(ខេត្តស្វាយរៀង) ៖ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា ប្រធានក្រុមការងារគណបក្ស ចុះមូលដា្ឋនខេត្តស្វាយរៀង បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារគណបក្សឆមាសទី១ និងលើកទិសដៅសម្រាប់អនុវត្តឆមាសទី២ ឆ្នាំ២០២៣ របស់ក្រុមការងារគណបក្សចុះមូលដ្ឋានខេត្តស្វាយរៀង នៅស្នាក់ការគណបក្សប្រជាជនកម្ពុជាខេត្តស្វាយរៀង នារសៀល ថ្ងៃទី១៧ ខែមិថុនា ឆ្នាំ២០២៣។ សម្តេចកិត្តិសង្គហបណ្ឌិត ក៏បានថ្លែងនូវការកោតសសើរ និងវាយតម្លៃខ្ពស់ចំពោះ ឯកឧត្តម លោកជំទាវ ប្រធានក្រុមការងារគណបក្សចុះមូលដ្ឋានក្រុង-ស្រុក ឯកឧត្តមប្រធានគណបក្សខេត្ត ឯកឧត្តម លោកជំទាវ លោក លោកស្រី ជាក្រុមការងារគ្រប់ថ្នាក់ រួមជាមួយថ្នាក់ដឹកនាំគណបក្សគ្រប់ថ្នាក់ ដែលបានយកចិត្តទុកដាក់យ៉ាងសកម្ម សហការបំពេញភារកិច្ចសម្រេចបានជោគជ័យជាបន្តបន្ទាប់ ។ សម្តេចកិត្តិសង្គហបណ្ឌិត បានជំរុញឲ្យសមាជិក សមាជិកានៅទូទាំងខេត្តស្វាយរៀង ត្រូវយកឈ្នះការបោះឆ្នោត ជ្រើសតាំងតំណាងរាស្រ្តនីតិកាលទី៧ នៃរដ្ឋសភា ឆ្នាំ ២០២៣ ដែលនឹងប្រព្រឹត្តទៅខែកក្កដា ឆ្នាំ២០២៣ខាងមុខ ជូនបក្សឱ្យបាន ព្រោះនេះជាការបោះឆ្នោត ដ៏សំខាន់ជួយឱ្យដណ្ដើមបានជោគជ័យជូនគណបក្ស និងអាចបន្តការអភិវឌ្ឍជូនជាតិ និងបន្តជួយប្រជាពលរដ្ឋ ឱ្យកាន់តែមានជីវភាពបានល្អប្រសើរថែមទៀតផងដែរ ៕ ដោយ ៖ ថេត វិចិត្រ

(កណ្តាល) ៖ អគារស្នាក់ការគណបក្សប្រជាជនកម្ពុជាឃុំព្រែករកា ស្រុកកណ្តាលស្ទឹ ងខេត្ដកណ្តាល ស្ថិតនៅតាមបណ្ដោយផ្លូវជាតិលេខ២ ដែលចំណាយថវិកាសាងអស់ចំនួន ៦៨៩៣៧ដុល្លារ ត្រូវបានកាត់ខ្សែបូរណ៍សម្ពោធដាក់ឲ្យប្រើប្រាស់ជាផ្លូវការ នៅព្រឹកថ្ងៃទី១៧ ខែមិថុនាឆ្នាំ២០២៣នេះ ក្រោមអធិបតីភាព ឯកឧត្តម អ្នកឧកញ៉ាបណ្ឌិត ទ្រីភាព ទីប្រឹក្សាផ្ទាល់សម្តេចតេជោ និងជាអនុប្រធានទី២ក្រុមការងារគណបក្សចុះមូលដ្ឋាន ស្រុកកណ្តាលស្ទឹង ខេត្តកណ្តាល ។ លោក អ៊ូច សៅ យឿន អភិបាល នៃគណអភិបាលស្រុកកណ្តាលស្ទឹង បានឲ្យដឹងថា អគារស្នាក់ការគណបក្សប្រជាជនកម្ពុជា ឃុំព្រែករកាថ្មីនេះមានទទឹង ១៣ម៉ែត្រ បណ្តោយ ៣៤ម៉ែត្រចំណាយអស់ថវិកា ៤៧០៥០ដុល្លារ និងផ្លូវបេតុងចូលស្នាក់ការ និងលាបរបងស្នាក់ការគណបក្សឃុំ,រៀបការ៉ូឡាចំនួន ១១០០ម៉ែត្រការ៉េ,រៀបចំស៊ុដូង និងដើមឈើ តបណ្តាញទឹកប្រើប្រាស់ សរុបថវិកាសម្រាប់ចំណាយទាំងអស់ ចំនួន ៦៨៩៣៧ដុល្លារ ។ ឯកឧត្តម អ្នកឧញ៉ា ទ្រីភាពបានបញ្ជាក់ថា ក្នុងនាមគណបក្សកាន់អំណាច មានឆន្ទៈ និងទិសដៅដឹកនាំប្រទេសយូរអង្វែង ការរៀបចំឲ្យមានទីស្នាក់ការគណបក្សឃុំទាំងអស់នេះ គឺជាមោទកភាព និងបង្ហាញពីភាពខ្លាំងរបស់គណបក្សប្រជាជនកម្ពុជា ដែលគ្មានគណបក្សណាអាចមកប្រៀបផ្ទឹមបានឡើយ។ លើសពីនេះ ក៏បង្ហាញពីសាមគ្គីភាពនៃសមាជិក សមាជិកា…

