(ភ្នំពេញ)៖ ស្ថានទូតប្រទេសជប៉ុនប្រចាំប្រទេសកម្ពុជាបានឱ្យដឹងថា ៖ រដ្ឋាភិបាលជប៉ុន បានសម្រេចផ្តល់ជំនួយសង្គ្រោះបន្ទាន់ (ឥតសំណង) ដែលមានទឹកប្រាក់សរុប ១,៨លានដុល្លារអាមេរិក ដើម្បីឆ្លើយតបទៅនឹងតម្រូវការមនុស្សធម៌ជាបន្ទាន់នៅតាមតំបន់ព្រំដែនកម្ពុជា-ថៃ ។ ស្ថានទូតជប៉ុនប្រចាំកម្ពុជា នៅថ្ងៃ ទី១៥ ខែសីហា ឆ្នាំ២០២៥នេះ តាមរយៈបណ្តាញសង្គម ឯកឧត្តម អ៊ូអិណុ ឯកអគ្គរាជទូតជប៉ុនប្រចាំនៅកម្ពុជា បានបញ្ជាក់ថា នៅថ្ងៃទី១៥ ខែសីហានេះថា រដ្ឋាភិបាលជប៉ុនបានសម្រេចផ្តល់ជំនួយសង្គ្រោះបន្ទាន់(ឥតសំណង)ដែលមានទឹកប្រាក់សរុបប្រមាណ ១,៨លានដុល្លារអាមេរិក ដើម្បីឆ្លើយតបទៅនឹងតម្រូវការមនុស្សធម៌ជាបន្ទាន់នៅតាមតំបន់ព្រំដែនកម្ពុជា-ថៃ ។ ក្នុងកិច្ចសហប្រតិបត្តិការនេះ ជប៉ុននឹងអនុវត្តនូវជំនួយមនុស្សធម៌ដូចជាការចែកសម្ភារៈចាំបាច់ប្រើប្រាស់ប្រចាំថ្ងៃ និង ជម្រកបណ្តោះអាសន្នជាដើម តាមរយៈអង្គការអន្តរជាតិទេសន្តរប្រវេសន៍ (IOM) និងមូលនិធិអង្គការសហប្រជាជាតិដើម្បីកុមារ (យូនីសេហ្វ)។ រដ្ឋាភិបាលជប៉ុនគាំទ្រយ៉ាងខ្លាំងចំពោះកិច្ចព្រមព្រៀងឈប់បាញ់បន្ទាន់ និង ឥតលក្ខខណ្ឌរវាងកម្ពុជា និងថៃ ហើយសង្ឃឹមថានឹងមានសន្តិភាពឡើងវិញយ៉ាងឆាប់រហ័ស ហើយនឹងបន្តខិតខំប្រឹងប្រែងដើម្បីកាត់បន្ថយការលំបាករបស់អ្នកដែលរងគ្រោះ ។ ជាមួយគ្នានេះ ឯកអគ្គរាជទូតបានឱ្យដឹងដែរថា”ខ្លួនខ្ញុំផ្ទាល់ និង វរសេនីយឯក ហារ៉ា តាកាស៊ី អនុព័ន្ធយោធានៃស្ថានទូតជប៉ុនបានចូលរួមដំណើរទស្សនកិច្ចទៅកាន់តំបន់ព្រំដែន ហើយមានការគ្រាំគ្រាចិត្តជាពន់ពេកចំពោះទំហំនៃការខូចខាត។ ស្ថានទូតជប៉ុនប្រចាំនៅកម្ពុជា ក៏នឹងបន្តខិតខំប្រឹងប្រែងដើម្បីជួយស្តារសន្តិភាព និងផ្តល់ជំនួយដល់ប្រជាពលរដ្ឋដែលរងគ្រោះនៅក្នុងប្រទេសកម្ពុជា”៕ ដោយ ៖ ម៉ាដេប៉ូ

