជាជនកម្ពុជា នឹងរៀបចំពិធីរំលឹកថ្ងៃបង្កើតបក្ស ខួបលើកទី៧២ នៅថ្ងៃទី១ ខែកក្កដា ចំថ្ងៃបើកនៃយុទ្ធនាការឃោសនាបោះឆ្នោត។ សម្តេចតេជោ ហ៊ុន សែន ដែលជាប្រធានគណបក្សប្រជាជនកម្ពុជា បានលើកឡើងដូច្នេះ នៅព្រឹកថ្ងៃពុធ ទី២៨ ខែមិថុនា ឆ្នាំ២០២៣ ក្នុងពិធីជួបសំណេះសំណាលជាមួយកម្មករ និយោជិតសរុប ១៨,៣១៣នាក់ នៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ។ សម្ដេចតេជោ បានមានប្រសាសន៍ថា នៅថ្ងៃទី២៨ ខែមិថុនា ឆ្នាំ២០២៣ គឺជាខួប៧២ឆ្នាំ ថ្ងៃកំណើតគណបក្សប្រជាជនកម្ពុជា ។ នៅឆ្នាំនេះ គណបក្សប្រជាជនកម្ពុជា មិនបានរៀបចំពិធីរំលឹកថ្ងៃបង្កើតគណបក្សខួបលើកទី៧២ នៅចំថ្ងៃទី២៨ មិថុនា នោះទេ ដោយនឹងត្រូវរៀបចំនៅថ្ងៃទី១ ខែកក្កដា ដែលចំថ្ងៃបើកយុទ្ធនាការឃោសនាបោះឆ្នោតវិញ ។ សម្ដេច បន្តថា តែយ៉ាងណា ក៏យើងមិនឲ្យចន្លោះប្រហោង…

ភ្នំពេញ៖ សម្តេចតេជោ ហ៊ុន សែន បានប្រកាសថា រាជរដ្ឋាភិបាល បានកំពុងបន្តដោះស្រាយបញ្ហាចំពោះកម្មករនិយោជិតបន្ថែមទៀត ខណៈបញ្ហា ១០ចំណុច ត្រូវបានដោះស្រាយរួចហើយ។ សម្តេចតេជោ នាយករដ្ឋមន្ត្រី បានលើកឡើងដូច្នេះ នៅព្រឹកថ្ងៃពុធទី២៨ ខែមិថុនា ឆ្នាំ២០២៣ ក្នុងពិធីជួបសំណេះសំណាលជាមួយកម្មករ និយោជិតសរុប ១៨,៣១៣នាក់ នៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ ។ សម្តេចតេជោ ហ៊ុន សែន បានបញ្ជាក់ជាថ្មីថា ដំណើរចុះជួបបងប្អូនកម្មករនិយោជិតរបស់សម្តេច មិនមែនជាការជិះសេះមើលផ្កានោះទេ គឺដើម្បីស្វែងរកវឌ្ឍនភាព និងរកដំណោះស្រាយជូនដល់បងប្អូនកម្មករនិយោជិតដែលជួបបញ្ហា។ សម្តេច បញ្ជាក់ថា រាជរដ្ឋាភិបាល បានកំពុងបន្តដោះស្រាយបញ្ហាបន្ថែមទៀត ជាពិសេសបញ្ហាដែលកើតមានឡើងចំពោះបងប្អូនកម្មករនិយោជិត។ សម្ដេចថា រាជរដ្ឋាភិបាល បានធ្វើរួចហើយលើការដោះស្រាយបញ្ហា១០ចំណុច ក្នុងនោះមានដូចជា៖ បញ្ហាស្រ្ដីមានផ្ទៃពោះ និងការដំឡើងប្រាក់បៀវត្ស ជូនបងប្អូកម្មករនិយោជិតប្រចាំឆ្នាំជាដើម។ ជាមួយគ្នានេះ សម្តេចតេជោ នាយករដ្ឋមន្ត្រី បន្តអំពាវនាវដល់ម្ចាស់ផ្ទះឈ្នួលទាំងឡាយ កុំដំឡើងថ្លៃចំពោះកម្មករនិយោជិត ខណៈនាពេលកន្លងមក មានម្ចាស់ផ្ទះជួលជាច្រើនអនុវត្តបានយ៉ាងល្អដោយមិនដំឡើងថ្លៃផ្ទះជួលចំពោះកម្មករកម្មការិនីឡើយ ។ សម្តេចតេជោ ហ៊ុន សែន ក៏បានបន្តអំពាវនាវដល់ម្ចាស់រោងចក្រ…

