ភ្នំពេញ៖ឯកឧត្តមបណ្ឌិត ហ៊ុន ម៉ាណែត  បានលើកឡើងថា វិស័យព័ត៌មាន ​ជាចលករនៃបណ្តុំគំនិត និងបាន​រួមចំណែកជាមួយរាជរដ្ឋាភិបាល​ក្នុងការពង្រឹងលទ្ធិប្រជាធិបតេយ្យ ការអភិវឌ្ឍ ព្រមទាំងជាកញ្ចក់ឆ្លុះបញ្ចាំងពីភាពអសកម្មនៅក្នុងសង្គម ដែ​លត្រូវការជាចាំបាច់ដើម្បីមានមូលដ្ឋានក្នុងការកែលម្អចំណុចខ្វះខាតនានា។ ឯកឧត្តមបណ្ឌិតលើកឡើងដូចនេះ​ក្នុងពិធីសំណេះសំណាល និងពិសារអាហារសាមគ្គីជាមួយក្រុមការងារបណ្តាញផ្សព្វផ្សាយសង្គម កាលពីល្ងាច​ថ្ងៃទី ២៤ ខែមិថុនា ឆ្នាំ ២០២៣នៅមជ្ឈមណ្ឌលកោះពេជ្រ រាជធានីភ្នំពេញើ ឯកឧត្តម ហ៊ុន ម៉ាណែត ដែល​ជា​សមាជិកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាលផងដែរនោះ​ ក៏​បាន​លើកឡើងផងដែរ​ថា វិស័យព័ត៌មាន គឺជាចលករនៃបណ្តុំគំនិត ស្មារតី និងទស្សនៈ ក្នុងការវិភាគពិចារណា ប្រកបដោយហេតុផល និង​ការសម្រេចចិត្តរបស់ប្រជាពលរដ្ឋក្នុងនាមជាម្ចាស់ប្រទេស។ ​វិស័យមួយនេះ ក៏ជាកញ្ចក់ឆ្លុះបញ្ចាំងតថភាពពិតជាក់ស្តែងរបស់សង្គម ដែលរាជរដ្ឋាភិបាលត្រូវការជាចាំបាច់ ដើម្បីមានមូលដ្ឋានក្នុងការកែលម្អចំណុចខ្វះខាតនានា សំដៅធ្វើយ៉ាងណា​ឆ្លើយតបទៅនឹងតម្រូវការរបស់ប្រជាពលរដ្ឋឱ្យបានកាន់តែលឿន និងមានប្រសិទ្ធភាព។ ឯកឧត្តមបានឱ្យដឹងទៀត​ថា ជាក់ស្តែង នៅក្នុងការកសាង និងអភិវឌ្ឍន៍ប្រទេសកន្លងមក  វិស័យព័ត៌មាន បានចូ​លរួមចំណែកដោយផ្អែកលើមុខងារសំខាន់ៗ រួមមាន ការចូលរួមពង្រឹងលទ្ធិប្រជាធិបតេយ្យផ្អែកលើមូលដ្ឋាននីតិរដ្ឋ  ជាអ្នកផ្តល់ព័ត៌មានពិត និងលឿនរហ័សពីលើដល់ក្រោម និងពីក្រោមឡើងលើ និងជាអ្នកផ្តល់ព័ត៌មានបែបអប់រំ និងចំណេះដឹងសម្រាប់ប្រជាពលរដ្ឋ និងជាធាតុចូលសម្រាប់គោលនយោបាយរបស់រាជរដ្ឋាភិបាល។   វិស័យព័ត៌មាន ជាអ្នកឃ្លាំមើល និងត្រួតពិនិត្យតុល្យភាពសង្គមដ៏ស្មោះត្រង់…

ស្វាយរៀង៖ ក្នុងពិធីសំណេះសំណាលជាមួយកម្មករ កម្មការិនី ដែលបម្រើការងារនៅតំបន់សេដ្ឋកិច្ចពិសេស មេនហាតធេន (MANHATTAN) ក្រុងបាវិត ខេត្ត ស្វាយរៀងនៅព្រឹកថ្ងៃអាទិត្យ ទី២៥ ខែមិថុនា ឆ្នាំ២០២៣ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានរំឭកអំពីអតីតកាលដ៏ជូរចត់ដោយសារបញ្ហសង្គ្រាម ដែលធ្វើឱ្យសម្ដេចនិងប្រជាជនដទៃទៀតបាត់បង់ឱកាសជាច្រើនក្នុងពេលយុវវ័យ ដូច្នេះហើយទើបខិតខំបញ្ចៀសសង្គ្រាម ការពារសន្តិភាពឱ្យខាងតែបាន ព្រោះមិនចង់ឱ្យយុវជនជំនាន់ក្រោយជួបវាសនាដូចជាយុវជនជំនាន់មុន។ សម្ដេចតេជោ បានអំពាវនាវប្រាប់ប្រជាពលរដ្ឋ កម្មករ/កម្មការិនីគ្រប់គ្នាមិនត្រូវគាំទ្រការនាំសង្គ្រាមចូលមកប្រទេសកម្ពុជាវិញនោះឡើយ ពីព្រោះសង្គ្រាមបានបំផ្លាញឱកាស បំផ្លាញអ្វីៗទាំងអស់ដែលកម្ពុជាធ្លាប់មាន គ្មានផលចំណេញដល់ភាគីណាមួយនោះឡើយ មានតែសន្តិភាពទេដែលនាំមកនូវការអភិវឌ្ឍ និងបង្កើតឱ្យមានសមិទ្ធផលគ្រប់បែបយ៉ាង។ សម្ដេច បន្តថា សម្ដេច និងប្រជាជនដទៃ គឺជាមនុស្សធ្លាប់រងគ្រោះដោយសារសង្គ្រាម បាត់បង់ឱកាសសប្បាយរីករាយ និងឱកាសល្អៗជាច្រើនទៀតក្នុងពេលយុវវ័យ ដោយសារតែសង្គ្រាមញ៉ាំញីប្រទេសជាតិអស់ជាច្រើនឆ្នាំ។ សម្ដេច បញ្ជាក់ថា កុំប្រថុយជាមួយសង្គ្រាមឱ្យសោះ កើតសង្គ្រាមមិនស្រួលនោះទេ! ក្មួយៗអ្ហើយ ពូនេះជាមនុស្សបាត់ឱកាស ព្រោះកាលពីពេលពេញកម្លោះ ស្រុកទេសកើតសង្គ្រាម មួយយុវវ័យរបស់ពូគ្មានពេលបានសម្រាកនោះទេ ត្រូវចំណាកស្រុកមករៀនសូត្រ បន្ទាប់ទៅប្រទេសជាតិក៏ជួបសង្គ្រាមទៀត។ សម្ដេចតេជោ ហ៊ុន សែន បានមានប្រសាសន៍ទៀតថា សម្ដេចពិតជាសំណាងហើយ ដែលរងរបួស៥លើកហើយ តែនៅរស់រានមានជីវិតដល់សម័យសន្តិភាពវិញនេះនឹងគេ…

ស្វាយរៀង៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា រាជរដ្ឋាភិបាល បានយកចិត្តទុកដាក់ទាំងផ្នែករឹង និងទន់ ដើម្បីទាក់ទាញការវិនិយោគ។ សម្ដេចបន្តថា រាជរដ្ឋាភិបាលក ក៏មាននយោបាយសន្តិភាព បាននាំឲ្យប្រទេសជាតិរីកចម្រើនជាច្រើន លើគ្រប់វិស័យ ជាពិសេសតំបន់ព្រំដែន ដែលជាអតីតសមរភូមិប្រយុទ្ធ បានក្លាយជាតំបន់សេដ្ឋកិច្ចទីផ្សារ និងការអភិវឌ្ឍ។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានលើកឡើងដូច្នេះក្នុងឱកាសអញ្ជើញចុះជួបសំណេះសំណាលជាមួយកម្មករ កម្មការិនី ដែលបំរើការងារនៅក្រុងបាវិត ខេត្តស្វាយរៀង នាព្រឹកថ្ងៃអាទិត្យ ទី២៥ ខែមិថុនា ឆ្នាំ២០២៣។ សម្ដេចប្រមុខរាជរដ្ឋាភិបាលកម្ពុជា បានបន្តថា ដោយសារគោលនយោបាយ ដ៏ត្រឹមត្រូវបែបនេះ ហើយទើបនាំឱ្យ តំបន់ព្រំដែនមាន ការរីកចម្រើន ដូចជា រោងចក្រ សហគ្រាស តំបន់សេដ្ឋកិច្ចពិសេស ដែលនាំអ្នកវិនិយោគិនមកបណ្ដាក់ទុន។ សម្ដេចតេជោ បានមានប្រសាសន៍ទៀតថា ទាក់ទិននឹងការអភិវឌ្ឍនេះ កម្ពុជា និងវៀតណាមមានការតភ្ជាប់គ្នា ដោយតំបន់សេដ្ឋកិច្ចពិសេសនៅទីនេះមិនមែន នាំចេញ ទៅកាន់កំពង់ផែ ខេត្តព្រះសីហនុ ដែលមានចម្ងាយ យ៉ាងឆ្ងាយនោះទេ…