(ភ្នំពេញ)៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅរសៀលថ្ងៃទី១៤ ខែសីហា ឆ្នាំ២០២៥ បានអញ្ជើញជាអធិបតី ក្នុងពិធីចុះហត្ថលេខាលើអនុស្សរណៈនៃការយោគយល់គ្នាជាមួយក្រុមហ៊ុន វ៉េត អេហ្គ្រីខលឈ័រ អ៊ឹមផត អិចផត ឯ.ក ដែលជាបុត្រសម្ព័ន្ធរបស់ក្រុមហ៊ុនវិរៈប៊ុនថាំ ដើម្បីរៀបចំកិច្ចសន្យាប្រមូលទិញជាមួយសហគមន៍កសិកម្មទំនើប សម្រាប់ធ្វើការនាំចេញស្រូវស្រង៉ែទៅកាន់ទីផ្សារអន្តរជាតិ ។ ថ្លែងទៅកាន់អង្គពិធី ឯកឧត្តមរដ្ឋមន្រ្តី បានកោតសរសើរអ្នកឧកញ៉ា សួរ វីរៈ ក្នុងការឈានចូលវិស័យកសិកម្ម ដើម្បីប្រមូលទិញស្រូវ និងកសិផលសំខាន់ៗសម្រាប់ការនាំចេញ ដែលនឹងតភ្ជាប់ខ្សែច្រវាក់តម្លៃពីកសិដ្ឋានដល់ទីផ្សារអន្តរជាតិ និងជួយពង្រឹងវិស័យដ៏សំខាន់នេះ។ បើតាម ឯកឧត្តមរដ្ឋមន្រ្តី ការចងក្រងជាសហគមន៍កសិកម្មទំនើប និងការដាំដុះដោយចុះកិច្ចសន្យាលក់ទុកមុន នឹងផ្ដល់ផលចំណេញច្រើនជូនប្រជាកសិករតាមការធានាទីផ្សារនិងតម្លៃទុកមុន និងការកាត់បន្ថយចំណាយថ្លៃដើម។ ក្រសួងកសិកម្ម នឹងបន្តជ្រោមជ្រែងការចងក្រងសហគមន៍កសិកម្មទំនើបតាមរយៈជំនួយបច្ចេកទេស ការផ្ដល់ទុនកម្ចីការប្រាក់ទាប ការអភិវឌ្ឍន៍ហេដ្ឋារចនាសម្ព័ន្ធផលិតកម្ម និងការស្វែងរកដៃគូចុះកិច្ចសន្យាទិញលក់៕ ប្រភព ៖ ក្រសួងកសិកម្ម

(ភ្នំពេញ)៖ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលបានថ្លែងថារាល់ពាក្យសំដី និងសកម្មភាពផ្សេងៗដែលថៃបានធ្វើសកម្មភាពរំលោភលើដែនអធិបតេយ្យភាព កម្ពុជាទាំងប៉ុន្មានត្រូវបានកត់ត្រាទុកទាំងអស់ ហើយកម្ពុជាមានភាពអត់ធ្មត់ដើម្បីឈ្នះថៃ។ នេះបើតាមការបញ្ជាក់របស់អ្នកនាំពាក្យរាជរដ្ឋាភិបាលកម្ពុជា ។ ថ្លែងក្នុងការធ្វើសេចក្តីសង្ខេប ព័ត៌ មានស្តីពីលទ្ធផល នៃការអនុវត្តបទឈប់បាញ់រវាងកម្ពុជា-ថៃ នាព្រឹកថ្ងៃទី១៥ ខែសីហា ឆ្នាំ២០២៥ ឯកឧត្តមប៉ែន បូណាបានមានប្រសាសន៍ថាការអត់ធ្មត់របស់កម្ពុជាគឺជាពិន្ទុរដែល សហគមន៍អន្តរជាតិបានកំពុងផ្តល់ឱ្យ ។ ផ្ទុយទៅវិញរាល់សកម្មភាពបង្កហេតុ មិនថាជាស