ភ្នំពេញ៖ សម្តេចតេជោ ហ៊ុន សែន បានលើកឡើងថា ការចុះជួបសំណេះសំណាល ជាមួយ កម្មករនិយោជិត គឺចាត់ទុកជាវេទិការសាធារណៈមួយ ដើម្បីពិនិតដោះស្រាយបញ្ហាដែលត្រូវដោះស្រាយជូនដល់កម្មករនិយោជិតបន្ថែមទៀត។ សម្តេចតេជោ នាយករដ្ឋមន្ត្រី បានលើកឡើងដូច្នេះ នៅព្រឹកថ្ងៃពុធ ទី២៨ ខែមិថុនា ឆ្នាំ២០២៣ ក្នុងពិធីជួបសំណេះសំណាលជាមួយកម្មករ និយោជិតសរុប ១៨,៣១៣នាក់ នៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ។ សម្តេចតេជោ ហ៊ុន សែន បញ្ជាក់ថា សម្ដេចមានគម្រោងចុះជួបជាមួយកម្មករនិយោជិតតាំងពីឆ្នាំ២០២០ប៉ុន្ដែដោយសារបញ្ហាកូវីដ-១៩ទើបមានការពន្យារពេលដល់ពេលនេះ។ សម្ដេច បន្តថា ជំនួបជាមួយបងប្អូនកម្មករនិយោជិត គឺចាត់ទុកជាវេទិការសាធារណៈមួយ ដើម្បីសួរសុខទុក្ខដល់បងប្អូនកម្មករកម្មការិនីផង និងមួយផ្នែកទៀត ដើម្បីពិនិត្យមើលលើតម្រូវការ និងបញ្ហាដែលត្រូវដោះស្រាយជូនដល់កម្មករនិយោជិតបន្ថែមទៀត។ សម្តេចតេជោ មានប្រសាសន៍ទៀតថា ការពិនិត្យអំពីអ្វីដែលរាជរដ្ឋាភិបាលសម្រេចនាពេលកន្លងទៅ គឺជាវឌ្ឍនភាពមួយដែលរាជរដ្ឋាភិបាល និងម្ចាស់រោងចក្រទាំងអស់បានអនុវត្តបានយ៉ាងល្អ ក្នុងនោះមានទាំងបញ្ហាតូច និងបញ្ហាធំ ត្រូវបានដោះស្រាយជាបន្តបន្ទាប់ ។ សម្តេចនាយករដ្ឋមន្ត្រី ហ៊ុន សែន ក៏បានប្រកាសអរគុណដល់កម្មករ-កម្មការិនី ដែលបានអនុវត្តបានយ៉ាងល្អនូវវិធានការសុខភិបាល និងការចាក់វ៉ាក់សាំងគ្រប់ៗគ្នា ធ្វើឱ្យកម្ពុជា អាចមានលទ្ធភាពគ្រប់គ្រងស្ថានការវិបត្តិកូវីដ-១៩ បានយ៉ាងល្អ រហូតអាចបើកសង្គម…

​ភ្នំពេញ៖ លទ្ធផលនៃ​ការចែកបណ្ណព័ត៌មានអ្នកបោះឆ្នោត សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ឆ្នាំ២០២៣សម្រេចបានចំនួន​៩៤,១៣ភាគរយនៃចំនួន​អ្នកបោះឆ្នោតសរុប ៩,៧១០,៦៥៥ សន្លឹក។  ​ឯកឧត្តម​ ហង្ស ពុទ្ធា អ្នកនាំពាក្យនៃគណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី២៧ ខែមិថុនា​ បានឱ្យដឹងថា ការចែកបណ្ណព័ត៌មានអ្នកបោះឆ្នោត​ទៅអ្នកមានឈ្មោះបោះឆ្នោត បានប្រព្រឹត្តិទៅតាំ​ងពីថ្ងៃទី ២៨ ខែឧសភា រហូតល់​២៦ ខែមិថុនា ឆ្នាំ២០២៣ ដោយ​ចែកបានសរុប​ ចំនួន ៩៤,១៣ ភាគរយ។ចំនួនបណ្ណព័ត៌មានដែលនៅសល់​ ដោយសារតែប្រជាពលរដ្ឋ​បានធ្វើចំណាកស្រុកពីស្រុក​កំ​ណើត មកធ្វើការនៅទីក្រុងភ្នំពេញ និងក្រៅប្រទេសផងដែរ។ ដោយឡែកចំពោះឧបសគ្គដូចជាមិនមា​នបញ្ហានោះទេ ក្នុងដំណើការចែកបណ្ណព័ត៌មានអ្នកបោះឆ្នោតនេះ។ ឯកឧត្តម ហង្ស ពុទ្ធា បាន​ប្រាប់ថា ៖ «ចំពោះចំនួន ជាង ៥​ភាគរយ​ទៀត ដែលមិនទាន់បានចែកទៅដល់ដៃ អ្ន​កបោះឆ្នោតនេះ គ.ជ.ប នឹងបន្តចែក​ជូនបងប្អូនប្រជាបលរដ្ឋទៀត ប៉ុន្តែសាមីខ្លួនត្រូវទៅយកនៅគណៈក​ម្មការឃុំសង្កាត់រៀបចំការបោះឆ្នោត ចាប់ពីថ្ងៃទី ២៨ ខែមិថុនា​ រហូតដល់ ថ្ងៃទី២១ ខែកក្កដា ខាងមុខ»។​ លោក សំ​ គន្ធាមី នាយកប្រតិបត្តិអង្គការ និចហ្វិក…