ខេត្តស្វាយរៀង ៖ ក្នុងពិធីសំណេះសំណាលជាមួយសមាជិក សមាជិការគណបក្ស ប្រជាជនកម្ពុជាក្រុងស្វាយរៀង ខេត្តស្វាយរៀង ចំនួន ជិត ៣.០០០នាក់ នាព្រឹកថ្ងៃសៅរ៍ ទី១៧ ខែមិថុនា ឆ្នាំ២០២៣ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តស្វាយរៀង បានមានប្រសាសន៍ថា គណបក្សប្រជាជនកម្ពុជា បានកសាងនូវសមិទ្ធិផល និងស្នាដៃជាច្រើននៅទូទាំងប្រទេស ក្នុងនោះ ខេត្តស្វាយរៀងយើង ក៏មានការរីកចម្រើនគួរឲ្យកត់សម្គាល់ តាមរយ: ការកើនឡើងនូវហេដ្ឋារចនាសម្ព័ន្ធ ផ្លូវ ថ្នល់ សាលារៀន មន្ទីរពេទ្យ ស្ពានឆ្លងកាត់ទន្លេ តំបន់សេដ្ឋកិច្ចពិសេស និងផ្លូវល្បឿនលើន ភ្នំពេញ-បាវិត ជាដើម ។ ទាំងនេះជាមោទនភាព របស់គណបក្សប្រជាជនកម្ពុជា ដែលគ្មានគណបក្សណា អាចប្រៀបផ្ទឹម រួមទាំងសុខសន្តិភាពផងដែរ ។ សម្តេចកិត្តិសង្គហបណ្ឌិត ក៏បានពាំនាំនូវ ការផ្ដាំផ្ញើ សួរសុខទុក្ខ ប្រកបដោយ ការនឹករឭក និងមនោសញ្ចេតនាយ៉ាងជ្រាលជ្រៅ របស់ថ្នាក់ដឹកនាំ គណបក្សប្រជាជនកម្ពុជា មានសម្ដេចអគ្គមហាសេនាបតី តេជោ ហ៊ុន…

កំពង់ស្ពឺ៖ សម្តេចតេជោ ហ៊ុន សែន បានមានប្រសាសន៍ថា រាជរដ្ឋាភិបាល បានប្រឹងប្រែងខ្លាំងណាស់ ដើម្បីការរីកចម្រើនរបស់ជាតិ និងការលើកកម្ពស់ជីវភាពរបស់ប្រជាពលរដ្ឋ។ សម្ដេចតេជោ នាយករដ្ឋមន្ត្រី បានថ្លែងដូច្នេះ ក្នុង ជំនួបសំណេះសំណាលជាមួយកម្មករ និយោជិតសរុប ១៨,០១២នាក់ មកពីរោងចក្រ សហគ្រាសចំនួន៧ មកពីស្រុកសំរោងទង និងស្រុកគងពិសី ខេត្តកំពង់ស្ពឺ នៅព្រឹកថ្ងៃទី១៧ ខែមិថុនា ឆ្នាំ២០២៣ ។ សម្តេចតេជោ ហ៊ុន សែន បានបញ្ជាក់ថា ជំនួបរវាងសម្តេច និងបងប្អូនកម្មករ-កម្មការិនី គឺធ្វើឡើងដោយក្តីគោរពស្រឡាញ់ ការយកចិត្តទុកដាក់ និងតបស្នងចំពោះការសម្រេចរបស់បងប្អូនកម្មករ-កម្មការិនី ចំពោះការបោះឆ្នោតគាំទ្រគណបក្សប្រជាជនកម្ពុជា។ សម្តេចតេជោ បានបន្តថា ការដែលសម្តេចចុះជួបសំណេះសំណាលជាមួយបងប្អូនកម្មករ-កម្មការិនី នាពេលកន្លងមក ក៏ដូចជាពេលនេះ មិនមែនជាការជិះសេះមើលផ្កានោះទេ គឺជាការជួបជុំ ដើម្បីស្វែងរកដំណោះស្រាយជូនដល់បងប្អូនកម្មករ-កម្មការិនី ជាក់ស្តែងដូចជា៖ ស្រ្តីមានផ្ទៃពោះ និងជនពិការភាព ត្រូវបានរាជរដ្ឋាភិបាលសម្របសម្រួលឲ្យចេញមុនម៉ោង ដើម្បីកុំឱ្យប្រជ្រៀតជាមួយអ្នកដទៃ។ ក្នុងឱកាសនេះ សម្តេចតេជោ ហ៊ុន សែន បានជំរុញ និងលើកទឹកចិត្ត ឱ្យមានការដោះស្រាយបញ្ហានានា…