កម្មភាពមិនថាជាពាក្យសំដី សុទ្ធសឹងតែជាភស្តុតាងទាំងអស់ ដូច្នេះម៉ោងនេះការអត់ធ្មត់គឺជា ភាពខ្លាំង ដើម្បីឈ្នះរបស់កម្ពុជា ។ អ្នកនាំពាក្យរាជរដ្ឋាភិបាលបានថ្លែងបញ្ជាក់បន្ថែមថា ៖ ”បងប្អូនប្រជាពលដ្ឋខ្មែរបានទុកចិត្តចំពោះថ្នាក់ដឹកនាំព្រោះថាទាំងសម្តេចតេជោ ប៊ុន សែនប្រធានព្រឹទ្ធសភា ទាំងសម្តេច បវរធិ បតី ហ៊ុន ម៉ាណែតនាយករដ្ឋមន្ត្រីលោកសុទ្ធសឹងជាអ្នកដឹកនាំមានបទពិសោធន៍ខ្ពស់ ក្នុងការ ដោះស្រាយបញ្ហាអស់ហើយ។ ទាំងកងកំលាំងប្រដាប់អាវុធ ស៊ីវិលបានកំពុងបានយក ចិត្តទុក ដាក់យ៉ាងខ្លាំង ក្នុងការដោះស្រាយបញ្ហារបស់ជាតិយើង”។ ឯកឧត្តម ប៉ែន បូណា បានបន្ថែមថាថ្នាក់ដឹកនាំបានមើលឃើញវែងឆ្ងាយណាស់ ដូច្នេះប្រាកដ ណាស់ថ្នាក់ដឹកនាំនឹងដឹកនាំប្រជាជន និងប្រទេសជាតិទៅផ្លូវមួយដែលល្អ ។ សរុបមកការអត់…

(ភ្នំពេញ)៖ ក្នុងស្ថានភាពប្រទេសជាតិកំពុងប្រឈមនឹងបញ្ហាជម្លោះព្រំដែន ក្រុមហ៊ុន សោម៉ា គ្រុប និងបុត្រសម្ព័ន្ធរបស់ខ្លួន ក្រោមគំនិតផ្ដួចផ្ដើមរបស់លោកជំទាវ ចម ក្រស្នា ដែលជាអគ្គនាយិកា បានរៀបចំឱ្យមានមូលនិធិដើម្បីគាំទ្រដល់កងទ័ពជួរមុខ និងជនភៀសសឹកដោយទទួលបានថវិកាជិត ៨០លានរៀល ព្រមទាំងសម្ភារៈមួយចំនួនទៀត មានដូចជាពងមាន់ សោម៉ា ហ្វាម ចំនួន ១២៣,០៨០គ្រាប់ សាច់គោស្រស់ចំនួន ១១,៩៨៣គីឡូក្រាម អង្ករចំនួន២តោន ភេសជ្ជៈកាហ្វេកញ្ចប់៣កេសធំ អាហារសម្រន់ ២,១៦០កញ្ចប់ ពីក្រុមហ៊ុន សូម៉ា ពាណិជ្ជ ព្រមទាំងថ្នាំពេទ្យចាំបាច់ចំនួន ១,៤៥០កញ្ចប់ផងដែរ ។ ជាមួយគ្នានេះថ្នាក់ដឹកនាំ និងបុគ្គលិកទាំងអស់នៃក្រុមហ៊ុន សោម៉ា គ្រុប ព្រមទាំងបុត្រសម្ព័ន្ធ សូមធ្វើការកោតសរសើរ និងគោរពនូវវីរៈភាព នៃវីរៈកងទ័ពដ៏អង់អាចក្លាហានរបស់កម្ពុជាយើង ដែលកំពុងបំពេញបេសកកម្មដើម្បីជាតិមាតុភូមិនៃយើង ។ យើងខ្ញុំ សូមថ្លែងអំណរគុណយ៉ាងជ្រាលជ្រៅ និងដឹងគុណជានិច្ចចំពោះវីរៈភាពដ៏ធំធេងមួយនេះ នៃការលះបង់របស់កងទ័ពកម្ពុជាយើង ។ គួរជម្រាបផងដែរថា ក្នុងជម្លោះព្រំដែនរវាងកម្ពុជា-ថៃ បើទោះបីបច្ចុប្បន្នមានការអនុវត្តនូវ «បទឈប់បាញ់» ក៏ពិតមែន ប៉ុន្តែបងប្អូនជនភៀសសឹកមួយចំនួននៅតែមិនទាន់អាចត្រឡប់ទៅកាន់ទីលំនៅឋានដ៏កក់ក្ដៅរបស់ខ្លួនបានឡើយ ជាពិសេសបងប្អូនប្រជាពលរដ្ឋដែលរស់នៅតាមបណ្ដោយព្រំដែន បានទទួលរងការខូចខាតជាខ្លាំង ព្រមទាំងអាចនៅមានសល់គ្រាប់បែកមិនទាន់ផ្ទុះផ្សេងៗ ដែលសល់ពីការបាញ់ប្រហារ ។…

(ភ្នំពេញ) ៖ នៅព្រឹកថ្ងៃទី ១៥ ខែសីហា ឆ្នាំ២០២៥នេះ កិច្ចប្រជុំវិសាមញ្ញក្រុមលេខានៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC)លើកទី២៧ រវាងយោធភូមិភាគទី៣នៃកងខេមរភូមិន្ទ និងបញ្ជាការដ្ឋានការពារព្រំដែនចាន់បុរី ត្រាត ប្រទេសថៃនឹងចាប់ផ្តើមកិច្ចប្រជុំនៅព្រឹកនេះ (ថ្ងៃទី ១៥ ខែ សីហា)។ សម្រាប់ទីតាំងកិច្ចប្រជុំនឹងរៀបចំឡើងនៅខេត្តត្រាតប្រទេសថៃ ។ ថ្លែងក្នុងសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផល នៃការអនុវត្តបទឈប់បាញ់រវាងកម្ពុជា-ថៃ»លោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ ឱ្យដឹងជុំវិញអំពីបេសកកម្មរបស់ក្រុម អ្នកសង្កេតការណ៍អន្តរកាល និងកិច្ចប្រជុំវិសាមញ្ញក្រុមលេខានៃគណៈកម្មាធិការកិច្ចការព្រំដែនថ្នាក់យោធភូមិភាគកម្ពុជា-ថៃ (RBC) ថាបានកើតចេញពីកិច្ចប្រជុំពិសេសដែលបានធ្វើឡើងកាលពីថ្ងៃទី២៨ ខែកក្កដា ឆ្នាំ២០២៥ និងកិច្ចប្រជុំវិសាមញ្ញនៃគណៈកម្មាធិការពញរំដែនទូទៅ កម្ពុជា-ថៃ (GBC) កាលពីថ្ងៃទី០៧ ខែសីហា ឆ្នាំ២០២៥ នៅម៉ាឡេស៊ី ដែលមានការចូលរួមសង្កេតការណ៍ដោយប្រទេសម៉ាឡេស៊ី សហរដ្ឋអាមេរិក និង សាធារណរដ្ឋប្រជាមានិតចិន ។ ដោយឡែកជុំវិញ សភាពការណ៍ព្រំដែនវិញត្រូបានអ្នកនាំពាក្យក្រសួងការពារជាតិបញ្ជាក់ថា៖គិតចាប់ពីម៉ោង ១២រំលងអាធ្រាត្រ ថ្ងៃទី១៥ ខែសីហា ឆ្នាំ២០២៥ មកដល់ម៉ោង ៦,០០នាទីព្រឹកនេះ សភាពការណ៍នៅតាមបន្ទាត់ព្រំដែន…