ស្វាយរៀង៖ ក្នុងពិធីសំណេះសំណាលជាមួយកម្មករ កម្មការិនី ដែលបម្រើការងារនៅតំបន់សេដ្ឋកិច្ចពិសេស មេនហាតធេន (MANHATTAN) ក្រុងបាវិត ខេត្ត ស្វាយរៀងនៅព្រឹកថ្ងៃអាទិត្យ ទី២៥ ខែមិថុនា ឆ្នាំ២០២៣ សម្តេចតេជោ ហ៊ុន សែន បានថ្លែងថា ការញុះញង់ឲ្យទាមទារទឹកដីកម្ពុជាក្រោម ៦ជានយោបាយជ្រុលនិយមបោកប្រាក់តាមរយៈការញុះញង់ឲ្យមានអរិភាពជាមួយប្រទេសជិតខាង ជានយោបាយគ្រោះថ្នាក់បំផុតសម្រាប់ប្រទេស ។ សម្តេចតេជោ នាយករដ្ឋមន្ត្រី បានបញ្ជាក់ថា ក្នុងឋានៈជាមេដឹកនាំដែលនាំមក នូវការបញ្ចប់សង្គ្រាម ខ្ញុំដាក់ចេញ នូវគោលដៅពីរក្រោយពីសង្គ្រាមបានបញ្ចប់ ទីមួយ គឺប្រែក្លាយតំបន់សមរភូមិឲ្យទៅជាតំបន់អភិវឌ្ឍន៍ ។ ទីពីរ កែប្រែក្លាយតំបន់ព្រំដែនជាមួយប្រទេសជិតខាងទាំងអស់ឲ្យទៅជាព្រំដែនសន្តិភាព មិត្តភាពសហប្រតិបត្តិការ និងការអភិវឌ្ឍ ។ សម្តេចតេជោ បានបន្តថា ឥឡូវនេះផ្ដើមចេញពីចំណុចទាំងនេះ គឺយើងអាចនិយាយបានថា គោលដៅដែលបានដាក់ចេញបានសម្រេចជោគជ័យផ្លែផ្កា។ សម្តេចបញ្ជាក់ថា តំបន់ឧស្សាហកម្មដែលជាប់ព្រំដែនកម្ពុជាវៀតណាមមានរហូតដល់៩កន្លែង អញ្ចឹងចោទជាសំណួរថា ប្រសិនបើមានសង្គ្រាមជាមួយប្រទេសជិតខាង ជាមួយវៀតណាម តើទទួលបានផលប្រយោជន៍អ្វី? មានតែការបាញ់សម្លាប់គ្នាតែប៉ុណ្ណោះ ហើយគ្មានទេកិច្ចសហប្រតិបត្តិការសម្រាប់ការអភិវឌ្ឍ ។ សម្តេចតេជោ ហ៊ុន សែន បានបញ្ជាក់ថា «ឥឡូវនេះយើងមានកិច្ចសហប្រតិបត្តិការណ៍ជាមួយវៀតណាម មានការតភ្ជាប់គ្នា…

ស្វាយរៀង៖ សម្តេចតេជោ ហ៊ុន សែន បានបញ្ជាក់ថា កំណើនសេដ្ឋកិច្ចកម្ពុជា នឹងកើនឡើងក្នុងកម្រិត ៥,៦ភាគរយ នៅឆ្នាំ២០២៣នេះ និងនៅឆ្នាំ២០២៤ សេដ្ឋកិច្ចកម្ពុជា នឹងបន្តកើនក្នុងរង្វង់ ៦,៦ភាគរយ ដែលកំណើនទាំងនេះ បានផ្តល់ផលប្រយោជន៍ដល់ប្រទេសជាតិ និងប្រជាជនកម្ពុជាគ្រប់ៗគ្នា។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានលើកឡើងដូច្នេះក្នុងឱកាសអញ្ជើញចុះជួបសំណេះសំណាលជាមួយកម្មករ កម្មការិនី ដែលបំរើការងារនៅក្រុងបាវិត ខេត្តស្វាយរៀង នាព្រឹកថ្ងៃអាទិត្យ ទី២៥ ខែមិថុនា ឆ្នាំ២០២៣។ សម្តេចតេជោ បានថ្លែងថា កំណើនសេដ្ឋកិច្ចកម្ពុជា អាចកើនឡើង ៥,៦% ដូចការរំពឹងទុក ហើយឆ្នាំក្រោយ អាចកើនឡើង ៦,៦ % ។ ទោះបីរោងចក្រកាត់ដេរ និងស្បែកជើង អាចមានការថមថយបន្តិច ប៉ុន្តែផ្នែកកម្មន្តសាល ផ្សេងៗ អាចនឹងនៅរក្សាដដែល។ ចំណុចនេះ ជាចំណុចដែលយើងត្រូវមើលឃើញ ។ សម្តេចតេជោ បន្តថា តំបន់សេដ្ឋកិច្ចពិសេសនេះ សម្តេចបានមកសម្ពោធនៅឆ្នាំ២០០៥ ហើយជាគំនិតរបស់លោក ក្លេមិនយាំង…