កំពង់ស្ពឺ៖ សម្តេចតេជោ ហ៊ុន សែន បានបញ្ជាក់ថា ខេត្តកំពង់ស្ពឺ ជាខេត្តទី២ ដែលមានការអភិវឌ្ឍរោងចក្រ សហគ្រាសច្រើនជាងគេ ដែលផលិតរោងចក្រ ទាំងនោះ សម្រាប់នាំចេញទៅទីផ្សារអន្តរជាតិ។ សម្តេច ថា ការអភិវឌ្ឍនៅខេត្តកំពង់ស្ពឺ និយាយដោយឡែក និងក្របខណ្ឌទូទាំងប្រទេស និយាយជារួម គឺកើតឡើងដោយសារកត្តាសុខសន្តិភាព។ សម្តេចបញ្ជាក់ថា គ្មានវិនិយោគិនណា ទៅបណ្តាក់ទុនរកស៊ី នៅប្រទេសដែលកំពុងមានសង្គ្រាមកាប់សម្លាប់នោះទេ។ សម្ដេចតេជោ នាយករដ្ឋមន្ត្រី បានថ្លែងដូច្នេះ ក្នុងជំនួបសំណេះសំណាលជាមួយកម្មករ និយោជិតសរុប ១៨,០១២នាក់ មកពីរោងចក្រ សហគ្រាសចំនួន៧ មកពីស្រុកសំរោងទង និងស្រុកគងពិសី ខេត្តកំពង់ស្ពឺ នៅព្រឹកថ្ងៃទី១៧ ខែមិថុនា ឆ្នាំ២០២៣ ។ ក្នុងឱកាសនេះ សម្តេចតេជោ បានសម្តែងក្តីរីករាយចំពោះកម្មករ-កម្មការិនីរោងចក្រ ក្នុងស្រុកសំរោងទង និងគងពិសី ខេត្តកំពង់ស្ពឺ ដែលបានចាក់វ៉ាក់សាំងកូវីដ-១៩ ស្ទើរគ្រប់ៗគ្នា និងគ្រប់ៗដូស តាមការកំណត់របស់ក្រុមគ្រូពេទ្យ។ សម្តេចថា កូវីដ-១៩ មិនមែនជាកត្តារាំងស្ទះ ឬឧបសគ្គ មិនអាចឱ្យមានជំនួបរបស់សម្តេច ជាមួយបងប្អូនកម្មករ-កម្មការិនីនោះទេ តែយើងក៏មិនអាចធ្វើអ្វីឱ្យលើសពីវិធានការរបស់ក្រសួងសុខាភិបាលនោះឡើយ។…

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ កម្ពុជា បានលើកឡើងថា ក្រមការពារទេសចរណ៍មានសារៈសំខាន់ណាស់សម្រាប់ផ្ដល់ការការពារ ជំនឿទុកចិត្តដល់ទេសចរណ៍មកកាន់កម្ពុជា ។ នេះបើតាមការបញ្ជាក់របស់ឯកឧត្តម អ៊ាង សុផល្លែត ជំនួយការសម្ដេចនាយករដ្ឋមន្ត្រី បានប្រាប់អ្នកយកព័ត៌មានក្រោយជំនួបរវាងសម្ដេចតេជោ ជាមួយ ឯកឧត្តម ស៊ូរ៉ាប់ ប៉ូឡូ លីកាស់ វីលី (Zurab polo likashvili ) អគ្គលេខាធិការអង្គការទេសចរណ៍ពិភពលោក នៅវិមានសន្តិភាព រាជធានីភ្នំពេញ នារសៀលថ្ងៃទី១៦ ខែមិថុនា ឆ្នាំ២០២៣ ។ នៅក្នុងជំនួបនេះ ឯកឧត្តម ស៊ូរ៉ាប់ បានគោរពរាយការណ៍ជូនសម្ដេចតេជោអំពីលទ្ធផលនៃកិច្ចប្រជុំលើកទី៣៥ នៃគណៈកម្មការតំបន់អាស៊ីខាងកើត និងប៉ាស៊ីហ្វិក និងកិច្ចប្រជុំគណៈកម្មការតំបន់អាស៊ីខាងត្បូង នៃអង្គការទេសចរណ៍ពិភពលោក ដែលទទួលបានជោគជ័យ ក្នុងការសម្រេចបាននូវក្រមការពារទេសចរណ៍ ។ ឯកឧត្តម ស៊ូរ៉ាប់ ក៏បានសំដែងនូវការគោរពជូនចំពោះសម្ដេចតេជោ ដែលមានទស្សនៈវែងឆ្ងាយសម្រាប់វិស័យទេសចរណ៍ និងមានការប្ដេជ្ញាចិត្តខ្ពស់សម្រាប់វិស័យទេសចរណ៍ ជាអាទិ៍៖ ការគាំទ្រក្រមការពារទេសចរណ៍ និងជាពិសេស ការជួយអ្នកទេសចរណ៍ដែលជាប់នៅលើកប៉ាល់ Westerdam អនុញ្ញាតឲ្យកប៉ាល់បានចុះចតនៅកម្ពុជា…